امنية مردتش عليه و لفت وشها الناحية التانية وبدات تعيط واحمد قلبة هيتخلع من مكانه عليها
مسح دموعه بهدوء واتكلم : انا عارف ان صعب عليكي اللي حصل ده ، بس اكيد ربنا ليه حكمه ف كده ، لازم نرضي بقضاء ربنا ، امنية دا ابني وابنك انتي كمان منكرش اني ….
امنية قاطعته بعياط : انك ايه هااا انك ايييييه ، الطفل اللي ف بطني ده نتيجة غلطه وانت عارف كدا كويس ، وانا بقي ي احمد مش عايزاه وهجهضه ….
احمد بصدمه : انتي بتقولي اييييييه مستحيل طبعا ، انا بحبك ومتاكد كمان انك بتحببني ، خلينا نفح صفحه جديدة ويكون ابننا بدايتها وننسي كل اللي فات
امنية بتعيط وتمسح ف دموعها :…..
احمد بهدوء : العيلة كلها مستغربه انتي كنتي بتصرخي كدا لية، انا هطلع ابلغهم انك حامل ، وهيدخلو هنا بس ارجوكي متضعفيش قدامهم ، بينيلهم انك مبسوطه هما عارفين اننا ف الفترة الاخيرة كنا قريبين من بعض اوي
امنية بغضب : انا بكرهك امشي اطلع برااا واندهلي بابا مش عايزة اشوف وشك هنا تاني
احمد بحزن : حاضر ي امنية هعملك كل اللي انتي عايزاه
• طلع برة وقالهم ان امنية حامل قالها وهوة بيضحك ومبسوط عشان محدش يشك فيه كلهم باركولهم وهما فرحانين وبعدين راح ل ابو امنية وطلب منه يدخلها
عبدو حضنها : حمدالله على سلامتك ي بنتي والف مبروك هتبقي ام
امنية لنفسها : قوام م لحق يقولهم
عبدو : مالك يبنتي انتي مش مبسوطه ؟
امنية بإبتسامه مصطنعه : لا ي بابا مبسوطه اووي بس خايفه مكونش قد المسؤليه
عبدو باس راسها : بنتي انا متقولش كدا الصعب اللي مريتي بيه خلاص عدا عارفه انا كنت متضايق من احمد اوي ومش طايقه وقولت لو جيت المستشفي هق**ه ب ايديا بس اول م شوفت خوفه عليكي وقد اية بيحبك الافكار اللي في دماغي اتبخرت وانا عارف كمان انك بتحبيه ارضي باللي ربنا كتبهولك ي حبيبي
امنية بدموع وحضنته: انا بحبك اوي ي بابا
عبدو : انا كمان بحبك ي روح ابوكي 💔
العيلة كلها فرحت بالخبر معادا امنية اللي بتحاول تبتسم بإصطناع كمجامله ليهم باسم استغل الفرصه دي عشان يطلب ايد زهرة
باسم بمرح : بما ان الفرحه فرحتين بمناسبه ان امنية قامت بالسلامه وان احمد هيبقي اب منخليهم تلاته ي جماعه؟
جمال : قصدك ايه يبني ؟
باسم بتوتر : بصراحه ي عمي انا طالب ايد زهرة
جمال بتوهان : زهرة مين ؟
باسم بهدوء : ركز الله يخليك ي عمي هتكون زهرة مين يعني زهرة بنت حضرتك
جمال بضحك : منا عارف يهبل بس بهزر معاك
باسم بصدمه : اهبل ؟
كلهم ضحكو عليه وزهرة اتكسفت وبصت لبعيد
باسم بقلق : هااا قولت ايه؟
جمال بإبتسامه : موافق طبعا بس نشوف راي زهرة
باسم بسرعه : موافقه ي عمي والله موافقه
جمال بضحك : يبني طب علي الاقل اتقل قدامي بدل م انت مدلوق كده
باسم بضحك : الله يكرمك ي عمي دايما كده بتشكر فيا
امنية بإبتسامه مصطنعه : الف مبروك ي قلبي
زهرة بفرحه : الله يبارك فيكي ي روحي
باسم بفرحه : حيث كدا بقي نخليها شبكه وكتب كتاب ولا انت ايه رايك ي احمد ؟
• احمد واقف معاهم بس مش مركز كل تفكيرة ف امنية وازاي هيه بالهدوء ده
باسم ببهزة : احمد يبني انت معانا
احمد بتوتر : هااا …اه اه معاكم
باسم بهمس : مش واضح يصحبي بس لينا قعدة مع بعض
احمد بصله بإمتنان بعدين اتكلم بمرح : وافق يبابا علي الشبكه وكتب الكتاب مع بعض لحسن يجراله حاجه
جمال يضحك : ماشي يبني بس الاول امنيه تقوم بالسلامه بعدين نشوف هنعمل ايه
باسم راح حاوط ايده علي كتف جمال وقالة : تعرف ي جمال انا دايما اقول عليك اخويا اللي مجابتوش امي شوف اخويا اهوة يعني مصغرك ييجي عشرين سنه
جمال بغضب مصطنع : ولد نزل ايدك
باسم نزل ايدة وباصص ف الارض جمال مقدرش يمسك نفسه وراح ضاحك والكل ضحك معاه
باسم بضحك : لازم يعني تقطعلي الخلف
جمال بضحك : تعالي ف حضني والله ليك وحشه
باسم راح حضنه وقاله من غير م حد يسمعه : انت ف مقام ابويا وربنا يعلم غلاوتك عندي ي عمي جمال
جمال طلعه من حضنه : انت زي احمد و…..
