” مشيت وانا خايفة من المواجهة … خايفة أقابله … كداب اللي قال إن البعيد عن العين بعيد عن القلب … لا والله دا اقربهم للقلب … القلب لما يحب ميعرفش يأسى في البعد طب ازاي ريم بعدت … ازاي قلبها اسي مع انها كانت اقربهم لقلب اسر … اسر متغيرش بس قلبه انجرح وربنا يكفيك حزن قلب مجروح … وصلت المكان وعرفته من ظهره … عرفت اسر اصلا اعرفه وانا مغمضة … اعرفه من نفسه … من حركته … من ريحه البرفم بتاعته … كل دول احتفظت بيهم في قلبي لحد مرجع تاني … بس اتغير … أيوة … فقد حاجة مهمة زي اللي انا فقدتها زمان … فقد روحه … يمكن اللي مخلياه باقي بحد دلوقتي روحي اللي فرقتني وعاشت معاه … بكيت لما شوفت حالته دي … انا اصلا هربت علشان مش اشوفه حزين ارجع الاقيه مكسور … ياريت انا انكسر الف مرة وانت لا يا اسر … قربت عليه وانا بقول مقطع من قصيدة اميرة البيلي … المقطع دا عالق في قلبي ”
= كان فـ الكافية وحده وسجايره كاتـ صاحب
وفـ ودنه هاند فري بتغني فيها الست :-
” يا نسيني وانت علي بالي وخيالك ما يفارق عيني ” سرحان وشايل حمل مش قده .. والاشتياق هده الكل قاله يا سيدنا مش راجعة ، وهو مستني .
_ أمنية …
= تؤتؤ بحب حورية اكتر
_ عيونك فيها دموع … ايه صعبت عليكي …
= ايه لسه بتعرفتي
_ انا اللي ربيتك … رجعتي ليه
= حد نداني بقلبه وقلبي لبى الندا
_ عرفتي منين أنه انا
= اعرفك ولو غبت بدل السنة مية يا اسر … انت ناسي اني دايما بلاقي في صوتك الامان … لما كنت بخاف كنت بكتفي اني اسمع اسمي منك علشان ابطل خوف … بس الريكورد اللى وصلني صوتك فيه ضعيف وانا اتعودت انك تكون قوي … لابس اسود مش من أناقته لا انت بتدراي بيه وجع ظاهر في عيونك
_ دينا قالت انك مستحيل تتغيري ولو بعد مية سنة …
= وانت شايف ايه اتغيرت
_ لا شايف حوريتي في عيونك … بس أمنية اللي عاملة نفسها كبيرة وفليسوفة دي جديدة عليا …
= فرق توقيت بين هنا ولندن
_ ههههههههه
= ضحكتك كانت اصدق من كدا زمان
_ سابتني
= هى اللي خسرانة
_ للاسف الخسران الوحيد هو انا … اتفضلي
= ايه دي
_ دعوة خطوبتها …
= علشان كدا بعتلي
_ محتاجك … بابا اسر مكسور
= لا عاش ولا كان اللي يكسر بابايا
_ ريم كسرته … وجع الحبيب مؤذي
= ليه اثر الماية المغلية على القلوب
_ تحسي أن روحك بتتسحب منك
= ويارتها بتطلع لخلقها دي بتروح للى جرح قلبنا وتسكن معاه
_ وفي الاخر بنموت
= تحت مسمى عايش وكل يوم زي اللي قبله
_ يارتني محبيت ….
= ياريته حبني …
_ ايه !!
