الساعه دخلت علي 11 بليل وندي مستنيه عاصي علشان ينامو بس عاصي مجاش
ندي :لاحول ولا قوة الا بالله هو راح فين كل دا وقامت من علي السرير وطلعت برا الاوضة ملقتوش دخلت علي اوضة المكتب
ندي :عاصي ممكن ادخل
عاصي غمض عينه : ادخلي تعالي
ندي دخلت :انت لسه كل دا مخلصتش شغل الوقت اتأخر معقول كل دا مخلصتش شغل
عاصي :احم لاء خلصت بس انتي منمتيش ليه
ندي بصت ليه :انا مستنياك علشان ننام سوا
عاصي بتهرب :لاء روحي نامي انتي انا لسه ورايا شوية شغل هخلصهم وهاجي انام
ندي بستغراب :بس انت قولت ليا انك خلصت شغل ؟ شغل ايه اللي لسه وراك
عاصي بص ليها بغضب :نديييي عوزاني اقولك ايه ان لحد الان مش قادر اسيطر علي وضعي ادخلي نامي وانا هبقي اجي انام
ندي بصت لعاصي بزعل :انا مكنش قصدي حاجه انا كنت بهزر معاك وانت عارف كدا
عاصي مسح وشه بغضب :الهزار انواع وانتي اخترتي عقاب ليا مش هزار
ندي بصت لعاصي بقلة حيله وراحت ح\ضنته بقوه :انا قدامك ومعاك اهو اللي انت عوزه اعمله
عاصي غمض عينه بقوه ومر ايده علي ضهرها بحنان :حاليا كل اللي اقدر اقولك عليه انك تسيبيني وتدخلي تنامي
ندي برفض :لاء لما تيجي تنام في اوضتنا هسيبك
عاصي بقلة حيله اخدها علي اوضتهم وقفل الباب وندي نامت وعاصي راح جنبها وغطاها ونام مكانه
شويه وندي راحت نامت علي كتفه عاصي ضمها لح\ضنه بقوة ونام
ندي باست خده :اسفه يا حبيبي
عاصي بعصبيه :نامي يا ندي في ميتين ام اليوم دا بقا
…………………………….
في بيت نيرا
جيهان بتحط هدوم جهاز نيرا في قلب الشنط
نيرا مسكت جاكت احمر وجامد :ماما سيبي دا ليا البسه دلوقتي
جيهان شديتها منها :لاء مفيش حاجه هتطلع من الشنطه اللي بجيبه مش هرجع اجيبه تاني
نيرا بغيظ :وهو دا هيأثر في جهازي في اي يعني
جيهان :مش هيأثر علي جهازك بس هيأثر عليا الهدوم دي مش هتطلع من الشنطه غير في دولابك عند جوزك
نيرا فونها رن قامت ردة بغيظ :الووو نعم
كريم :في ايه البوز ممدود مترين ليه
نيرا :انا دا انا مزاجي عنب انا بس كنت بتخانق مع امي علي جاكت
كريم :جاكت ايه دا اللي بتتخانقي عليه ؟
نيرا : بص جاكت احمر جيلد واييه فخامه بس قالت ليا لاء مش هتخديه الا لما تتجوزي
كريم بستغراب :جاكت جيلد احمر ؟ بس مين قالك يا نيرا انك هتلبسي هدوم الوانها فاقعه كدا او بمعني اصح هتلبسي بناطيل
نيرا :اومال هلبس ايه ؟ هو دا لبسي
كريم :عندك وحاليا دا لبسك لكن عندي انا نظام تاني وحياة تانيه مفيش عندي حاجة اسمها ابن خالتي وحشني وبح\ضنه مفيش عندي الضحكة اللي تلفت الانتباه ولو حصل دا هتتعقبي عليه انا معنديش المياعه ومعنديش معلش هلبس البلوزة دي اصل طالعه موضه الحياة عندي غير عندك بمعني اصح
نيرا بصدمه :كريم اهدي انا حاليا مصدومه من كلامك
كريم :ليه مصدومه ؟ علشان بحافظ عليكي ؟
نيرا بغيظ :لاء مصدمه بنبساط ابقي سبني اكمل كلام انا فعلا كان نفسي في حد يحافظ عليا ويحسسني انه خايف عليا بجد يا كريم
كريم : دا الصح والصح مفهوش كان نفسي لان الراجل اللي ميغرش علي اهل بيته ميبقاش راجل بمعني اصح
نيرا ببتسامه :فعلا صح بص انا نفسي افضل اكلم معاك كتيررر بس عندي مذاكره اكتر الامتحان بعد بكرا ولازم اذاكر النهارده كويس
كريم :اصلا انا لسه واصل البلد حالا من بعد ما وصلتك هقفل انام وبكرا نتكلم يلا تصبحي علي خير
نيرا :وانت من اهل الخير وقفلت وبصت لنفسها في المرايه ومسكت دبلتها باستها وقعدت تضحك احبك ياجدع وانت عنيف كدا يخربيتك
…………………..
