انتى مش معايا خالص
لا معاك
طيب هاتيلى ورق المناقصه دى
حاضر اتفضل
شوفى السعر ده كده
بس ده قليل اووى يا سائر
منا عارف علشان كده ماحدش هيقدر يوصل للرقم ده فى السوق وبكده نقدر ناخدها دى هتكسب الشركة ملايين
ربنا يوفقك
مالك بس ياليل مش على طبيعتك خالص
لا كويسه والله هطلع شوية فى الجنينه اشم هوا
ماشى بس مــ,,ـاتنسيس النهارده ميعادنا مع الدكتور
مش ناسيه طبعا
تمام
ليل خرجت للجنينه وطلعت تليفونها وعملت مكالمة مهمة
الو محتاجالك
………….
اسمعينى كويس اللى هقولك عليه ده تنفذيه
حاضر سمعاكى
بصى ياستى. ……………….
انهت ليل مكالمتها واتتفست براحة ودخلت عند سائر علشان يروحوا للدكتور
عبير شافت ليل داخله اوضه سائر وقفتها
هااا قولتى ايه ياحلوة
ايه اللى يضمنلى ان امى مــ,,ـاتتأذيش
مافيش ضمان ياقمر عليكى تنفذى وبس
ليه بتعملى كده
حاجه مــ,,ـاتخصكيش
لصالح مين طيب
قولتلك مالكيش دعوه قالتها بعصبية وبصت حواليها تطمن ان ماحدش موجود وكملت كلامها هاااا اخلصى نخلص على والدتك ولاايه
لالا هسلمك الورق
دلوقتى حالا
لا دلوقتى احنا هنروح عند دكتور لان سائر حالته بتتاخر وعايز يتابع مع الدكتور
اه هنستهبل بقا ومسكتها من شعرها بقوة
لا والله سائر شايل الورق ده فى شنطة فى الدولاب وده رقمها السرى……. احنا نخرج وانتى ادخلى خديهم علشان ماحدش ياخد باله
كده تعجبينى سلام ياقطه وسابتها ومشت وليل دخلت عند سائر وحابسه دموعها فى عنيها
مالك ياليل فيكى ايه
ايه يا سائر كل مــ,,ـاتشوفنى تقولى كده
علشان انا خلاص بقيت حافظك
يا سلام
اه ومــ,,ـاتوهيش ليه الحزن اللى في عنيكى ده
انا اسفه
على ايه
على اى حاجه عملتها تكون زعلتك منى اعرف انها بتبقا غصب عنى بالله
ازعل منك ايه ده انا ماليش غيرك
لا ليك
دكتوراه فى النكد
ليل ضحكت على كلامه
اخيرا الشمس طلعت
طيب يلا علشان نلحق الدكتور
حاضر يا ليلى انتى تؤمرى
خير يادكتور
الاشعه هايلة ومبشرة جدا
بجد يادكتور
اه يا سليم بيه التحسن بقا واضح جدا مش فاهم ليه المره اللى فاتت ماكنت,ش النتيجة ايجابيه رغم اننا ماغيرناش العلاج
سائر ماكنش ملتزم بيه يادكتور المهم دلوقتى نقدر نعمل العمليه
من بكره يا سليم بيه يقدر يسافر
يبقا بكره بإذن الله
بسرعه كده يا بابا
