+ معلش يا حبيبتي بكرة تنسي
= انا مش بعرف انسى يا دينا … قولي لاخوكي اني زعلانة منه ومش هكلمه تاني ابدا ابدا …
_ أيوة عندك حق … انا وحش وعندك حق تزعلي …
= ………
_ هى حوريتي زعلانة يا دينا
+ تقريبا كدا
_ طب انا كنت جايب ايس كريم مانجا وشيبسي وسان بايتس وبيبسي زجاجات كتير… مين هياكلهم بقى
+ مش عارفة …
_ طب اعمل ايه اعمل ايه … هرجعهم بقى وخلا….
= استنى عندك … انا …انا هاخدهم بس علشان مش ترجعهم …
_ يعني لسه زعلانة
= امم … ولا بقى امشي من هنا انا مخصماك …
_طب اسف
= انت زعقتلي
_ طب اسف
= وقعدت البت ريم دي مكاني
_ طب اسف
= وبرقتلي كدهون بعيونك
_ طب اسف
= و…
+ خلاص بقى يا قطتي الراجل قالك اسف…. نفسي اشوفه بيعتذر لحد غيرك
_ حوريتي بس يا بت انت
+ ااااه … طب ليه القفا بس يا اسطا
= ههههههههه
+ اضحكي يا اختي اضحكي
= لا يا اسر مش تضرب بطريقي تاني …
_ علشان خاطرك انت بس
= يلا بقى تصبحوا على جنة
+ طب استنى ناكل سوى
= لااااا
+ يا بت استني
= عااااا
_ هههههه مجانين … بناتي مجانين
” عدت الايام وانا ملاحظة كره ريم اتجاهي خصوصا لما اسر يتكلم معايا…. انا عارفة أنه بيحبها وهى عارفة كدا زعلانة ليه بقى … احنا كلنا مع بعض في كلية الهندسة … ريم وأسر اكبر مننا بسنة … اسر كان بيذاكرلي انا ودينا علشان نكون مهندسين زيه … احنا حبينا المجال من طريقته والحمد لله بقينا مع بعض … اتعود أنه يخلص يومه في الكلية ويروح الشركة عند بابا وعمو علشان يبدأ من الصفر … وهو دلوقتي في تالتة بسمع دايما بابا وعمو بيتكلموا عن كفاءته في الشركة وانا نفسي اكون زيه بس انا اخترت قسم الديكور علشان بحب الديكورات جدا …دينا اختارت معماري زي اسر … بس في يوم وانا في الكلية … ”
= بدموع … اسر
_ أمنية … مالك بتعيطي ليه
= يا اسر … يا اسر …
& متنطقي بقى زهقتينا
_ بس يا ريم براحه عليها
& دا دلع يا اسر … ايه لعب العيال دا
= انا مش عيلة يا اسر … بس الدكتور زعقلي جامد قدام الكل وطردني من المحاضرة
_ ليه كدا ايه اللي حصل
= كان في مكان فاضي جنبي على البينج وبعدين في ولد جه اقعد جنبي وانت عارف اني مش بحب ولاد تقعد جنبي …. حاولت اقوم بس هو مش رضي وبعدين حاول يمسك ايدي فزعقت بصوت عالى والدكتور زعقلي من غير ميعرف السبب … وطردني كمان ..
& يعني كل دا علشان الولد اقعد جنبك
_ تعالي وريني الولد دا
= هو دا يا اسر …
” شاورت عليه وأسر راح ضربه والأمن اخدنا على مكتب العميد بس هو عارف اسر وعارف عيلتنا كويس علشان كدا سمعنا وانا حكيت على كل حاجة … فصل الشاب دا اسبوع والدكتور عرف اني مش غلطانة … ”
& يارب تكوني كدا ارتاحتي يا ست أمنية … عملتي مشكلة كبيرة اهو
_ بس يا ريم … أمنية مش غلطانة
& لا غلطانة يا اسر … لازم تعتمد على نفسها بقى هى مش صغيره … وكمان لو كانت فضلت قاعدة من الاول مكنش حصل كل دا
= بهدوء ودموع … اسر انا والله اسفة بس انت عارف ان….
