بارت 5…..
في الفيلا ..
كان كادر واقف بيلبس وبيستعد للسفر للمهمه وقفه ادم بخوف وقلق .
/كادر انت مسافر برضه مصمم .
كادر بغيظ /جرا ايه ي ابني هو الي هنعيده نزيده امال اعمل ابعت خيالي يسافر مكاني مانت شايف الي انا فيه وشوفت خيانه الزفته تمارا لازم اسافر واقبض علي ديفيد أندروا ده يااه هحس بانجاز عظيم .
ادم بغيظ شديد /إنجاز عظيم في ايه الله يخربيتك هوانت حتي بتعرف تمسك سلاح انت صدقت انك ادم الجوهري ولا ايه انا خايف عليك الموضوع صعب .
كادر بغيظ شديد/خاف علي نفسك ي اخويا لو مكنتش اجبلك ديفيد أندروا ده في شوال مبقاش انا .
ادم بحسره /ربنا يعوض في تاريخي الي هيروح علي ايدك أن شاء الله.
كادر بجديه /اسمع بس البت ساره هتيجي تقعد معاك هنا هي سكرتيرتي دراعي اليمين انا عملتلك توكيل بانك المتحكم في كل حاجه طبعا ده في الخفي علشان تمسك كل أعمالي ده شغل بملايين ي ادم شقا عمري وفي نفس الوقت البت دي ممرضه شاطره بتنفع في كله بصراحه منه هتاخد بالها منك ومنه هتباشروا الشغل .
ادم باستفزاز وسخرية/المهم مزه ده الي يهمني في الموضوع لازم تبقا حلوه علشان اديك شغل حلو .
كادر بغيظ شديد/صحيح ديل الكلب عمره ميتعدل.
ادم بضحك /هههه طب خلاص المهم لما تروح لازم تقابل رامي علشان يساعدك ده دراعي العينين وانت عارف أنه عنده علم بكل حاجه لازم ي كادر تمام علشان اكون مطمئن عليك .
كادر بجديه /حاضر ي حبيبي متقلقش المهم انا هروح الفيلا اجيب شويه حاجات واقابل الحيه الي اسمها تمارا ونسافر .
ادم بخوف حقيقي علي روحه وتوامه /كادر خالي بالك من نفسك علشان خاطري وارجعلي بسرعه .
كادر بابتسامه وحب /جرا ايه ي دنجوان من امتا وادم الجوهري قلبه رهيف كده أن شاء الله ي حبيبي هرجع .
ادم بمشاكسه /بس ابعتلي ساره بسرعه تتطري القاعده الناشفه دي .
كادر بغيظ/اووووف مفيش فايده .
*******************.
في معسكر البنات ..
كانوا قاعدين بعد سفر كادر وتمارا فتحيه بتدربهم تتدريبات بسيطه .
نور بزهق /تصدقوا بالله المعسكر من غير ادم باشا مالوش طعم .
مروه بابتسامه/ومين سمعك هو فيه زي ادم باشا بس خلصنا من المقدم تمارا
سماح بضحك /هههه لا بس الظابط ادم ظبطها ظابطه تمام مالك ي صابحه ساكته كده ليه .
نور بسخريه /ههههه تلاقيها سرحانه في حسن خول الجنينه .
صابحه بغيظ شديد/ي عني عايزين تقنعوني انكم مش بتفكروا فيهم ولا بيجوا علي بالكم .
سماح بتنهيده /مقولناش كده ي صابحه بس انتي عارفه زين الي فيها .
ايان بجديه /ايه الي فيها ي سماح .
نور بصدمه /انتوا دخلتوا هنا ازي .
احمد بابتسامه/من الباب الي وراء وحشتيني اوي ي نور .
مروه بحده /بقولكم ايه بقا كفايه اوي الي حصل آخر مره واعرفوا أن احنا بنات ناس فاهمين .
علي بغيظ شديد/هو انتي لسانك ده مفيش فايده فيه هو احنا قولنا حاجه كده ولا كده لسمح الله احنا باذن الله عايزينكم في حلال ربنا احنا ولاد ناس برضه ونفهم في الاصول .
