البارت الثاني 🖤 بقلمي إيمان شلبي 🖤 -انت عايز ايه مني ؟ ربع أيده وسند علي عربيته ببرود : -عايز اعرف ليه عملتي كده غمضت عيني جامد واخدت نفس عميق وانا جوايا صراع يطول شرحه بين قلبي وعقلي عايزه احكيله الحقيقه عشان يبعد عني وميأذنيش لكن في نفس الوقت وبالرغم من كل اللي "ريماس" عملته فيا إلا أني خايفه عليها لو عرف الحقيقه -ردي عليا يا وسام ليه عملتي فيا كده بعد ما حبيتك عيوني لمعت بالدموع : -مش انا اللي عملت كده صدقني -اومال منين ؟ بلعت ريقي ورديت بتوتر : -ا الاكونت بتاعي ك كان هتهكر رد بسخريه: -وانتي فاكره اني كده هصدقك -لازم تصدقني شدني من دراعي وهو بيجز علي أسنانه بغيظ: -استحاله اصدقك ومش حسن الراوي اللي حته بت زيك تضحك عليه صدقيني هندمك ندم عمرك علي كل لحظه حبيتك فيها قال جملته الأخيرة وهو بيخرج قماشه من جيب الجاكيت وبيحطها علي بوقي حاولت ابعد ،حاولت اصرخ يمكن حد ينجدني لكن للاسف كان اقوي مني ولسوء حظي اني قابلته في مكان مهجور وبعيد عشان محدش يشوفني واقفه معاه! بدأ المُخدر يأثر عليا وبدأت قوتي تنهار وغبت عن الوعي وانا دموعي علي خدي من الخوف والرعب اللي دب في قلبي من نظراته اللي كلها تهديد ************************************ بعد وقت مقدرش احدد قد ايه في الحقيقه! بدأت افوق كنت حاسه بصداع رهيب لسه هفتح عيوني سمعت صوته وهو بيتكلم جنب ودني بنبره كلها دموع -ليه ياوسام ؟ ا أنا ا انا ما صدقت حد حبني م ماصدقت حد قدر يتقبل شكلي وأسلوبي البشع وعصبيتي ليه بعد ما خلتيني طاير من الفرحه توقعيني علي جدور رقبتي بكل قسوه انا عملتلك ايه انا حبيتك والله العظيم حبيتك انا اه مشوفتكيش ولا مره غير صور لكن حبيتك م معرفش ده كان سذاجه مني ولا جنان ولا ايه بالظبط مفيش بني آدم ممكن يحب حد من مجرد صور لكن انا حبيتك! ومش هسحمحلك تبعدي عني هتفضلي معايا برضاكي أو غصب عنك الفون بتاعي رن وسط كلامه وكان في جيب البالطو بتاعي فتحت عيني فجأه لقيته بيبصلي بنظره مُرعبه دبت الرعب في قلبي زحفت لورا وانا بترعش وبهز راسي بهستريه وخوف مدلي أيده وبنبره غليظه: -هاتي التلفون هزيت راسي بنفي : -لا لا انت عايز مني ايه انا مليش ذنب والله العظيم مليش ذنب ارجوك سيبني في حالي رد بهدوء : -حاضر هسيبك رديت بلهفه وفرحه : -بجد قام وقف وبصلي بابتسامه لا تمس للمرح بأي صله: -لكن بشرط بلعت ريقي بتوتر : -ا ايه هو ؟! -لو مكانش انتي اللي عملتي كده يبقي تعرفيني مين اللي عمل كده وانا هسيبك رديت بنبره كلها دموع : -مقدرش صرخ فيا بجنون : متقدريش لأن محدش عمل كده غيرك كان لسه هيرد بس الفون رن مره تانيه وفجأه قرب مني وكتف دراعاتي واخد الفون بص للأسم وبعدها بصلي وهو بيسألني بهدوء مُريب وشك: -part of me مين ده اخدت نفس عميق ورديت بتوتر : -د ديه واحده صاحبتي فتح الاسبيكر ورد وانا قاعده حاطه ايدي علي قلبي -وسام انتي فين الو وسام ردي عليا متقلقنيش انتي فين ا اوعي يكون حسن عملك حاجه! ياوسام ارجوكي ردي بقي انتي مش بتتكلمي ليه ط طب خلاص انا اسفه والله انا اسفه حقك عليا ا أنا عملت كل ده عشان بحب حسن ك كان نفسي ابقي شجاعه واقوله الحقيقه كان نفسي اظهر قدامه بشخصيتي الحقيقيه ب بس خوفت يرفض خوفت يقولي لا انا مش هينفع اتجوز واحده معاقه مبتتحركش ا أنا عارفه اني غلطانه واني