ايوه يابنى ليل نتأخر ولاايه رأيك ياليل
عندك حق ياعمى سافر يا سائر
قصدك نسافر
اه ان شاء الله
اتفضل ياباشا ورق الصفقه
برافو ياعبير ماخيبتيش ظنى فيكى ودى حلاوتك
بس انا خدت حقى
لا ماانتى تستاهلى حلاوتك بقا
طيب واتفقنا
اللى هو
تتجوز غادة بنتى
امممم
ايه رجعت فى كلامك ولاايه
لا وانا اقدر ماجبتيهاش معاكى ليه
المره الجايه بقا والمأذون موجود
تمام هاتيها معاكى
وليل
مالها
كشفت كل حاجه انا اتأكدت من ده لازم نخلص منها
شكلك بتحبيها اووى
اه طبعا دى الغاليه مرات الغالى
ننفذ امتى
بكره قبل سائر مايعمل العمليه
هيعملها؟؟؟
اه الأخبار وصلتلى خلاص
مش سهلة انتى ابدا
اكون سهلة ليه كفايه اتظلــ,,ـمت مره لازم اخد حقى منهم
تمام بكره ننفذ اتصلى بيا فى الوقت المناسب
تمام مع السلامه
سائر الدنيا لازم تمشى هنا
ازاى
يعنى عمو يسافر معاك وانا اقعد مع والدتى يومين اطمن عليها
عايزه تسيبينى فى وقت زى ده يا ليل
انا هبقا معاك فى كل لحظه
براحتك
اسمعنى بس ورق المناقصه مش ده مهم بالنسبالك انا هفضل هنا لحد مــ,,ـاتتم على خير دى أكبر صفقة للشركة
اى حد يسلمه
هتأمن عليه مع اى حد
انا محتاجك معايا
هبقا معاك كل لحظه وفى كل خطوة
كل شويه تكلمينى
حاضر كنت عايزه اقولك حاجه
خير
انا يعنى
ايه
بحبك
اه طيب …هااا قولتى ايه
ابتسمت وسكتت
لا بالله قولى تانى مش وقت سكوت خالص
لا هى مرة
معلش اعتبريها ذكاء عن صحتك
تؤتؤ
لا تعالى بقا انا بقول نخلى جوازنا رسمى
***********
تانى يوم ليل صحيت وهى بتبص على سائر نايم جنبها نظرات حب وفتحت الدولاب تاخد لبسها اتصدمت من اللى شافته وعرفت ان نهايتها قربت
سائر سافر تانى يوم يعمل العمليه مع والده وليل فضلت فى البيت
ليل افتكرت لما فتحت الدولاب شافت علبه البرشام بتاع سائر فيه برشامه منها بره العلبه وكمان العلبه ظاهرة وهى كانت بتخبيها كويس تحت اللبس كده معناه ان حد شافها ومافيش غير عبير لانها دخلت تاخد الورق فأكيد شافت البرشام فاقت من سرحانها وافتكرت حاجه مهمه لبست وخرجت بسرعه
ايوه ياباشا
………….
ننفذ النهارده هى خرجت دلوقتى مش عارفه راحت فين خلى الرجالة يحصلوها
………..
تمام هتبقا موجودة فين
فى مخزن……..
طيب انا هجيلكم على هناك وعلى اتفاقنا
……….
حاضر غادة اكيد هتبقا معايا
……..