فتحيه بحده /ايه ده في ايه انتوا ايه الي جابكم هنا .
اياد بجديه /صول فتحيه ابوس ايدك اخدمينا في الموضوع احنا عايزين كل المعلومات عنهم وعن اهلهم عايزين نطلبهم من اهلهم في النور احنا خلاص حرمنا علي نفسنا أننا نشوفهم أو نكلمهم بس احنا منقدرش علي بعدهم .
فتحيه بابتسامه /مشكلتي اني بضعف قصاد الحب خلاص متشغلوش بالكم انا هساعدكم .
لينظروا الفتيات الي بعضهم البعض بسعاده فهم وقعوا في عشق رجال ..
*******************.
في فيلا صلاح ..
كان واقف كادر في اوضه ادم وهو بياخد بعض الاشياء دخلت سمر بغيظ شديد.
/انت مسافر مش كده طبعا مع الست الهانم .
كادر بغيظ /اه الست الهانم الي خدتي هديتها وخبيتها عني مش كده .
سمر بغيظ شديد/هفضل اعمل كده ي ادم لحد ماترجعلي كادر انت وعدني انك ترجعهولي بعشقه ي ادم بعشقه وحشني اوي الحمار ده .
كادر بغيظ شديد/مانتي كنتي ماشيه كويس ايه الي حصل وكمل بلهفه وسعاده بجد ي سمر بتحبي كادر اوي كده وعيزاه .
سمر بعشق دائم لسنوات/الا بعشقه ي ادم من ساعه مسافر وسبنا حياتي بقت مره ملهاش اي طعم حياتي واقفه من غيره والغبي حتي مبيكلفش خاطره يسأل عليا بالتليفون المعفن .
كادر بابتسامه وسعاده/وعد مني ي سمر لرجعوه ليكي من تاني وتعمله أحلا واجمل فرح في الدنيا .
سمر بسعاده /بجد ي ادم وانا واثقه فيك وهستنا .
كادر وهو بيكلم نفسه بسعاده /اه ي ملكه قلبي اخيرا سمعتها منك اخلص بس الي انا فيه واخطفك ي روحي .
*******************.
في الطائره المتجهه الي تركيا .
كانوا راكبين كادر وتمارا جنب بعض .
كادر بزهق /هو مفيش اكل ولا ايه انا جعان .
تمارا بغيظ شديد/وطي صوتك اكل ايه انت طالع رحله فيه ايه.
كادر بغيظ شديد/بقولك ايه اتكلمي معايا عدل لللطشك سامعه ولا لا .
المضيفه بجديه /مينفعش كده حضرتك ازي تعامل المدام بتاعتك بالاسلوب الهمجي ده .
كادر بغيظ شديد/اهو ده اسلوبي بقا وإذا كان عجبك اصل فيه حريم كده لازم تاخد علي دماغها اصل احنا لسه متجوزين امنبارح وأبوي قالي ي عويس الحريم لازم تاخد بالجزمه علشان تمشي عدل وبعدين بطلي رغي بقا وهاتي الاكل علشان جعان.
تمارا بجنون /ي نهار اسود ومنيل انت ايه الي بتهببه ده .
كادر بجديه /ي غبيه افهمي انا لازم اعمل كده علشان محدش يشك فيما ويعرف أننا بوليس .
تمارا بغيظ وحسره /هما لسه هيشوكي مشاكوا أننا مجانين والي حصل حصل .
كادر بابتسامه /المهم يجبولنا اكل ده رئحه السمك الي بيتشوي جوه مجننا امي بس يارب يكون مقفول اصل انا مبحبش السكك متنضف اه لما يتعمل كده يخرابي .
تمارا حطت أيدها علي بوقها بقرف .
المضيفه باستغراب /هي مالها .
كادر بهمس /اصل احنا مستنين بيبي صغير .
المضيفه بجنون /هو مش حضرتك بتقول انكم متجوزين امنبارح .
كادر بهمس /اصل كنا بنلم الفضيحه ربنا يستر علي ولايكي هو انا لو مش مضطر كنت هتجوز واحده زي دي برضه .
