في مطار القاهره الدولي ” ” بيخرج شاب لابس نضاره سودا من صالة الخروج علي ضهره شنطة وفي ايده شنطه كبيره ، رغم برودة الجو لكن لابس تيشيرت ابيض بتص كم بنطالون جينز اسود كوتش ابيض وماسك جاكت جليد في ايده ، اول ما خرج من الصاله استقبله ابوه واخوه ببتسامه كبيره ” سالم فتح درعاته لابنه بشوق : العزبه هتنور بالغالي اللي وحشني ادهم ابتسم وحض.ن ابوه بقوه : حبيبي ياحاج منوره بأهلها ” وحض.ن اخوه بحب ” كبرت ياض يا صلاح صلاح ضحك : لاء ولسه الصدمه بقا لما نروح وتشوف غزل بنتي ادهم بشوق : وحشتني الجزمه سايبها وهي لسه بترضع سالم ببتسامه : عندها ٤ سنين دلوقتي عقبال ما اشوف عيالك وتفرحني وتقول جاهز لجواز يباا ادهم ضحك بخفه : يبااا متسبقش الاحداث نروح بس ونتكلم في كل اللي انت عايزه يا ريس بس يلا نمشي علشان انا مقتول وعايز اناام صلاح اخد منه الشنط ومشي بيها عند العربيه : يلاا اركب ونام في العربيه من القاهره للعزبه فيها ٣ ساعات تنام فيهم علي ما نوصل اصحيك ” ركب صلاح يسوق العربيه اللي هي في الاساسا بتاعت ادهم وابوه جنبه وادهم ركب ورا علشان يعرف ينام شويه ” سالم بصله : جبت اجازه قد ايه يا ادهم ؟ ادهم بتنهيده : جبت ٣ شهور بالعافيه المصنع هناك شغله كتير والواحد برضو ميعتمدش علي حد هناك صلاح : حلوو اوي في ٣ شهور دول نشوفلك عروسه تتجوزها بقاا دا انت اكبر مني ب ٥ سنين وانا اتجوزت ومعايا عيله ادهم بضحك : ايه الانجاز اللي عملته في انك اتجوزت وخلفت يا عم صلاح ولا بتقوم ابوك عليا وخلاص ؟ سالم : ايوا ما هو ميبقاش عندك ٣٥ سنه ولحد دلوقتي متجوزتش لو في حاجه عندك عرفني نروح نكشف انا ابوك واخوك وسرك متتكسفش مني ادهم بدهشه : بتقول ايه يجدع انت فاهم غلط انا كويس و اوووي كمان كل الفكره ان ملقتش حد يلفت نظري واتشد ليه بس كدا صلاح بإعتراض : وانت هتشوف مين في السعوديه تلفت نظرك وتشدك يعم روميو وسط العمال وهو في واحده حلوه في السعوديه اصلا ادهم بضحك : ولو فيه الكل هناك متنقب وملفوفين في عبايات سودا واغلب الاماكن هناك مفيش فيها اختلاط رجاله مع ستات سالم : سيبونا بقاا من قصة السعوديه وخلينا في جوازك انا جايبلك عروسه من دكرنس نسب وعيله ورجاله تعرف تتكلم معاهم والبت حتت قشطه كدا ادهم رجع راسه علي الكرسي اللي وراه بتعب : يباا نروح بس وانام واظبط اموري ونتكلم بقا ” سالم سكتت علشان حاسس بتعب ابنه اللي منمش بقاله يومين ، وادهم غمض عينه وحاول ينام ” صلاح فونه رن وكانت امه : الوو ايوا يماا سلوي بلهفه : الووو ايوا يا صلاح اخوك وصلكم ولا لسه ؟ صلاح : جايين في السكه اهو يماا سلوي بفرحه : واخووك فين اديهولي اكلمه صلاح : نايم ورا اهو لما نيجي ابقي كلميه براحتك بقاا ” وقفل مع امه وكمل سواقه ” …………………………………. ” في العزبه قريه صغيره مفيش فيها بيتوت كبيره كل البيوت متوسطه والناس علي قد حالها ، الجهل هناك زايد بشكل كبير مش اي حد يعرف يعيش هناك ، بيت عيلة ادهم بيت ٣ ادوار الدور الاول بيت العيله بتاع امه وابوه ، الدور التاني صلاح ومراته وبنته ، الدور التالت شقة ادهم اللي متشطبه من كله ناقصها العفش بس ” ” سلوي قاعده في برندة البيت مع ‘ نوال ‘ مرات صلاح ، ‘ لمياء ‘ خالة ادهم ، وبنتها ‘ جميله ‘ ” لمياء بصتلها : ايه يا سلوي وصلهم ولا لسه ؟ سلوي : وصلهم وجايين في السكه قدامهم ٣ ساعات كدا علي ما يوصلو نوال : طيب ما يدوب اقوم اولع علي دكر البط يماا علي ما نخلص طبيخ يكون وصلو الاكل يكون سخن سلوي قالت بتعب : طيب يلا يا نوال خدي جميله في ايدك وروحي ولعي علي الاكل رجلي مش قادره اقف عليها وضهري هيتقطم لمياء شالت غزل من امها : علشان صاحيه من بدري وبقالك يومين واقفه علي رجلك سلوي بتعب : عملت شوية قُرص امبارح ودبحت دكر بط وفرختين ونضفتهم لما ايدي وضهري ما قادره احركهم لمياء بهمس : ومرات صلاح فين مقامتش تعمل معاكي ليه ؟ سلوي لوت بوزها : نازله الساعه ١٠ الصبح كنت خلصت كل حاجه تقولي البت مسهراني والبت عماله والبت مسويه وانا اتهربت كلام مفيش فايده هتعب في قلبي ليه سكتت لمياء : طب تقوم تأكل البت بنتها يا اختي وانشالله تنام سنه سلوي بلا مبالاه : اللي ياكل علي ضرسه ينفع نفسه انا هعمل ايه الضغط عندي بيرتفع مبينزلش ……………………………. ” في مدينة دكرنس في منقطه مكونه من ٣ بيوت جنب بعض ، منطقة الحاج راشد واولاده ” ” في المنزل الاول منزل المرحوم احمد راشد الابن الاكبر ” زينب قاعده في صاله البيت بتفصص بسله مع سلفتها نجوي واقرب من اختها : يعني تغريد كان فاتها قطر الجواز علشان متسربعين علي جوازها كدا ليه نجوي وهي مندمجه في التصفيف قالت بيأس : البت مخلصه دبلوم من سنتين وكل عريس يجي اقولي مش مرتاحه مش مرتاحه يا زينب قلقاني عليها والبت بتكبر زينب بضحك : دا علي كدا نهال بنتي بايره جنبي نجوي : دا نهال زي العسل بس هي في الكليه ولسه في تانيه يعني بتتعلم ولو حد جايلها حلو برضو مشيها السعد في الجوازه الحلوه مش في التعليم زينب : ابوكي راشد ديك النهار كان جيلها عريس من ميت فارس وعاجبه اوي وجاي يقنعها خاف منها نجوي بضحك : الوحيده اللي بتعرف تاخد حقها تالت ومتلت حاسه انها هتقع في ايد واحد يطلع عليها القديم والجديد هي فين صحيح دا الساعه داخله علي ٤ العصر زينب : الهانم نايمه يما بعيد عنك سهر طول الليل ونوم طول النهار وشغل هوانم جردن ستي نهال طلعت من الاوضه بتاعتها علي صوتهم وكلها نوم وقالت وهي بتتاوب : صباح الخير ايه فدان البسله اللي فتحتوه في الصاله دا زينب بسخريه : عصر الخير يماا لمي شعرك وادخلي جهزي الغدا وروحي اديه لجدك واتغدي معاه هناك بدل ما يتغدي لوحده نهال قعدت علي الارض جنبهم واخدت بسله من المتفصصه وفضلت تاكل منها : نجوي … بناتك فين محدش عاد بيشوفهم ليه نجوي : تغريد سيبها بتنشر الهدوم زمانها خلصت وضحي بتذاكر واحمد في الشغل مع ابوه في الوكاله زينب بصت للبسله اللي نهال بتاكل منها : قومي قامت قيامتك البسله اللي ضهرنا اتقطم فيها هتخلصيها اكل قومي اعملي الغدا و روحي بيه لجدك اخلصي نهال قامت بغيظ من امها راحت علي المطبخ : فين البيييض ؟ زينب : هتلاقيه في كيس اسود في الرف جنب الجرجير ” وبصت لنجوي ” البيضه بقت ب ٦ جنيه كنت بجيب الاربعه ب ٢٠ جايبه النهارده الاربعه ب٢٤ والفراخ معدتش بتبيض عندي نجوي : والنبي زي قلتهم عندي ٥ فرخات علي السطح قد عيله كامله ” وفضلو يتكلمو وهما بيفصصو البسله ، ونهال عملت الغدا واخدته وراحت لجدها البيت اللي جنبهم ” نهال خلطت علي باب البيت ودخلت : جدوو راشد شاورلها تيجي وهو بيتكلم في الفون : والله العظيم يا سالم يوم المني والهنا لما تشرفونا احنا نطول نناسب ادهم يجدع سالم ببتسامه : يبقي بإذن الله هنكون عندك بكرا بليل نشوف العروسه ” وقفل معاه ” نهال خطت صنية الاكل وقعدت جنب جدها : بتكلم مين ومبسوط كدا راشد ببتسامه : تغريد بنت عمك متقدملها عريس بس باب حلو اووي ربنا يجعاله من حدها ونصيبها نهال بفرحه : بتهزر تغريد بنت نجوي اخيرا يولاد هيبقي في فرح في العيله المهم اسمه ايه ومنين ؟ راشد : اسمه ادهم من عزبه تحت كدا بس ايه ادب واخلاق واحترام راجل الواحد يعتمد عليه لسه جاي النهارده من السعوديه وابوه عايز يجوزه قبل ما يسافر ومصر ياخد واحده منكم يا انتي يا تغريد يا ضحي انتي لسه في الكليه وموالك موال وضحي في تالته ثانوي قولت يبقي مفيش غير تغريد نهال بدهشه : بس يعني تغريد هتروح عزبه عزبه يا راشد الناس بتتجوز تعيش في مكان ارقي من اللي اهله فيه تقوم تجوزها في عزبه يا راجل انت ! راشد وهو بياكل : مالها العزبه يعني وبعدين هي مالها بالعزبه هي ليها دعوه بجوزها وبيتها وخلاص كُلي كُلي بالله العظيم ما انتي نافعه نهال بغرور : فشرت يا اخويا دا انا جوزي هيقوم كل يوم يصلي ركعتين شكر انه اتجوزني راشد بسخريه : العينه بينه يما من اولها هناخد عليه وصل امانه علشان ميرجعكيش من تاني يوم ………………………………….. ” بعد اذان العشاء في العزبه في بيت الحاج سالم ” ” الكل فرحانين برجوع ادهم وقاعدين معاه يضحكو ويهزرو ” سلوي قاعده وحض.نه ابنها : اجيبلك لقمه تاكلها بقاا دا انت محطتش المايه البيضه في بوقك من ساعة ما رجعت ادهم باس دماغها : يعني انا غريب يما ما انا لو جعان هقوم واكل واشرب وابرتع في البيت متشليش همي كدا لمياء ببتسامه : راجع بدر منور يا قلب خالتك بسم الله ماشاء الله يحميك لشبابك يبا ادهم ابتسملها : ويخليكي يا لولو وتفرحي بجميله يارب سالم : انا كلمت الحاج راشد عنده بنت ابنه هنروح نشوفها بكرا بليل جهز نفسك يا ادهم ادهم بضحك : انت لحقت يابا دا انا لو بنت وخايف عليا ابور مش هتعمل فيا كدا والله العظيم صلاح بغمزه : عايزين نطمن عليكي يا بيضه لو خايف من الجواز اطمنك وعلي رأي المثل اسأل مجرب ولا تسأل طبيب ادهم بغمزه : من النحيه دي اطمن اخوك مقطع السمكه وديلها برضو صلاح بضحك : والله كله مع الوقت هيبان المهم اقدر دلوقتي اقولكم تصبحو علي خير علشان الطريق ..ني وعايز انام يلا يا نوال نوال قامت وعلي اديها بنتها : فوتكم بعافيه مش عايزه حاجه يما اعملها قبل ما اطلع سلوي : خدي اكل ليكي انتي وجوزك وانتي طالعه وابقي انزلي بدري يما علشان تاكلي وتأملي بنتك اللي علي ايدك دي ” نوال هزت راسها بغيظ مكتوم ودخلت اخدت اكل وطلعت مع جوزها ” لمياء قامت بوجع : ااه دا القعده بتكس.ر الضهر يولاد يلا يجميله نسيب ابن خالتك يرتاح مش عايزين حاجه ادهم : راحه فين يا خالتي ما تقعدي يا ستي شويه لمياء حض.نته : اقعد يوم فرحك يكبدي اروح كدا اشوف دارنا من الصبح وانا هنا مع امك يلا سلام يا سلوي سلوي طلعت من المطبخ : استني يابت انتي سريعه كدا ليه ادخلي يا جميله خدي الصنيه بتاعت الاكل من علي الرخامه ” جميله دخلت اخدتها وروحت هي وامها ” سالم : كوبايتين شاي من ايدك بقا يا ام ادهم علي ما اتكلم مع ادهم كلمتين برا في البرنده في الهوا سلوي قامت : يسلام عنياا ” وراحت علي المطبخ ” ادهم طلع قعد مع ابوه في البرنده : ياااه العزبه اتغيرت اوي الترعه اتردمت الحمدالله سالم ببتسامه : مش غايب بقالك ٤ سنين اكيد لازم تتغير المهم انا ليا صاحب في دكرنس الحاج راشد عنده احفاده بنات زي العسل ٣ بنات قالي فيهم واحده في كليه اثار في سنه تانيه ودي باين نهال وفي واحده في تالته ثانوي ودي ضحي وفي تغريد مخلصه دبلوم من سنتين ونسب حلو وانا بصراحه عايزلك واحده منهم ادهم بتركيز : والمفروض ان اختار من ٣ بنات ولا ازاي ؟ سالم : دلوقتي انا جبتلك الكبيره وجبتلك الصغيره وشوف انت اللي تناسبك منهم وبكرا هنروح ونشوف ادهم بستغراب : بكرا هنروح ونشوف ازاي ؟ هما هيجيبو التلاته قدامي ويقولولي اختار اللي دخلت دماغك منهم ؟ سالم ضحك : ليه هارون الرشيد ؟ ادهم ضحك : ما انت اللي بتقول يا حاج بكرا نروح ونشوف محددتش ايه برضو معني الكلام سالم : طب انت حاسس من كلامي مين فيهم تليق بيك ؟ ادهم بهدوء : اولا انا لسه مشوفتش ولا واحده منهم ثانيا انا عايز واحد تكون فاهمه مش عيله وافضل احايل وادادي عنديش خلق لكدا بس من كلامك اللي في ثانوي دي متنفعش معايا لسه صغيره واللي في كليه دي اكيد وقتها كله لكليتها شكلها هترسي علي اللي مخلصه دبلوم دي وان شاء الله اللي فيه الخير يقدمه ربنا بكرا نروح ونشوف سلوي دخلت وفي اديها صنية فيها شاي : ومرات ادهم دي مش هتكون اي واحده وخلاص لازم تكون قمر زي جوزها ادهم بضحك : عليا النعمه ما في قمر ولا عسل غيرك يا سوسو ” وقضو السهره مع بعض لحد ما ادهم مبقاش قادر يقاوم دخل اوضته غير هدومه ونام بتعب علي السرير ” …………………………….. ” صباح يوم جديد واحداث جديده ” ” في منزل رامي الابن الاوسط لراشد ” نحوي بلهفه : يعني ابوك اكدلك ان العريس جاي لتغريد بنتك رامي بدهشه : جري ايه يوليه انتي ملهوفه كدا ليه علي العربس هو انا هقول حاجه غلط ابويا الصبح قابلته وانا رايح الوكاله قالي في عريس نسب حلو جاي يشوف تفريد النهارده بليل قولت اجي اعرفكم تجهزو نفسكم نجوي بفرحه : يا ما انت كريم يارب لما اقوم افرح تغريد رامي بتحذير : اسمعي انا مش عايز شوشره الموضوع بينا وبين بعض لما نبقي نتفق نجوي : وهو مين اللي هيعرف دا مرات عمها وخلاص تيجي تقف معايا في فرحتي انزل انت الوكاله ومتقلقش من حاجه ” ودخلت علي اوضة تغريد اللي كانت نايمه بعمق علي سرير ومقابلها في السرير ضحي اختها الصغيره ” تغريد تغريد انتي بابت اصحي تغريد اتقلبت في السرير بنوم : ايوا يا ماما في ايه علي الصبح بتصحيني ليه نجوي بفرح : جايلك عريس وجاي يشوفك بليل تغريد غمضت عيونها تاني بملل : لا اله الا الله موضوع العريس وجوازي هيخف عقلك يا امي يا حبيبتي الجواز دا نصيب نجوي بغضب : انا قولت اي يابت علشان تقولي كدا دا انا بقولك جايلك عريس وجاي يشوفك بليل تغريد : حاضر يماما بليل هطلع احسن لبس عندي وهلبسه وهحط احلي ميكب وهبقي ملكه اتفضلي اقفلي النور واطلعي خليني اكمل نوم نجوي : هروح اعرف خالتك زينب تكوني صحيتي بو جيت ولقيتك نايمه والله لفطسك ………………………………. ” في بيت زينب ” زينب بفرحه : يالف نهار ابيض … واحنا محتاجين عزومه ولا ايه يا نجوي هنكون عندكم المغرب انا ونهال نهال اللي قاعده جنبها بتحاول تسمع : يووه اثبتي بقا مش عارفه اسمع زينب بفرحه : تغريد بنت عمك جايلها عريس ورايح يشوفها النهارده بليل اجهزي علشان نكون جنبها النهارده نهال بلا مبالاه : طيب بليل نبقي نروح ” في العزبه بعد صلاة الظهر خرج ادهم من المسجد برفقة ابوه وهو لابس جلابيه بيضه مكويه وبرفان هادي وشعره متسرح ووشه مبتسم ” شيخ المسجد الشيخ عطيه جيه عليهم وهما ماشين مشي معاهم وقال ببتسامه: وانا اقول العزبه منوره ليه اتاري الغالي موجود حمدالله علي السلامه يا ادهم ادهم ببتسامه : الله يسلمك العزبه طول عمرها منوره بيك يا شيخ الشيخ عطيه ببتسامه : ايه الغيبه الطويله دي كلها ادهم : مشاغل والله يا شيخ انت عارف ان مصنع الرخام بتاعي انا وواحد سعودي ف بضغط نفسي ومبعرفش انزل الشيخ عطيه بمناغشه : لو ليك حد متلهف عليه في العزبه هتيجي كل شهرين بس القعده الناشفه وحشه برضو ادهم بتنهيده قويه : جاي وناوي والله رايح اشوف عروسه النهارده ادعيلي يكونلي فيها خير معنديش وقت افضل ادور علي عروسه كل اللي عايزه واحده بنت ناس اهلها محترمين تعرف تتكلم معاهم وخلاص الشيخ عطيه طبطب علي ضهره : انت ابن حلال وربنا عمره ما يوقعك في حد وحش اتكل علي الله وكل اللي علي ربنا مضمون بإذن الله ادهم وسالم : ونعم بالله سالم مسك ايد الشيخ عطيه لما وصلو عند بيتهم : طب نتغدي سوا بقا يا شيخ الشيخ عطيه ببتسامه : يديم عندك الخير يا حاج سالم بس سبقتكم والله قبل الصلاه يلا سلام عليكم ادهم ببتسامه : وعليكم السلام … بحبه اوي الشيخ عطيه دا سالم وهو طالع السلم : شخصيه تتحب الحقيقه رجل سوي نفسيا مبحبش الغلط المهم جاهز لمعاد بليل ولا متوتر ادهم بضحك : هتوتر ليه هو انا رايح احرر فلسطين دا انا يدوب رايح اشوف عروسه ف جاهز متقلقش انت نوال وهي بتجري ورا غزل بطبق الرز والشوربه : ياابت انتي متجرنيش وقفتي قلبي غزل : عايزه اقعد علي السور ادهم وهو طالع : ما تقعديها علي السور ياستي ولا هو ضيق في الست غزل وخلاص عايزه منك ايه البت دي يا غزل غزل وهي بتهز كتفها : معرفش كل شويه عيزاني اكل وانا بكون شبعانه نوال بإحراج : معلش بقا علي الازعاج اللي عملته ليك في اول يوم ليك هنا بس لازم تتعود علي كدا الاستاذه مبتاكلش غير لما تطفحني الدم ادهم اخد منها الطبق ببتسامه : ولا يهمك علشان لسه صغيره بس وباين عليها شقيه هأكلها انا متقلقيش ” وبص لغزل ” هناكل ونروح نشتري حجات حلوه ولا مناكلش ومنشتريش حاجه ؟ غزل بتفكير : مناكلش ونشتري حجات حلوه ادهم ضحك : الاقتراح دا مقولتوش خالص بس ايه رأيك لو اكلتي الطبق دا هخليكي تختاري كل حاجه انتي عيزاها من الدكان بتاع الحلاوه ” غزل سقفت علي اديها وفتحت بوقها وادهم فضل يأكلها بحنان ونضافه ” سلوي بصت عليهم ببتسامه : قلبه حنين وطيب طول عمره ربنا يديك من نيتك يا ادهم يابن قلبي يارب ويوقعك في بنت الحلال اللي ترضي قلبك ” في المطبخ ” ” صلاح دخل المطبخ كانت نوال بتغسل في المواعين وهي مضايقه من تحكما.ت حما.تها كالعاده راح صلاح حض.