في غرفة فرحه
بتكلم مصطفي في الفون :يا مصطفي والله مش هتأخر يعني هي صحبتي واووي اكيد لازم اروح فرحها يعني
مصطفي بصوت عالي :الحوار منهي مفيش خروج من ام البيت واقفلي الحوار بقا يا فرحه
فرحه :طيب انت رافض ليه يعني اي السبب ؟
مصطفي بغضب :هتروحي فرح وانتي من غير دبله واكيد الهانم تلبس وتتشيك وتبقي علي سنجة عشره والصبح الاقي عريس جاي وانا هنا افضل اح\\\رق في نفسي من الغيره
فرحه :خلاص والله هلبس دبلة ماما وانا راحه اوعدك كمان
مصطفي بصوت عالي :فرحههههه وديني ما انتي راحه ام الفرح دا هتقفلي الموضوع ولا اقل ادبي اكتر
فرحه :خلااص هسكت يا مصطفي مش هتكلم ومش عوزه اروح الفرح خلاص
مصطفي :جدعه يا حبيبتي ربنا يكملك بعقلك
فرحه :انت بتعمل ايه دلوقتي وايه الصوت اللي جنبك دا ؟
مصطفي :دا صوت العربيات جنبي انا راجع البيت كنت عند خالتي سعاده ولسه راجع
فرحه :كنت هناك ليه
مصطفي :كنت بجيب ورق ارض من هناك وراجع اهو
فرحه :ترجع بسلامه وقالت بهمس يا حبيبي
مصطفي بضحكة :قلب و روح حبيبك بقا
فرحه بخجل :انت سمعت ؟
مصطفي :وربي بم\\وتت فيكي
فرحه بخجل :مصطفي اسكت انت مشاءالله عليك في الكلام والتسبيت دكتور
مصطفي بضحك :قدك ايه يا فرحه ان نسوانجي ؟
فرحه :بالله با مصطفي لو عرفت انك بتكلم غيري لم\\وتك
مصطفي :عادي ام\\وت علي ايدك م\\وت الهناا والسعاده يا فرحتي
نورهان خبطت ودخلت بصت علي فرحه وعلي ابتسامتها ابتسمت ليها :خلاص كنت داخله اطمن عليكي وطلعت تاني
…………………………
الساعه دخلت علي 12 نص اليل وغسان لسه مرجعش ونور قعدة مع حبيبه وحبيبه بتوريها شكل البيت بعد ما خلص
حبيبه :رتبنا كل حاجه مكانها يعني كدا كل البيت خلص
نور :الحمدالله يا حبيبتي انه خلاص خلص
حبيبه بتذكير :ايواااا فكرتيني الايفون 14 اللي علبته كانت برا الصبح دي بتااع مين
نور ابتسمت :بتاعي بابا جابو ليا علشان عرف ان حامل في ولد
حبيبه :حلو هاتيه ليا بقااا وخدي بتاعي
نور برفع حاجب :نعم يمااااا هو ايه اللي هاتيه ليا مفيش الكلام دا لما تتجوزي ابقي خلي جوزك يجيبلك
حبيبه :هو فين الاهل اللي بيقولو انا اشيل اللقمه من بوقي واحطه لعيالي الناس دول فين والنبي
نور :مااااتو من ايام جدتي احنا في 2022 يماااا
حبيبه :احنا خلاص بنشطب السنه ودخلين علي 2023 يا غاليه
نور ببتسامه :علي رأيك السنين والوقت والحياة بتمر في ثواني
حبيبه ح\ضنتها :ربنا يخليكي لينا يا ست الكل وتجوزيني بقااا
نور بضحك :هنجوزك يا اختي هنجوزك المهم ادخلي نامي بقا لما اشوف ابوكي اتأخر ليه وطلعت برا الاوضة
نور بهمس :الساعه 12 يا غسان ولسه مرجعتش دا انت ليلتك طين الواحد حاااس نفسه بقا 120 كيلو ورنت علي غسان
غسان :حبيبي
