امنية بخوف : طب اهدا عشان جرحك وعشان نعرف نتكلم طيب
احمد مسك امنية بكل غضبه زقها وقعها علي الارض وراسها اتخبطت ف الحيطه جابت دم علي بسيط
احمد راح عليها بخوف : امنية انا اسف صدقيني مكنتش اقصد
امنية بدموع : لا عادي انا اتعودت
احمد بحنية : بلاش الكلام ده بيقت*لني
امنية بدموع : يلا عشان نشوف هنعمل ايه كدا كدا هروح معاك
وجات تقوم داخت كانت هتقع احمد مسكها
احمد : اصرخي اعملي اي حاجة بس بلاش هدوئك ده
امنية بعياط : عايزني اعمل ايه انا تعبت وانت طول الوقت بتيجي عليا
احمد شدها لحضنه : خلاص ي روحي انا اسف بس والله متعصب بسبب اللي احنا فيه ده
امنية حضنته وفضلت تعيط : متسبنيش ي احمد وتروح انا مش هتحمل وجع تاني
احمد طلعها من حضنه ومسحلها دموعها : عمري م هسيبك ابدا
شوية والباب خبط ودخل الظابط صاحب احمد اللي قال عليه واسمه سيف
سيف : للاسف ي احمد معرفناش مكان باسم وزهرة
احمد بصدمه : ليه ؟؟؟؟
سيف : اكيد ادم عرف حركه زي دي واخد التليفون قفله نهائي قبل م نعرف
احمد : طيب اسمعني ي سيف هوة دلوقتي عايزني اروحله انا وامنية
سيف : انا مش هسيبكم تروحو هناك
احمد : لا لازم نروح وانت حاول تكون ورانا عشان تعرف تقبض عليه
سيف : انا عندي فكرة
احمد : اي هيه
سيف : في معايا جهاز تتبع صغير اوي هتاخده وتحطه ف زرار القميص ده وكده كده محدش بياخد باله منه
احمد : تمام اوي يلا نبتدي
• عملو خطتهم وسيف جهز عناصرة عشان اول م يعرفو المكان يهجموا عليه
• احمد خد امنية وطلعو من المستشفي وركبو العربيه اللي ادم بعتها
باسم بألم : اااااه….
زهرة بدموع : باسم انت كويس ؟
باسم بالم : اه بس حاسس ان دماغي هتنفجر
زهرة بعياط : انا السبب
باسم بحنية : شششش اهدي مش انتي السبب ولا حاجه دا انسان مريض
زهرة بعياط : لا انا اللي كلمته عشان اقابله
باسم بغيره وغضب : وكنتي عايزة تقابليه ليه ي هانم
زهرة بعياط : كنت عايزة اقوله اننا مننفعش لبعض
باسم بفرحه : بجد ؟؟؟؟
زهرة بخبث : وانت مالك فرحان كدا لية ؟
باسم بتوتر : فرحان فين ده يبنتي ؟
زهرة بضحك : طب خلاص انت متوتر كدا ليه ؟
باسم بإرتباك : بيتهيألك
زهرة بإبتسامه : مش عايز تسألني انا سيبت ادم ليه قبل ميحصل اللي حصلنا ده ؟
باسم بحب : ليه ؟
زهرة بكسوف : عشان …عشان بحبك
باسم اتصدم وفتح بوقه
زهرة بضحك وكسوف : اقفل بوقك ده
باسم لسه مش مستوعب : قولي تاني كده اللي قولتيه ؟
زهرة بكسوف : لا هيه كانت مرة وخلاص
باسم برجاء : عشان خاطري
زهرة لفت وشها ااناحيه التانية : بحبك
باسم بفرحه : ي فرج الله اخيرا نطقتيها يبنت الحلال
زهرة بغضب : انا موافقتش علي ادم غير لما انت قولت هخطب و…. بقلمي اميرة محمد
باسم قاطعها : بتغيري ي بطه
زهرة بغضب : باسم مبهزرش