نها من ضهرها ” نوال بخضه : ابعد يا صلاح امك واخوك برا صلاح وهو بيقرصها من جنبها : ماللي برا برا احنا مالنا بيهم ركزي انتي بس معايا وانسي العالم نوال بتحاول تفك ايده من وسطها : ارحمني هو انا هنسي العالم بليل والصبح كمان ابعد امك لو دخلت وشافتنا كدا هطين عيشتي وتقولي مبتعمليش ومبتسويش وانا مش ناقصه كلام صلاح قفل الحنفيه وشدها من دراعها : تعالي بس نطلع شقتنا امي هتصلي الضهر وغزل مع ادهم في البرنده نوال بتحاول تبعد عنه لكن بشدها : يا صلاح بالله متحرجنيش مع اهلك … صلاااح ” ولكن لا حياة لمن تنادي واخدها وطلع علي شقتهم ” ادهم ضحك علشان شاف اخوه وهو بيشد مراته : بيدبسني في بنته مااااشي ليك يوم يعم صلاح ……………………………… ” الساعه اصبحت ٦ المغرب نجوي بتقدم احسن ما عندها علشان تستقبل العريس ومحتاره تعمل اي ، تغريد بنسبالها عملت كدا اكتر من ٦ مرات طلعت احسن دريس عندها وكويته ولبسته احسن طرحه عندها احسن كل حاجه عندها طلعتها وهي مضايقه ومش حابه تشوف العريس اصلا ، رامي جاب بيبس وجاتوه من انضف الانواع وكل حاجه جاهزه لإستقبال العريس ” ” في اوضة تغريد ” نهال لبست دريس احمر بحزام مجسم جسمها وطرحه بيج وميكب بسيط اوي وواقفه بتعمل ميكب لتغريد : ضحي هاتي الحكل الاسود من شنطتي تغريد بعتراض : نهال بالله متعمليش ميكب كتير في وشي احمر خدود وروج ومسكره وخلاص لازمته ايه الكحل ؟ نهال اخدت الكحل من ضحي : الكحل هيبرز عينك بعدين انتي عروسه و العريس اللي جاي هيجي يشوفك اول مره لازم تكوني في احسن صوره ” وحطتلها الكحل ” تفريد بصت في المرايا بضيق : بشرتي سمرا اوي حسه شكلي وحش اوي ضحي بصتلها بحب : بالعكس شكلك جميل انتي سمرا اه بس سمراك محليكي البنات كلها حلوه بطريقتها الخاصه نهال : خليكي واثقه في نفسك لو عندك ثقه في نفسك لو انتي اوحش البنات هتشوفي نفسك اجمل البنات نجوي دخلت عليهم : خلصتو يا بنات ولا لسه ” وبصت لتغريد بتركيز ” نهال زودي لتغريد كريم الاساس فتحي بشرتها شويه نهال بأعتراض : يا نجوي افتح ايه اسكتي تبقي اديها لون ووشها لون بطلو جهل هي كدا زي العسل عايزها عايزها مش عايزها احنا مش مايتين عليه يعني ” تحت البيت ” ” وصل ادهم اللي سايق عربيته لابس قميص بيج وبنطالون ابيض وكوتش بيج وفي كامل اناقته ومعاه ابوه وامه فقط ” ” راشد ورامي واحمد واقفين يستقبلوهم احسن استقبال ” راشد ببتسامه : نورتو دكرنس يا حاج سالم انت والغالي سالم ببتسامه بعد السلام : دكرنس منوره بيك يا حاج راشد ” وسلم علي رامي ” ازيك يا استاذ رامي ” وسلم علي احمد ” ازيك يا غالي رامي ببتسامه : نورتونا والله العظيم اتفضلو اتفضلي يا حاجه اتفضل يا ادهم يابني ” ادهم مسك ايد امه يسندها وطلع السلم ” نجوي وزينب كانو واقفين علي باب الصالون مستنينهم : نورتونا والله اتفضلو اتفضلو نجوي ببتسامه وهمس لزينب : طول بعرض بهيبه ربنا يحميه لشبابه زينب بتبويخ هامس : اسكتي يوليه هيقولو مصدقت جيه لبنتها عريس هتفضحينا ادخلي خليها تطلع علشان تقدملهم حاجه يلاا علي ما ادخل اسلم علي امه ” ودخلت علي الصالون ” نورتونا والله سلوي ببتسامه : البيت منور بأهله يحبيبتي انتي مين ؟ زينب ببتسامه : انا زينب مرات المرحوم احمد الكبير عم العروسه سلوي طبطت عليها : الله يرحمه يارب سالم بص ل رامي : انا والحاج راشد اصحاب من زمان عشرة عمر رامي ببتسامه : ربنا يخليكم لبعض ويطول في عمركم ” وبص ل ادهم ” حمدالله علي السلامه يا ادهم عرفت انك لسه جاي من السعوديه ادهم ابتسم : بالضبط لسه جاي امبارح ” سكت شويه استني ابوه يتكلم لكن الصمت طال ” احم انا ادهم عندي ٣٥ سنه الكبير عندي صلاح اصغر مني ب ٥ سنين عندي مصنع رخام في السعوديه ليا شريك فيه سعودي احنا بيت عيله وعندي شقه خاصه بيا في اخر دور من البيت مش عايز الف وادور بس انا عايز زوجه واحده تكون فايقه لبيتها وجوزها وركز في كلامي انا عايز زوجه مش واحده تقولي هايزه اشتغل ولا الكلام دا كله رامي ببتسامه : بسم الله مشاء الله ربنا يبارك فيك يارب انا عندي من البنات اتنين تغريد وضحي واحمد اللي بعد تغريد ٢٠ سنه ” وشاور علي احمد ” ادهم بص لاحمد وابتسم : ربنا يخلي يارب سلوي همست لزينب : هي العروسه فين ؟ زينب : انتي عرفه دلع البنات بقا يا ام ادهم اشي احمر واشي اخضر تلاقيها داخله دلوقتي ” برا في الصاله ” تغريد برعب : والنبي حد يدخل الصنيه بتاعت البيبيس والله لو شلتها هتقع مني وهفضحكم نجوي بغضب وهي شايله صنية الجاتوه : وانتي كدا مش هتفضحينا شيلي يابت الصنيه وادخلي يلااااا الناس هتقول اتأخرو كدا ليه تغريد برفض تام : والله العظيم ما هدخل وفي ايدي صنيه نجوي بصت لنهال : شيلي صنية البيبس يا نهال وتعالي ورايا نهال بإحراج : يا نجوي معروفه العروسه هي اللي بتدخل بالصنيه هدخل انا ليه نجوي بغضب : اولع في نفسي منكم ما المتخلفه عامله فيها مكسوفه يلااا واحده تشيل الصنيه اخلصوو ” نهال شالت الصنيه بضيق ودخلت ورا نجوي ووشها في الارض ” نحوي حذت الصنيه علي الطربيزه وسلمت علي الكل : نورتونا والله العظيم ” نهال حطت الصنيه علي الطربيزه وايدها بتترعش ، ادهم متابع كل تفاصيلها بتركيز ، جسم متناسق بشره بيضه حواجب تقيله عيون واسعه سودا ابتسامه رقيقه وكسوف شديد واضح عليها ” سلوي مسكتها من ايدها وشدتها جنبها بفرحه : بسم الله مشاء الله تعالي جنبي يا قمر ” نهال بصت لجدها انها تقعد هز راسه فقعدت ببتسامه ” ” نجوي عيونها علي الباب مستنيه بنتها تدخل مبتدخلش ، وزينب قلقانه ليفكرو ان نهال العروسه ” سالم بهمس : ايه رأيك ؟ ادهم بإحراج واضح عليه : احمم كويسه سالم : يعني اتكلم ؟ ادهم ابتسم وهو باصص ليها وهي بصه في الارض : اتكل علي الله يا حاج سالم : طبعا كلنا عارفين احنا موجودين هنا ليه النهارده انا يشرفني اطلب ايدك الانسه ” وشاور علي نهال ” لادهم ابني ردك ايه يا حاج راشد ” كل اللي في القعده الصمت سيطر عليهم بما فيهم نهال ، هل يعتقدو انها العروس ، واين تغريد لما تأخرت ” نجوي قامت وقفت وهي حاسه ان الدنيا بتدور بيها : استأذنكم ثواني ” وخرجت علي برا ووراها زينب ” ” في اوضة تغريد ” نجوي بجنون : قلعتي الطرحه لييييه يا همي في الدنيااا وقاعده تعيطي لييه ومدخلتيض ورايا ليه الناس فكرو نهاال بنت عنك العروسه تغريد بدموع : الف مبروك ليها انا مش عايزه اتجوز مش مرتاحه في العريس دا اكيد مش هتجبريني نجوي لطمت علي وشها : يخرابي الحقيني يا زينب البت بتقولي مش عايزه العريس زينب : طب اهدي بس يا نجوي ” وبصت لتغريد ” مش عايزه العريس ليه يا تغريد اطلعي يحبيبتي الله يهديكي شوفيه لو معجبكيش مش هنجبرك يا قلبي انا دلوقتي هقولهم ان نهال مش العروسه وتدخلي معايا يلاا تغريد بنهيار : لو طلعت والله العظيم لطردهم كلهم انا مش عايزه اتجوز افهموني انا مش جاهزه نفسيااا راشد دخل عليهم الاوضه : في ايه البت مطلعتش ليه ومين اللي دخل نهال بصنية الكاكولا ” وبص علي نجوي اللي اديها علي دماغها بتعيط وتغريد اللي بتعيط ” في ايه ؟ زينب بقلق : تغريد مش راضيه تطلع ومش عايزه العريس راشد بستغراب : مش عايزه العريس ازاي وجايا تقول والراجل برا هو لعب عيال ” وبص شويه علي تغريد المنهاره ” يلا خير تعالو لما نشوف هنعمل ايه في المصيبه دي ما هو دا اخرة الواحد اللي يعتمد علي نسوان في حاجه ” وراحو علي الصالون ” ” في الصالون ” ” الكل قعدو من جديد لكن بدل الفرحه اتحولت لقلق عند الكل واولهم نهال خافت ليخطبوها هي مش تغريد ” سالم ببتسامه : نستأذنك يا راشد بس ادهم يقعد مع العروسه شويه لوحدهم لو ممكن رامي لسه هيرد ويقول انه هينادي علي العروسه رد راشد بداله : نهال خدي ادهم وروحو البلكونه يحبيبتي اتكلمو شويه مع بعض نهال بصت لجدها بستغراب : اناا ؟ سلوي بفرحه : قومي يقمر اقعدو شويه مع بعض واتكلمو سوا يلاا يلااا “وبتزقها ” ” نهال مشيت وهي مش فاهمه حاجه ووراها ادهم اللي مش عارف هي وخداه فين ” ادهم بستفسار : هي فين البلكونه ؟ ” نهال شاورت عليها من غير ما تبصله هو راح عليها وهي وراه ، راحو قعدو علي الكنبه الموحوده في البلكونه بينهم مسافه ولا هو بيتكلم ولا هي بتتكلم ” ادهم بعدم فهم : كانو بيقولو اسم العروسه تغريد مش نهال علي ما اعتقد ؟ نهال وهي بصه علي اديها بتوتر : المفروض بس مش عارفه جدي طلب مني اقعد انا ليه تغريد كانت المفروض تدخل البيبيس بس اتوترت وانا دخلته مع مرات عمي مكانها ادهم بعدم فهم : مش فاهم مين العروسه دلوقتي انتي ولا هي ؟ ” نهال اخيرا رفعت عيونها تبصله اتلجمت ولا عرفت تبررها قعدتها معاه ولا فاهمه هي قاعده ليه ولا عارفه تغريد مطلعتش ليه ، ادهم بصلها يركز في ملامحها شاف توتر وقلق ” ادهم بنبره حنونه : طب اهدي انتي قلقانه ليه كدا مبعضش والله ؟ دخل راشد عليهم : قطعت عليكم الكلام بس اللي عايز اقوله نهال اللي تستاهلك وانت تستاهلها يا ادهم يابني ” وبص لنهال ” لو شايف فيه غلطه واحده عمري ما كنت هديكي ليه خليكي واثقه في اختيار جدك ” نهال كل تفكيرها في الكليه هتعمل فيها ايه هتروح ازاي هتوفق بين حياتها الزوجيه وحياتها الدراسيه ازاي والسؤال الاهم هتعيش في العزبه ازاي ” ادهم بصوت عالي نسبياً : انتي سمعاني ولا انا بكلم في نفسي ولا اي ؟ نهال بنتباه : هاا معلش عيد كنت بتقول ايه ادهم اتنهد بصبر : تمام كنت بقولك عرفيني علي نفسك كل اللي اعرفه عنك انك اسمك نهال عايز اعرف اكتر نهال بصتله بتوتر : انا نهال عندي ٢٠ سنه رايحه تانيه جامعه في كلية اثار ” استنت منه اعتراض علي كليتها لكن شافته مركز ومستني الباقي اتنهدت وكملت ” انا وحيده مليش اخوات بابا متو.في من سنه و٩ شهور ومن وقتها وانا ماما قاعدين لوحدنا في بيتنا بس معانا جدو والعيله هنا بس الاهم انا عايزه اكمل كليتي ” ادهم مركز مع كلامها وتفاصيلها توترها وخوفها كل حاجه فيها عجباه اوي ” ادهم ببتسامه : طيب ومين اللي قال انك مش هتكملي كليتك ؟ نهال : اقصد يعني في رجاله مبتحبش تتجوز واحده تكون لسه بتتعلم بيقولو انها اخر اهتماما.تها جوزها وبيتها ادهم ابتسم : لاء كليتك هتروحيها عادي مفيش حاجه هتتغير بس الاهم انا اكون اول اهتماما.تك ومحسش بتقصير منك وانا عن نفسي اوعدك ان مقصرش معاكي في حاحه ومليش بركه الا انتي انا بسافر ممكن افضل سنه مسافر وباجي اجازه ٣ شهور ف هيكون عندك وقت تذاكري وتروحي كليتك عادي وفي نفس الوقت تكوني واخده بالك من امي وابويا نهال بصدمه ودهشه : امك وابوك علي عيني وراسي بس بتفضل سنه مسافر طيب وقتها انا هعمل ايه ؟ ادهم رفع حاجبه : هتعملي ايه مش فاهم هتفضلي قاعده مع اهلي وفي بيتك لحد ما ارجع اجازه نهال بستفسار : يعني انت لسه جاي امبارح علي حسب كلام جدي يعني لو اتخطبنا هنفضل مخطوبين لحد ما تنزل اجازه ونتجوز ؟ ادهم بصراحه : مش عايز خطوبه هنتجوز علطول انا شقتي خلصانه يدوب هنختار العفش ونجيبه وخلاص خلصت نهال بستنكار : انت جاهز افرض انا مش جاهزه ؟ ادهم اتنهد بقوه : انا حالي ميسور الحمدالله هساعد في العفش الناقص اول عن اخر الحجات دي جايا بيتي مش رايحه لحد يعني ثم ان بعدين مفيش انا وانتي بعد كدا ” نهال مش هتنكر اعجابها بشخصيته ولا بكلامه واسلوبه لكن برضو هي مش فاهمه هي مكان تغريد ليه وتغريد فين ” ادهم قام وقف : تمام لو خلصنا كلام تسمحيلي انا اطلع لجماعه نهال وقفت وبصتله بتوتر : اه تمام اتفضل ” خرج ادهم وراح قعد معاهم في الصالون ووراه كانت نهال اللي حسه بتوهان ” رامي اول ما شاف ادهم دخل الصالون ابتسم : تعالي يغالي اقعد ادهم ابتسم لتقديره وقعد : حبيبي يعم رامي اتفضل اقعد سالم ببتسامه : هاا نقول مبروك ؟ ادهم ابتسم بإحراج : بإذن الله خير محدش يقدر يرفض الانسه نهال راشد بص لنهال المكسوفه وفي نفس الوقت تايهه هو حاسس بيها : وانتي يا نهال ايه رأيك ؟ نهال وشها احمر وضر.بات قلبها زادت وبصت لجدها : كويس في الاول والاخر الكلمه كلمتك يجدي سلوي ظغرطت بفرحه وقامت حض.نت نهال : الف مليون مبروك يحبيبتي نهال حض.نتها وهي بصه علي امها : الله يبارك فيكي ادهم بهدوء : طيب انا حابب اعرفكم دا بعد اذنكم طبعا انا جاي اجازه ٣ شهور ومسافر تاني ف عايز يعني الفرح في خلال ال ٣ شهور دول مقدر ان انا اللي مستعجل علشان كدا بإذن الله اي حاجه ناقصه في جهاز نهال هتحمل بيها انا قولتو ايه ؟ راشد ببتسامه : نهال حاجتها كامله مكمله من كله وانا مقدر استعجالك وبإذن الله بكرا هعرفكم الرد ان شاء الله ادهم ببتسامه : ان شاء الله ” نهال اندمجت في الكلام مع ام ادهم لكن جواها مش مرتاحه للخطوه دي وفي نفس الوقت مش عارفه تصغر جدها ، زينب زعلانه علي زعل نجوي هي عارفه ان مهما بينت انها فرحانه جواها زعل ان بنتها عملت فيها الفصل دا وفي نفس الوقت هي مبسوطه بأدهم لبنتها ” ” ادهم بيتكلم مع الرجاله لكن عينه كل فتره بتروح علي نهال بيتابع ابتسامتها وتركيزها وكلامها ورقتها بيبتسم تلقائي ، لحد ما ادهم اخد اهله ومشيو ، ونهال روحت مع امها بيتهم ” ” في بيت زينب ” زينب عملت كوبايتين شاي وطلعت البلكونه لزينب اللي سانده علي السور سرحانه ” زينب بمرح : لاء مش متعوده عليكي ساكته وهاديه كدا بركاتك يا ادهم نهال بصت ليها ورجعت بصت لشارع : عقلي مش قادر يستوعبها في اي عريس جاي لبنت عمي وفي ايه انا اللي اتخطبت بدالها ؟ زينب بهدوء : نصيب محدش عارف الخير فين بس بيني وبينك انا مرتاحه لادهم دا هتكلم معاكي بصراحه انا عايزه اطمن عليكي من راجل يقدر يعيشك مرتاحه ومبسوطه نهال بقلق : يا ماما ماشي انا مقدره كل دا بس معقول هروح اعيش في العزبه ؟ زينب : انتي مالك بالعزبه ادهم باين عليه واد ابن مدينه شيك يعني هيبسطك ولا عيزاني اروح اجوزك لواحد فقير تخدي بخت امك ابوكي مكنش شايل عني حاجه بس برضو العيشه كانت علي القد يا نهال وانا مرتاحه لادهم دا نهال : ماشي بس برضو مش عايزه اتجوز واحد لمجرد انكم شايفينه مناسب ليا انا عايزه اتجوز واحد احبه زينب بهدوء : الحب حب افعال واحد دخل البيت من بابه طالبك في الحلال الحب هيجي بالعشره وبالموده فكري في كلامي وانتي حره بس من رأيي باب ميترفضش ” نهال عارفه ان امها معاها حق الحب افعال وهي اول عن اخر هتتجوز ف تتجوز لواحد يعتمد عليه احسن ما تتجوز واحد مستهتر يبهدلها متنكرش انها اعجبت بشخصية ادهم وكلامه واسلوبه ” نهال بصت لامها : بلغي موافقتي لجدي واللي هو شايفه صح يعمله ” واخدت كوباية الشاي تشرب منها ” زينب ببتسامه : ربنا يسعد قلبك ويتمملك علي خير يقلبي بكرا اخدك ونروح نجيب باقي هدومك الناقصه نهال بستغراب : هدوم ايه اللي ناقصه دي ؟ زينب بغمزه : هدوم العروسه بقا اشي عريان واشي بشراشيب واشي مشخلع والحجات السافله دي نهال ضحكت بسخريه : دا انا لو متجوزه واحد دايبه فيه مش هلبسه المشخلع والعريان علشان البسه لسي ادهم دا زينب بتأكيد : هتلبسي وارهنك انك بعد الجواز اللي هتطلبي مني اجيبلك منهم نهال شربت من الشاي بسخريه : انا البسه عريان وبشراشيب ليه بجما.تي قصرت معايا في ايه اسكتي والنبي ومتكلفيش نفسك علي الفاضي الهدوم اللي جبتيها تكفي وتفيض اللي هتجبيه دا هيتركن في الدولاب وخلاص زينب : مش مشكله نجيب واركني احسن ما يقولو مجابتش هروح اكلم جدك اعرفه انك موافقه والصباح رباح ” وسابتها ومشيت ونهال دخلت دوامه من الافكار هتعيش مع واحد من غير ما تعرفه ازاي لاء والانيل انه هيكون جوزها بيه حقوق وعليها واجبات ودا اجباري ومفروض عليها هتتعامل معاه ازاي وهل هتعرف تتعامل مع اهله ولا الوضع هيبقي ازاي ” ……………………………… ” في العزبه ادهم قاعد في البرنده علي الكنبه سرحان ومبتسم ، رقتها وخجلها محببين اوي لقلبه شغلت باله من اول يوم رغم انه كان عايز يتجوز وخلاص مكنش في باله انه يفكر فيها حتي لكن الوضع مختلف ” سلوي جت جنبه ببتسامه : اللي واخد عقلك يتنهي بيه ادهم ضحك بخفه : اللهم امين يا ست الكُل سلوي بفرحه : نهال عجبتك يا ادهم ؟ ادهم بجديه : فيها الحلو وفيها الوحش بس الحلو اللي فيها لحد الان مغطي علي الوحش اللي فيها وبارب تفضل كدا علطول سلوي : بإذن الله هتبقي زي العسل وربنا يتمم علي خير وتكون من نصيبك يا قادر يكريم ادهم لسه هيتكلم كان رقم راشد بيرن علي فونه استغرب وقال : جدي راشد بيرن سلوي بلهفه : طب رد شوف هيقولك ايه ادهم فتح : الو السلام عليكم ادهم بهدوء : السلام عليكم ازيك يا جدي راشد راشد ببتسامه : وعليكم السلام يغالي انا عارف ان اتصالي في اخر الليل دا عملك قلق بس والله من فرحتي معرفتش استني لصبح ادهم ببتسامه : ترن في اي وقت ومن غير ما تفكر بس ايه الموضوع اللي فرحك دا بقا راسد بستنكار : يوااد يعني انت مفهمتش خالص علي العموم مش هكسفك انا اتصلت اقولك ان نهال موافقه ادهم ابتسم اوي : علي بركة الله ربنا يقدم اللي فيه الخير ان شاء الله وانا بوعدك ان اخليها ملكه متوجه والله العظيم راشد ببتسامه : عارف ومتأكد من كدا والله انا بديلك نهال يعني الوحيده اللي اخدت الدلع كله اديتك اجمل بناتي قلبا وقالبا وبإذن الله هستناك تيجي نحدد معاد كتب الكتاب ادهم : خلاص اتفقنا بس عندي طلب ومحرج جدا والله وانا بطلبه راشد : انت دلوقتي زي احمد ابن رامي ابني مفيش ولا احراج ولا كسوف وانا لو اقدر والله ما هتأخر ادهم بشكر : الله يخليك يا جد والله معزتك غاليه في قلبي بس كنت عايز رقم نهال راشد ببتسامه : كنت مستنيك تطلبه بصراحه المهم اكتب ورايا ” ادهم سجل الرقم وقفل مع راشد وهو حاسس براحه نفسه رهيبه حاسس بنبساط ” سلوي بفرحه : عارف لولا العزبه كلها نايمه والدنيا ليل كنت رقعتلك زغروطه وصلت لدكرنس من شدة فرحتي ربنا يتمملك علي خير يكبدي ادهم باس راس امه بحب : ويخليكي ليا يا ست الكُل السؤال الاهم انتي سايبه ابويا نايم لوحده في الاوضه ليه بقا سلوي بعدم فهم : ما هو نايم شخيره موصل لودنك اهو اقف جنبه احرسه علي ما يصحي ولا اي ادهم ضحك وحض.