= لا لا … المفروض تقول يارتها حبتني مش يارتني محبيت …
_ خليكي معايا …
= انا معاك دايما يا اسر … رجعلي انت بابا
_ مات
= بدموع … اياك تقول كدا تاني والله العظيم هرجع لندن ومستحيل انزل مصر تاني ولا هتشوف وشي ابدا … انت مش ضعيف … والدليل الاكبر انك سبتني اسافر من غير متفكر توقفني … اتخليت عني … ومش سألت انا فين ولا حالي ايه … هونت عليك … هان عليك غيابي … ريم مكانتها عندك اكبر …
_ كنت بعرف اخبارك دايما من دينا .. كنت زعلان منك علشان لأول مرة تخدي قرار من دماغك … كنت كل يوم اطلع على السطح استناكي تيجي تقوليلي انا اسفة يا بابا اسر بس انت مكنتيش بتيجي … كنت برجع من الشركة والكل نايم اقعد شوية قدام زهرة التوليب بتاعتك وافتكر قد ايه كنت بتخافي عليها … وأشوف طيفك في كل مكان … كنت حاسس أن روحك معايا
= هى كانت فعلا معاك يا اسر … لسه بتحبها
_ ………
= ايه … اللي بيحب بجد مستحيل ياخد وقت في التفكير …
_ هى خلاص شافت مستقبلها … حبت غيري
= هى خطوبتها امتى
_ بكرة
= ايه دا يا دوب
_ يادوب ايه يا امنية …
= يادوب الحق انام علشان اجهز لبكرة … يلا يا عم هتاخرني … وانا جاية من السفر هلكانه
_ انا مش هروح
= تؤتؤ هنروح يا بابتي … هى عزمتك علشان تشوف اسر الحزين الندمان على فراقها بس يا حرام هتشوف اسر اللى قال …
“مع السلامه للي عايز يمشي
والمركب اللي تودي مترجعشي
مدام جدعنتي معاكوا مبتنفعشي
في داهيه اي حد ميقدرشي
وعادي وعادي وعادي ”
” وقف مصدوم لحظة كدا وبعدين قال ”
_ لا شكليلي احسن يا أمنية … انت كنت في لندن بجد
= هههههههه … أيوة يا عم كنت في لندن بس دي ثقافة البلد لازم اتابعها
_ دا اسفاف مش ثقافة
= ثقافة حمادة من تحت بير السلم هؤهؤهؤهؤ
_ قدامي يا أمنية … قدامي
” انا مش ناسية جرح قلبي من حبه … بس هو ادي واجبه اتجاهي وكان اب وام وصديق … لازم انا أقف جنبه علشان يرجع اسر … انا عندي استعداد اكلم ريم واقنعها انها ترجع لأسر علشان بس اشوف ضحكته تاني بس لو اسر عرف هيحس انه خسر كرامته … انا هساعدك يا اسر … هكون جنبك … علشان انا بنتك مش أمنية اللي حباتك …أمنية اللي بتحبك هاين عليها تملى الدنيا فرح علشان فاكرة أن قلبك خلي … بس أمنية بنتك حوريتك تملى الدنيا حزن وتعاسه علشان جرح قلبك … واللي هتقف جنبك بنتك مش حد تاني … ”
___________________
تاني يوم ……..
” حسيت بالدفا اللي فقدته من زمان … حبيت اني ابقى هنا … بس لا يا أمنية .. احنا جاين نساعد اسر بعدين نرجع لندن … مش تتعودي تاني … جاين نرجع لأسر حياته وروحه … وجه الليل وانا وقفت قدام المراية اظبط الحجاب على كنت لابسه درس اسود وحجاب نبيتي … عرفت أن ريم عمله حفلة الخطوبة نفس المكان اللي كانت خطوبتها هى وأسر … على البحر … حاسة أنها بتعمل كدا قصدا … ريم مش من المغرمين بالبحر … بتشوفه عادي … مش زي نظرتي انا وأسر ليه … انا وأسر بنشوف البحر صديق بنهرب من العالم ليه … كان اسر في الجنينة ولما نزلت لقيته لابس هاي كول اسود وبنطلون اسود …”
= يا عيني يا عيني …
_ لسه بتحبي الاسود
= اللي يحب ويتعلق مستحيل ينسى ولو قدامه الوان الطيف كلها … انت بقى لابسه ليه
_ اخر فترة برتاح فيه
= هههههههه تقصد بتدارى فيه …
_ بس الاسود يليق بك
= وانت كمان يليق بك أناقته … يلا
_ متأكدة انك عايزة تروحي
= متأكدة ….