_ خلاص يا أمنية انا مش زعلان … وبعدين اللي انت عملتيه صح يا حوريتي… اضحكي يلا
& لا بقى دي حالة لا تطاق …
_ في ايه يا ريم … انت عارفة أن أمنية اختي الصغيرة وانا مربيها هى ودينا
& لا يا اسر مش اختك … وهى قاصدة تعمل الحركات دي
= لا والله يا اسر
& اسكتي انت خالص … هى قاصدة يا اسر علشان تخليك تحبها
_ ايه اللي بتقوليه دا يا ريم
& بقول الحقيقة … اصلا واضح عليها انها بتحبك … اسر لازم تختار دلوقتي أما انا أو أمنية دي …
” لما قالت اني بحب اسر بصيت للأرض بس لما رجعت خيرته بنا بصيت لأسر بس المرة دي لقيت الحيرة في عيونه وبعدين بص للأرض … لأول مرة في حياتي اشوف اسر يبص للأرض … مش بحب اتحط في مقارنة وفيها احتمال واحد بالمئة اني اكون انا اللي خسارنة … بس المرة دي حسيت ان النسبة للنص بالنص أو يمكن اكتر بس لريم مش ليا انا … سبتهم ومشيت … اسر بيحب ريم وانا عارفه أنه بيحبها علشان كدا لازم ابعد عنه … كملت الامتحانات بعد كدا طلبت من بابا اني اكمل تعليمي برة مصر … بابا فكر أن دي رغبتي علشان كدا سافرت لندن علشان اكمل تعليمي وأهرب … بس كان صعب جدا عليا اني ابعد عن الكل… ابعد عن عائلتي وعن دينا وعن اسر بس البعد كان اسلم حل … كلهم كانوا شايفني طفلة بالرغم أن دينا قدي بس حتى دينا كانت بتعاملني على اني طفلة … علشان كدا لازم اثبتلهم اني اقدر اتحمل مسؤولية نفسي زر مالست ريم قالت … سبت مصر وانا طفلة زي مبيقولوا بس طفلة قلبها مكسور…. وانهاردة رجعت لما حسيت أن اللي قلبه مكسور المرة دي اسر … ”
باااااااااااااااك
فوقت من التفكير دا بعد مالمضيفة نبهتني اني اربط حزام الأمان علشان وصلنا مصر … مش عارفة ايه ممكن يكون اتغير فيها بعد ثلاث سنين بس اللي خايفة منه وحاسة بيه أن في حاجة في اسر اتغيرت ….
#يتبع…..
#كانت_روحي_معك_بالبداية_ولكنني_اضللت_الطريق
#امنيةعكر#البارت_الثاني…..
“محدش كان عارف اني رجعت من السفر … اسكندرية لسه جميلة … والبحر لسه بيحارب علشان يتحرر من اسر الصخور… هو ميعرفش أن اللي واقفة قدامه دلوقتي بالرغم من هروبها إلا أنها متحررتش من اسرها … ههههه كل حاجة في الدنيا دي مضحكة … حتى اصعب مشاكلها مضحكة … الدنيا نكتة سخيفة وبالرغم من سخفتها إلا أننا كل مرة نضحك عليها وكأنها اول مرة نشوفها …. رجعت البيت كل حاجة زي مهى بس البيت كان واحشني اوي الدفا اللي فيه وحشني … لعبنا وضحكنا وحشني … حسيت أن مر عشر سنين مش ثلاثة قولت قبل كدا أن الوقت السئ بطئ جدا جدا … دخلت جنينة البيت لقيت بابا بيسقى الزرع زي عادته … بابا بيحب الورد جدا وانا زيه … دايما يقولي الوردة لو عجبتك هتقطفيها بس لو حبتيها هتراعيها لحد متكبر وتفتح … وماما طالعة من البيت بفنجان القهوة … عمو محمد وطنط وفاء قاعدين على الطاولة … دينا قاعدة في ركن بعيد عن الكل … ركننا انا وهى المخصص جنب ورد التوليب … كانوا أشبه بلوحة جميلة هادية ودافية … بس ناقصها شخصين وانا واسر … انا جيت بس اسر فين … ؟!”