لاء مش هنتأخر سلام
ليل نزلت من بيت والدها ولسه بتتحرك ظهرت قدامها عربية واخدوها بسرعه
حمدالله على السلامه ياقمر
انت مين
انا جابر السيوفى أكبر عدو فى السوق لجوزك
وعايز ايه
اممم هو مش انا اللى عايز منك
امال مين
انا ياحلوة ده كان صوت عبير اللى قطع كلامهم
وانتى عايزانى ليه بقا
علشان كشفتى كل حاجه
قصدك انك بتدى علاج غلط لسائر علشان يفضل عاجز
كويس انك عارفه
اكيد عارفه منا اللى اكتشفت ده
وسفرتوه علشان يكمل علاج مــ,,ـاتحاولوش خلاص العلاج القديم اثر عليه وهيدمره
اممم فايتك كتير اووى ياطنط
قصدك ايه
سائر ماراحش يتعالج ده راح يعمل العمليه وابتسمت بسخريه
انتى بتقولى ايه مستحيل
معلش الصدمه كبيره عليكى
عبير راحت نحيتها مسكتها من شعرها وهى بتضــ,,ـرب فيها هــ,,ـك ياليل
خلاص ياعبير
بنت إل…. دى تضحك عليا ياجابر
خلاص بقا المهم المناقصه
مناقصه ايه المهم سائر مايرجعش يمشي تانى لو كانت فضلت حالته تتأخر وم,ات كان سليم هيم,وت وراه وكل حاجه تبقا لياا
مش كفاية انتقام بقا ياعبير
لا لسه ياجابر المفروض العز ده كله يبقا بتاعى ملكى مش بيتفضلوا عليا بيه
ماانتى خدتى حقك منها علشان مااختا,ركيش انتى وحر’متيه منها
لا كله لازم يبقا ملكى كانت بتتكلم بعصبيه والشر فى عنيها
تمام براحتك شوفى اللى يريحك كان يهمنى الصفقه وخلاص بقت ليا
يعنى ايه
يعنى ليل دى مــ,,ـاتلزمنيش شوفى انتى عايزاها فى ايه
تخلص عليها
امم خلاص اــ,,ـيها انتى
عايز تتخلى عنى ياجابر بعد كل ده ده انا اــ,,ـك فيها ومسكت سكيــ,,ـنه من على طبق الفاكهة وجريت عليه علشان تــ,,ـه لكن رجالته مسكوها ومنعوها
اتكلم جابر بعصبيه شكلك نسيتى نفسك ياعبير ونسيتى انا ابقى مين ده انا جابر السيوفى عارفه يعنى ايه ولاافكرك وأمر رجالته يحبسوا عبير وليل مع بعض فى اوضه واحده وامر رجالته يجيبوا غادة وراه تحت صوتها اللى بيهز المخزن كله
ليه
ايه اللى ليه
بتأذى سائر ليه كده هو عملك ايه
مش هو اللى عمل امه السبب
عملتلك ايه
خطفت سليم منى كان حب حياتى واحنا فى الجامعه بس ماكنش مدينى اى اهتمام ولا كأنى موجودة علشان قلبه كان معاها هى رؤى كانت واخده قلبه وعقله وكل حاجه حبها واتقدملها واتجوزوا مااقدرتش استحمل فكرة إنه يبقا مش ليا وهى السبب فى كده قررت انتقم منهم وعلشان انتقم واقدر اخد حقى كان لازم أكون قريبه منهم فضلت العب على عزت أخو سليم لحد ماوقع فى شبكتى فعلا وكان هيمــ,,ـوت عليا واتجوزنى بس انا ماكنتش حاسه ناحيته بأى حاجه مااقدرتش اتقبله نهائى فضلت على الحال ده سنين وانا مستنية بس فرصة علشان اعرف انتقم كويس لحد ماجاتلى الفرصة كان عزت هيوصل رؤى عند ااهلها لان والدتها تعبانه وسليم مشغول فى الشركة هو وسائر قولت فرصه اخلص منهم هم الاتنين فكيت فرامل العربية وعملوا حــ,,ـادثة ومــ,,ـاتوا فرحت ساعتها هبقا مع سليم وماحدش هياخده منى تانى بس اتفاجئت للمرة التانيه انه مش بيفكر فى الجواز بعد رؤى مافيش فى قلبه مكان لحد تانى غيرها هى كانت متملكة منه بس عيشت معاهم فى الفيلا علشان ماافضلش انا وغادة لوحدنا وساعتها قررت لو سليم مش ليا خلاص غادة تبقا لسائر بس طلع زى ابوه بس ده بقا حب بت صايعه وشمال ضيعته لوحدها والحــ,,ـادثة كانت احسن حاجه وانه بقا عاجز ساعتها قررت طالما سليم وابنه مش ليا انا وبنتى تبقا فلوسهم هى اللى ليا
ليل فضلت باصلها بصدمة مش مصدقة اللى حصل ازاى قادرة تكون بكل الشر ده لمجرد واحد مش من نصيبها قطع تفكيرها دخول جابر بعصبيه وهو بيشتم وموجه مسدسه ناحية عبير…….
