• مشيت بسرعه قبل ضعفي م يبان كله انا ازاي بكيت قدامه دا ميستاهلش دمعه مني انا هروح ادور علي شغل وهروح لبابا البيت واترجاه يسامحني بقلمي اميرة محمد
” في بيت احمد ”
الكل قاعد حزين ومحدش بيكلم التاني واحمد بقاله يومين غايب عن البيت
زهرة بعياط : بابا امنية مبتكدبش انا كنت موجودة ومعرفتش اسيطر عليه …..اتصرف ارجوك
الاب بعصبيه : انا مش مصدق ان احمد يعمل كده هوة اتجنن ف عقله ومن امته بيشرب ؟
الام بدموع : معقول ابني اللي الناس كلها تحلف بشاهمته يطلع منه كل ده وكمان ف امنية البنت اللي بعتبرها زي بنتي زهرة دي اخرة تربيه فيك ي احمد
الاب بغضب : الولد ده لازم يتحمل المسؤليه ، يبقي راجل ويروح يطلب البنت من ابوها
احمد كان داخل وسمع كلام باباه ورد عليه بقلمي اميرة محمد
احمد : وانا موافق ي بابا
لسه هيكمل كلامه ابوة نزل بالقلم علي وشه امه شهقت واخته حطت ايديها علي بوقها
الاب بعصبيه : انت ليك عين تتكلم ي بجاحتك ي اخي مش مكسوف من نفسك ومن ايمته بتشرب رد عليا ي محترم ولا انا مبقاش ليا لزمه ف البيت ده وكل واحد بقا يعمل اللي يعجبه
احمد بحزن : والله ي بابا هيه مرة اللي شربت فيها
الاب بغضب : طب والبنت واللي انت عملته فيها
احمد بحزن : مكنتش ف وعيي والله م عارف عملت كده ازاي ؟
زهرة بغضب : انت حيوان لا يمكن تكون اخويا مصعبتش عليك امنية دا قلبي كان بيتقطع عليها من النهاردة اعتبر ملكش اخت اسمها زهرة لسانك ميخاطبش لساني
احمد : خلاص بقيت انا الشرير والحيوان خلصتو وانتي ي ماما مش عايزة تقولي حاجه بقلمي اميرة محمد
الام بدموع : هلومك علي ايه يبني ولا علي ايه روح ربنا يسامحك ، صلح غلطتك ي يبني واتجوزها دا اذا رضت
احمد بدموع : حاضر ي امي
لسه هيمشي ابوه وقفه
الاب بجمود : استني عندك
احمد : نعم ي بابا
الاب بجمود : تروح بكرة تطلب ايد امنية من ابوها ولو وافق هنعمل كتب كتاب علي طول وتتجوزها ف الشقه اللي فوقينا، واعتبر ملكش اهل غير لما امنية تسامحك دا لو قدرت ، وانتو اي حد هيتعامل معاه هيكون عقابه زيه ، لو عايزين تطمنو علي البنت ابقو اطلعو من غير م توجهولو كلام بقلمي اميره محمد
احمد بحزن : ليه القسوة دي ….؟
الام بعياط : معلش يبني انت عارف ابوك مبيحبش الغلط ، عشان خاطري اعمل اللي بيقولك عليه دا عايز مصلحتك وامنية هتسامحك ي حبيبي دا انتو صحاب من زمان وعشرة عمر وهيه متقدرش متسامحكش عشان قلبها طيب
احمد لنفسه : م دي المشكله ي ماما الضر*به جاتلها من اعز اصدقائها ، اتمني تسامحيني ي امنيه
• انا مش قادر اسامح نفسي هيه هتسامحني بس مش هضعف وهروح اطلبها من ابوها اياكانت رد فعله ايه وهصلح كل غلطه ارتكبتها ف حقها
احمد : السلام عليكم ي عمي ..
ابو امنية او م شافه ضر*بة بالقلم علي وشه ونزل فيه ضر*ب واحمد مستسلم تماما مبيقاومش (معلش استحمل عشان انت هتض*رب كتير الفترة الجايه 😂)
ابوها بقي بينهج واحمد قام وقف وعدل لبسه ومسح الدم اللي تحت بوقه وقاله ….
احمد : حقك ومش هلومك ..بقلمي اميرة محمد
مرات ابوها طلعت اول م سمعت الزعيق
ابو امنيه بزعيق بحقد : انت ليك عين تيجي هنا بعد اللي عملته ف بنتي ي حيوان ، دا انا طردتها من بيتها ي اخي حسبي الله ونعم الوكيل
احمد باسف : عارف اني غلطت وغلطي كبير وانا جاي وطالب ايد امنية من حضرتك وكلي عشم انك توافق
ابو امنيه : يعني معترف بغلطتك
احمد : ايوة ومستعد اعمل اللي تطلبوه
مرات ابوها : احنا طردناها من البيت ومش عايزين نشوف وشها تاني
ابو امنيه بزعيق : اخرسي مسمعش صوتك ادخلي جوااااااا…بقلمي اميرة محمد
دخلت جوة وهيه بتبرطم وابو امنية فضل قاعد ساكت واحمد باصصله واخير اتكلم
ابو امنية : واحد غيري كان ق*** بس انت حتي متستاهلش ارتكب جريمة فيك وبنتي انا معرفتش اربيها عشان كانت مصحباك ، وطول الوقت احمد احمد زي م يكون انت انجاز ف حياتها بس للاسف مطلعتش قد ثقتها فيك …
• كل الكلام ده طبعا بيق** احمد من جواه وبيخليه يحس بالذنب اكتر تجاة امنية
احمد : وانا مقدر كل اللي انت فيه بس دلوقتي ملوش لازمه الكلام ده ، انا شوفت امنية امبارح رفضت تتكلم معايا ،خلي عندك قلب بنتك اديلها يومين بتبات ف الشارع وبتدور علي شغل ، انا متأكد انها هترجع عشان تطلب منك تسامحها وانا عارف انها هتعمل كده ، ياريت تفتحلها بيتك وتخليها توافق علي جوازنا عن اذنك اميره محمد
• خرج احمد من بيت امنيه وساب ابوها ف دوامة افكارة اللي عماله تودي وتجيب لحد م دخلت عليه السنيورة مراته
مرات ابوها : هتعمل ايه ي عبدو….؟
ابوها : والله منا عارف …
مرات ابوها : انا من رأيي تجبرها تتجوزة وتحافظ علي شرفنا وسمعة عليتنا عشان بنتك وابنك التانيبن لما يكبرو محدش يعايرهم
ابو امنية بصلها بصله طويله وبعدين قعد لوحده بيجي بتاع ساعتين يفكر ف كلامها وحط راسه بين ايدية وهوة بيتمتم بالكلام لحد م الباب خبط واول م فتحه اتصدم لانها كانت امنية بقلمي اميرة محمد
امنية بدموع : ارجوك ي بابا سامحني صدقني انا مظلومه اديلي يومين ببات ف الشارع هعمل كل اللي انت عايزة بس …
ابوها : تعالي ادخلي
امنية استغربت بس دخلت وابوها قفل الباب وقعد وطلب منها تقعد
ابوها : انا مدخلتكيش البيت عشان سواد عيونك انتي غلطانه زيك زي البني ادم الحيوان اللي اسمه احمد ويعالم دي خطه عملتوها انتو الاتنين عشان تتجوزو ولا لا
امنية بسرعه : لا ي بابا صدقني انا معملتش حاجه وكمان مش عايزة اتجوزو بقلمي اميرة محمد
ابوها بجمود : اخرسي واسمعي هقولك ايه لو عايزاني اسامحك توافقي تتجوزيه كدا كدا غصب عنك هتتجوزيه
امنية بصدمه : ……
ابوها بجمود : اخرسي واسمعي هقولك ايه لو عايزاني اسامحك توافقي تتجوزيه كدا كدا غصب عنك هتتجوزيه
امنية بصدمه : حضرتك بتقول ايه ي بابا ؟
ابوها : زي م سمعتي ودا اللي عندي
امنية بحزن: بس انا مش عايزة اتجوز وبالذات احمد
ابوها بسخرية : مش احمد ده اللي غلطتي معاه؟
امنية بدموع : ربنا يعلم قد ايه انا مظلومه وعمري م هسامحكم
• ابوها مردش عليها وسابته ودخلت اوضتها وقفلت علي نفسها الباب وقعدت تعيط
امنية بعياط : انا فين من اللي بيحصلي دا كله ليه ي بابا كده دا انا مليش غيرك بتسلمني بايدك للي اذاني ،كان نفسي تصدقني وتقف جمبي ، وتقولهم ان بنتي متعملش كده ، خلاص الثقه اتكسرت بس مهما يحصل هتفضل ابويا ،وهييجي يوم وتعرف الحقيقه
• عيطت كتير وراحت عند صورة مامتها واتكلمت معاها
وحشتيني اووي ي ماما ، ووحشني حضنك ، انا محتجالك الدنيا كلها دايسه علي قلبي ،هه تعرفي اني هتجوز اه والله وكمان هتجوز الشخص اللي اعتدي عليا عارفه مين …..؟
احمد اللي بحكيلك عنه كل م بروح ازورك ، انا مش هثق ف حد تاني ، حياتي انتهت طب قوليلي انتي هعيش معاه ازي انا بتصنع الجمود قدامه بس من جوايا برتعش وبخاف طب…..طب ازاي هنكون ف بيت واحد ااااااااه ….ي مامااااااا مش هقدر بنتك بتتعذب اوي ليه محدش بيحس بيا انا بكرهم كلهم مبقتش طايقه حد
• عنيها ورمت من العياط قامت اتوضت وصلت فرضها ونامت مكانها وهيه موجوعه متعرفش بكرة مخبيلها ايه بقلمي اميرة محمد
” عيلة احمد ”
ابوة : انا هروح بكرة عشان نتفق مع الراجل علي معاد كتب الكتاب والله الواحد مكسوف يبص ف عينه
امه : خلاص الي حصل حصل اتفق معاه علي بكرة والشقه اهي جاهزة
ابوة : حااضر
• احمد كان قاعد وسطيهم وسامع الحوار وعرف ان امنية انجبرت علي الجوازة اتخنق من البيت وقرر يطلع يشوف صاحبه باسم
باسم : اذيك ي احمد عامل اي ؟
احمد : انا مش بخير
باسم : ليه كده احكيلي
احمد حكاله كل اللي حصل وباسم قاعد مصدوم مش مصدق انو يعمل كده
احمد بحزن : انا تعبت اوي ي باسم طاقتي خلصت
باسم : ليه ي احمد …؟
احمد بصله وقاله : ليه ايه ….؟!
