ناديه بحزن :وعلشان مكونش عداوه بينا اجوزك قاصر وغصب
ندي :مين قالك ان هتجوز غصب
عزه بمرح :لو متجوزتوش برضاكو
ندي بمرح وهي بتهز كتفها :هتجوزو من وراكو
ناديه حدفت فيها الشبشب :وحياة امك ما هيحصل
ندي :بتكلم جد هو هيجي مع اهله علشان يتقدم ليا
ناديه بجديه :انتي بتتكلمي جد يا ندي ؟
ندي :اكيد مش ههزر في حاجه زي كدا يا ماما
ناديه :وانتي موافقه تتجوزيه
ندي نزلت راسه الارض : موافقه
ناديه سكتت :مش عرفه افرح ولا ازعل
ندي بسرعه :افرحي يا ماما علشان انا عوزه عاصي مش هتجوز غصب زي ما كانو عوزين يعملو فيا
ناديه لما لقت بنتها في فرحه في عنيها ابتسمت :اللي فيه الخير يقدمه ربنا
ندي ابتسمت ودخلت اوضتها جواها فرحه هي مستغرباها :خير انشالله وافتكر وحطت ايده علي بوقها بخضه بس انا كدا هتجوز ومش هعرف اعاكس حد ولا اي يخربيتك يا عاصي الكلب هو عاكس بنات مصر كلها وانا ملحقتش اعاكس حد ولازم اروح جامعه واوقع الكتب وتبدء قصة حب من هنا بقتا ولا الدكتور بتاع الماده يعجب بيا ولا حاجه تؤتؤ انا كدا هيفوت عليا كتير بس احلي حاجه انه بعضلات عنزه الفورمه الشمال شغاله شغل تمام
…………………
في شقة نسمه
نسمه نزله تنفيض في قوضة النوم ومشغله المكنسه
قاسم قام ب\ :يا نسممممه انا بقولك هنام ساعه ومدخليش ميتين ام الاوضه ناقص تجيبي المكنسه تحطيها علي دماغي
نسمه :يعني ننام في التراب
قاسم حط ايده علي دماغه :ما انا لو انزفت وروحت نمت في قوضة تانيه هتيجيي تنضفي فيها برضو
نسمه :قاسم متشتغلنيش انزل نام عند امك تحت
قاسم بصدمه :مشتغلكيش انتي بتتكلمي كدا ليه يابت انتي
نسمه بخوف :بهزر يا حبيبي والله نام برحتك ولو دخلت الاوضه دي تاني كهربني وطلعت
قاسم اتعدل ونام :لما نشوف في ام دا يوم
نسمه لقت زهره في وشها مبصتش ليها
زهره :ماما اساعدك في حاجه
نسمه بزعل :شكرا
زهره برجاء:علشاني كلميني اسفه ومش هعمل كدا مره تانيه انا عرفتك غلطتي ومعترفه بيها وصدقيني عمري ما هكلم حد تاني ودا وعد مني ليكي
قاسم واقف علي باب قوضة النوم :غلطت اي اللي معترفه بيها يا زهره ؟؟؟
……………………
ياسمين كانت قعدة في قوضتها وكالعاده بتفكر في ادهم ودموعها نازله :ياتري عامل اي بيفكر فيا زي ما هو مبيطلعش من دماغي كدا بياكل ولا لاء طيب بردان ولا عامل اي وفونها رن
ياسمين :الووو
ادهم بعش/ق :وحشتيني يا اغلي حاجه في حياتي ؟؟؟؟
ياسمين سكتت بس دموعها نازله علي خدها
ادهم بوجع :بصي انا مش عوزك تتكلمي كفايه انك تسمعيني وبس عارف ان انا غلط في حقك كتير وعارف ان قسيت عليكي كتير بس عارف ان برغم كل دول انتي بتحبيني وانا كمان بمو*”وت فيكي عارف انك مع عيلتك دلوقتي زمانك وكمل بضحة مخلوطه بدموع مبسوطه انك خلصتي مني بس انا الدنيا اخدت مني عيلتي واللي هي انتي يا ياسمين ممكن مش هشوفك تاني علشان عارف ان في قواضي ممكن اخد فيها اعدام بس علشاني بلاش تطلقي خليكي علي ذمتي لو فعلا حبتيني في يوم من الايام وسكت شويه مع السلامه يا اغلي انسانه في عمري وقفل وادي الفون لاحمد
ادهم بدموع :امشي بلاش تقف ليا هنا انا مش ههرب
احمد بحزن عليه :انت اقوي من كدا يا ادهم وربنا هينجيك انشالله ومشي
ياسمين انهارت من العياط :اطلق منك ازاي دا انا عايشه علي امل هرجع ليك يا ادهم ومسحت دموعها بقوة لازم اشوفه
……………………..
