جمعتهم الاقدار بقلم فريدة احمد ج 2

: اهلاااااا ب بنت عمي الفا، جرة اللي مقضياها مع رجالة اغراب.. بس ومالو اعيد تربيتك من تاني.. شرفتي يا غالية

وقرب عليها بشر ورفع ايده ولسه هينزل علي وشها،

في لحظة كان واقع علي الارض اثر ضر، بة قوية من عاصي، اللي بصله بشر وقال بغضب… لو فكرت تاني مرة تحاول تمد ايدك عليها. متلومش الا نفسك

ميل عليه وكمل بطريقة ترعب … لان صدقني مش هرحمك

ثم اكمل بتحذير… حلا تبقي مراتي يعني البصة فيها بمو،تك. سامع ياروح امك

قام وائل وقف بصعوبة وقال بزهول… مراتك

وملامحه اتحولت للغضب وبص ل حلا وقالها بشر…. انتي اتجوزتي من ورانا يا فا، جرة. دانا ادفنـ، ك حية

لتبلع حلا ريقها برعب وتستخبي ورا عاصي

اما عاصي بصله بشر ولسه هيتقدم عليه يضـ، ربو،، لكن زين سبقو لما قال بجبروت…. ولاااااا. لو عايز تمشي علي رجلك سليم خد بعضك دلوقتي،، لان دقيقة كمان وهتطلع علي نقالة

بلع وائل ريقه بخوف وعاصي اتقدم عليه خطوة وبقي قبالو بالظبط، مسك ياقة قميصة وبقي يعدلها له وهو بيقول.. لا ده شكله محتاج يتأدب الاول. وانا هقوم بالمهمة دي، وفي لحظة، لكمه لكمة قوية اوقعته ارضا

ميل عليه قومو ولسه هيضر*بو تاني

وقفه صوت عمه اللي قال بحدة وأمر… عااصي. سيبه

وبص ل وائل وقال…. امشي

وائل وهو بينهج وحاطط ايده علي فمه اللي جاب د، م وكان بيبص علي عاصي بغل وتوعد، قال…. همشي بس مش قبل ما اخد بنت عمي معايا

العمدة… هتاخدها ازاي. هو مش قالك مراتي

ليرد ويقول بغضب ….. وانا مش داخل عليا الحوار ده.

ولما ادرك انه مش هيقدر يعمل حاجة وان مفيش فايدة

قال… بس تمام.

كمل وهو بيبصلهم بغل …بس عايزكم تعرفو ان حلا من حقي واللي فاكر اني ممكن اتنازل عنها بسهولة يبقي غلطان.. حتي لو الجواز ده حقيقي ايا كان. هاخدها

وكمل بإصرار وهو مركز نظره عليها بالذات وبيبصلها بشر وتوعد جحيمي

خلاها تلقائي مسكت في عاصي بخوف

وهو كمل…هاخدها بالذوق او بالعافية

عاصي ببردو وهو حاطط ايده في جيبه قال… ابقي وريني شطارتك يا بطل

بصله وائل بغل وخرج وهو بيتوعدلهم

كانت حلا واقفة بترتجف من الخوف، قرب عليها العمدة وقال … دي بنت صفية

وبص ل عاصي …. جبتها ازاي يا ولدي

عاصي… صدفة يا عمي

فتح العمدة ايده وقال… تعالي يابت الغالية

بس حلا فضلت واقفة مكانها خايفة ومستغربة

عاصي بصلها وقال… ده يبقي خالك يا حلا.. متخافيش

وهز راسه وهو بيطمنها

قربت بتردد والعمدة حاوط وشها بإديه وهو بيتأمها، قال…. كيف امك بالظبط. كانها هي اللي واقفة قدامي

وباس راسها وقال… نورتي يا بت الغالية

في الخارج

كان وائل خارج بغضب، قابله مراد اللي كان راجع، بصله باستغراب لكن مهتمش لانه ميعرفوش من الاساس،