بابا : أمنية …
الجميع بفرحة : أمنية …
” سلمت عليهم كلهم بس دينا سابتني وطلعت على السطح على أساس أنها زعلانة … استأذنت منهم وطلعت وراها علشان اصاحها قبل كدا كنت بفضل إذن عليها علشان تصالحني واعمل حركات غريبة بس مش عارفة دلوقتي اصالحها ازاي … خصوصا انا ودينا مش بتعرف نتكلم على الفون اتعودنا دايما أن يكون كلامنا وجها لوجه علشان كدا لما كنا بنتكلم طول الفترة اللي فاتت كان مجرد سؤال عاملة ايه …”
= احم احم
+ ……..
= زعلانة
+ وانا هزعل ليه يعني … علشان سبتينا كلنا وسافرتي
= امممم يعني مش زعلانة
+ لا خالص
= بدموع … وحشتيني يا بطريقي
+ وانت يا قطتي
= ياااااه حضنك وحشني اوي … اوقات كتير كان نفسي ارجع علشان احضنك بس واسافر تاني
+ علشان انت غبية وهربتي
= مكنش ينفع ابقى يا دينا … اسر كان هيواجه مشاكل كتير بسببي … انا بغير على اسر من ريم ومكنتش هستحمل اشوف اهتمامه بيتحول من بيا انا لريم وكذلك هي كانت بتضايق من علاقتي باسر … كان هيتعذب بنا وانا مقبلش اكون سبب حيرة اسر وحزنه
+ اتغيرتي
= ازاي …؟!
+ طريقتك في الكلام بقت هادية وعاقلة
= هههههه لا وحياتك دا اثر السفر
+ ولا أثر البعد … وبعدين تعالي هنا انت بتترعبي من الطيارة ازاي تركبيها كدا
= مكنتش بحجز جنب الشباك وكنت بمسك في الكرسي جامد واغمض عيوني …
+ ههههه راكبة ميكروباص
= هههههه شكرا يا ساحبي .. ا….ا…
+ اسر مش هنا
= مكنتش هسال عنه
+ لما بتسالي عن اسر في حاجة فيكي بتتغير زي نظرة عيونك …
= والله ليه بيبقى لونهم اخضر
+ لا يا فالحة بينوروا
= شبه القطط يعني
+ مانت قطتي
= طب … يعني
+ في الكافية … اسر اتغير اوي يا أمنية … بقى حزين طول الوقت … الحب طلع بيكسر اوي
= اوي اوي يا دينا اسالي مجرب وعارف … طب ايه اللي حصل
+ في اخر فترة الشركة كان فيها مشاكل كتير اوي وكانت شبه بتفلس … اسر انشغل فيها جدا مكنش بيفضى كان كل وقته في الشركة احنا كنا بنشوفه صدفة … بس هى مش استحملت كانت كل يوم تتخانق معاه لما كنت اشوف اسر كنت بلاقيه مهموم وسأله يحكيلي هو بيحبها بس هى مش قدرت الضغط اللي هو فيه كان بتزيد على همه حزن … وفي الاخر سابته …. قالتله أنها عايزة حد يحسسها أنها عايشة يخرجها ويكون كل وقته ليها … الاول كان كل وقته ليها فعلا بس هو انشغل غصب عنه … كافأت حبه ليها بالهجر … اسر انكسر يا أمنية … اوقات كتير كنت بقوله لو أمنية كانت هنا كانت خففت عننا كل دا بدمها وضحكها ولما سابته قولتله لو أمنية كانت هنا كانت مسحت الأرض بشعر ريم دي وبعدها زغردت كان يضحك … سيرتك بس كانت تضحكه … انا متأكدة أن وجودك هيفرق …
= هو في اي كافيه
+ على الكورنيش
= تمام … انا رايحة
+ طب ارتاحي …
= طب مانا مرتاحة … سلام بقى يا بطريقي …