باسم قاطعه بضحك : وحياة ام احمد عندك منتا مكمل
جمال قعد الكرسي من كتر الضحك لحد م عينيه دمعت
• امنية قعدت ف المستشفي يومين وبعدها خرجت واول م خرجت رفضت إن احمد يلمسها ب اي شكل من الاشكال علي الرغم من تعبها بس طول الوقت زهرة وامها هما اللي ساندينها ، دخلت امنية البيت وراحت اوضتها بعد م اعتزرت منهم انها تعبانه ورمت نفسها علي السرير من غير م تنزل منها دمعه واحده تقريبا لسه ف حالة صدمه من اللي حصلها بقلمي اميرة محمد
• تاني يوم احمد قلق عليها خبط علي الباب وبعد شوية فتحت خرجت وهيه لابسه بيچامه برامودا وعاملها شعرها لفوق رفعت صباعها ف وشه
امنية بغضب : اسمعني بقااا انام اقعد اتشقلب ف ام البيت ده ميخصكش امين يابا …..امين
احمد متنح ليها جات تدخل مسكها من دراعها و….
• تاني يوم احمد قلق عليها خبط علي الباب وبعد شوية فتحت خرجت وهيه لابسه بيچامه برامودا وعامله شعرها لفوق رفعت صباعها ف وشه
امنية بغضب : اسمعني بقااا انام اقعد اتشقلب ف ام البيت ده ميخصكش امين يابا ؟؟…..امين
احمد متنح ليها جات تدخل مسكها من دراعها
احمد بهيام : انتي حلوة كدا ازاي ؟
امنية بتوتر: س…سيبني ي احمد
احمد قرب عليها وهيه بترجع لورا
امنية بتوتر : ااا…احمد ااعقل وابعد
ضهرها لزق ف الحيطه وهوة بقي قريب منها اوي نفسهم بقي واحد راح حط ايد علي بطنها والايد التانيه سند بيها علي الحيطه وميل علي شفايفها واتكلم
احمد بهيام : ولو مبعدتش
امنية باصه ف عينيه : ها….
احمد قاطعها وباسها ف شفايفها وهيه منسجمه معاه بعد عنها لما حس انها مش قادرة تتنفس ، احمد عطاها ضهرة وخرج من الاوضة وهوة بيضحك بصوت عالي جريت بسرعه علي الباب وقفلته وقعدت علي السرير
امنية بصوت واطي : قلبي بيدق كدا لية حساه هيتخلع من مكانه منك لله ي احمد انا ازاي هقدر ابصله تاني
وبعدين حطت ايديها علي بطنها : مش عارفه اكرهك لا انت ولا ابوك هكرهك ازاي وانت حته مني ،صحيح زعلت لما عرفت اني حامل بس منكرش اني مبسوطه اوي لانك هتيجي تشاركني كل حاجه بس لازم نعلم ابوك الادب شوية
احمد قام الصبح للبس عشان يروح الشركه وقبل م يمشي عمل فطار ليه ولامنيه وسابلها جمبيه ورقه وخرج
امنية كانت صاحية واول م سمعت الباب بيتقفل خرجت وراحت المطبخ لقت فطار والورقه مسكتها وكان مكتوب فيها ” افطري كويس وخلي بالك من نفسك انتي وابني بحبك ” ابتسمت تلقائي وقعدت تفطر
باسم واحمد كانوا قاعدين ف المكتب والسكرتيرة بلغتهم ان في حد عايز يقابلهم
احمد : مقالكيش اسمه ايه ؟
السكرتيرة : لا ي فندم مش عايز يقول اي حاجه
احمد : طيب دخليه
السكرتيرة : حاضر ي فندم
اول م دخل احمد وباسم بصو لبعض وقالو بصوت واحد : اانت …؟؟؟؟؟
ادم بتوتر : انا اسف اني جيت من غير معاد
احمد بغضب : وانت جاي ليه اساسا مكفكش اللي عملته؟
ادم بهدؤء : انا جيت اعتزر منكم واتمني تسمعوني
احمد بعصبيه : حتي لو كده انت معندكش اي حاجه تبرر اللي عملته واخفي من قدامي لاني مش عارف انا ممكن اعمل ايه ؟
باسم بقلق : اهدا ي صحبي واسمعه عايز يقول ايه يمكن فعلا ندمان
احمد بغضب : انت اتجننت ي باسم امنيه كانت هتمو*ت فيها
ادم بهدؤء : ليه مسبتنيش اتحبس ؟
احمد بيتنفس بغضب
ادم : باللي انت عملته ده غيرتني ورجعتني ادم القديم
