شريف بضيق : مش شاكك بس يعني قولت ممكن
اسراء : ممكن ايه
شريف بضيق : ممكن يعني حد ضحك عليكي
اسراء بغضب : نعم يعني كنت شاكك فيا
شريف : لا مش كدا انا قصدي يعني
اسراء بغضب : كنت بحسبك فعلا بتحبني كنت لازم أسألك سؤال ده قبل ماتجوزك ازاي تصدق عني كدا
شرق : اسراء افهميني
اسراء مشيت من قدامو ودخلت اوضه كانت في شقه وقفلت علي نفسها بلمفتاح وفضلت تعيط بقهر اما شريف قعد علي كنبا بحزن وسيف كان في شفتو ونام من تعب هما تلاته مش عارفين ايه الي مستنيهم أو ايه الي جاي ……….عده الوقت واسراء بصت علي ساعه الي علي الحيطه قامت بسرعه طلعت برا الاوضه لقت شريف نايم علي كنبا بصت عليه بحزن ودخلت المطبخ تحضر السحور انهارده اول سحور في رمضان وبعد ربع ساعه جهزت السحور وقربت من شريف وحاولت تصحيه
اسراء ببرود : قوم علشان تسحر
شريف بنوم : مش عايز
اسراء : بكرا يوم صعب لوسمحت قوم
شريف بضيق :قولت لا شوفي سيف باشا
اسراء بصت عليه بحزن وبعدين جابت صنيه وحطت فيها اكل وراحت شقة سيف وخبطت وسيف فتحلها
اسراء بستغراب : مكنتش متوقعه انك صاحي
سيف : صحيت من شويه ايه ده
اسراء: السحور بكرا رمضان
سيف ابتسم بحزن وقال : طول عمري بقضيه لوحدي اتفضلي ادخلي
اسراء دخلت الشقه وسيف ساب الباب مفتوح وهي لحظت
اسراء : يلا اتفضل كول
سيف : وانتي مش هتكلي
اسراء بحزن : مش عايزه
سيف بستغراب : ليه هو شريف مرفعش راسنا ولا ايه
اسراء بصتلو بصدمه
سيف بضحك : احم اسف يلا نسحر
اسراء : طيب كل ذبادي علشان مطعطش صحيح بكرا هروح اجيب طلبات علشان اول يوم رمضان
سيف بابتسامه : ماشي شريف فين
اسراء بحزن : مش عايز يتسحر
سيف بتفهم : طيب يلا كلي
سيف واسراء بداو يكلو وبعد 10 دقائق الفجر اذن وسيف كان بيشرب الميه اسراء شدت منو الكوبايه وقالت : خلاص إذن
سيف بطفوله : ملحقتش اشرب والله
اسراء بضحك : مالك
سيف بضيق : عطشان
اسراء : معلش استحمل انا هروح اصلي الفجر وانت صلي ونام
سيف بابتسامه : تمام تصبحي علي خير
إسراء خدت الاكل وقالت : وانت من اهلو
اسراء رجعت شقتها ودخلت اتوضت وصلت وبعدين نامت وسيف نفس النظام ….
_______________________________________
* في صباح يوم جديد *
شريف صحي من بدري علشان يروح شغلو وإسراء كانت بتتجاهلو وقرارت تنضف الشقه وبعدين نص ساعه من التنضيف قرارت تدخل تاخد شاور جهزت لبسها ودخلت الحمام أما سيف صحي علي صوت تلفونو وهو بيرن رد بغضب وقال : ايه نعم الواحد صايم ومش طايق نفسو
فريد : سيف انا سبت ورق معا شريف وشريف جاه من غيرو وانا محتاجو دلوقتي
سيف : تمام وانا مالي
فريد : يابارد قوم هاتو
سيف بتذكر : بس مرات شريف راحت سوق تقريبا
فريد : افتح درج التسريحه هتلقي مفتاح شقه بتاعتهم عملت ليه نسخه تانيه
سيف : طيب اقفل
سيف قام وخد المفتاح وطلع من شقتو وفتح الباب بهدوء وشاف الشقه هادئه اتأكد أن اسراء مش موجوده سيف قفل الباب وبدأ يدور علي الورق ودخل الاوضه ووقف قدام التسربيحه وفتح درج التسريحه وفضل يدور وفي الحظه دي طلعت اسراء من الحمام وسيف بص علي مرايا ونصدم لما شافها وراه وآسراء وقفت مصدومه كانت لفه الفوطه علي جسمها وبس وفجاه سمعو وصوت باب والشقه بيفتح وشريف بيقول : اسراء انتي فين
سيف بهمس : ايوا مهو يوم اسود من اولووووو
يتبع..