” وصلنا مكان الحفلة وأسر شاف ريم مع احمد خطيبها … عرفت من الدعوة أن اسمه احمد … اسر مسك ايدي جامد … لأول مرة يمسك ايدي حاولت أشدها منه لاني مش بحب حد يلمس ايدي خصوصا لو راجل اي راجل لان دا حرام بس هو كان ماسك ايدي جامد لدرجة أنها وجعتني …. افتكرت لما مسكت ايد دينا في نفس الموقف دا من ثلاث سنين … غصب عني الألم طلع بصوت … مش عارفة إذا كان الالم دا من قلبي ولا من مسكته ليا ”
= ااااااه
” ساب ايدي بسرعة وبصلي بقلق ”
_ ا… أمنية انا اسف والله مش قصدي
= ولا يهمك يا اسر
_ حقيقي اسف
= يلا نبارك
_ يلا …
= الف مبروك يا ريم … مبروك يا استاذ احمد
& الله يبارك فيكي يا أمنية … ازيك يا اسر
_ ازيك يا ريم مبروك
& مش تقول إن أمنية رجعت … الحمد لله على سلامتك يا حبيبتي … طبعا عارفين احمد خطيبي … عقبالك يا أمنية عقبالك يا اسر هو اي نعم انك تلاقي واحدة تستحملك يا اسر دي معجزة بس عقبالك باذن الله تلاقيها
_ انا لقيتها خلاص يا ريم
= هااااا … ( بهمس ) امتى دا يا اسر دا انا جاية معاك من البيت …. دا انت كنت هتقكع شرايينك من شوية ايه حصل
& ومين دي بقى
_ احب اعرفك يا ريم … أمنية … بنتي وحوريتي و بنت عمي و……….خطيبتي ….
#يتبع……
#كانت_روحي_معك_بالبداية_ولكنني_اضللت_الطريق
#امنيةعكر#كانت_روحي_معك_بالبداية_ولكنني_اضللت_الطريق
البارت الثالث
_ احب اعرفك يا ريم … أمنية … بنتي وحوريتي و بنت عمي و……….خطيبتي ….
= هى فين
_ بهمس ….بتدوري على ايه
= على حوريتك دي
_ أمنية انا بتكلم عنك
= يا راااااااااجل …
& ايه يا بشمهندس واضح أن خطيبتك مستغربه ولا هى مكنتش تعرف …
= ههههه … ( بهمس ) رد عليها … مش عزمتني على خطوبتي ليه
_ احم احم …. لا يا ريم بس احنا كنا متفقين منقلش لحد دلوقتي. .. على القليل لما نعمل حفلة ونعزم كل اصحابنا
& اياك تنساني انا واحمد بقى
_ لا طبعا انتم أول ناس
& بضيق …. مبروك يا أمنية …
= ………
$ مبروك يا استاذ اسر
_ الله يبارك فيك يا استاذ احمد
= عن اذنكم …
” اوقات كتير بننتظر أمنية تتحقق … بس الزمن بيكون قاسي شوية فيحققها بس بكدبة ”
_ أمنية
= أمنية ايه يا اسر … أمنية ايه … انت عارف انت بتعمل ايه ….
_ انا اسف والله … بس هى جرحت قلبي وكرامتي ….
= وانا كرامتي فين يا اسر … ولا صح انا نسيت اني مش مهمة عندك لو طولت تيجي عليا بدل المرة الف هتيجي وتجرحني يا اسر …
_ انا بس كل اللي طالبه منك انك تمثلي انك خطيبتي قدام الكل وخصوصا قدام ريم لمدة شهر بس … انا متاكد انها هترجعلي … متاكد
= امشي يا اسر …
_ ام….
= قولتلك امشي يا اسر وانا هرجع البيت لوحدي …
_ انا اسف
= امشي
” سمع الكلام ومشي … ههههه ولو بدل المرة الف قولتله يمشي هيمشي … مجربش مرة يبقى … مجربش يسمع قلبي اللي بيقوله ابقى بس قول انك حابيبني حقيقي … يطبطب على قلبي ويطمنه بوجوده بس هو مشي … صرخت بأعلى صوت ليا من جرحي وحزني ووجع قلبي وحبي ليه … ”
= اااااااااااااااااه …. بكرهك يا اسر … بكرهك وبكره قلبي … وبكره وجودي هنا … وبكره قربي منك … ليه … لييييييييه
” اوقات كتير بنحتاج مكان خالي … خالي تماما علشان نملاه صراخ ودموع … علشان يقدر يتحمل … بستغرب ازاي عضو حجمه قد كف الايد قادر يحمل كل دا … ”
__________________
في جنينة البيت
+ اسر … فين أمنية
_ على الكورنيش
+ طب سبتها لوحدها ليه
_ حبت تكون لوحدها
+ لما بتكون مع أمنية مش بتحب تكون لوحدها … ايه حصل ….
_ مفيش
+ اسر ايه اللي حصل
_ روحنا خطوبة ريم و……………….