دخل اتفاجأ بيهم متجمعين لكن بمجرد ما شاف حلا وركز فيها اتصدم وقال… ايه اللي جاب البت دي هنا

بصولو كلهم باستغراب، لكن هو مركزش

و بصلها وقال… بتعملي ايه هنا يابت

وبوقاحة كمل … جاية في اوردر ولا ايه

عاصي بسرعة بصله وقال… تعالي. عايزك

و اخدو خرج بره

سميحة قربت من حلا وقالت… بقي انتي بقي بت صفية الله يرحمها

العمدة… خديها خليها ترتاح يا ام زين. وخليهم يحضرو عشا

سميحة… امرك يا حج

وبصت ل حلا وقالت… تعالي يا حلوة

..

: انا اتجوزتها

قالها عاصي ل مراد لينصدم مراد ويقول… اتجوزت مين لمؤاخذة.. البت بتاعت الد،، عارة!!

ثم اكمل بجنون… انت اتجننت… انت عارف انا جايبها منين.. جايبها من بيت دعا،، رة.. يعني اكيد واصلك هي بتشتغل ايه.. كنت جايبها تكيفني… زي ما بترووح لمليون واحد غيري.

ليكمل بزعيق وغضب … انت اتجننت يا عاصي.. ازاي تتجوز واحدة زي دي

كان بيسمعه بهدوء ليقول اخيرا… مين قالك انها بتشتغل في الدعا،، رة.. البت بنت ناس

مسح علي وشه بتعب ثم زفر انفاسه بهم وبصله وقال .. مش دي المشكلة..المشكلة هي طلعت مين…. انت تعرف البنت دي طلعت مين يامراد

بصله مراد باستفهام وعاصي كمل بالمفاجاة الصادمة… تبقي اختك يامراد

مراد بعدم استيعاب… انت بتقول ايه.. يعني ايه اختي.. انت شارب حاجه يلا

عاصي بهدوء… هو مش انت ليك اخت من امك الله يرحمها

مراد… انت تقصد ايه.. البت دي

وهو بيشاور علي جوا

عينه جحظت بصدمة و عاصي هز راسه بتأكيد وقال…. هي.. البت دي بتكون اختك حلا.. اختك يا مراد.. انا اتاكدت

مراد بغضب وجنون… انت بتخرف بتقول ايه.. هي ازاي

دي بتشتغل ف..

قاطعه عاصي وقال … هي ما بتشتغلش

كمل بغضب وقال… واللي انت فاهمه ده مش صح..ومسمعكس تنطق الكلمة دي تاني. فااهم.. اللي جوا دي اختك وشريفة.

بصله مراد وابتسم بسخرية

اتنهد عاصي وحاول يتكلم بهدوء وقال…. انا عرفت كل حاجه.. كل الحكاية ان كان معمول لها كمين.

كانت قاعدة مع صحابها في كافية في منطقة راقية، قامت فجأة وهي بتقول… انا ماشية يا مزز

بصولها صحابها وقالو… علي فين

قالت وهي بتاخد شنطتها… علي البيت.

صاحبتها… نعمم!.. هو انتي مش هتسهري معانا الليلة في البار ولا ايه

ردت وقالت…. اكيد لا. ومبقتش هسهر تاني.. يعني خلاص فككو مني

قامت واحدة تانية وقالت… لااا بقا نفهم.. يعني ايه مش هتسهري ونفكنا منك

لتقول الاخري وهي بتبص ل مرام …. افهمك انا.. الانسة اكيد زين باشا منعها عننا..مش صح بردو

بصت ليها صاحبتها التانية وقالت… هو الموضوع بجد ولا ايه… مرام.. هو انتي هتتجوزي زين بجد

مرام بهيام… اه. عقبالك

صاحبتها بزهول… لا بجد.ده حقيقي .. مرام. انتي مقتنعة باللي بتعمليه.. انتي عارفة يعني ايه زين.. دا لو عرف انك كنتي و

لترتبك مرام وتقول..

يتبع…..