ندي نايمه علي السرير بتاعها وكل شويه تفتكر وهي نزله من عند عاصي
فلاش باااك
حد حاطط ايده علي بوقها وبيهمس وبقول :لو اتجوزتي الواد دا هيبقي يوم جنازتك وجنازتي مع بعض يا ندووش واوعدك بدا
بااااااك
ندي بخوف ودموعها نازله :انتو متأكدين ان حياتي هي حياة بنت عندها 16 سنه هو مش هيسبني في حالي ممكن يقتـ,ـلني عادي وقامت وقفت علي الشباك تبص علي السما يارب قولي الطريق الصح فين وانا هعمله اي اشاره بس يارب وابعد عني من تمنيت ان اكون معه في يوم وعزه دخلت عليها
عزه وهي حطه ميكب كامل ومسكه الفون في ايدها :ندووش بقولك
ندي بتبص عليها من فوق لنحت بستغراب :قولي يا غاليه
عزه :عندك كنتور اصل اللي عندي خلص
ندي برفع حاجب :وانتي عوزه كنتور لي …..وعمله في نفسك كدا لي …….اعترفي الانكار مش هيفيدك
عزه وهي بترجع شعرها لورا بمرح :بعمل تيك توك
ندي وهي بتلف حولين عزه :قولتيلي تيك توك ايوااا يا وليه يلي اسمك ماما تعالي شوفي تربيتك
عزه :ماما نايمه بتريح شويه المهم عندك ولا لاء
ندي فتحت الدولاب وطلعت منه قلم الكنتور واديته ليها وقالت بتحذير :لو حصل حاجه فيه هدـ,ـفنك
عزه اخدته وطلعت :بس يابتاعة عاصي وفون ندي رن وكان عاصي
ندي :جبنا في سيرة القط طلع ينط وردت عايز اي
عاصي بضحك :حد يقول لخطيبه عايز اي
ندي بتفكير :هو لي الشمس بتطلع بنهار مع ان النهار بيكون منور ومتجيش بليل في الضلمه تنورها لي
عاصي بزعيق :بتتتت مش هنسيب كل الكلام اللي في العالم وتكلم في الظواهر الكونيه
ندي بملل:اومال هنتكلم في اي
عاصي بمكر :يعني لما نتجوز هنعمل اي ونخلف كام والحجات اللي تفتح النفس دي
ندي برقت :اللهي ينسد نفسك يابعيد انت لو مفكر ان انا ليا في قلة الادب دي تبقي غلطان ….ولاااااا انت سافل ومشحترم ولا متربي وقفلة السكة في وشه
عاصي فاتح بوقه ومصدووم منها :انا قولت اي لكل دا انا بكلمها في سُنه الحياه تقفل الخط في وشي ليلتك سودا يا ندووش ورن تاني وهي تقفل لحد ما زهق حلووو كدا انا بقا هعلمك الادب
……………….
حبيبه طلعت علي قوضة اسر بسريه تامه ودخلت كان اسر واخد الاوضة رايح جي بعصبيه شديده اول ما شافها شدها بعنـ,ـف وبـ,ـاسها بعـ,ـنف وقوه وغيـ,ـره وعـ,ـضب وهي كانت مصدومه من طريقته دي
اسر بين قبولاته :انتي ليا لوحدي ومحدش يقدر يخدك مني ولا يمنعك عني حتي لو كان الحد دا انتي يا حبيبه
حبيبه بعدت عنه بخوف :اسر لو بتحبني ابعد وبلاش طريقتك دي معايا
اسر بجنون :طريقة اي يا حبيبه انتي حبيبتي مين لعب في دماغك بالشكل دا
حبيبه :ايوا انا حبيبتك بس مش مراتك ولا حلال انك تبو*سني او حتي تلمسني يا اسر انا بعش/قك بس تحنا كدا ربنا \ان علينا لازم نرضيه يا اسر علشان يرضينا
اسر مسك دماغه واخد الاوضه رايح جي :حبيبه انزلي تحت علشان انا في وقت متحسدش عليه ابدا ومش عاوز عصبيتي تيجي فيكي انتي
حبيبه :بس انا عوزه عصبيتك تيجي فيا يا اسر
اسر بص ليها بوجع :انتي بتروحي من بين ايديا يا حبيبه انتي بتبعدي عني وحده وحده انا وقفت في وش الكل علشانك وعلشان اكون في ح*ضنك وانتي المقابل بتمنعيني عنك