تمارا بغيظ شديد وهي تكاد تبكي /ي مرك ي تمارا ي مرك .
كادر باستغراب /انت مالك قلبتي علي نعمه في ذئاب الجبل كده ليه .
*****************
في فيلا ديفيد أندروا ..
كان قاعد ديفيد وذياد .
ديفيد بحده /ي عني ايه دول اتجروا عليا اوي ادم الجوهري مفيش غيره هيفضل وقفلنا في الزور كنت متمني يموت في الحادثه الي دبرناها ونخلص منه .
ذياد بحده /متقلقش ي بابا وانا روحت فين وحياتك مهليمسوا منك شعره واحده انا مجند تمارا متقلقش متقدرش تفتح بوقها وهي هتبعد العيون عنك باي طريقه اطمن ده انا ذياد .
ديفيد بغيظ شديد/نفسي نخلص من أدم الجوهري ونشوف حالنا ألمهم البضاعه هتوصل بعد يومين مش عايز اي غباء ده اكبر صفقه سلاح دافع فيها كل مليم معايا .
ذياد بجديه /اطمن ي بابا هتعدي زيها زي غيرها متقلقش .
*******************.
في فيلا ادم .
كان قاعد ادم بيقرا في أحدا الكتب فجاه دخلت بنت جميله وشيك ساره .
/مساء الخير ي ادم باشا انا ساره سكرتيره كادر باشا هو قالي اجي ل حضرتك .
ادم بابتسامه ساحره /اهلا وسهلا اتفضلي اتفضلي .
ساره بابتسامه/شكرا سبحان الله مفيش اي فرق بينكم .
ادم بابتسامه مرحه /انتي شايفه كده .
ساره بضحك /هههه بصراحه فيه حضرتك شكلك كده عاقل وهادي لكن بصراحه كادر باشا .
ادم بجديه وعقلانيه /انا بحكم شغلي كظابط اتعلمت لازم اكون هادي واوزن الأمور كويس علشان اعرف اتفوق في شغلي لكن طبيعه كادر أنه سريع ومتهور .
ساره بابتسامه/حضرتك عندك حق حضرتك طمنتني أن هكون في امان مع حضرتك .
ادم بابتسامه/طبعا انتي زي اختي بالظبط ها نبداء الشغل .
ساره بابتسامه/نبدا طبعا ي ادم باشا .
**********************.
في الصعيد …
عند اهل البنات .
برعي والد سماح وصابحه وسيد والد مروه ونور .
برعي بحده /وسعادتكم بقا شوفتوا البنات فين أن شاء الله.
ايان بابتسامه/حضرتك احنا في معسكر الشباب الي جنبهم .
احمد بابتسامه/قولنا لازم تدخل البيت من بابه .
سيد بحده /بس دخلتوا متأخرين ي بهوات .
علي باستغراب /ي عني ايه مش فاهمين .
برعي بحده /ي عني البنات فيه شباب من نواحينا هنه متكلمين عليهم وتقريبا كده خاطبينهم ربنا يرزقكم ببنات غيرهم واحنا يومين كده وهنيجي ناخدوهم علشان نجوزوهم شرفتونا ي بهوات .
**********************
في شقه تمارا وكادر في تركيا .
كادر بغيظ شديد/ايه ده ايه الشقه العفشه دي مش قادرين يجبولنا فيلا .
تمارا بغيظ شديد/هو انت جاي تسكن هنا مش كفايه الي عملته انت ليه محسساني أننا طالعين رحله مش طالعين نقبض علي اكبر تاجر سلاح في الشرق الأوسط.
كادر وهو يأكل ببرود /هنقبض عليه أن شاء الله متشليش هم المهم تعالي كلي معايا انتي مكالتيش حاجه من الصبح .
تمارا بغيظ شديد/مش عايزه اطفح .
كادر وهو يأكل ببرود /براحتك بس لازم تأكلي علشان ابن اخويا الي في بطنك ولا انتي فاكره اني مش عارف انك متجوزه ادم وحامل منه وهو الي بعتك معايا وعامل كل الحوار ده علشان تساعديني في انتقامي من ذياد والي وراءه …..يتتتتتبع ..