نور :حبيبك اااه دا انت ليلتك طين يا غسان الساعه 12 بليل ولسه مرجعتش انت فيييين
غسان : خلاص والله راجع اهو
نور :ارجعلي يا روحي ارجعلي انا مستنياك اهو
غسان :خلاص نام انت وانا لما ارجع هكلمك
نور :بتكلمني علي اساس راجل غساااااان انت فين ؟
غسان بغضب :قولت خلاص لما ارجع هنتكلم
نور :طيب لما تبقي ترجع وقفلت بيخوووني اكيددد والا هيكلمني بصفتي راجل ليه صبرك علياااا يا جوز الفرح والهناا بس يتري بيخوني مع وحده عندها كام سنه يخربيتك يا غسااااان دا انت عندك بنات….يتبع
الساعه بقت 1 وشويه ونور راحه جايا في قلب الاوضه ودماغها بتألف والف سين\اريو وحوار
نور بضيق :ممكن يكون فعلا بيخوني علشان كدا كلمني علي اساس راجل ولا ايه اللي هيأخره لحد دلوقتي برا البيت ولقت باب الشقة بيتقفل وغسان دخل الاوضه بص ليها من فوق لتحت بستغراب
غسان وهو بيرمي فونه ومفاتيح البيت والعربيه علي السرير :خير يارب ايه اللي مصحيكي لدلوقتي ووقفه كدا ليه
نور بغضب :كنت فين يا غسااان لحد الساعه واحده بليل بعد العمر دا كله وبتخوني دا انت حته شعرك ابتدي يشيب وعندك بنت طب خاف عليها يا اخي …. انت ساااااكت ليه انطق
غسان وهو مربع ايده بغضب :وعز جلالة الله انا لو اتكلمت مهخلي فيكي حاجه سليمة النهارده وزعق فيه ايه وايه التخلف اللي بتقوليه دا انا فاضي لوحده لما هكلم غيرك متخلنيش اتجنن عليكي النهارده علشان مش عاوز ازعلك
نور بدموع :بتكلمي بصفتي واحد عاوزني اقولك ايه غلطان وجاي تزعق ليا كمان
غسان بغضب :بتطلعي اسوء ما فيا وترجعي تزعلي وتعيطي مفيش بينا ثقه لدرجة دي ابقي عندي بنت علي وش جواز واروح ابص لنسوان اتهبلتي لدرجة دي
نور مسحت دموعها :ولما مكنتش مع حد بتكلمني علي اساس راجل ليه يا غسان ؟
غسان مسح وشة بغضب :يا صبر ايوب حاضر الموضوع دا مضايقك اوي حاضر نقوله انا يا حبيبتي خرجت قعدت علي القهوه شويه بعدين كان في حجات تبع الشغل كان لازم اروح بنفسي واتأكد منها روحت وعملنا اجتماع وكان معايا اللواء امجد والعساكر وانا واقف بتكلم وسيادتك بترني اظن كدا كويس ياريت تدخلي تنامي لان مش عارف لو اتكلمتي كلمة زياده ردة فعلي هتكون ايه او ازاي ؟
نور بصت ليه بزعل وراحت نامت علي السرير واتفطت واديته ضهرها
غسان قلع قميصه ورماه علي الكرسي بتاع التسريحه وفتح الدولاب بغضب طلع هدوم واخدها ودخل الحمام ياخد شور
نور بضيق :اكيد جعان ومأكلش … وانا يهمني في ايه ياكل مياكلش هو حر لو جعان هيروح ياكل ………بس هو متخانق معايا يعني مستحيل يروح ويعمل اكل وبعد صراااع بينها وبين نفسها قامت وفتحت باب الاوضة ودخلت علي المطبخ تجهز اكل ليه