#جمعتهم_الأقدار

#البارت_الرابع

#بقلم_فريدة_احمد

: انتي عارفة يعني ايه زين يعرف انك عملتي علاقة مع حد قبل كده .. دا لو عرف انك كنتي و

لترتبك مرام وتقول… كنت ايه.. وايه التخاريف اللي بتقوليها دي

صاحبتها… هو انتي ناسية انك كنتي علي علاقة ب مراد ابن عمه يابنتي

لتتنفس مرام براحة حينما تأكدت ان سرها لم ينكشف.. ولكن

ردت عليها وقالت بغضب…. يعني ايه عملت علاقة مع مراد؟!!!

لترد صاحبتها وتقول… عاوزة تفهميني انكم طول الفترة اللي كنتو فيها مع بعض. محصلش بينكم حاجة..اصل اللي معروف عن مراد ان مفيش واحدة بيعرفها غير وبيعمل معاها علاقة كاملة مابالك بقا باللي حبها

بمجرد ما انهت كلامها اتفاجأت بصفعة قوية نزلت علي وشها من مرام اللي قالت بغضب…. ااخرسي ياحيوانة

انتبهو كل الموجودين في المكان،، اما باقي البنات قامو وقفو بسرعة وهما بيحاولو ينقذو الموقف

واحدة فيهم قالت .. في ايه يامرم.. هي..هي اكيد ما تقصدش

وبصت لصاحبتها وقالت… ولا ايه يا شيري

بصت شيري لمرام بغل مخفي وهي حاطة ايدها علي خدها بصدمة، لكن تصنعت البراءة وقالت…. اكيد ما قصدش..صدقيني يامرام . انتي فهمتيني غلط.. انا كل الللي اقصدو انك انتي ومراد كنتو بتحبو بعض و

قاطعتها مرام وقالت بجمود… انا ومراد اللي كان بينا مكانش اكتر من اعجاب ولما اتاكدنا ان مشاعرنا مش حقيقية سيبنا بعض بهدوء.. وايا كان مش انا اللي بسلم نفسي لاي راجل. انتي وامثالك اللي يعملو كده. انا لا.. واكيد كلكو عارفين مين هي مرام.. انا اسهر اه والبس براحتي لكن حد يفكر يلمسني بقطعلو ايده. واظن انتو عارفين كده كويس اوي

شيري… مرام انا اسفة بجد مقصدش. انا مش عارفة انا قولت كده ازاي اصلا

كملت بزعل… وبعدين هونت عليكي تمدي ايدك عليا وكمان قدام الناس.. بس انا مش زعلانة منك عشان انتي اختي..

صاحبتها الاخري… خلاص يا مرام. هي اتاسفت

لترد مرام بنفس غضبها وتقول وهي توجه كلامها ليهم كلهم … لو واحدة فيكم اتجرأت و فكرت تتكلم نص كلمة عليا سواء تقصد او متقصدش.. انتو عارفين رد فعلي هيكون ايه

وبصت لشيري وكملت… القلم ده مش حاجة.. المرة الجاية مش هتستحملي رد فعلي

لتقول صاحبتها الاخري بسرعة…. يامرام هي متقصدش.وبعدين محدش ممكن يستجري يقول عليكي نص كلمة

مرام…. انا بس بنبهكم

واخدت شنطها ومشيت غير مبالية لاصحابها اللي بينادو عليها،، وبقت شيري تبص عليها بغل وهي بتتوعدلها بداخلها

….

في الصعيد

: تعالي يا حلوة اعرفك فين اوضة جوزك عشان ترتاحي فيها

قالتها سميحة ل حلا اللي ردت باستغراب وقال… جوزي مين

سميحة… الله. عاصي.. هو مش عاصي اتجوزك بردو

ثم اكملت بشك… ولا دا فيلم عاملينه ولا ايه

حلا بحرج… لا هو هو. احنا اتجوزنا

في اللحظة دي دخل عاصي ومراد،، مراد اللي حلا بقت تبصله بغضب شديد، اما هو بصلها بلامبالاة وطلع علي اوضته بدون كلام

قاطعها صوت سميحة اللي قالت….. اهو عاصي بنفسه اهو.. خد مراتك معاك اوضتك ترتاح ياعاصي

لترد حلا بسرعة وتقول… لا

بصلها عاصي بهدوء ومتكلمش وهي قالت … احم.. ا. انا كنت عاوزة ابات في اوضة ماما

….

