قصة اللعبة

اللعبة
كامله
وانا في طريقي للبيت ..العربية عطلت
الكلام دا كان الساعه 11 ونص مساء
نزلت وفتحت الكبوت عشان اشوف ايه اللي فيها
انا بفهم شوية في العربيات بس على ادي يعني
المهم ربنا يسر واشتغلت. بس كانت سامع
صوت غريب في المحرك
على الطريق لمحت يافطة لورشة تصليح سيارات
مشيت في اتجاها ..وبعد متر كنت وصلت    السلام عليكم
وعليكم السلام
لو سمحت يا هندسه…عاوزك تبص لي بصه
على العربية لو سمحت
خير يا باشا ..فيها ايه
حكيت له اللي حصل والصوت اللي ف المحرك
بص بصه على السريع
وقالي خير متقلقش
محتاجه شوية تظبيط ..ساعة زمن وهتكون جهزت
ساعة !!
اه ممكن حضرتك تستنى هنا على الكرسي دا
لغاية ما أخلص
فكرت شوية وبعدها افتكرت ان ليا واحد صاحبي
من ايام الجيش كان عايش هنا
وليد ابو الفتوح ..ايوه صح
لو سمحت هو حارة المساعيد قريبة من هنا
اه يا باشا ..هتاخد يمين في يمين
وتمشي طوالي لغاية ما تلاقي سور على شمالك أحود يمين تاني هتلاقي نفسك في حارة المساعيد
امممم يمين في يمين ..واااا ..اوك تمام
تحب ابعت معاك صبي من صبياني يوصلك
لو حابب
لا تشكر يا ذوق انا فاكر المنطقة …بس حبيت اتأكد
هو بيته قريب من قهوة المعلم طلبة
اسمه وليد ابو الفتوح ..صاحبي من ايام الميري
هعدي عليه اقعد معاه شوية لغاية ما تكون انت خلصت العربية ..
تمام يا باشا اللي تشوفه
مشيت على وصفة الميكانيكي
وبعد ربع ساعة كنت وصلت للحارة
ايوه انا افتكرت ..انا جيت هنا أكتر من مرة
صح قدام شوية قهوة المعلم طلبة
وصلت عند القهوة ولقيت وليد قاعد هناك
أول ما شافني بص في بذهول شديد
وكأنه مش مصدق انه شافني قدامه
او متوقعش اني ممكن نتقابل بعد المدة دي كلها
وقف سلم عليا وحضــ,,ـني
فتحي ..ياااه عاش من شافك يا راجل
ازيك يا وليد عامل ايه
انا تمام ..طمني عليك ازيك وازي احوالك
ماشي الحال ..انا كنت قريب منك فقولت اما أعدي عليك
اشوفك واقعد معاك شوية
يا ألف أهلا .. هات بابني 2 شاي
وقف القهوجي وهو باصص لنا ومستغرب
عاوز 2 شاي..متأكد
قولت له بأستغراب ما قالك 2 شاي في ايه !!
هرش في دماغه وقال لوليد
ماشي اللي تشوفه
هو ماله دا يا وليد
سيبك منه
بقولك ايه ..انا مش عاوز اقعد ع القهوة
خلاص تعالى نطلع فوق عندي
بس الوقت اتأخر ..وخاېف أسبب لك احراج
مع الجما.عه
يا سيدي تعالى…دا بيت اخوك احراج ايه بس
وصلنا البيت وطلعنا للدور التالت
طلع مفتاح شقته ..فتح ودخل
تعالى يا فتحي ..ادخل متتكسفش
احمممم يا ساتر
اول ما دخلت حسيت بشعور غريب كدا
ختقة وقبــ,,ـضة قلب بدون سبب
أيه مالك ! انت كويس يا فتحي
ها..لا انا بخير
طب قولي بقى ..شاي ولا قهوة ولا اقولك نجهز عشا على السريع لا ..عشا ايه بس ..