انانيه بس ارجوكي عشان خاطري سامحيني متزعليش مني ياوسام ط طب بصي ب بصي انا هكلم حسن ه هقوله كل حاجه ه هعرفه الحقيقه والله وقابله بأي عقاب بس متزعليش مني ياوسام انا مليش غيرك كان واقف يسمع ومع كل كلمه كانت ريماس بتنطقها الصدمه والذهول يبانوا اكتر علي وشه! اخدت نفس طويل وقومت من مكاني وانا بقرب منه بحزن : -عرفت الحقيقه اظن وجودي ملهوش اي داعي هنا بصلي ورد بنبره مهزوزه: - انا مش فاهم حاجه م مين ديه وانتي تبقي مين و..... -ريماس اختي التوأم اللي كانت بتكلمك من الاكونت بتاعي علي اساس انا -ليه ؟ ليه عملت كده -ريماس عملت حادثه ومبقتش بتقدر تمشي تاني -وهي تعرفني منين ! -كانت معاك في الدفعه -وبعدين -ك كانت معجبه بيك -بس انا معرفهاش ولا عمري شوفتها -عشان هي منقبه -وعملت عليا اللعبه ديه كلها عشان أحبها واتحط قدام الأمر الواقع لما اشوفها واوافق اتجوزها مش كده؟! -هي فعلا كانت ناويه علي كده بس قلبها مطاوعهاش حسن ريماس بتحبك والله ه هي بس ه ..... صرخ في وشي بعصبيه وجنون وعروق رقبته بارزه : -وانا مش بحبها قرب الفون منه واتكلم وهي لسه فاتحه انا مش بحبك سامعه مش بحبك ازاي احب واحده معاقه انا حسن الراوي احب معاقه لييييييه انا عمري ما افكر ابص لواحده زيك ياحقيره والله العظيم ما هسيب حقي قسماً بالله ما هرحمك -ح حسن ا ارجوك ا ا اسمعني و..... قفل في وشها وشدني من دراعي برا الاوضه : -برررررا امشي اطلعي برااااااا انتي كمان برااااااا ******************************* -لا لاا حسن لا ارجوك اسمعني ا ارجوك لا انا بحبك ح حسن -ريماس ريماس فوقي مالك في ايه ؟ فتحت عيونها بفزع وهي بتبص يمين وشمال بخوف وبتتنفس برعب -بسم الله الرحمن الرحيم مالك يا ريماس في ايه ياحبيبتي بصيتلي وفجأه اترمت في حضني وهي بتعيط بحرقه وبتقول كلام مش مفهوم -مش بيحبني يا وسام مش بيحبني ولا عمره هيحب واحده زي ،انا قلبي واجعني اوي ،انا مش هقدر استحمل اعيش مع حد غيره ،م مش هقدر استحمل اشوفه مع واحده تانيه غيري والله انا بحبه اوي والله ارجوكي ياوسام روحي قوليله ريماس بتحبك قوليله يسامحني انا والله مكانش قصدي اجرحه ولا اضحك عليه ياااارب يااااارب صبررررني يارب -ريماس فيه ايه انا مش فاهمه انتي بتتكلمي عن ايه ؟ خرجت من حضني وردت بدموع : -حسن ح حسن بيكرهني ا أنا ضحكت عليه ا انا خدعته -اهدي بس وفهميني بالراحه حسن مين وخدعتيه ازاي انا مش فاهمه حاجه انتي كنتي بتحلمي؟! -مكانش حلم كان كابوس بشع -حلمتي بأيه؟ -وسام -نعم؟ -انا عملت حاجه من وراكي بس خايفه لو حكيتلك متفهمنيش رديت بعتاب وانا بمسك ايديها : -وانا من أمتي مش بفهمك سندت رأسها علي رجلي : -انتي دايماً فهماني بس انا عملت تصرف حقير خدعت شخص وخليته يحبني علي اساس انك انا رديت باستغراب : -نعم ؟ ي يعني ايه ازاي يعني مش فاهمه قامت قعدت في وشي وبصيتلي وعيونها بتلمع بالدموع : -قبل ما اعمل الحادثه كان في واحد زميلي في الكليه ك كنت معجبه بيه اوي و وكنت بلاحظ نظراته ليا وبحس أن هو كمان معجب بيا ك كان عندي امل أنه يحبني ويعترفلي في يوم من الايام ويتقدملي زي ما بشوف في قصص الحب والافلام ،كنت عايشه في عالم الخيال طول الوقت ،بس كنت دايما بسال نفسي سؤال هو ازاي معجب بواحده لا يعرفها ولا يعرف شكلها بسبب النقاب اللي لبساه؟ -وبعدين كملي فضلت تحكيلي الموضوع بالتفصيل وانا بسمعها بهدوء وتفاهم بالرغم من حزني انها خدعته وخدعتني انا كمان لكن مكانش لازم أبين ده لأنها كانت منهاره ومحتاجه حد يطبطب عليها -لسه بتكلميه؟ -ايوه -واخرتها يا ريماس -انا لازم ابعد واعمله بلوك -هو ده الحل ؟! -اومال عايزاني اعمل ايه ا الحلم ده مكانش مجرد حلم عادي ده كان اشاره من ربنا عشان ابعد ومجرحش مشاعري -وتجرحي مشاعره هو عادي ؟ ردت بدموع : -غصب عني مشيت ورا قلبي ومفكرتش في العواقب -مينفعش تبعدي فجأه كده -اومال اعمل ايه -ابعتيله ماسدج وعرفيه الحقيقه -وبعدين ؟ -وبعدين هو ليه حريه الاختيار -ب بس..... رديت بجمود : -عارفه انك خايفه من رد فعله وخايفه علي مشاعرك اللي ممكن يجرحها بس اللي عمل تصرف من غير ما يفكر في العواقب لازم يتحمل نتيجه الاخطاء بتاعته! -و وسام انتي زعلانه مني ؟ اخدت نفس عميق ورديت بهدوء وملامح خاليه من اي تعبير : -مش مهم أنا دلوقتي المهم انك لازم تخلصي من الموضوع ده في اقرب وقت -وسام ا..... قاطعتها بضيق وانا برد بنبره مخنوقه بالعياط : -لو سمحتي مش وقته ويلا اعملي اللي قولتلك عليه اتفضلي قولت جملتي وانا بمدلها ايدي بالفون فتحته وكانت لسه هتكتب -صحيح انا ازاي ملاحظتش انك بتكلميه؟ بلعت ريقها بتوتر : -ك كنت بخليه يتكلم بليل لما انا ابعتله ماسدج ولما بخلص كنت بمسح الشات بصيتلها بعتاب وسكتت بالرغم أن كان جوايا اسئله كتير جدا وكلام لو قولته هيتعبها ويأذيها بالرغم من كل ده مكانش هاين عليا ازعلها بكلمه حتي صحيح اوقات من كتر حُبنا لأشخاص ومن كتر ما حنا واثقين أنهم عمرهم ما يأذونا لو حصل العكس بنفضل مصدقين قلوبنا اللي بتحبهم وبنكذب كل اصوات العقل وحتي صوت اعترافهم بالذنب بيبقي اعتراف كاذب! -انا كتبت ديه ابعتها قرأت الماسدج بصوت عالي وهي بتبصلي بثبات مُزيف وعلي تكه وتعيط "حسن ازيك عامل ايه حسن انا عايزه اعترفلك اعتراف واتمني تسامحني لما تعرف ،انا كذبت عليك وخدعتك ،انا اسمي الحقيقي مش وسام اسمي ريماس ،وفي كليه تجاره سنه رابعه معاك في نفس الدُفعه ،بس انت متعرفش شكلي لاني منقبه ،الصور اللي كنت ببعتهالك مش صوري دي صور اختي التوأم ،احنا نفس الشكل لكن الفرق في حاجه واحده بس ،انا معاقه قاعده علي كرسي متحرك واختي وسام سليمه ،ع عشان كده كنت بكلمك من الاكونت بتاعها عشان متكشكش في حاجه ،انا اسفه بجد بس انا فعلا حبيتك وكنت دائما قبل ما اعمل الحادثه بشوف نظراتك ليا وبحس فيها اعجاب ،كنت عايشه حلم جميل اوي اتمني يتحقق بس جت الحادثه حولت حلمي لكابوس مؤلم ،مكانش قدامي حل غير اني اتكلم معاك واخليك تتعلق بيا وتحبني ولما تشوفني احطك قدام الأمر الواقع بس خوفت ،خوفت متتقبلش وتجرح مشاعري عشان كده قررت اعترفلك بالحقيقه ،حسن ارجوك سامحني انا اسفه جداً ،انا كنت بفكر بأنانيه ومهتمتش بمشاعر حد إلا ،اللي عايزاك تعرفه بس ا اني بحبك اوي ومحبتش حد غيرك ،ربنا يعوضك خير ويسامحني انا على الكذبه البشعه ديه اخدت نفس عميق وانا بمدلها ايدي ببرود: -ابعتيها كانت لسه هتبعت الماسدج بس ماما دخلت فجأه -وسام وسااام قفلت الفون من الجنب بتوتر قبل ما نبعت الماسدج : -ن نعم ياماما -في عريس متقدملك رديت بصدمه : -عريس -اه اسمه حسن الراوي معاكي في الدفعه مش كده؟؟ يُتبع #توأمي_المخادعه #إيمان_شلبي