احمد مستحملش وقام يضر*ب ف ادم لحد م نزف من جمب بوقه وباسم بيحوش فيه مش عارف اخر م زهق سابو يض*ربه لانه عارفو مش هيهدا غير بكدا احمد لقي ادم مش بيقاومه سابه ملقح مكانه وراح قعد ع الكرسي ،ادم قام بكل هدوء ولا كأن في حاجه حصلت
ادم بالم : حقك تعمل اكتر من كده ممكن بقي تسيبني اتكلم انا محتاج منكم فرصه اثبتلوكو اني اتغيرت واني مكنتش كده الظروف هيه اللي حكمت ابقي شخص تاني ، انا حبيت ي احمد ، حبيت من قلبي والحب ده وصلني للجنون ودخلت المصحه مكنش عندي إراده اني اتعالج ، كل يوم بالنسبالي كان زي اللي قبله ، فضلت فيها اكتر من سنتين ، ابويا وامي حاولو معايا كتير ، امي كانت بتبكي بدل الدموع دم ، بعد فترة مبقاش حد فيهم ييجي يزرني وسالت عنهم قالولي انهم ماتو ، نار الانتقام اشتعلت ف قلبي ، ومبقتش شايف قدامي غير ان اخد طاري منكم ، طلعت من المصحه واشتغلت لحد م وصلت للي انا فيه وعرفت انكم عاملين شركه صغيرة ، ف قررت انضم ليكم عن طريق صفقه وبعد كده اعرض عليكم الشراكه ، ومن هنا ابدء احقق انتقامي ، اختك زهرة جات صدفه ف الموضوع لما عرفت ان باسم بيحبها لان نظراته كانت فضحاه لما كنا ف المستشفي ،دايما كان في حاجه جوايا تمنعني عن انتقامي واني عايز اصرخ فيكم واقولكم عملتوا كدا ليه بس الحقد كان زي الغشاوة علي عيني.(مسح دموعه بعدين كمل ) طول عمري كنت وحيد فكرة الانت*حار كانت دايما علي بالي بس كنت بتراجع ف اخر للحظه بسبب خوفي من ربنا واني مش هقدر اقابله بالطريقه دي ، انا محتاج فرصه واحده اصلح بيها كل اللي عملته
* احمد دموعه سبقته بس مسحها علي طول من غير م ادم ياخد باله وهوة من جواه نفسه ياخده ف حضنه
باسم بجدية : احنا عمرنا م كنا اعداء ليك ي ادم ، انت بس اللي مكنتش واخد بالك. عمري م كان عندي مشكله معاك لا انا ولا احمد ولا امنية وعلي فكرة احنا ممكن نرجع صحاب واحسن من الاول كمان
ادم بفرحه : بجد ي باسم يعني هتعتبروني واحد منكم
باسم بإبتسامه : من يومك وانت واحد مننا بس الظروف هيه اللي حكمت وقتها بقلمي اميرة محمد
احمد بضيق : انا قايم ماشي
ومشي وباسم نده عليه مردش
باسم : احمد استني بس اسمعني …احمد
ادم بحزن : حاسس انو عمرة م هيسامحني
باسم بمرح : ايه ي صحبي منتا عارف احمد قلبه طيب ومش بيشيل من حد
ادم بحزن : بس المرادي غلطي كبير اووي
باسم : كلنا بنغلط بس الشاطر فينا اللي يعترف بغلطه ويحاول يصلحه
ادم : هوة انت ازاي كده
باسم : مش فاهم
ادم بإبتسامه : قلبك كبير
باسم بضحك: هما كده اللي قلبهم كبير دايما بيعانو المهم كتب كتابي بعد يومين هتحضر طبعا
ادم بإبتسامه : الف مبروك ي صحبي اكيد هحضر
باسم : مش هتسال مين العروسه
ادم بضحك : يبني بقولك نظراتك كانت فضحاك
باسم بضحك: عندك حق
وقعدو يضحكو ويهزرو مع بعض بقلمي اميرة محمد
• احمد روح البيت لقي امنية قاعده تسمع التليفزيون دخل اوضته من غير حتي م يبصلها
امنية لنفسها : مالو ده مش عوايدة يبقي كده يووووه وانا مالي م اخليني فحالي احسن
بعد شوية مقدرتش تقعد من غير م تشوفه راحت لحد اوضته واترددت تدخل ولا لا وقفت علي باب اوضته ولمحته قاعد علي السرير ودافن راسه بين ايديه مشيت لحد عنده وقعدت جمبه وبتفرك ف ايدها وبعدين رفعتها وحطتها علي كتفه
امنية بتردد: احمد انت كويس ؟؟
احمد نام علي السرير وحط راسه علي رجليها : لا انا مش كويس انا تايهه وتعبان
لمست بإيديها علي شعرة : احكيلي فيك ايه ؟