-انا اشوف الناس تبقي مبسوطه عشان هتتخطب عشان هتتجوز عشان نجحت انما ناس مبسوطه وعامله فرح عشان الاكل اول مره اشوفها ديه!!!
-ياحبي علاقتي انا والاكل ديه احسن ريليشن ممكن تشوفيها يعني بذمتك عمرك شوفتي صينيه مكرونه بشاميل خذلتك؟
ولا عمرك شوفتي طبق ورق عنب قالك انا مش عايز اظلمك معايا عشان كده هسيبك بعد ما علقتك بيا
طب عمرك شوفتي ورك فرخه قالك انا بحبك بس مش عارف اجي اتقدملك عشان عندي ظروف!!
ضربت كف فوق التاني وهي بتهز رأسها بيأس:
-لا حول ولا قوه الا بالله البت دماغها لسعت
سحبت اكبر طبق ومعلقه وطلعت علي برا وانا بأكله باستمتاع وبحاول اخرج اللي حصل النهارده من دماغي بالرغم اني كنت لسه متضايقه أنه طردني قدام الطلاب بس يلا حصل خير اصل انا مهزقه ومعنديش كرامه
-يوه كرامه ايه يا فجر هو انتي سكتي ما انتي هزقتي الراجل قدام الطلاب كلهم وخليتي منظره شبشب حمام!
بلعت اخر معلقه وانا بقول بلا مبالاه:
-يلا مش خساره في طيبه قلبه
يُتبع
#فجر و_صاحب_السنتر
#إيمان_شلبي