الفصل الثالث 3
بقلم ياسمينا
سيف قرب من الباب وقفلو بلمفتاح قبل ماشريف يدخل شريف خبط
سيف بهمس : قوليلو انك معاكي واحده جارتك
اسراء بصدمه : نعم
سيف : انجزي مش وقتو
اسراء بتوتر : شريف استنا معايا جارتي هنا
سيف بهمس : ادخلي الحمام انتي ولا عجبك الوقفه دي
اسراء بصتلو بغضب ودخلت الحمام
شريف : واحده مين
سيف وهو بيقلد صوت ست : احم في ايه ياخويا مش جيران ولازم نتعرف
شريف : احم انا اسف
سيف بهمس : اسف ايه بس دانا الي اسف يخربيتك يافريد كانت يوم اسود لما ابويا شافك فيه
شريف : طب ممكن تقولي لي اسراء اني محتاج ورق من الأوضه
اسراء طلعت في لحظه دي
اسراء : ورق ايه
سيف قرب من تسريحه وطلع ورق وقالها بهمس : اديلو الورق ده ومشيه
اسراء بغضب : انت ازاي تدخل هنا اصلا
سيف : ايوا ايوا علي صوتك اكتر وهو يكسر الباب ويلقينا سوا
اسراء بضيق : ايوا مانت متعود
سيف : اللهم مااني صائم مش هتكلم
اسراء خدت منو الورق وسيف وقف ورا الباب واسراء فتحت الباب
شريف : مين الي معاكي
اسراء : احم ام نبيل
شريف بستغراب : لحقتي تصحبي ولا ايه
اسراء : ايوا
شريف : اسراء انا اسف
اسراء بحزن : ولا يهمك
شريف : انا بح
سيف قفل الباب في وشو
سيف وهو بيقلد صوت ست : معلش ياخويا انا سنجل وماليش في المحن ده
شريف بستغراب : ام نبيل وسنجل
سيف : اه الله يرحمو ابو نبيل الف رحمه ونور عليه
شريف : الله يرحمو انا ماشي يااسراء
شريف مشي وقفل باب الشقه وراه
سيف براحه : الحمدالله
اسراء بغضب : برااااااااا
سيف بضيق : بتزعقي ليه
اسراء : انت ازاي تدخل عليا كدا ودخلت ازاي
سيف : احم اولا اسف ثاانيا فريد كان عايز الورق ده وقالي أن في نسخه من المفاتيح وبحسبك في سوق غصب عني يعني
اسراء بضيق : هات نسخه دي هاتها
سيف : هو انتي هتامريني مش جيبها بس كدا ايه قرف ده
سيف خرج برا الأوضه
اسراء بصدمه : الي انا عايشه ده حقيقي
سيف فتح الباب تاني وقال : اه حقيقه واجهزي علشان هنروح السوق سوا
سيف قفل الباب وقعد في صاله واسراء لبست وخرجت
سيف : عايز اكتشف بقا الحاره دي
اسراء بضيق : هتكتشف بلبس ده دا الناس عتكلك مني
سيف بستغراب : تكلني ليه
اسراء بنفاذ صبر : روح دلوقتي حالا هات لبسك وانا اختار
سيف : بس انا مجبتش لبس معايا وبعدين ايه حالا دي حبيبتي مش معنا اني ماشي معاكي تكلمني كدا
اسراء بغضب : لوسمحت متكلمنيش ويلاعلشان اجبلك لبس
سيف : يلا
سيف واسراء نزلو الحاره لقو ناس بتعلق زينة رمضان وفي عيال كتير بيلعبو في الحاره
سيف : حلوه اوي الأجواء دي
اسراء : صح جميله فعلا تعال نركب ميكروباص
سيف بصدمه : ليه يعني ما جيب عربيتي
اسراء : لا اطلع والله مانت جاي معايا
سيف : خلاص ياستي خلاص