دي لسه مش كل الصدمات
.
بارت 6…
في تركيا …
في فيلا كادر وتمارا ..
كانت واقف تمارا بصدمه بذهول من معرفته الحقيقه كامله لتتحدث بصدمه .
/انت عارف ي كادر .
كادر بجديه وحده /بصراحه عرفت من المذكرات الي انت كتباها كنت متمني اعرف من اخويا من توأمي بس جه الوقت الي لازم اعرف فيه كل حاجه ومنك انتي ايه الي حصل ليه متجوزه ادم في السر كل حاجه لازم اعرفها من البدايه خالص ي تمارا .
تمارا بدموع ووجع /حرام عليك ي كادر انت هتخليني افتح جروح لسه بتنزف .
كادر بفضب جحيمي /لما للموضوع يتعلق باخويا الي قاعد علي كرسي متحرك يبقا لازم تقولي لما يتعلق باختي الي اتقتلت في عز شبابها لازم تقولي لما للموضوع يتعلق بابن اخويا الي في بطنك يبقا لازم اعرف كل حاجه دلوقتي حالا .
تمارا بدموع ووجع/أنا كنت في اخر سنه في كليه الشرطه وادم كان رائد كنت حابه اتدرب جدا مع ظابط شاطر انت عارف ان بابا وعمي صلاح كانوا أصحاب من زمان بابا كلمه واقنع ادم أنه يدربني كانت اجمل فتره في حياتي حبيت ادم من كل قلبي وهوه كمان حبني وكانت قصه حب العالم كله كان بيتكلم عنها في نفس اللحظه كانت سلمي الله يرحمها بدأت تفكر في حكايه كليه الشرطه جات مره ل ادم الاداره شافها ذياد حليت في عينه جه طلبها من ادم بس طبعا ادم رفض لانه كان عارف بلاوي ذياد كلها طبعا ازي ذياد باشا يترفض بقا عدو صريح لادم خصوصا أن آدم عرف كل بلاويه حتي صفقاته المشبوه الي هو شريك بالباطن فيها كان ادم بيظبطها وبيخسره ملايين بعده رفضه بكام يوم حالنا خبر موت سلمي برصاصه ادم مشكش لحظه أنه هو الي مش وراها لانه بطبعه اناني والحاجه الي عوزها لو مش لقيه متكونش لغيره وملحقناش نفوق من صدمه سلمي وجات حادثه ادم .
كادر وهو يتذكر بغيظ وحزن علي أخيه /الحادثه الي خلت الدنجوان ادم الجوهري يعيش طول عمره علي كرسي متحرك.
***************.
فلاش باك.
في العاصمه الالمانيه برلين .
في المستشفي .
كان بيجري كادر زي المجنون لحد ما وصل لغرفه ادم وهو شايف اخوه بيبصله بانكسار اول مره يشوفه في عنيه .
ادم بدموع ووجع/كادر.
كادر بدموع وهو يقبل يد أخيه /ايه الي حصل ي ادم مالك .
ادم بدموع ووجع/اخوك خلاص هيعيش طول عمره مشلول ي كادر عملها الكلب .
كادر باستغراب/قصدك مين انا مش فاهم حاجه.
ادم بتعب شديد/هفهمك بس اسمعني كويس محدش عرف بالحادثة ومحدش لازم يعرف علشان ادم الجوهري هيفضل موجود انت لازم تكون مكاني ي كادر وتاخد حقي أنا وسلمي اسمع الي هقول كويس اوي .
وقد قص عليه ادم كل ما فعله ذياد وما يجب عليه هو فعله الانتقام منه علي مافعله ليوافق بالطبع كادر ويحل محل ادم الجوهري.
عوده الوقت لحالي.
كادر بجديه /بس ليه ادم مقاليش انك طرف في الموضوع وعلي علم بكل حاجه وايه حكايه تزوير شهاده الثانويه العامه دي وازي بقيتي مع ذياد اصلا .
تمارا بتعب /هقولك.