دخل جابر عند ليل وعبير ووجه مسدسه ناحية عبير واتكلم بعصبية
انتى تضحكى عليا يابنت إل……….
انا ماعملتش حاجه
جايبالى ورق غلط للصف,قه انا واحده زيك تلع,ب بيا
والله ماحصل الورق ده اللى ليل قالتلى عليه
امممم قولتيلى لا ده انتى طلعتى مش سهلة ياليل
ليل بتبصله فى صمت
مش هتقولى ورق الصفقه المظبوط فين
مافيش رد
اتغاظ من ليل وقرب منها ضــ,,ـربها بالقلم ومسكها من شعرها اتكلمى بدل ماادفــ,,ـنك دلوقتى هنا
مافيش رد
طيب لما والدتك تيجى جنبك يبقا نشوف هتتكلمى ولالا
ليل بصتله برعب وبرضو مــ,,ـاتكلمتش
مشى جابر وهو بيؤمر رجالته يجيبوا والدة ليل حالا
انتى اتجننتى قوليلوا ورق الصفقه فين
مستحيل دى مهمه عند سائر
حبتيه
وانتى تعرفى حاجه عن الحب
ياااه ده انا مابقتش كده غير من حبى لسليم
بس بتحبيه حب مؤذى والحب مافيهوش كده
الحب ازاى بقا ياليل هانم
الحب تضحيه يبقا يهمك مصلحة اللى بتحبه وأهم حاجه عندك تشوفوا مبسوط يبقا هات وخد روح واحده
وسائر ادالك ايه بقا
عطانى حنان وحب واهتمام ومعاملة كويسه هحتاج ايه اكتر من كده
ده مايأكلش عيش حياتك اهم
اللى مع ربنا عمره مايضيعه
هيــ,,ـ والدتك ده مابيهزرش اهم حاجه عنده مصلحته
ربنا هيحميها ولسه بيتكلموا جابر دخل عليهم وعنيه كلها شرار
والدتك مش فى البيت لحقتى تخبيها
ربنا هيحميها منك
منا لو ماوصلتلهاش هتبقا نهاية حياتك انتى
اــ,,ـنى وبرضو مش هتوصل للصفقه
يعجبنى ذكائك بس انا هوصل لوالدتك برضو
ربنا ينجيها منك ومن شرك
تعرفى انك عجبانى بس المهم عندى الصفقه الأول وبعد كده يبقا نتسلى مع بعض شويه ونقضى ليلة حلوة كده
ماانت زبالة
الله يسامحك هرد عليكى وانتى فى حضنى سلام ياقطة
ليل وعبير فضلوا محبوسين يومين كمان من غير أحداث جديده رجالة جابر بيجيبوا أكل بسيط ليهم علشان يحافظوا على حياتهم بس لحد مايوصل جابر للى هو عايزه ورابع يوم الباب اتفتح ودخل جابر ومعاه ضيفة جديدة تقعد مع ليل وعبير
ادخلى جنب صحبتك
دينا ده كان صوت ليل وهى مش مصدقة انه قدر يوصلها
دينا طلعت تجرى وقعدت جنب ليل
هاخد عبير اوضه تانية علشان تتكلموا مع بعض كده وننجز وتقولوا على مكانها واخد عبير وسابهم مع بعض
ليل مين ده
واحد اسمه جابر السيوفى أكبر عدو لسائر
عايز ايه ده
ورق الصفقه اللى حكتلك عنها انتى ودتيه زى ماقولتلك
اه مــ,,ـاتقلقيش
ووالدتى ؟؟؟
سفرتها بس انا خايفه اووى
انا خايفه عليكى انتى مــ,,ـاتوقعتش يوصلك
ولاانا بس شكله واصل
اكيد بيشتغل فى كل الممنوعات وليه ناس كتير تساعده
وبعدين