انت مكسوف ..بقولك بيت اخوك يا جدع
هجهزهلك عشا ثواني هصحي الجما.عه وجاي لك
يا سيدي لا ..ملوش لزوم .بلاش تقلقهم
دخل يصحي مراته ..وانا فضلت قاعد
في أوضة الضيوف
فجأة سمعت الباب بيتفتح ببطء
ودخلت
منه قطة سوداء ..شعرها واقف
عامل زي القنفد …جريت عليا
وهي بتبص لي بنظرة ڠضب وطلعت صوت مواء مزعج
ومخيف زي ما يكون حد پيصرخ
وفضلت تلف وتدور حوليا
قلقت منها جدا وحسيت انها لثواني ممكن تنط
عليا ..خۏفت منها تعور وشي وتخربشني
وقفت من مكاني حاولت اخرجها
رفعت ديلها وابتدت تاخد وضعية الھجوم
وتخربش برجلها في الارض وبسرعه
بعدها حسيت بيد أتحطت على كتفي
بصيت ورايا بسرعه ولسه هضرــ,,ـب لقيت وليد بيقولي
مالك يا بني واقف ليه كدا
القطة دي شكلها غريب جدا وتصرفاتها اغرب
هي مالها
قطة !!…قطة ايه
القطة دي ..ولسه هشاور عليها ..كانت أختفت
هي راحت فين
هي مين يا فتحي
القطة !! دي كانت لسه هنا قبل ما تدخل بثانية
وكانت عاوزه تهاجمني
قطة وتهاجمك كمان ..طب انا عاوز اقولك
اننا معندناش قطط هنا في البيت
أزاي دا
زي ما بقولك كدا
اومال جت منين
وارد تكون نطت من المنور من عند الجيران
ودخلت من الشباك بتاع المطبخ
حسيت أن كلامه مش منطقي ..وانه بيكدب عليا
المهم مقولتليش..انت كنت فين قبل ما عربيتك تعطل منك
انا كنت ..كنت اااا
كنت ايه انت نسيت !!
اه فعلا ..انا مش فاكر كنت فين
غريبة دي يعني ايه
حاولت أعصر تفكيري عشان اعرف كنت فين
بس فعلا نسيت .نسيت تماما كنت فين
ورايح بالعربية على فين
في حاجة غريبة من ساعة ما دخلت الشقة دي
الوضع مش مبشر بخير ابدا
طب يلا بقى زمانك ھتمــ,,ـوت من الجوع
ھمــ,,ـوت !!
لا مقصدش يعني ..بعد الشړ عليك . قصدي انك جعان جدا
اه فعلا ..انا جعان جعان جدا ..بس انت عرفت منين
حسيت انك ممكن تكون جعان
كلامه بقى مريب أكتر ..انا خاېف منه
وخاېف اكتر يكون الأكل دا فيه حاجه
حط صينية الأكل قدامنا على السفرة
يلا يا عم مد إيدك مستني ايه
كنت مستنيه هو ياكل الأول عشان أطمن أن الأكل مفيش فيه حاجة ..لازم أطمن الاول قبل ما امد ايدي
بابا ..بابا
انت صحيت ..طب تعالى يا حسن ..تعالى متخافش
دا عمك فتحي صاحبي من زمان .تعالى سلم عليه
قرب مني ابنه اللي كان عمره 5 سنين تقريبا
كان في نظرة غريبة كدا بيبص لي بيها
كأنه مش مرتاح لي ..والحقيقة انا اللي مش مرتاح للوضع كله هنا ..خد الولد قعده على حجره وأكله لقمه والتانية
اطمنت ومديت ايدي عشان اكل
بعدها الولد جري ..وفضل يدور على لعبته
عربية لونها أحمر طلعها من تحت الكرسي
وفضل يلعب بيها … في حاجة غريبة شدتني
للعربية اللعبة دي ..بقيت مركز اوي مع

الولد ولعبته
كمل اكل يا فتحي ..مالك هو مش عاجبك
فتحي !!!
ها!!!
مالك .. ها أيه ..بقولك الأكل مش عاجبك
لا لا الأكل تمام الله ينور
اخد الولد العربية وجري ناحية الحمام بيها
فضل وليد يتكلم شوية معايا
وانا مش مركز في اي كلمه بيقولها
كل تفكيري مع الولد ولعبته ..مش فاهم في ايه
ليه انا مركز اوي مع لعبة زي دي!!
بعد ما خلصت اكل ..وليد قالي قوم اغسل ايدك
هتلاقي
الحوض في وشك جنب الحمام
روحت أغسل ايدي ..ولما جيت قصاد الحمام
كان الباب مفتوح ..والولد الصغير
مالي البانيو مايه وحاطط العربية اللعبة على حافة البانيو
وبيلعب بيها …شافني واقف ببص عليه
استغرب مني ومن نظراتي
ساب العربية من إيده ..ووقعت جوه البانيو
صړخت بصوت عالي
حاسب ..حاسب يا حسن العربية هتنزل المايه !!