حبيبه راحت عنده واخدته من ايده وقعدت علي السرير وقالت بحنان :مين قال ان ببعدك عني يا اسر ومين قالك ان بمنع نفسي عنك كمان بالعكس احنا كدا بنقرب اكتر بابا قالي لما اسلمك نفسي من غير حاجه م\اتربطنا انت كدا هتكرهني وعمرك ما هتفكر تتجوزني وقالي لو بتحبني هتعمل كدا وهتستني لما نتجوز وابقي ملكك بجد
اسر بتفكير :كلامه كل مظبوط بس دا لو حد غيري يا حبيبه لكن انا بتنفس علشان انتي موجوده معايا وابوكي مش مقدر كدا ولا مقدر ان بعش/قك
حبيبه :بالعكس بابا موافق عليك وقال انه موافق علي جوزي منك وانك تربيته وعارف انك اكتر واحد هتحافظ عليا بس بيختبرك وقالي مقولش ليك بس انا مقدرتش
اسر بفرحه :بتكلمي بجد يعني انا في امتحان دلوقتي
حبيبه بضحك :حاجه زي كدا بس لو محتاج غس انا جهزه
اسر :لاء انا محتاج تنزلي علشان لو المراقب حس انك هنا هسقط في الماده الاولي يلااا علي تحت
حبيبه وقفت بضحك :حاضر يا طالب ونزلت وسابت اسر وهو جواه فرحه ملهاش حل وحاسس انه خلاص بدأ يوصل للهدف بتاعه واللي هي حبيبه
………………..
عند غسان ونور
نور قامت وبعدت عن ح*ضن غسان اللي استغرب ونور بدأت تتوجع
غسان :في اي مش مرتاحه لي كدا
نور بوجع :غسان بطني بتوجعني اووي
غسان حط ايده علي بطنها بخوف :الوجع منين بالظبط
نور حطت ايده علي بطنها من فوق :من هنا الوجع شديد اووي
غسان قام :قومي البسي هنروح لدكتوره وبنظرة تحذير مفيش حاجه اسمها اعتراض قومي
نور قامت واخدت شور وطلعت وغسان دخل وهي لبست دريس اسود وعليه هيلز بيج وطرحه بيج وغسان ولبس قميص ابيض وعليه بنطلون اسود وجاكت جلد اسود
نور قعدت علي السرير :يلاا يا حبيبي خلص انت بتتأخر عني في البس
غسان بص ليها بتركيز :دخلي شعرك في ام الطرحه ونزلي كم البتاع اللي انتي لبساه ومش عاوز اشوف دراعك باين
نور بغيظ نزلت دراع الدريس وعدات طرحتها :كدا حلووو
غسان اخد المحفظه ومفتاح العربيه والفون بتاعه ومسك ايده :كدا زي القمر يلا بيا ونزلو علي تحت
غسان :امااا انا خارج شويه انا ونور عاوزه حاجه اجيبها ليكي وانا راجع
نڤين :تسلم يا حبيبي عوزه سلامتك خلي بالكو من نفسكم
غسان باس دماغها :ماشي يا ست الكل ونزلو ركبو العربيه وراحو علي الدكتوره
نور :غسان هننزل المرل نشتري شوية طلبات للبيت
غسان :حاضر يا حبيبي
وبعد شويه وصلو عند الدكتور وفضلو قعدين منتظرين الدور
نور شافت وحده عماله تتمايع في الضحك وبتبص علي غسان بإعجاب
نور في نفسها :هي مش شايفه الدبله ولا اي …. يمكن مفكراه اخويا لاااء عندك يماا وراحت نامت علي كتف غسان ومسكت ايده شبكتها في ايدها
غسان بستغراب قرب من ودنها :عوزه حاجه ولا اي
نور ابتسمت وقالت بصوت :لاء يا عمريي مش عوزه حاجه عوزاك جنبي وبس وبصت للبنت لقيتها اضايقت نور فرحت
الممرضه :مدام نور غسان الالفي
غسان قام وسندها ودخلو عند الدكتور
غسان اول ما دخل اتصدم انه دكتور :هو مش دي عيادة الدكتوره هاله برضو ولا اي
الدكتور :ايوا يا فندم بس الدكتوره هاله تعبانه الفتره دي وانا اللي مكانها في اي مشاكل
نور بسرعه بضحك :لاء يا دكتور احنا بس استغربنا شويه
غسان بص ليها بصه نور فضلت ساكته خالص
الدكتور : تمام اتفضلي خلينا نكشف يا مدام