اسراء : طب يلا
سيف واسراء طلعو علي طريق ووقفو ميكروباص وركبو اسراء ركبت جمب شباك وجمبها سيف
سيف : هنروح فين
اسراء بهدوء : السوق نجيب فطار انهارده
سيف : مانجيب دليفري
اسراء : تاني
سيف بضحك : والله انا قصدي مش عايز اتعبك
اسراء : ولا تعب ولا حاجه شريف موصيني عليك
سيف : احم اسف علي الي حصل من شويه بجد مكنش قصدي
اسراء بضيق : طب متفكرنيش
سيف : طيب بس شريف مش لازم يعرف
اسراء : طيب
اسراء وسيف وصلو السوق وسيف أنصدم لما شاف كمية ناس دي
اسراء بضحك : مالك
سيف : كل ده ناش
اسراء بضحك : مانت عايش في القصر بتاعك ومش عارف حاجه تعال بس
اسراء راحت تشتري طماطم وسيف كان مستغرب بس حابب الفكره
اسراء : بقولك ايه الطماطم هتبقا ب 5 جنيه بس
الست : لا طبعا ب 7 جنينه
سيف : متدلها ياستي 100 جنينه ايه 7 و5 الي يتتخانقو عليها دي
الست بسعاده : اسمعي كلام جوزك
اسراء بصدمه : جوزي مين بس وانت اسكت خالص
اسراء خدت الطماطم وأدت الست الفلوس
اسراء : سيف انا الي هتكلم انت تسكت خالص
سيف بضيق : انا غلطان اني جيت معاكي اصلا
اسراء : تعال اجبلك لبس
سيف واسراء راحو محل واسراء فضلت تخترو لبس كانت حاسه انها معاها طفل صغير لسا بيكتشف الحياه
سيف بضيق : مش عجبني الحاجات دي
اسراء : بقولك ايه متتعبنيش معاك مالك كدا عامل زاي طفل
سيف قعد علي كرسي بتعب وقال زاي الاطفال : اصلي جوعت
اسراء ضحكت وبصت علي سعتها وقالت : اممم لسا شويه
سيف : اووووف عطشاااااااااان ياناس عطشااان
اسراء بضحك : بجد طفل
سيف بضيق : متقوليش طفل دي تاني وانجزي
اسراء بضحك : طيب
اسراء جابتلو لبس وجابت باقي الأكل وبس لسوء حظها صفاء كانت في سوق وشفتها معا سيف صفاء ابتسمت بخبث وقالت : مبقاش صفاء لو مخربتش عليكي يابنت هناء
اسراء راحت لي الجزار تجيب لحمه وكان فيه ناس كتير وزحمه صفاء دخلت في وسط زحمه ودخلت لي جزار
صفاء : ازيك يامعلم حسن
حسن بسعاده : ست الحسن والجمال
صفاء بدلع : عايزه منك خدمه
حسن : اديكي عيني
صفاء : البت اسراء بنت هناء جايه تاخد لحمه عايزاك بقا تحطلها الحاجه دي في لحمه
صفاء طلعت ازازه صغيره
حسن : ايه دي
صفاء بشر : ده حاجه كدا تخليها تسكر هتخلي عقلها طاير و مش في واعيها
حسن : اوعي يكون الي في دماغي
صفاء يضحك : ايوا
حسن : هعملك الي انتي عايزه
صفاء : ومتخافيش حتي لو غسلت الحمه مفعلو مش هيروح ولو سلقتها حتي مش هيروح
حسن بخبث : طب مش ناويه ترضي عني
صفاء بدلع : بعدين يامعلم
(البنت طلعت شبه مامتها????)
برا عند اسراء
سيف بضيق : الشمس ضر*بت في وشي
اسراء بضحك : مضحكنيش
سيف بغضب : هو انا أرجوز
اسراء : لا طفل
سيف بهدوء : تعرفي أن في بنت كانت بتقولي كدا بردو