اخدت نفس طويل وبصيتله وعيوني بتلمع بالدموع :
-ولا حاجه ،ا انا عايزه اتكلم معاك في موضوع
رد بلا مبالاه وبرود:
-موضوع ايه
-مُحسن انا مش عايزه اكمل
اتنفض من مكانه ورد بصدمه :
-نعم ياختي مش عايزه ايه ؟!!
-مش عايزه اكمل يا مُحسن
اتعصب وهبد علي الترابيزه :
-انتي مجنونه عايزه الناس تاكل وشنا ده خلاص فرحنا بعد شهر
-شهر شهرين ولا حتي بكره انا مش عايزه اكمل معاك
وشه اتشنج ورد بأسلوب مُريب أشبه بالهمجيه!
-والسنيوره مش عايزة تكمل ليه بقي أن شاء الله شيفالك شوفه تانيه وعايزه تهربي
-اخرررررس ياحقيير انا اشرف منك
شدني من دراعي بقسوه وجنون :
-لا بقولك ايه جو الخضره الشريفه ده مش عليا أنا!
الفرح هيتعمل برضاكي غصب عنك هيتعمل
مش لعب عيال هو
ضرب بصباعه علي دماغي وكمل وهو بيعوج بوقه زي المجرمين
-عقلك في راسك تعرفي خلاصك
شيلي الفكره دي من دماغك يابت الناس ومتخلنيش اعمل تصرفات تندمك العمر كله
بصيتله بصدمه والدموع اتجمعت في عيني وانا بهز راسي بهستريه
-لا لا اكيد انت مش محسن اللي حبيته ا انت ا انت شخص تاني ا ا….
-هشششش مش ناقص وجع دماغ انا وكلام ملهوش لزوم الفرح هيتعمل في معاده يعني هيتعمل
عايزه تتطلقي ولا تغوري في داهيه بعد الفرح مش هقولك لا
قال كلامه بكل قسوه وزقني لدرجه وقعت علي الارض ومشي وسابني!!!!!!!
-انت يابني ادم أنت اتجننت؟
بصيت لمصدر الصوت لقيته شاب غريب بيقرب من مُحسن وبيشده من قميصه
مُحسن بعصبيه:
-انت مال اهلك
رد هو بعصبيه اكبر:
– في حد يعمل كده في بنات الناس!
بصلي وابتسم بسخريه:
-هه بنات الناس
اللي حضرتك بتتكلم عنها دي خطيبتي وفرحنا بعد شهر وجايه تقولي انها مش عايزه تكمل بدون اي أسباب واضحه ياتري لو مكاني هتعمل ايه!!!!
-هحترم قرارها حتي لو كان فرحنا بكره مش هتعامل بالهمجيه اللي حضرتك اتعاملت بيها لأنها بني آدمه وليها حق الاختيار
-حق اختيار ايه يامعلم هو انا متقدملها؟
بقولك انا خطيبها
اتنهد وحط أيده علي كتفه لكن المره دي بهدوء ولين:
-يابني آدم افهم مانت اكيد عملت حاجه خلتها تتقفل منك …حبيب اخوك التعامل مش بالطريقه ديه الرسول عليه افضل الصلاه والسلام وصانا وقال استوصوا بالنساء خيراً ،اتكلم معاها بهدوء وحاول تفهمها وتفهم أسبابها جايز تقدر تغير من نفسك وتخليها تتراجع عن قرارها!
اخد نفس عميق وبصلي بنظره كلها عتاب وانا واقفه ببصله بدموع وبفرك في ايدي من الوجع
-عجبك كده اللي انتي عملتيه ده خليتي الناس كلها تتفرج علينا
مسحت دموعي وقلعت دبلتي ورميتها في وشه :
-انا مش عايزه اشوف وشك تاني
كان لسه هيتعصب ويثور بس الشاب مسكه من دراعه :
-سيبها تمشي
طلعت اجري من الكافيه وانا مش شايفه قدامي من الدموع
وقفت بعد جري ربع ساعه بالتقريب
قعدت علي اقرب كُرسي قابلني من التعب وفضلت اعيط بصوت مسموع لدرجه الناس كلها كانت بتبص عليا!
لكن في الحقيقه مهتمتش بحد!
-تسمحيلي اتكلم معاكي شويه
لفيت راسي لقيته نفس الشاب اللي كان بيدافع عني
رديت بصوت مبحوح :
-اتفضل
-انا طبعا مش من حقي اعرف سبب قرارك لكن خطيبك من حقه يعرف السبب
رديت بعصبيه:
-هو عارف السبب كويس اوي
-لا هو فعلا مش عارف ومحتار جداً