ميسون:انا مش غلطانه انا بحب جسور لكن عاوزه تحافظ على مستقبلى
سيلين:انا عاوزه امشى وانا مطمنه عليكم وحستناكم تعزمونى على الفرح
جسور:ربنا يسهل خدى بالك من نفسك مش عاوز صحاب ونوادى هناك واوعى تفكرى انك سافرتى يبقى خلاص عينى عليكى فى كل مكان
سيلين:تفتكر انا لسه ليا نفس لأصحاب
جسور:انسى كل حاجه وعيشى حياتك وعاوز اسمع أخبار حلوه
ميسون:حتوحشينى اوى ياسيلين
سيلين:وانتى كمان ياحبيبتى
وصلوا المطار ودخلت سيلين تخلص الإجراءات للسفر وأعلنت ميكرفونات المطار عن موعد إقلاع الطائره ودعتهم سيلين وراحت تركب الطياره وهى ناويه ترمى فى الجو مع إقلاع الطياره كل همومها وماضيها وتبدأ حياه جديده
………………………………..أما عند جسور وميسون فى طريقهم للرجوع
جسور:عاوز اعرف بقى الهانم مستخبيه منى الأيام إللى فاتت ليه
ميسون:انا مش مستخبيه انا كنت عاوزه اخد قرار بدون ضغوط
جسور:واخدتى قرارك ياترى
ميسون:ايوه اخدته
جسور:وحضرتك ناويه تبلغينى بيه امتى
ميسون:وقت ماتحب
جسور:ميسون انتى ممكن تبعدى عنى وتختارى دراستك
ميسون:انا حبيتك يا جسور حبيت كل حاجه فيك وكان كل أملى انك تدعمنى انك حبى ليك يقوينى يخلينى اقدر احقق طموحى اكون دكتوره ناجحه وليها اسمها نفسى توافقنى وتسيبنى اجرب
جسور:لكن عمرك ماحتقدرى توفقى بين دراستك وطموحك وبين مسؤوليات الجواز والأطفال
ميسون :ان شاء الله حاقدر اوفق
جسور:انا راجل شرقى غيور مش حقبل ان مراتى تتكلم مع ده ومع ده
ميسون:انت مش بتثق فيا اكيد حعامل حدود بينى وبين أى حد
جسور:بس انتى كده بتفرضى عليا وضع انا ورافضه
ميسون:انا بتمنى انك تختارنى وتحسسنى انى مش مفروض عليك انى مهما كانت فى حياتى معاك عقبات حنتخطاها
جسور:سيبينى افكر وارد عليكى
ميسون :وكده القرار بقى قرارك
رجع ميسون وجسور وهما كل واحد بيفكر ايه إللى حيقدر يقدمه للتانى
ياترى جسور حيقبل بالتنازل بعد إحساسه باحتياج ميسون ليه وميسون حتقدر توفق بين دراستها وجوزها وسيلين حيتعمل ايه فى أول أيامها فى فرنسا