كانت مرام قاعدة في عربيتها بتفكر في اللي ممكن يحصل. لو فعلا زين عرف بالسر اللي مخبياه عليه

وهي في نفسها بتقول بقلق… يا تري هتعمل فيا ايه يا زين لو انكشفت قدامك.

كملت بسخرية… دا لو عرف باللي كان بيني وبين مراد مش هيعديها واكيد هيسبني.. امال فعلا لو عرف الكبيرة

دب في قلبها الرعب وهي بتقول… مش بعيد يقـ تلني..

غمضت عيونها وهي بتقول… ربنا يستر

وبقت تحاول تطمن نفسها وهي بتقول…لا لا هيعرف منين. اكيد مش هيعرف.. اكيد

وبرغم انها كانت بتطمن نفسها بس القلق كان مسيطر عليها بنسبة اكبر

وشغلت العربية وطلعت بيها وهي قلقانة جدا وبتدعي في نفسها ان سرها مينكشفش قدامه، اللي متيقنة مليون في المية لو زين عرفو مش هيرحمها

….

عند حلا

بقت تتأمل الاوضة بحزن شديد،، قربت مسكت صورة مامتها

وبقت تبصلها وتقول…. ياتري بابا كان عنده حق يمنعني عنك. وانك فعلا ست مش كويسة ولا انتي فعلا مظلومة… كان نفسي تكوني لسه عايشة واعرف منك الحقيقة .. نفسي ارتاح.

دموعها بقت تنزل وهي بتقول…. فضلت مستنية اقابلك علي امل تحكيلي الحقيقة ويوم ما اعرف اوصلك اكتشف انك مبقتيش عايشة

قعدت علي السرير وحطت ايديها علي وشها وبقت تبكي بحزن شديد

….

اما عاصي كان طلع هو كمان ودخل اوضته بهدوء واللي بمجرد ما دخلها،، كالعادة قرب علي الكومود ومسك صورة جوليا وبقي يتأملها بحب واشتياق

اتنهد وقال بحزن شديد…. وحشتيني يا حبيبتي.. وحشتيني اوي

بقي يفتكر حياته معاها اللي كانت كلها سعادة اللي اختفت بمجرد رحيلها

اتنهد وحط الصورة مكانها بلطف وبدأ يفك في ازرار قميصة ورمي جسمه علي السرير بتعب

….

بعد يومين

كان زين قاعد في عربيته مستني مرام، اللي قربت عليه بلهفة وقبل ما تفتح باب العربية وتركب بصت عليه من شباك العربية وقالت.. اتاخرت عليك

نفض السيجارة اللي في ايده من الشباك وفتحلها الباب بإيده التانية وقال… لا.. اركبي يا وتكة

ابتسمت مرام وركبت، بصتله وقالت… وحشتني اوي علي فكرة..

كملت بزعل وقالت… بقالك يومين مشغول عني.

مسك ايدها باسها وقال…. معلش.. معايا قضية واخدة كل وقتي

مد ايده وبقي يرجع شعرها لورا وقال… تحبي تروحي فين

بصتله بحب وقالت…. اي مكان معاك بيكون حلو..اختار انت.شوف انت عاوز توديني فين وانا معاك

ابتسم زين وقال بوقاحة…. طب انا عاوز اطلع علي شقة المهندسين. انا اساسا تعبان ومحتاج اريح.. ايه رأيك تيجي تفكيلي ضهري هناك

وغمزلها

ضر*بته في كتفه وقالت… سافل

حرك زين صباعه علي شفايفها وقال… انا بمسك نفسي عنك بالعافية يامرام