…………………………..
عند عاصي
عاصي قاعد علي الكنبه اللي في الصاله وعلي رجله الابتوب بيشتغل عليه بتركيز وندي نايمه جنبه علي الكنبه بتقلب في التلفزيون بملل
ندي بزهق :يووووه مفيش حاجه حلوه خالص في التلفزيون الواحد يتفرج عليها وبصت علي عاصي وعلي حركت ايده السريعه علي الكيبورد ونظرته وتركيزه عاااصي يازوووجي
عاصي بتركيز في الابتوب :عايزه ايه ؟
ندي بدلع :عوزه انام في ح\ضنك يابيبي
عاصي :مش فاضي واسكتي علشان مش عارف اركز
ندي بصت ليه بغيظ شديد انه مش سامعها ولا مركز معاها اصلا قامت من جنبه بغيظ ودخلت الاوضه
ندي فتحت الدولاب بتاعها وقالت :يا انا يا انت يا عاااصي وطلعت قميص نوم عريان وقالت بشر حلو داااا وراحت لبسته وبصت لنفسها في المرايه هو عريان ايوا بس عادشي وسرحت شعرها وحطت برفان وميكب خفيف الدنيا تلج بس يلا هتسلي وراحت لبست خلخال وطلعت بمشيه مايعه
ندي بدلع :عاصي بقولك ايه ؟
عاصي بص ليها ورجع بص للابتوب ورجع بصلها تاني برفع حاجب وسكت شويه :انتي مفكره انك كدا بتغريني يعني ؟
ندي راحت قعدة جنبه بلامباله :اغريك ليه انا قعده وفجأة احتريت فدخلت لبست علشان اكون علي رحتي
عاصي برفع حاجب واحد :بجد ومن امتي الكلام دا ؟
ندي بصت ليه بنفس النظره :من دلوقتي
عاصي مسح وشه وحط الاب جنبه وبص لندي بخب\\\ث:اصل بصي انا مش هنكر ابدا انك عجبتيني وعجبني شكلك ولدرجة مهلكة لكن انا عارف انك تعبانه ولو هم\\وت مش هقرب ليكي وانتي تعبانه يبقي ايه لازمة انك تلعبي بأعصابي يا دوشه ؟
ندي رجعت شعرها بدلع لورا :اولا اسمه ندي او ندوش ثانيا انا مش بلعب بأعصابك يا حبي انا حابه ان البس كدا في مانع
عاصي :ما هو مفيش مانع عندك لكن انا لما الاقي وحده بطل قعدة قدامي بلبسك ومنظرك دا عوزاني اعمل ايه ؟
ندي بغمزه :تعمل ايه يعني ؟
عاصي قرب من ندي وباسها بعمق وبعد عنها تاني بس حط جبينه علي جبينها :لو فعلا عندك خاطر ليا قومي غيري هدومك دي والبسي هدومك
ندي بخجل :ح حاضر ابعد وانا هقوم اغير هدومي
عاصي بضعف :مش عارف ابعد ومش عاوز ابعد !
ندي بحرج :انا اسفه بجد بس لازم تبعد
عاصي قرب منها تاني وباسها وقال بهمس :قومي انجزي
ندي بعدت عنه بقوة وراحت علي الاوضة جري حطت ايده علي بوقها :يخربيتك علي بيتك دماغك ايه الهبل اللي بعمله دا اعمل المصيبه وازعل في الاخر انا بقبت سفله اوووي البنات اللي في سني لسه بيتفرجو علي القط والفار وانا دخلت علي محطة المتزوجون بدري اووي ودخلت جري علي الحمام
عاصي :اهدي كدا دي مراتي ومعايا علطول بس هي تعبانه ولازم نستحمل بس انا فعلا مينفعش افضل معاها في اوضة وحده خالص اخد الابتوب وكل اورقه ودخل علي اوضة المكتب يشتغل بنفس متقطع
…………………………..
في شقة نسمه
اسر رن الجرس ونسمه فتحت
نسمه :تعالي يا اسر ادخل يا حبيبي
اسر :ازيك يا نسوم ابويا فين
نسمه :ابوك نزل القهوه بس باين في وسط البلد مش اللي تحت
اسر :ايوا وزهره فين مختفيه البت دي
نسمه :جوا في اوضتها ادخل ليها
اسر قلع الجزمة بتاعته ودخل :يااااسلام لو تعمليلي كوباية شاي بقاااا
نسمه بحب :وسندوتش كباب من اللي بعمله بقااا تستاهل بوقك ودخلت علي المطبخ واسر خبط ودخل علي زهره
زهره ببتسامه :ازيك يا برووو
اسر بجديه :من غير حورات وزعيق علشان محدش ياخد باله الواد اللي كنتي بتبعتي ليه الفلوس اخد صور ليكي ؟
زهره بصدمه :صور صور ازاي وصور ايه ؟
اسر :زهره متحوريش بالله عليكي علشان انا مش عاوز فضايح اكتر من كدا الواد اللي كلمتيه اخد ليكي صور ؟
زهره بصت ليه بخوف :هو اخد صور ليا بس والله صور كويسه مش صور اللي في بالك والله بقول الحقيقه يا قاسم ؟
قاسم مسك فونها :افتحيه ووريني الصور اللي اخدها
زهره مسكت الفون بإيد مرتعشه ووريته الصور كانت صوره بجيبه وشاجت ابيض وطرحه والتانيه ببنطلون اسود وبلوزه حمرا وطرحه وصور محترمه
اسر بص ليها بشك :دول بس ؟
زهره :والله العظيم هنا دول الصور اللي انا اديتهم ليه وانا متكلمتش معاه غير شهر بس
اسر :وعرفتيه منين اصلا ؟
زهره :هو من المهندسين لما كنت في الرحله بتاعت الدريم كان هو المشرف بتاعها وعرفته من وقتها
اسر بلوم :ك\\سرتي ضهري بحركتك دي يا زهره انتي عمرك شوفتي حد في ولاد عمك بيكلم حد علشان تعملي كدا عمرك شوفتي حد فينا بيكلم بنت او بيعمل حاجه غلط
زهره دموعها نزلت :كان غصب عني يا اسر والله
اسر :الغلط مفيش فيه حاجه اسمها كان غصب عني علشان انتي عرفه انه غلط ورغم كدا بتحبي تكملي فيه
زهره بدموع :انا انا اسفه يا اسر اسفه بجد
اسر رمي فونها علي السرير :الموضوع دا انا هعديه بمزاجي بس وديني يا زهره لو لمحت حاجه تاني عليكي وديني لكون دف\نك يا زهره
زهره هزت راسها :والله توبه مستحيل اعمل حاجه غلط تاني
نسمه :اسر انت فين يا حبيبي
اسر :امسحي دموعك ومبينيش لامك اي حاجه وعلي صوته انا اهو يا نسوم تعالي
نسمه دخلت الاوضه :تعالي يلا علشان تاكل وتحكيلي عملت اي في البيت
اسر :انا خلصت كل حاجه في البيت مبقاش لسه في حاجه غير ان حبيبه تفرش هدومها وهدومي في الدولاب
نسمه ببتسامه :يارررب يا اسر يابن قلبي عقبال ما اشوفك احلي عريس في الدنيا
اير وهو بياكل السندوش :اميييين بقااا علشان الواحد تعبب
…………………..
أترك تعليق