عرفت أنا كده شرم طيب!!
حاجه زيها
طب متقول بقا
الغردقه
ابتسمت وقولت_
هننزل البحر سوا هنقعد كان يوم!!
بمشاغبه قال_
والله لو خفيتي بسرعه هنروح نعمل كل اللي نفسنا فيه وممكن أقولك نقعد شهر بس ده لو خفيتي بسرعه
اتحركت بسرعه وقولت_
أنا بقيت كويسه خلاص يلا نروح دلوقتي
ضحك ولفني عشان أقعد في حضنه ويعرف يأكلني وقال_
كمان كام يوم بس لحد ما أطمن عليكي
ربعت أيدي وكشرت وقولت_
لسه هستني كام يوم
هز راسه قعد يأكلني لحد ما حسيت أن بطني وجعتني من كتر الأكل
تميم خلاص شبعت
بحنيه قال_
طب كلي الفص ده بس
هزيت راسي بنفي وقولت_
بطني وجعتني خلاص
باسني في راسي من جمب عيني وقال_
خلاص يا حبيبي ماشي
شال الصينيه ومشي فضلت أبص عليه وأنا مبسوطه فضل يهتم بي لحد ما بقيت كويسه تماما كنت أوقات لما أحس بدوخه خفيفه بلاقيه هيتجنن علي فضل اليومين جمبي بينام نوم مقطع عشان يتابعني كنت بقلق من نومي بسبب حركاته معاي
خلصتي شنطتك
آه خلاص وأنت!!
خلصتها وطلعتها
قفلت الشنطه وأخدها مني طلعت ونزلنا ركبنا الأوبر وصلنا الطياره وحسيت بترحيب شديد من مضيفين الطياره قعدنا وأجت مضيفه كانت بتوجه كلامها ل تميم
أتمني حضرتك تكون مرتاح
ابتسم وهز راسه كانت بتبص له بصه معجبتنيش
بأستعباط حطيت أيدي علي راسي وأتوجعت لقيته أتخض وقال_
مالك يا حبيبي أنت كويسه
هزيت راسي وقولت_
مش عارفه في أيه حاسه بدوخه
خدني في حضنه تحت نظرات المضيفه كانت مضايقه وده كان مفرحني أن عرفت أضايقها
حبيت أضايقها أكتر وقولت_
مش قادره أتنفس عايزه أشم أي ريحه مش قادره
فتح زرار من القميص وخلاني أقرب من رقبته عشان أشم البرفيوم بتاعه لفيت أيدي حوالين رقبته والمضيفه من كتر خنقتها مشت أول ما مشت طلعت من حضنه
بقيتي كويسه
جدا
طلع علبة عصير وقال_
طب أمسكي أشربي
بستغراب قولت_
جبتها منين دي
ابتسم وقال_
عامل أحتياطاتي
ضحكت وقال_
بجد كويسه!!
هزيت راسي وأنا بشرب العصير وبعد وقت قليل وصلنا الغردقه لقيت المضيفه جايه علينا
كنت واقفه وتميم وراي بۏجع رميت نفسي عليه وقال_
هند مالك