-ب بس ب بس ده غصب عني يامريم
-انا اسفه يا يونس بس بجد مش هقدر اكمل
قام وقف وقرب منها وعيونه بتلمع بالدموع :
-مريم متسبنيش انتي ا انتي عارفه اني بحبك ومقدرش اعيش من غيرك
-وانا كمان بحبك بس مش هينفع صدقني
رد بعصبيه وجنون :
-اللي بيحب حد مش بيتخلي عنه
-اوقات بنضطر نتخلي عن الحاجه اللي بنحبها لأنها بتأذينا
-بتأذينا!!!
هزت راسها بتأكييد:
-وجودي معاك هيبقي أذي ليا صدقني
مش عايزاك تزعل مني وعايزاك تتأكد اني بحبك والله بحبك و …..
صرخ في وشها بجنون وغضب :
-متحلفيييش اوعي تحلفي انتي كذابه انتي عمرك ما حبتيني مفيش حد بيحب حد بيسيبه عشان ظروف خارجه عن إرادته!
انتي ا انتي اكبر خدعه في حياتي
بعد عنها خطوه وهو بيمسح دموعه بقوه :
-هندمك يامريم
صدقيني هندمك علي كل لحظه حبيتك فيها
وهحب غيرك وهعيش حياتي وهنساكي وكأنك مكنتيش في حياتي
ابتسمت بسخرية :
-ده لو حد وافق بيك يا حبيبي
-هتشوفي يامريم
باك
كنت قاعده بسمعه بفضول شديد
ومع كل كلمه بيقولها كنت بتصدم!
صحيح الحب بيبان في المواقف
صحيح ممكن حد يقولك بحبك ويحسسك أنه ميقدرش يكمل حياته إلا بيك ومع اول ازمه تمر بيها يتخلي عنك وكأنه مكانش موجود من الأساس
المشاعر ،النظرات ،الكلام
كلها اشياء ممكن تتزيف
يونس بابتسامه حزينه :
الحب طلع خدعه كبيره عكس ما توقعت!
مسحت دمعه شارده نزلت من عيوني وانا ببصله بهدوء
-وانت عايز تتجوزني عشان تثبتلها أن في حد وافق بيك واتقبلك وحبك مش كده ؟
هز رأسه بهدوء :
-والاهم من كل ده انك احسن منها في كل حاجه
-بس مكانش ليه لازمه تعمل كل ده يا يونس
-مش فاهم
-تهكر فوني ،تهددني ،تساومني الجواز أو الفضيحه
علي فكره كان ممكن تطلب مساعدتي وانا مكنتش هتردد اني اساعدك
-تساعديني ازاي ؟!
-معرفش بس اكيد كنت هلاقي حل إلا الجواز
مش سهل علي اي بنت تتجوز وتتطلق بعد شهر
اشمعني اصلا مده الجواز شهر ؟؟
-مريم فرحها بعد اسبوع
وشهر وهتسافر هي وجوزها وكل العيله
لازم قبل ما تسافر اثبتلها اني مش وحيد وان في ناس متقبلاني
سكت لحظه وهو بيبصلي بعدها اتنهد بحزن
-انا اسف مكانش لازم اتصرف بالطريقه ديه
صدقيني مش من طبعي أبداً اسلوب التهديد
ب بس مكانش في قدامي حل غير كده
مسك الفون بتاعه وبدأ يمسح كل الصور قدامي
-مسحت كل صورك ولو حابه تاخدي الفون وتتأكدي بنفسك اتفضلي وانسي العرض اللي قولتلك عليه وارجوكي سامحيني انا فعلا اسف
بصيتله لحظه وسكتت وانا بفكر في كلامه
-يونس انا موافقه اتجوزك
بس اوعي تفتكر اني بقولك كده عشان خايفه من تهديدك!
انا ببساطه كنت ممكن اروح ابلغ عنك واقول انك بتهددني
-اومال موافقه تساعديني ليه؟
ابتسمت ابتسامه بسيطه وانا ببص قدامي:
-مغامره وانا بحب المغامرات
يُتبع
#عروس_تحت_التهديد