-اتكلم بأدب ياولد
-ياشيخه اتنيلي وانتي شبه العيال اللي في اعدادي كده
ربعت ايدي في بعض وانا ببتسم ابتسامه مستفزه :
-قصيره بس نينجا الدور والباقي علي الجحش اللي واقف قدامي وصوته عامل زي العصفوره…
العيال كلها فضلت تضحك وانا بضحك معاهم وهو اقف هيفرقع من الغيظ
صرخ بجنون في العيال:
-اخرس ياض منك ليه
اتنفضت من صوته وبلعت ريقي وانا برجع خطوه لورا..
برقلي وهو بيرفع صباعه في وشي بتحذير:
-اقسم بالله لو سمعت صوتك تاني هكسر السنتر ده فوق دماغك انتي والطلاب بتوعك انتي سامعه
وشي اتشنج ولويت بوقي وانا ببصله بقرف :
-يامي يامي خوفت الحقوني ياولاد
هبد علي الباب وهو بيشد علي شعره بجنون:
-مستفزززززه
قال جملته ومشي من قدامي وانا واقفه ببص لأثره بتوتر وخوف حاولت اداريه قدام الطلاب
-يلا ياولاد قولوا ورايا بس بصوت واطي اتفقنا؟؟
واحد من الطلاب :
-ليه ياميس انتي خايفه من الجحش ده ولا ايه
رديت بأنفعال:
-اخرس قطع لسانك مين ده اللي اخاف منه
طب عنداً فيه بقي هتقولوا ورايا وبصوت عالي كمان ها يلا بقي واللي يحصل يحصل …
بعد مرور ربع ساعه
-مملكه الشمال العاصمه ايه ؟؟
-العاصمه بوتو
-مملكه الجنوب العاصمه ايه ؟؟
-العاصمه نخب
“قسماً بالله يا مرزوق لو الشبر ونص اللي جوا دي موطتيتش صوتها لهكون مطربق السنتر فوق دماغكم كلكم ”
جزيت علي اسناني بعصبيه وانا برمي العصايه علي الارض وبنزل من علي الخشبه
-ده أنت يومك مش معدي النهارده ياعمود النور انت
قولتها وانا بشمر دراعي وبفتح الباب بعصبيه
-جرا ايه يا عم هتلر مالك في ايه مفكرني هخاف وهكش ولا ايه لااااا لااااا ياحبيبي مش انا اللي اخاف من واحد زيك
كور أيده في بعض وهو بيجز علي أسنانه :
-اخرسي واختفي من قدامي وإلا وربي وربي لو نفخت فيكي هطيرك
شديت كرسي كان جنبي وطلعت وقفت عليه وانا بزعق في وشه بجنون وعصبيه بعد ما خلاص كنت خرجت عن شعوري
-انت مفكر نفسك مين يابتاعه انت ها؟
مفكر نفسك ابن رئيس الجمهوريه ولا تكونش ابن صاحب السنتر
ابتسم بخبث وهو بيرفع حاجبه وبيبص لمرزوق اللي كان وشه باهت واصفر
-هي الانسه متعرفش يا مرزوق؟
-معرفش ايه؟
مرزوق وهو بيبلع ريقه بتوتر :
-ا احم ميس فجر ا الاستاذ مؤنس مش ابن صاحب السنتر ه هو صاحب السنتر نفسه
لطمت علي خدي بصدمه وذهول :
-احييييييه اومال انت تبقي مين ؟
رد بأسف :
-انا ماسك الفرع ده بس استاذ مؤنس هو صاحب السنتر
شاورلي بأيده بجمود:
-حالاً تاخدي بعضك وتتفضلي من هنا
بلعت ريقي وانا بنزل من علي الكرسي
رجلي اتعوجت وكنت هقع بس هو لحقني بلهفه وهو بيمسك ايدي
-خدي بالك
رفعت عيوني اللي كانت بتلمع بالدموع وبصيت في عيونه وانا برد بصوت مبحوح
-شكراً
سحبت ايدي وطلعت اجري علي الفصل عشان الم حاجاتي
واحد من الطلاب بدموع :
-ميس فجر حضرتك هتمشي
بصيتله وانا برد بحزن :
-هتوحشوني
قربت مني طالبه واترمت في حضني :
-متمشيش ياميس انا بحبك
حضنتها جامد وانا بعيط بوجع :
-وانا كمان بحبك وبحبكم كلكم بس غصب عني لازم
امشي هتوحشوني اوي
بصيتلهم لقيتهم بيعيطوا وهما بيهزوا رأسهم بنفي …
اخدت شنطتي وطلعت اجري من الفصل لحد ما خرجت من السنتر وانا كاتمه عياطي
اول ما خرجت شهقت بعنف وفضلت أعيط بحرقه وانا بلوم نفسي وبلوم غبائي ولساني اللي مُصر يقع في الغلط
ــــــــــــــــــــــــــــــــــــــــــــــــــــــــــــــــــــــــــــــــــــــــ
روحت البيت ودخلت اوضتي اترميت علي السرير وصرخت بصوت مكتوم
الفون بتاعي اتهز برقم غريب ..
رديت بصوت مبحوح
-الو
-الو ا ا أحم ازيك
رديت باستغراب :
-مين معايا
سكت لحظه وبعدها اتنهد ورد بهدوء:
-مؤنس
اتنفضت من مكاني وانا برد بذهول وعصبيه في نفس الوقت
-انت؟
-ا احم انا بكلم حضرتك ع عشان ع عشان
-عشان ايه ؟
رد بسرعه
-ارجعي السنتر عشان الطلاب كلها بتحبك
ابتسمت بخفوت لكن حاولت مبينش ده ورديت بجمود :
-لا انا اسفه مش هقدر ارجع مكان اتطردت منه
-ماهو ما هو انتي اللي عصبتيني يا ميس فجر و وخرجتيني عن شعوري
رديت بعصبية :
-ياسلام وانت يعني اللي ملاك مانت اقتحمت عليا الكيلاس وقولت عليا شبر ونص!
رد بنبره كلها ضحك:
-بغض النظر عن الكيلاس اللي قولتيها انا بعتذرلك ياستي واوعدك مش هتتكرر تاني ولو علي الصوت عليه براحتك انا هغير معاد حصتي
حطيت وشي في الأرض بأحراج وكأنه واقف قدامي ورديت بهدوء وهمس
-تمام ا انا كمان
-انتي كمان ايه!
-ا احم كح كح ا أحم ا انا كمان بعتذرلك
رد بمرح :
-عشان قولتيلي علبه سردين وجحش
لا ياستي ولا يهمك حصل خير
رديت بتلعثم:
-ا ا سلام
-سلام
قفلت معاه واخدت نفس عميق وانا بحط ايدي علي قلبي اللي كان بيدق جامد
-ايه ياعمنا مالك بتدق ليه مش مكفيك الخوازيق اللي قد كده اللي أخدتها مش بتحرم ياجدع انت نو دم نو إحساس نو رز بلبن
-بت يا فجر تعالي عملتلك الرز بلبن اللي انتي بتحبيه
قالتها ماما برا بصوت عالي
ابتسمت ابتسامه واسعه وانا بقوم من مكاني وبجري علي المطبخ
-ياحلاوه ياولاااااد الليله ليله هنا وسرور وكوبيات في صواني بتدووور لولولولولولي
ماما وهي بتلوي بوقها يمين وشمال بسخريه: