رسلان دخل وحطلو الأكل واحلام كانت بتبصلهم بزهول خصوصا لما رحيم وقع الموز على الارض وبقى يقشر وياكل وهو قاعد على رجليه واديه زي الحي,وانات بالظبط
احلام رمشت بعيونها بدهشه وبصت لرسلان الي كان بيتفرج عليه بحزن وقالت..هو ده..ها..اخوك مالو…ايه التصرفات دي..وموز ايه الي بتديهوله وليه مش بيتكلم وليه…
بس رسلان قاطعها وقال بزعيق..ايه …ايه لايأله دي كلها هرد على ايه ولا ايه..واتنهد وقال..بصي يا انسه احلام .انا معنديش في الدنيا غير اخويا رحيم..وهو للاسف اتخطف وهو صغير..والي خطفوه حطوه مع مدربه في السرك..كانت بتدرب قرود وغوريلات..وكانت خرسه مش بتتكلم..فضل معاهم طول عمره يتصرف زيهم وياكل معاهم..كانت تحبسو معاهم وتسيبو ينام ويتعامل وياكل ويشرب على طريقتهم..ويوم العروض تاخده وتخليه يشتغل معاهم زيو زي القرود وكانت الناس تروح تتفرج عليه لانو انسان بس بيتصرف زي قرد
احلام اندهشت من الي قالو وقالت..زي طرزان يعني
رسلان قال بسرعه..بالظبط عليكي نور..زي طرزان..الفرق بينو وبين طرزان ان طرزان اسطوره..انما هو حقيقه قدامك زي ماانتي شايفه
احلام بصت لرحيم وقالت..طب وانت جايبني هنا ليه
رسلان اتنهد وقال..سؤال جميل…انا جايبك تاخدي بالك منو وتعلميه كل حاجه ..كل حاجه بمعنى كل حاجه..ياكل زينا يشرب زينا ويلبس زينا والأهم يتكلم زينا
احلام اتفاجأت بالي قالو وضحكت وقالت..نعم..حد قلك اني فانوس سحري..انت عايزني افضل مع القرد ده واعلمو كمان..انت مجنون ولا ايه
رحيم لما علت صوتها بصلها باستغراب واحلام ابتسمت بضيق وقالت..حبيب قلبي..كل موز
رحيم بقى يكمل اكل وهيه بصت لرسلان بغضب وقالت..انا عايزه اروح انا واختي ..شفلو مربيه وبلاش جنان
رسلان مسح على وشو بضيق وقال…شوفي يا انسه احلام ..عصبيتك وزعيقك وكل رفضك ده مش هيجيب نتيجه…انا حاولت كتير اجيب مربيات وشغالات..بس كلهم مشيو …وكمان مكانش يستفيد منهم حاجه
احلام كتفت اديها وقالت بضيق .وليه متخيل بقى اني هوافق..وايه الي اوحالك اصلا اني هفيده
رسلان ابتسم ..وقال..متاكد انك هتفديه…لاني عرفت عنك انك عنيده جدا..وانك لما بتحطي حاجه في دماغك بتعمليها..وكمان لانك اشتغلتي مربية اطفال بعد الضهر وكنتي تجيبي اعداد كبيره من الاطفال الي اهاليهم مشغولين وتخليهم عندك وكمان تحسني سلوكهم
احلام بصتلو بدهشه ازاي يعرف عنها كل ده ورسلان ابتسم بخبث وكمل وقال..اما بقى ايه الي هيخليكي توافقي..فده شئ مفروغ منو..لان ببساطه اختك الي عندي فوق..هتجبرك توافقي..ده طبعا لو بتحبيها..لانك لو رفضتي لا هتعرفي ولا هتتخيلي الي هعملو فيها..خليها مفاجأه
احلام بلعت ريقها برعب وقالت بدموع.يا استاذ رسلان..انت معاك حق في كل الي قولتو..بس انا بتعامل مع اطفال..اطفال فاهمين بقول ايه مش حي,وانات..مش هقدر
رحيم رفع وشو ليها تاني وبقى يبصلها جامد
واحلام …قالت بسرعه..بص طيب..بص بيبصلي ازاي
رسلان نفخ بزهق واحلام اتنهدا وقالت..طب..طب لو انا مقدرتش افيدو بحاجه..ايه العمل
رسلان ايتسم بسخريه وقال…بس انا اخترتك انتي بذات لاني متأكد انك هتفديه..ورغم انك اصغر من اختك..لاكن اخترت ان انتي الي هتكوني معاه لاني متأكد ان بالك اطول وهتنفعيه..يلا..انا همشي دلوقتي ..وكل ما يجي معاد الاكل هاجي اجبلكم اكل
رسلان مشي واحلام وقفت تبص لرحيم كان خلص اكل وقاعد بيدور ويلف في المكان بدون هدف …اتنهدت وقالت ..طب انا هبتدي معاك بايه طيب…وقربت منو ومسحت على شعره بحنيه وقالت..شبعت…انا بحس انك بتفهم بقول ايه..انت …شبعت..اكلت الموز كلو
رحيم بصلها وابتسم ابتسامه جميله …واحلام ضحكت بخفه وقالت ..مش طبيعي قد ايه بريئ زي الاطفال الحلوين
رحيم كان بيبتسم لها ببرائه واحلام اتنهدت وبقت تفكر هتحاول معاه ازاي
عند رسلان طلع لصفا واول ما فتح الباب جريت عليه وقالت..كنت عند احلام ..ها كنت عندها اختي كويسه مش كده
رسلان قلع الجاكت وقال..تمام..اختك ممتاذه..بس بباكي كان هنا من شويه
صفا قالت بفرحه..بابا..ازاي..وازاي عرف مكانا
رسلان اتنهد وقال..والدك يبقى مدير اعمالي في الشركه..انتو عمركم ما جيتو هناك علشان كده متعرفونيش
صفا اتسعت عنيها بزهول وقالت..ايه..بابا شغال عندك
رسلان قال بحزن..لا مش شغال عندي شغال معايا وفي معزة ابويا بالظبط
رسلان قال كده وقعد على الكرسي وبقى يولع سجاره بضيق
صفا كانت مصدومه من الي بيقوله وقالت..ههه..في مقام ابوك…ونعم الأبوه …وياترى ابوك يعرف انك خاطف بناتو
رسلان بصلها بضيق وقال..لا ميعرفش..ومش هيعرف .وانتو امتى ما تمشو من هنا..ممنوع تعرفوه..فهمتي
صفا قعدت على السرير بزهول وقالت..انا في حياتي ما شوفت حد حقير زيك بجد والله
رسلان طفا السيجاره بغضب وقال…اشششش…من غير قلة ادب..علشان اعاملك بأدب..سمعتي
عند احلام كانت لقت طريقه بعد تفكير كتير تبتدي بيها مع رحيم
وهيه انها رسمت على اللوح الي في الأوضه صور لقرود كتير وسمت كل قرد بحرف وبقت تنطق ببطأ شديد وتخلي رحيم يقول وراها قالت…ده..ألف..بنقول..أااا…أاااا
رحيم قال بحماس…أاااا
احلام ابتسمت وقالت..برافو..وادتلو موزه وقالت…إييي
..إييي
رحيم قال بفرحه..إيي…إييي
احلام قالت بابتسامه…أووو….أوووو
رحيم قال بسرعه….أووو..أووو…أووو…أوأو أو
احلام قالت..تمام..ندخل على الباء بقى
بس رحيم بقى ينط ويقول..أو..اأو..أوأو
احلام قالت..تمام ..تمام..كفايه كده الحرف الي بعدو بقى
بس رحيم بقى ينط حواليها ويقول…أو..أو…أو…
احلام اتنهدت بيأس وقالت..اممم….أو…أو..كمل انت بقى …انا الغلطانه اصلا
عند رسلان قال ..شوفي انتي هتنامي على السرير ده..وانا هنام على السرير التاني…دي اول مره في حياتي انام بعيد عن اوضتي..بس مضطر لان أوضتي مفيهاش غير سرير واحد
صفا اتنهدت ولسه هتنام اتفاجئت برسلان ماسك سلسله حديد وقفل وبيقول .هاتي ايدك الحلوه دي
صفا قالت …ليه
رسلان قال…هشبكك بإسوره تحفه..هاتي يلا..وشد ايدها جامد حطها في السلسله وربطها في السرير
صفا قالت بغصب..انت مريض والله مريض…فكني بلاش جنان
رسلان كان بيصفر بهدوء ولا كأنو سامعها
صفا قالت ..طيب افرض حبيت اروح الحمام
رسلان قال من غير ما يبصلها..اديني جمبك في الاوضه…صحيني
صفا نفخت بضيق وبصت الناحيه التانيه وغمضت عيونها وهيه حزينه جدا وقالت في نفسها..ربنا يكون معاكي يا أحلاك
رسلان بصلها واتنهد بحزن وحاول ينام
عند أحلام فضلت تحاول تنطق رحيم وكان بينطق وراها بصعوبه وفضلو يحاولو لحد ما بقى ينام وهو قاعد..احلام ابتسمت عليه واخدتو نيمتو على السرير
ونامت هيه قصادو على السرير التاني وبقت تبص لملامحو الجميله واتنهدت بحزن وبقت تحاول تنام
في اليوم التاني بدأت رحلة احلام مع رحيم وبقت تلعب معاه شويه وتعلمو شويه وتنطقو حروف وكلمات…كمان بقت تحاول تخليه يمشي على رجليه قالت…اهو..زيي كده يلا خد الموزه دي ورفعتها بايدها لفوق جامد
رحيم كان بيحاول باخدها بس لانو بيمشي على اطرافو الاربعه مكانش عارف…بقى يحاول لحد ما تعب واتجمعت الدموع في عنيه
احلام بصتلو بحزن وابتسمت وقربت منو وقالت…يلا..علشان تطولني..يلا..اهوه..متخافش اقف انا هسندك…انا معاك
رحيم بقى يبص لعيونها وجمالهم ووقف علي رجليه وكانو رجليه بيترعشو وبسرعه مسك في ايدها بخوف وكان قريب منها جدا وواقف ومسنود عليها وماسك فيها بخوف
احلام حطت دراعها ورا ضهره وبقت عيونهم في عيون بعض ورحيم كان مبسوط وبيبصلها جامد وابتسم ابتسامه جميله
احلام كمان كأنها اتسحرت من عيونه وفضلت بين اديه وبتبصلو بس اتفاجأت انو خطف الموزه وطلع لسانو وجري ياكلها
احلام اندهشت من حركتو دي وبصتلو بيأس وضحكت
عند رسلان قام من النوم لقاصفا قاعده مستنياه يصحى واول ما قام قالت بدون مقدمات ..عايزه اشوف اختي
رسلان اتنهد بضيق وقال..يا فتاح يا عليم.. وقام وبقى يجهز هدوم علشان يستحمى
صفا وقفت وقالت ..لو سمحت بقى فكلي ايدي وجعتني..اوعدك هتطلع تلاقيني قاعده مكاني
رسلان رفع حاجبو بعدم تصديق وقال..لما اخرج اضمن
بقلم..زهرة الربيع
صفا قالت..انا وعدتك ..انا بنت ادريس الجوهري …بابا بيقول ديما بنات الجوهري اخلاقهم جواهر ..وطالما وعدتك هوفي ….صدقني والله ما هتحرك
رسلان فضل باصص لها شويه وفكها تحت طلب من قلبو الي عقلو كان بيلعنو ومش مصدق حرف
صفا مسكت معصمها بوجع وقعدت على السرير بحزن ورسلان دخل يستحمى واول ما دخل الحمام كلم واحد من الحرس وقال..بقولك ايه..استنى قدام الاوضه الي انا فيها..فيه بنت ممكن تحاول تطلع امنعها ومتخلهاش تطلع
قال كده وابتسم بخبث وبقى يستحمي
عند رحيم كانت احلام منيماه على السرير وفارده جسمو وبتضغط على ركبو لانها بتوجعو لما يقف قالت.. خليهم مفرودين كده حتى لما تنام…ماشي
رحيم هز راسو بايوه وهو بيبصلها بابتسامه جميله
احلام قالت خليك كده بقى متتحركش وحطتلو مخدتين على رجليه ودخلت تستحمى..واول ما
خلصت لبست هدومها تاني لان معندهاش حاجه تاني تلبسها ..سرحت شعرها وحطت مكياج خفيف جدا من الي في شنطتها الي ديما بتاخدها معاها
احلام خرجت لقت رحيم زي ما سابتو ابتسمت وقربت منو وشالت المخدات وقالت ..برافو عليك..باشا والله…وبقت تعملو تمارين وتحركلو رجليه واديه ولسه هتتحرك من جمبو اتفاجأت بيه شدها عليه جامد وبص لعيونها ومرر صباعو على شفايفها مسح الروج الي حطاه بصباعو وحط صباعو في بوقو وهو بيبصلها بنظرات حلوه قوي