باسم : ليه عملت كده ومن ايمته وانت بتشرب …؟
احمد بدموع : حتي انت ي صاحبي ؟
باسم بحزن : انت عارف انا بعزك قد ايه وخايف علي مصلحتك ، امنية كانت اقرب حد ليك ،صعب عليها اللي حصل والمفروض تقدر اللي هيه فيه
احمد بحزن : عارف ي باسم دا انا مش قادر ابص ف عنيها
باسم : وهتعمل ايه ي صاحبي
احمد بحزن : عرضت عليها الجواز بس رفضت روحت ل ابوها وطلبتها منه ضر*بني ودا طبعا حقه واللي اعرفه عنه انو هيجبر امنية عشان بيخاف علي سمعته وفعلا عمل كده وبابا هيروح يتفق معاه ويخلي كتب الكتاب بكرة
باسم : وهتخليها تعيش معاك وهيه مجبورة ؟
احمد : دي الطريقه الوحيدة علشان تسامحني
باسم : ازاي مش فاهم
احمد : لما تكون معايا ف البيت هعرف اتكلم معاها وافهمها اللي حصل ي اخي دا ابويا وامي قاطعوني حتي زهرة اختي رافضه تكلمني
اول م احمد قال اسم زهرة… باسم عينه لمعت بالحب ….بيحبها من زمان بس هيه للاسف مش شيفاه
باسم بإحراج : ابوك وامك تمام…احم طب وزهرة ليه
احمد : الله لا يسيئك ي باسم مش ناقصه غباء منتا عارف ان زهرة بتحب امنيه اكتر م بتحبني
باسم بضحك: خلاص ي جدع انت هتطلعهم عليا ولا ايه
احمد : وليك نفس تهزر دا انت معندكش دم
باسم بمرح : حبيبي ي ابو الصحاب
احمد بضحك : مش بقولك مفيش دم خالص
باسم : المهم هنفتح شركه صغيرة كده علي قدنا زي م اتفقنا
احمد : اه طبعا …بس وحياة ابوك ي شيخ استني عليا لما احل المشاكل اللي عندي دي
باسم : بص ي احمد انا وانت وامنية وشوية من صاحبنا الولاد والبنات كنا مع بعض ف نفس الجامعه بس امنية كانت اقرب شخص ليك وعلي حد علمي بيها انها طيبه والطيب ده بيسامح كتير بس بييجي ليه يوم وطاقته تخلص ، فحاول تهدا عشان تعرف تفكر
احمد بحزن : فاهم ي باسم فاهم وانا مستعد اعمل اي حاجة هيه عايزاها
باسم : احمد انت عايز تتجوزها ليه ؟
احمد : ………
باسم : عايز تتجوزها عشان اللي حصل بينكم ولا عشان بتحبها ؟
احمد بصدمه : بحبها ؟ لا طبعا
باسم : يبقي الاختيار الاول مش كده
احمد : مش عارف ي باسم وخلاص مش عايز اتكلم ف الموضوع ده
باسم : تمام ي صحبي بقلمي اميرة محمد
• زهرة قاعدة ف اوضتها وماسكه التليفون ومترددة ترن علي امنيه ولا لا بس خلاص حسمت قرارها
زهرة بدموع : الو ….
امنية : اذيك ي زهرة عامله ايه ي حبيبتي
زهرة: …………
امنية بقلق : مالك ي زهرة بتعيطي ليه انتي كويسه
زهرة بعياط : انا كويسه بس انتي وحشتيني اووي
امنية بمرح : اي دا يبت بتعيطي عشان وحشتك
امنية بعياط : اه …
امنية بإبتسامه : تعرفي انتي كمان وحشتيني اووي
زهرة : بجد…..هوة انتي مش زعلانه مني عشان اللي حصل ؟
امنية بدموع : لا وانتي ذنبك ايه
زهرة بعياط: حقك عليا والله انا ……
امنية : متكمليش مش عايزة افتكر صدقيني مهما يحصل هتفضلي اختي وصحبتي اللي بحبها
زهرة : انا بحبك اووي ي امنية
امنية : انا كمان بحبك كتشششير
زهرة بضحك : والله يبنتي وحشتني القعده معاكي