بعد وقت غسان طلع من الحمام وكان لابس ترنج بيتي وبينشف شعره بالفوطه بص علي السرير ملقهاش اضايق في نفسه اووي ورمي الفوطه ولقي نور دخله الاوضه ومعاها صنية الاكل حطيتها علي الطربيزه
نور بزعل :اكيد مأكلتش اتفضل كل يلا تصبح علي خير
غسان مسك ايدها وبص ليها بعذر :انتي عرفه انا مضغوط ازاي وعرفه اللي انا فيه اكيد يا نور تفكيرك ميجيش ليكي ان ممكن اخونك انتي عرفه ان بم\\وت فيكي يبقي ليه تسمحي لشيطان يدخل بينا
نور بلوم :كان هيجري ايه لو كلمتني بالهدوء دا من الاول ولا لازم تزعق وتقول كلام يزعل وتطلع كل غضبك فيا وبعدين تقولي سوري يا حبيبتي انا تعبان ومضغوط انت لو تعبان ف انا بم\\وت شيله مسؤليه البيت كله لوحدي من طبيخ لغسيل لتنضيف وفوق كل دا حامل والحمل دا انت اكتر واحد عارف انه تاعبني بس طبعا انا اقدر لكن انت لاء علشان انت الراجل لكن انا عادي كل ست بتعمل كدا ….. سيب ايدي يا غسان خليني انام بالله
غسان بص ليها بعصبيه :انا مش مقدرك ولا مقدر تعبك ……؟ لاء بجد عرفيني بس انا مش مقدرك ؟نوررر قبل ما تتهبلي في كلامك اسئلي اصحابك عن معاملة اجوازهم ليهم وابقي شوفي معملتي ليكي ؟ شوفي لو واحد منهم بيعمل ليها نص اللي بعمله ليكي شووفي اقولك ادخلي نامي لان الكلام ملوش لازمه وساب ايدها واخد علبة السجاير وطلع برا الاوضة بغضب
نور بدموع :هي كدا الحقيقه بضايق كل واحد بتعمل ايه انت ليا علشان اسئلهم يا اخي يلعن دي عيشة علي اللي عيشنها انا اروح اعد عند امي لما نفسيتي ترتاح شويه وفتحت الباب بغضب وطلعت ليه انا هروح عند ماما مش عوزه افضل هنا
غسان بص ليها ببرود :مع الف سلامه اتفضلي روحي عند امك لكن لو هتستني مني ان ارجع اجيبك انسي ؟ ودور ضهره ليها وبيشرب السجاره
نور دخلت الاوضه بغضب وعياط وطلعت الشنطه ولسه بتحط الهدوم فيها مسحت دموعها :وانا ليه اريحه واروح عند امي لاء هخليني و اضايقه اكتر ورجعت الشنطة مكانها وراحت علي السرير ونامت مكانها تاني
وغسان فتح البلكونه بتاعة الصالون بغضب وطلع وقف فيها وهو بيشرب السجاير بشراسه :ربنا ياخد النسوان اللي في الدنيت علشان الواحد يرتاح خالص ودخل تاني فرد الكنبه سرير ونام عليها بغضب
………………………………….
في الصباح وتحديدا الساعه 6 صباحا
يمني :سيييف قوم اخلص بقالي ساعة بصحي فيك الحضانه يا حيوان قوووم
سيف بنوم :يا ماما والنبي مش عاوز اروح انا عاوز انام
يمني شالت الغطي من عليه بقوة واشتالته وراحت علي الحمام غسلت وشه مع عياط سيف
يمني بغضب :كل يوم نفس الموال ونفس النظام العيال بتروح الحضانه فرحانه وابني اللي بروح معيط
سيف بعياط :علشان مش بحب الحضانه هي وحشه وانا عاوز انام
يمني وهي بتلبسه بقوه وزعيق :اقسم بالله لو معدلت نفسك لكون مم\\وتاك النهارده اقف اصلب نفسك خليني البسك هتتأخر