وجريت بسرعه وطلعت العربية من البانيو
الولد اتخض وفضل يعيط ..جه والده جري علينا
ايه في ايه يا وليد ..مالك يا حسن
مكنتش عارف ارد اقوله ايه ..وأنا مش فاهم
ايه رد فعلي الغريب دا وتصرفي اللي ملوش معنى
وليد كان واقف مستغرب ومش فاهم حاجه
خد الولد وډخله اوضته
وأنا غسلت ايدي ورجعت لاوضة الضيوف تاني
وحطيت اللعبة جنب مني على الكرسي
شوية ودخل وليد وهو معاه الشاي
اتفضل يا فتحي
معلش انا تعبتك وازعجتكم النهارده
عيب يا راجل انت في بيتك .. مقولتليش بقى
ايه اخبار دفعتنا ايام الميري ..لسه بتكلم حد منهم
ها..لا مش بكلم حد خالص
انا على تواصل مع أحمد يسري ..فاكرة
احمد يسري ..اه اه فاكرة
طب ايه رأيك انا هكلمه هو سهران
مش لبنان بدري ..هخليه يكلمك
لا ملوش لزوم
لا هكلمه…مسك موبايله واتصل على احمد
الو ..ايوه يا احمد ..اخبارك ايه
. . .
انا تمام الحمدلله ..مش هتصدق مين قاعد معايا
هنا
ايه ..مش سامعك علي صوتك ..طب أستنى
هفتح الاسبيكر ..
عارف مين قاعد معايا دلوقت
مين
مش هتصدق
مين يا بني
فتحي غانم
بتقول مين !!
بقولك فتحي غانم دفعتنا ايام الجيش
انت بتهزر صح
لا هو معايا اهو فعلا شهر
هو كان عندي على الفيس
سمعت الجملة دي ..وافتكرت اللي حصل
لما كنت راجع للبيت وراكب عربيتي
وكان في عربية نص نقل جايه قصادي
وبكل سرعتها ..حاولت اتفاداها ..لكن معرفتش
والعربية اتقلبت بيا ووقعت بيها من ع الكوبري
وڠرقت!!
دلوقت انا فهمت انا ليه كنت مركز اوي مع اللعبة
بتاعت الولد ..لاني حسيتها مش لعبة عادية
وليد كان بيتكلم وهو مذهول ومش مصدق اللي بيسمعه
وبص جنبه لقاني أختفيت انا والعربية اللعبة
بتاعت ابنه
وليد ..انت معايا..وليد !!
قفل وليد السكه وهو مش مصدق اللي حصل
كان في حالة دهشة كبيرة ..وفضل يقول
طب ازاي !! دا كان معايا وبيكلمني
واتعشينا مع بعض ولسه كنا بنشرب الشاي
وبعدها فضل يربط الخيوط ببعضها
نظراتي لابنه وهو بيلعب بالعربية
ولما زعقت وجريت عشان اطلع _اللعبة من البانيو
وسؤاله ليا ..كنت رايح فين قبل ما أعدي عليه
وانا بقوله مش فاكر
قطع حبل افكاره
صوت جرس الباب …راح فتحه
ولقى الميكانيكي ..بيقوله حضرتك استاذ وليد ابو الفتوح
ايوه انا !
في واحد صاحبك كان فات عليا من ساعتين
ومعاه عربية فيها مشكلة ..قالي انه هيعدي عليك
لحد ما اخلص العربية وانا وصفتله عنوان الحارة
وقالي على اسمك وان بيتك قصاد قهوة طلبة
بس لما اتاخر عليا .. اضطريت فتحت العربية ..واكتشفت
أن رخصة العربية باسم وصورة واحد تاني
غير اللي كان عندي ..واضح كدا انه سارق العربية
هو جه عندك
ها ..لا لا مفيش حد
عندي وانا معرفش حاجه
عن الموضوع دا
طيب انا هبلغ الشرطه عن وجود عربية مسروقه
هقولهم اوصاف الراجل اللي جابها عندي
وهما بقى يعرفوا يجيبوه بطريقتهم ..اسف على الازعاج
قفل الباب وهو بيقول
مستحيل ..مستحيل حد يعرف يجيبه ولا يقبــ,,ـض عليه.
تمت
اللعبة
حماده_هيكل
ياريت تعملوا شير ومنشن كتير تقديرا لمجهودي في الكتابة
عدد كبير مش بيتفاعل مع القصص وبيقرأ في صمت وده للأسف بېهدد استمراري في الكتابة لأن تفاعلك ودعمك هو اللي بيخليني أشتغل على نفسي

أكتر وأكتب حاجة ترضيك وترضيني.. فمن فضلك تفاعلك بيفرق
تمت

يابني فتحي غانم ماټ في حاډثة من كام