+ بتتكلم بجد
_ ……..
+ اسر انت عارف انت بتعمل ايه
_ جرحتني يا دينا
+ وانت جرحت أمنية …
_ فيها ايه أن أمنية تمثل معايا يعني … هتتئذى في ايه ….
+ تعرف يا اسر … انت لاحبيت ريم ولا هتحب أمنية …
_ واحب أمنية ليه … أمنية اختي
+ طب ازاي قبلت على اختك كدا … لو حد جه وقلبك يا اسر خلي دينا تمثل انها خطيبتي علشان اغيظ خطيبتي الاولانية وترجعي انت هتوافق
_ …..
+ سكت ليه يا اسر… طب تعرف ان أمنية بتح….
= انا موافقة
+ أمنية جيتي امتى … وبتقولي ايه
= اسر انا موافقة اني اكون خطيبتك لمدة شهر …ومتاكدة أن ريم هترجعلك …
_ أمنية شكرا … شكرا حقيقي…
= العفو يا اسر …
_ انا هطلع دلوقتي اقول لبابا علشان نطلب ايدك من عمى …
+ أمنية
= احضنيني يا دينا
+ تعالي … لو افهم بس بتعملي في نفسك كدا ليه
= …….
+ ليه يا أمنية
= علشان اسر يا دينا …
+ ماله اسر
= مش عايزاه هو كمان يتعذب بنار الحب … مش عايزاه يحس نفس احساسي … مش عايزاه ينطفي …
+ وأمنية
= انطفت من زمان
+ هتقبلي كدا على كرامتك يا أمنية
= اسر مش هيئذي كرامتي بحاجة لأنها عارف اني مش بحبه
+ بس انت هتئذي قلبك في قربه يا دينا
= قلبي مأذي في قربه وبعده يا دينا
” كنت في حضن دينا لما سمعت صوت زغاريد
على الاكيد ماما ومرات عمى فرحانين بخبر خطوبتي انا وأسر … شددت من حضن دينا البعد نار والقرب نارين وانا واقفة بينهم بتحرق … حددنا معاد للخطوبة في نفس الاسبوع …. فرحانين اوي بس انا هادية… بس كل حاجة مختلفة … كان نفسي اعملها على البحر وهتبقى حفلة في الجنينة … كان نفسي اكون فرحانة بس هكون مكسورة حزينة … كنت بخطط لليوم دا من زمان بس دلوقتي نايمة على السرير رافضة أخرج … ”
+ أمنية … يلا الليل قرب
= ممكن مش أخرج
+ للاسف مينفعش
= مش هقدر
+ قولتلك …
= بايخة صح
+ هى ايه ؟!
= المسرحية دي …
+ هى فعلا مسرحية … يلا علشان تلبسي
= يلا …
+ وردي ؟!
= اسود
+ انهاردة !!
= انهاردة …
” دينا جهزتني … فستان اسود وحجاب بنفس اللون مع ميكب بسيط … لو اهلي ميعرفوش عشقي الاسود كانوا ظنوا اني لبست كدا لاني مش راضيه على العريس هههه … طلع عشقي للاسود مفيد في الوقت دا … ”
+ يلا نخرج …
= يلا …
” كان اسر واقف مع بابا وانا نازلة من على سلالم البيت للجنينة … عيونه اتعلقت بعيوني للحظات…. وقتها نسمه هوا مرت على نار قلبي … قلبنا دا مغفل بطريقة غبية…. بحزن ويبكي ومن نظرة يدوب ويرقص زي السكير ”
= محدش يا خد قلبي ويعطيني سندوتش شاورما …
+ هههههههه… يخرب عقلك
= قولي لاخوكي ينزل عيونه من عليا
+ شكله هيقع
= متيجي نتفق اتفاق
+ قولي
= بلاش نعلق قلبنا بحبال تايكة …
+ علشان ؟!
= مسير الحبل ينقطع
+ أو مكان القطع يتربط بقوة
= مش هتلاقي اللي يمسك الطرف التاني يا دينا … يلا امشي علشان الستار هتترفع على اول جزء من المسرحية …
_ زي القمر
+ شكرا يا اسر
_ مش انت على فكرة
+ احم احم … طب عن اذنكم…. جبهتي … جبهتي حد شافها يا جماعة
_ هههههههه … هبلة …
= بس اعقل واحدة فينا