البارت الثالث 🖤 بقلمي إيمان شلبي 🖤 -همسه انتي يازفته أصحي ياغيبوووبه اصحي في زلزال قومت اتنفضت من مكاني وانا بقف علي السرير وببص يمين وشمال برعب -زلزال فين هو فين الزلزال ده انا مين انا فين انا ايه ا... وقفت كلامي لما سمعت صوت حد بيضحك جنب السرير بصيت لقيتها اختي واقفه وهي حاطه ايديها علي بطنها وبتضحك جامد جزيت علي اسناني وانا بصرخ بجنون : -ياحيوووووووووانه بتصحيني لييييه حرام عليكي الحلم كان عاجبني ياللي ربنا يبتشليكي بمصيبه نطيت من علي السرير عشان اضربها بس هي لحقت نفسها وطلعت تجري علي برا وهي بتضحك عليا قعدت علي طرف السرير بحزن وانا بلوي شفايفي وبكلم نفسي بضيق -يعني كل ده كان حلم جات الحزينه تفرح ملقتلهاش مطرح! دايماً كل واحد فينا بيبقي عنده حلم نفسه يحققه في الواقع ،بيفضل طول الوقت يحارب ويعافر عشان أحلامه تتحقق ،طول الوقت تفكيره بيبقي منحصر علي أحلامه حتي وهو حاطط دماغه علي المخده في آخر كل يوم بيخطط ويحلم ويبتسم بمجرد بس ما يتخيل أن حلمه اللي طال أصبح بين ايديه! وقتها العقل الباطن بيخلينا نعيش اللي بنتمناه لكن مش في الحقيقه في عالم الاحلام والخيال هو ده اللي حصل معايا ؟ نمت وانا بفكر وبتخيل نفسي بطله من ابطال اي روايه رومانسيه قرأتها نمت وانا بفكر في "يزن"مديري في الشغل اللي قلبي داب جوا قلبه من اول نظره دايماً بيراودني شعور ان هو كمان بيحبني زي ما حبيته دايما بتخيله واقف قدامي بيتعترفلي قدام كل العالم أنه بيحبني وعايز يتجوزني كل اللي حصل مجرد حلم كان حلم طويل مليان احداث غريبه متمناش أنها تحصل في الواقع إلا من الجزء الاخير اللي اعترفلي فيه بحبه لسه لحد دلوقتي حاسه بالدفا اللي حسيت بيه في حضنه لسه نبره صوته وهو بيقولي "بحبك " في ودني اخدت نفس طويل وانا ببتسم ابتسامه واسعه وبفرد دراعاتي : -ياااااه لو الاحلام بتتحقق قومت من مكاني وخرجت من الأوضه لقيت بابا وماما واختي اللي هعمل منها شاورما سوري قاعدين علي الصُفره مستنيني علي الفطار كان يوم الاجازه بتاعتي كل الناس بتحب يوم الاجازه عشان ترتاح فيه من تعب الاسبوع إلا انا ! ببقي عايزه اليوم يعدي بأقصي سرعه عشان اشوفه في اليوم التاني ،بحس أنه بيوحشني ،ببقي ملهوفه اروح بأقصي سرعه عشان اشوف عيونه اللي بتخليني في عالم تاني -ياصباح المشاكل قالتها ماما وهي بتبص لبابا وبتضحك هي وهو ... شمرت دراعاتي بابتسامه صفراء وانا بقرب من اختي -حافظين رقم الاسعاف ولا لا؟؟ حبيبه بخوف وهي بتقف علي الكرسي: -اقفي مكانك لتولعي -وحياه امك! -ا احم هموسه قلبي ده انا كنت بهزر معاكي مالك قفوشه كده مسكت معلقه وانا بجز علي اسناني وبهوشها بيها : -بتهزري معايا انا كام مره حذرتك وقولتلك لما تيجي تصحيني متفزعنيش بالشكل ده ها كام مره !! عدت علي صوابعها بتفكير مصطنع: -يااااااه متعدش ياجيمي -شايف يابابا شايف بنتك اللي متربتيش بابا وهو بيبلع اللقمه اللي كانت في بوقه: -ماهي نفس تربيتك ياقلب بابا حطيت وشي في الأرض بأحراج : -بابا والله عيب كده وبعدين تعالي هنااااا قولتها وانا بقفل عيني نص قفله وبقرب منه ببطئ وكأني اسد هيصطاد فريسته بلع ريقه بخوف : -ايه مالك بتقربي مني كده ليه بعينك بعيينك تاخدي حته الفرخه بتاعتي اللي أنا سايبها من امبارح! وقفت قدامه وانا بشده من قميصه : -بقي بتبيعني في الحلم يابابا بتبيع بنتك وبتشدني كمان من شعري فتح بوقه ببلاهه : -انا يابنتي ؟ -لا وكمان بتتبلي عليا ردت ماما ذهول وهي بتضرب كف فوق التاني : -كل ده حصل لا حول ولا قوه الا بالله ايه الاب الجاحد ده؟؟ -شوفتي ياماما شوفتي جوزك عمل فيا ايه -طب انا يا هموستي انا كان دوري ايه في الحلم قالتها حبيبه وهي بتقضم قضمه من الساندويتش اللي كان في ايديها بصيتلها وسكتت لحظه بتفكير -الاه!! -ايه ؟ -انتي كنتي فين صحيح ازاي متدافعيش عني حبيبه بتفكير مصطنع : -يمكن كنت نايمه ؟ -نايمه رفعت أكتافها ببساطه : -اه عادي نداء الطبيعه اي بني آدم بينام قضمت قضمه كمان وهي بتمط شفايفها بسخريه: -اكيد كان الوقت متأخر وانا بنام بدري بصيتلها بقرف وانا بقعد علي كرسي جنب ماما : -ماشاء الله ياحبيبتي دمك يلطش! رفعت ايديها وهي بتحيي الجمهور اللي مكانش موجود من الأساس ! -كل الشكر بابا بجديه : -همسه -نعم يابابا -في عريس متقدملك فتحت بوقي ببلاهه وانا ببصله بذهول وبرمش بعيوني اكتر من مره -همسه انتي معايا ؟ -عايز تجوزني لواحد اكبر مني بعشرين سنه يابابا وليه عشان الفلوس عايز تدفني بالحيا؟! قولتها بنبره صوت كلها عياط وعيوني بتلمع بالدموع بالفعل اول ما قالي الخبر مجاش في بالي غير الحلم وكل اللي حصل فيه بالرغم من أن بابا استحاله يعمل كده! بابا اللي كان في الحلم مختلف تماماً عن الشخص الحقيقي اللي قاعد قدامي دلوقتي بابا مفيش احن منه في الدنيا هو وماما بابا اللي قدامي ضحي وعافر وتعب عشان راحتنا بابا عمره ما حسسنا بالبرد ولا عدم الأمان طول ماحضنه بيسيعنا بكل حب وحنان رد بعتاب وصدمه -ياااااه للدرجادي انا اب قاسي وحقير واناني؟ حطيت وشي في الأرض بتوتر وإحراج : -ا احم ا انا اسفه ا انا اسفه يابابا ب بس بس... -الحلم اللي كنتي بتحلميه مأثر عليكي مش كده هزيت راسي وانا بترمي في حضنه وبعيط بصوت مكتوم بالرغم من أنه كان حلم لكن لحد اللحظه ديه مش قادره انسي الوجع اللي حسيت بيه وقتها ،احساس الظلم من اقرب الناس لقلبك حتي لو كان حلم مفيش ابشع ولا اقسي منه احساس -اهدي ياهمسه اهدي ياحبيبتي انتي عارفه اني عمري ما اقدر اغصبك علي حاجه مش كده هزيت راسي وانا برد بصوت مبحوح : -عارفه -طب متعيطيش عشان خاطري و ولو مش عايزه "يزن" انا ممكن أكلمه واقوله ميجيش بعدت عنه بصدمه : -ايه قولت مين ؟ -يزن -يزن ،يزن اللي انا بشتغل عنده -ايوه يابنتي هو لو مش حابه خلاص انا ممكن..... قاطعته بلهفه وابتسامه واسعه : -مش عايزه ايه يابابا ده انا هرمت من أجل هذه اللحظه اقسم بالله! بابا بذهول ورفعه حاجب : -هرمتي من أجل هذه اللحظه رديت بهيام وانا بميل راسي علي كتفي : -بحبه يابابا بحبه -كمان كنت مندمجه ومبسوطه لدرجه مش حاسه بنفسي ولا باللي بقوله ولا باني بقول الكلام ده قدام بابا بكل بجاحه! حد ينادي حد يكلم حد يجي يقطعلي لساني ياجدعان انا حواراتي كترت اصلا وهذا غير لائق -وايه كمان ياحبيبه بابا كملي قالها بابا بابتسامه صفراء وهو بيسند أيده علي خده .. -ا احم و واستسمح حضرتك يعني يابابا لو مفيهاش اساءه ادب تكلمه تقوله هات معاك المأذون -ليه هيكتب كتابي انا وامك تاني ؟ -لا ياحبيبي هيكتب كتابي انا ويزن اصل انا وهو نعرف بعض من زمان مش محتاجين فتره خطوبه والكلام الفاكس ده نقعد سنه واتنين وكده كفايه خمس دجايج حلوين ونعمل الفرح كمان بالمره عشان منكلفش نفسناً قام وقف وهو بيشمر دراعه وبيخلع الحزام بتاعه بابتسامه مزيفه -طبعا ياحبيبتي عنيا طبعا بلعت ريقي بتوتر وخوف وانا ببصله وبرجع خطوه لورا -ايه في ايه ؟؟ حبيبه بسخريه : -لا ياحبي ولا حاجه انتي اندمجتي شويه بس في الكلام كملي كملي لطمت علي خدي وانا بجري علي اوضتي وهو بيجري ورايا -احييييه شكلي اندمجت جامد وهيتعمل مني شاورما سوري ومعاهم عجه -خدي تعالي هنا ياقليله الربايه وصلت اوضتي وقالت الباب بسرعه وانا بقوله بصوت عالي -الله بهزر يارمضان مبتهزرش! ضرب الحزام علي باب الأوضه لدرجه خلتني اتنفض من مكاني : -لا بهزر ياختي حطيت ايدي علي قلبي وانا باخد نفس طويل : -الحمد لله فلت منيهم ــــــــــــــــــــــــــــــــــــــــــــــــــــــــــــــــــــــــــــــــــــــــــ -ها البس ده ولا ده ولا ده ولا ده ولا البس ايه ؟ قولتها وانا بخرج اكتر من طقم من الدولاب وبحدفهم في وش "حبيبه " اللي كانت قاعده علي السرير حبيبه وهي بتشيل تيشرت لبس في وشها بضيق -ايييييه حيلك حيلك ما تطلعي الدولاب كله بالمره ! -وماله ياختي مش عيب كنت هعمل كده فعلا بس هي لحقتني ومسكت ايدي -ابوس ايدك كفايه دي تالت مره تغيري هدومك ياحبيبه قلبي انتي زي القمر في أي حاجه الله يخليكي خلصينا بقي العريس علي وصول مطيت شفايفي لقدام بحزن : -الله مانا اتفاجئت ومكنتش عامله حسابي رفعت طرف شفايفها بتشنج : -ياشيخه يعني عايزه تقنعيني أن يزن مقالكيش! -وربنا ما قالي اي حاجه ده صامت طول الوقت يابنتي اقوله ياسيدي ميردش اقوله بحبك ميردش اقوله اتلحلح قول لي كلمه ميردش بني آدم براس بخاخه -يااااه قولتليه بحبك كمان ؟ -ايوه بس من جوايا وكده يعني عشان انا بنت مؤدبه ولا يجوز اني اقوله بحبك -بارك الله فيكي يا اختااااه -بس هقوله دلوقتي نكتب الكتاب عشان انا بحبك حبيبه وهي بتخبط دماغها : -يخربيت تربيتك -حبيبي حبيبي لو هشحت كده محبش قده الباب خبط ودخلت ماما وهي بتقول بفرحه : -يلا ياهمسه عريسك وصل فضلت ارقص بعشوائيه وفرحه : -لولولولولولي وزينه شباب العيله الحيله الحلوه دي جابت رجليه ماما لحبيبه بسخريه : -شايفه البجحه اللي قدامك دي ابقي قابليني لو اتكلمت معاه كلمتين علي بعض -نينينيني علي فكره عادي انا مش بتكسف اصلا ماما وحبيبه في صوت واحد : -اومااااااال ــــــــــــــــــــــــــــــــــــــــــــــــــــــــــــــــــــــــــــــــــــــــــ بعد مرور ربع ساعه -هي السجاده لونها حلو للدجادي لو عجباكي نشتري زيها في شقتنا ! قالها "يزن" واحنا قاعدين لوحدنا وانا قاعده ببص في الأرض بتوتر وإحراج رفعت عيوني وابتسمت ابتسامه مهزوزه : -ا احم ا انا -شكلك زي القمر قالها فجأه كده من غير لا احم ولا دستور وهو بيبتسم ابتسامه لطيفه برزت غمازاته وخطفت قلبي في الحقيقه ! حد يفاجئ حد كده الحقوني ياجماعه بكوبايه مايه بسكر ولا بأي حاجه -ش شكراً ضحك علي خجلي ووشي اللي بقي زي الفراوله وهو بيهز رأسه بذهول : -سبحان الله بقي دي هي دي؟ رفعت راسي وانا بسأله باستغراب : -قصدك مين ؟ -انتي اصل اللي يشوفك في السنتر وانتي بتزعقي للعيال وبتجري وراهم بالعصايه ميشوفيكش دلوقتي وانتي قاعده مكسوفه ،ده انا حاسس انك من كتر التوتر هتنزلي تحت الكرسي! ضحكت وانا بحط ايدي علي بوقي وهو بص في عيوني وضحك -ضحك يعني قلبها مال وخلاص الفرق ما بينا اتشال؟ رفعت عيوني وانا بسأله فجأه : -انت اتقدمتلي ليه رفع حاجبه بخبث : -تفتكري ليه ابتسمت برقه : -جاوب انت ؟ -لو قولتلك السبب هتوافقي؟؟ رفعت عيوني في السقف بتفكير : -اممممم افكر اتنهد تنهيده طويله وهو بيبص في عيوني : -عشان بحبك يا همسه خدودي احمرت من الخجل حطيت وشي في الأرض وانا بفرك إيدي بتوتر -همسه انتي معايا رديت بصوت مبحوح : -هه ا اه ا انا معاك -طب ايه ؟ -ايه ابتسم وهو بيخرج علبه قطيفه لونها احمر من جيب الجاكيت بتاعه وبيقعد علي رُكبته وهو بيفتحها -هطلبها منك بالشكل اللي بتتمنيه واقولك قصيده لعمرو حسن شاعرك المفضل "مافيش معايا جبال من وهم ابيعهولك لكن ف قلبي كلام محتاج اقولهولك انا جي بحلفلك ان انتي مالية العين واني مشيت جيتلك ماعرفش ماشي لفين واني بحبك وناوي ابقي بطل الفيلم ارجوكي لا تزعلي من شخص شافك طَبّ وقوليلي هل تقبلي .. ابنك يكونلك أب " ؟ حطيت ايدي علي بوقي وعيوني بتلمع بالدموع وانا بقرب منه وبمدله ايدي عشان يلبسني الخاتم -م موافقه لبسني الخاتم وقام وقف وباس ايدي برقه : -بحبك همست برقه : -وانا كمان يا يزن بحبك انا سعيده والسماء الليله تمطر نجوماً،ايها العالم سأحظي برفقه اجمل الرجال طيله حياتي ♥️ تمت #فتاه_للبيع #إيمان_شلبي