الفصل الاول 1
_انتي يا أنسه
_مين أنا
_هو في حد غيرك
_عايز ايه !!
_خدي الموبايل دا خلي معاكي اول لما ارمي نفسي من هنا اتصلي بوالدتي عرفيها أني مت
_است..
_لو سمحتي متحاوليش تقنعيني
_هو أنا قولت حاجه أنا بقولك استني اخلص الشكولاته اللي في ايدي الاول
_نعم
_تاخد حته
_بقولك هنتــ,,ـحر وانتي بتعذمي عليا بشكولاته
_يعني تمــ,,ـوت وانت نفسك فيها وافضل أنا حاسه بالذنب طول عمري يرضيك يعني
_يعني هتحسي بالذنب علشان مكلتش شكولاته انما اني انتــ,,ـحر دا عادي عندك
_ياباشا كله رايح يعني اللي عايشين خدو ايه
_قنبلة تفاؤل ماشاء الله
_استنا انت بجد ناوي تنتــ,,ـحر
_هه امال بهزر
_اول مره اشوف منتــ,,ـحر غبي
_غبي!
_ايوا حد ينتــ,,ـحر بالنهار افرض ياكابتن حد انقذك هيبقي شكلك وحش اوي تعالي هنا بالليل مبيكونش في حد خالص.
_ااااه يانا يامه
_مالك معجبتكش الفكره
_لا خالص دي ممتازه بس بالله عليكي متنصحيش حد تاني وفري نصايحك الغاليه دي لنفسك
_استنا ثواني كدا
_خير في ايه تاني
_اممممم انت لو وقعت من هنا مش هتمــ,,ـوت احتمال يبقي ارتجاج ف المخ وهتكمل حياتك ف غيبوبه لو عايز تنجز حاول تطلع الدور اللي فوق.
_ متعيطش هات نمرت والدتك بس الاول علشان اعرفها
_هتقوليلها ايه
_هقولها متزعليش عليه خساره اساسا تزعلي عليه لو بيحبك كان قدر دموعك كان خاف عليكي من القهر ومن كلام الناس كان على الأقل فكر في ربه وانو هيمــ,,ـوت كافر
_ لاحظي أن كلامك جارح يا أنسه
_ لا وانت بتحس بصراحه على العموم أنا خلصت الشكولاته هات بقي الموبايل عارفه انك مستعجل
_خلاص أنا رجعت في كلامي
_نعم احنا هنهزر
_ايه البت المجنونه دي بقولك خلاص مش هنتــ,,ـحر سديتي نفسي
_لا يابابا انت هتنتــ,,ـحر يعني هتنتــ,,ـحر وربنا لو منتــ,,ـحرت لانتــ,,ـحر أنا هه وسع كدا
_استني الله يحرــ,,ـقك
_وسع ياكابتن بعد اذنك انتو الرجاله دايما خاينين وبتوعدو وبتخلفو
_هو أنا وعدتك بالجواز ايه اليوم المهبب داه
_ بقولك وسع
_هتعملي ايه يامجنونه
_هفتح قزازة المايه دي اكوبها على الناس اللي تحت
_لا والله
_انت فاكرني هنتــ,,ـحر هو أنا فاشله زيك ياكابتن علشان اخسر ديني ودنيتي دي دنيا لا تساوي عند الله جناح بعوضه
تاكل شوكولاته بقا… ??????????
أترك تعليق