ن امه : هتفضلي مش فاهمه حاجه برضو مهما كبرتي انا اقصد يعني سايبه الراجل وجايا تقفي معايا انا يغير برضوو سلوي ضحكت : اااه مش تقول كدا لاء يا اخويا اطمن ابوك اذان العشاء بيجي عليه بيقولك النهار طلع شقطني بدري وضيع شبابي ” ادهم وامه فضلو صاحيين يضحكو لحد اذان الفجر هي صلت في البيت وادهم نزل يصلي في المسجد اللي جنب البيت علطول ، خلص صلاة وفضل قاعد يبص علي الاراضي شويه بعدين طلع غير هدومه ونام في اوضته علي سريره يتقلب في السرير ” ادهم بزهق : استغفر الله العظيم طب انا مبنمش ليه ايه اللي مصحيني لحد دلوقتي ” ومسك فونه وفضل يقلب فيه بعدين قفله ورماه علي السرير وقام فتح الشباك بتاع الاوضه يشم هوا ، لكن الوضع كان ابشع مما تخيل اول ما فتح الشباك دبان كتير جدا دخل الاوضه وريحه الزريبه اللي جنب بيتهم ماليه المكان قفل الشباك بسرعه وقرف ” يخريب كدااا دا الريحه تسطل وايه الدبان دا كله ” رجع تاني نام علي السرير وسند راسه علي مخده وراه ومسك الفون تلقائي ايده جت علي رقمها ” ادهم بستغراب : انا عامل زي المراهق اللي بيحب جديد ايه اللي انا بعمله دا ” وغمض عينه وفكر طب ما انا من حقي اكلمها ليه لاء فتح عينه ورن علي الرقم ” حلو الساعه داخله علي ٧ اهي يعني تكون صحت اكيد نهال كانت نايمه بعمق والفون تحت المخده فتحت عينها بضيق من صوت الفون وردت بنوم : الوو ادهم بنبره رجوليه : صباح الخير يا نهال نهال شالت الفون من علي ودنها وبصت فيه تتأكد انه بيكلمها في الوقت دا وقالت بهدوء : صباح النور ادهم ببتسامه خفيفه : صحيتك من النوم ولا ايه ؟ نهال قعدت علي السرير وقالت بصوت مبحوح اصر النوم : لاء ولا يهمك مفيش حاجه تتصل في اي وقو ميهمكش ادهم ابتسم علي رقتها واسلوبها الراقي في الكلام : والله شاورت عقلي اكتر من مره قبل ما اتصل لكن مقدرتش متصلش عارف انك مستغربه الوضع حوازه في يومين خصوصا منعرفش بعض ف بحاول علي قد ما اقدر اخلق فرصه تعرفنا ببعض اكتر نهال ببتسامه : الموضوع غريب بنسبالي عريس بنت عمي انا اللي اخدته متضايقش من توتري وقلقي انا مكنش عندي اي علاقات او تجارب قبل كدا ف تلاقيني بلخبط في الكلام ومعرفش بقول ايه ادهم ابتسم بخفه لما عرف انه اول حد في حياتها : هستحمل وواحده واحده هتتعلمي كل حاجه وتبقي زي العسل وكمان لما تيجي هنا هتتبسطي هنا جميله ونوال هيسلوكي نهال بستغراب : مين جميله ومين نوال ؟ ادهم : جميله بنت خالتي ونوال مرات صلاح اخويا الصغير عندها بنوته اسمها غزل ٤ سنين نهال ببتسامه : ما شاء الله ربنا يخليها يارب طب كويس ان فيه بنات من سني ادهم ضحك ضحكه خفيفه ولسه هيرد الباب خبط : ثواني خليكي معايا ” وقال بصوت عالي نسيا ” ادخل صلاح فتح الباب ووقف بغمزه : صاحي بدري يعني ادهم برفع حاجب : حرام اصحي بدري يعني ولا ايه مش فاهم صلاح بضحك : ولا حرام ولا حلال مدام صاحي يلا تعالي افطر معانا لقمه امك حطت الاكل علي الطبليه متتأخرش ادهم : تمام ٥ دقايق وهتلاقيني وراك خد الباب في ايدك يا ابو غزل الله يصلح حالك ” واتكلم بهدوء ” كنا بنقول ايه ؟ نهال بضحكه بسيطه : كنا بنقول انت تروح تفطر وانا هلبس علشان هروح مع ماما اجيب شوية حجات نقصاني ادهم بجديه : تمام رقمك دا عليه فدافون كاش ؟ نهال بستغراب : ايوا بس اشمعنا ادهم : بصي كدا كدا العريس عليه فستان الفرح والمكياج والحجات بتاعتك دي كلها وانا حقيقي مبعرفش اختار ولا فاهم حاجه فيهم ف هبعتلك فلوس وانتي اعملي اللي يريحك نهال بدهشه : طيب بس لسه بدري علي فستان الفرح ادهم حط السماعه وهو بيغير هدومه وبكلمها : ولا بدري ولا حاجه علي ما تحجزي الفستان وشوفي بتعملي ايه تاني هنزل ابعتهوملك دلوقتي ابقي اسحبيهم بقا هقفل افطر وانتي لما ترجعي ابعتيلي رساله علي الواتس ارنلك نهال برقه : خلاص ماشي يلا مع السلامه ادهم ببتسامه علي رقتها : يسلم قلبك ” وقفل معاها وهو مبتسم اوي ” حتت البسكوته دي هتيجي تعيش في العزبه وتشوف المناظر اللي هنا دي ازاي سلوي بصوت عالي من الصاله : الفطار برد يا ادهم يلااا تعالي غزل قامت من علي رجل نوال راحت خبطت علي الباب بتاع اوضة ادهم : يا عموو البيض قرب يخلص تعالي يلا ادهم فتح الباب ببتسامه وشال غزل علي ضهره : اوباا غزل هانم بنفسها جايا تصحيني علشان افطر صلاح بغمزه : قال يعني الباشا مش صاحي يكلم في العروسه من النجمه ” نوال برقت لصلاح انه يسكت ” سلوي : ما يكلم ويتبسط امال احنا جيبنها ليه علشان تبسطه واشوف وشه منور ببتسامته كدا ادهم قعد جنب ابوه علي الطبليه وبدء ياكل : الحاج راشد كلمني امبارح بليل وقالي العروسه موافقه ومستني معاد نروح نتكلم في تفاصيل كتب الكتاب سالم وهو بياكل : امم طب وانت شايف ايه لو جاهز نروح بكرا نتفق وكتب الكتاب والدخله مع بعض صلاح : الاول انت ناوي تكتب قايمه بقد ايه وكام جرام دهب ؟ سلوي : هو ايه اللي قايمه بكام وكام جرام دهب احنا هنجيبلها ٦٠ جرام زي مراتك وقايمه بالحاجه اللي هتجيبها وفي الاخر دا حبر علي ورق ادهم : اهو الحبر علي ورق دا بعدين بيخرب البيوت انا ربنا شاهد عليا ناوي عمار للأبد بس الله اعلم الدنيا مخبيه ايه وحوار الدهب والقايمه دي نتفق عليه لما نقعد مع الرجاله هناك سالم : صح كدا كلام سليم لما نروح ونتفق معاهم الاول ونشوف هنعمل ايه هاتي رغيف عيش يا سلوي ………………………………. ” في بيت رامي ” ” نجوي قاعده في الصاله ورابطه راسها بالطرحه من كتر الصداع متغطيه بالبطانيه من البرد الجرس رن ” نجوي : احمد تعالي افتح الباب مش قادره اقوم افتح احمد خرج من اوضته بنرفزه فتح الباب ضحك بسخريه لما شاف نهال : ايه الاحترام دا كله اول مره تيجي عندنا ترني الجرس علطول بتكس.ري الباب من الخبط نهال بغيظ : ابعد يلا من طريقي امك واخواتك البنات فين ؟ نجوي سمعت صوتها : تعالي يابت يا نهال ادخلي انا هنا والمايله الكبيره مدفونه في اوضتها وضحي في الدرس نهال دخلت وقعدت جنبها : يسلااام علي الدفي الجو برا متلج والله يا نجوي نجوي ببتسامه : امال انتي لابسه هدوم خروج كدا وراحه علي فين ؟ نهال بصتلها : راحه انا وامي نجيب باقي الهدوم بتاعت جهازي علشان تقريبا اول ما اخلص العفش بتاعي هيروح العزبه نجوي : ربنا يتمم عليكم بخير يارب يحبيبتي نهال بتوتر : نجوي انتي مش زعلانه مني ؟ نجوي بستغراب : وانا هزعل منك ليه نهال بتوتر اكبر : يعني العريس كان جاي لتغريد وانا اللي اتخطبت ليه ف قولت اكيد انتي وتغريد شايلين مني قولت اجي افهمكم انا والله العظيم موافقه من كتر زن امي علي دماغي وو نجوي بمقاطعه : اسكتي دك ضر.به انا هزعل لما تتجوزي واشوفك عروسه دا يبقي يوم الهنا والمني انتي وضحي وتغريد معزه واحده التلاته بناتي وبعدين انتي ملكيش ذنب المايل حالها بنتي عي اللي رفضت وقالت مش عيزاه وقالو بدل تغريد تبقي نهال وتغريد ايه ونهال ايه الاتنين عيالي نهال ابتسمت وباست خدها : ربنا يخليكي ليا يا اغلا نوجاا في الدنيا كلها هقوم انا امشي زمانها نزلت الشارع هتلج نجوي : وانتي راجعه عدي علياا يابت اشوف الهدوم الجديده نهال من علي السلم : حااضر يلاا سلام ” ونزلت وهي مبسوطه من عند نجوي راحت تشوف امها اللي كانت وافقه مع جدها ” صباح العسل يا راشد راشد : صباح الجمال علي عروستنا زينب : جدك بيقول نجهز العفش علشان بعد ما نمضي القايمه هنودي العزال علطول نهال بعدم فهم : طيب مش لما نبقي نمضي القايمه هنجهز الحجات من دلوقتي ليه راشد : ما هما ممكن يجو بكرا ولا بعده بالكتير يمضو القايمه لما عزال ادهم توصل الشقه بس وبعدبن هنبدء نجهز لكتب الكتاب انتو راحين علي فين دلوقتي في التلج دا زينب وهي بتتاوب: مكنتش عايزه انزل علشان التلج اللي في الجو دا بس لازم اجيب الحجات الناقصه في جهاز نهال نهال قالت بتردد : وادهم حولي فلوس علشان احجز فستان الفرح والميكب هحجزهم بالمره راشد ببتسامه : ربنا يتتم علي خير ” وطلع مبلغ من حيبه حطه في ايد زينب ” زينب برفض : انت بتعمل ايه يا حاج معايا والله العظيم راشد بصرامه : بعمل ايه في ايه انا كنت طالع عندكم اديكي الفلوس لولا لقيتك واقفه في الشارع بعدين هو انا بدي لحد غريب دا بنتي يوليه امسكي زينب مسكت الفلوس بإحراج : تعيش وتجبلها يا حاج المهم هنمشي احنا علشان نلحق نيجي قبل بليل مش عايز حاجه اجبهالك وانا جايا راشد : سلامتكم يلا روحو ولو احتاجتو حاجه اتصلو عليا علطول ” زينب اخدت نهال ومشيت تروح محلات وسط البلد تجيب ليها اللبس اللي ناقص زينب ماشيه عماله تختار كل اللي تشوفه مناسب للعرايس ، ونهال ماشيه جنبها حاسه انها مش فاهمه حاجه امها بتختار كل دا ليه يعني هل هي لازم تلبس الحجات دي طب ما هي ممكن تلبس لبسها العادي وتعود جوزها ان دا نظامها وكانت هتعترض علي كل اللبس اللي امها بتجيبه بس شافت امها مبسوطه وفرحانه سكتت ومردتش تكس.ر فرحتها ” نهال : ماما انا عايزه اجيب شربات تقيله اوعي تنسي زينب بستغراب : شربات تقيله ليه هتلبسي لجوزك اللي هيقعد معاكي اقل من شهرين شربات تقيله نهال بعصبيه : لا اله الا الله الموضوع زايد عن حده اقسم بالله احنا في عز الشتا والدنيا برد وعايزه شربات علشان ادفي رجلي وانتي تقوليلي جوزك هو ايه دخله في الشراب وخلتيه جوزي امتي ؟ زينب بصت علشان الناس تشوف حد سمعها ولا لاء وبصت لبنتها : انتي عايشه في الحياه تعملي كل حاجه بتضايقني الله يكون في عون الراجل قسما بالله تعالي يا بلوه نجيب جوز شربات ……………………….. ” بعد اذان المغرب كل بيت في العزبه اتقفل ونامو مستحيل في الوقت دا وخصوصا في فصل الشتاء تلاقي حد في الشارع ” ” ادهم واقف في البنرده لابس هيكول اسود وبنطالون بيتي رصاصي ماسك فونه بيتكلم فيه ” ادهم : بالظبط بدأت تفهمني الشقه كلها مودرن ف عايز حاجه تكون عمليه ونضيفه بعتلك صور عايز حاجه شبيهه ليهم صاحب معرض الخشب : بكرا العصر بالكتير اوي العربيه بالعزال هتكون قدام بيتك ادهم : خلاص بإذن الله هستناهم ” وقفل معاه ” سالم جيه وقف جنبه : انت يابني مش سقعان ايه اللي موقفك برا كدا ادهم : الجو دا حلو بنسبالي بس متخيلتش ان مصر برد اوي كدا في الشتا انا هناك في الشتا بلبس بنص كم عادي الجو بيقي حر سالم : كنت بتكلم مين كدا في المحمول ؟ ادهم بتنهيده : كنت بكلم المعرض بتاع العفش بأكد عليهم في العفش اللي انا طالبه بدل ما يبعتو حاجه تانيه يدبسوني فيها سالم طبطب علي كتفه : ربنا يقويك هنعمل الفرش بتاع الفرح في الشارع هنا ولا ليك تخطيط تاني ادهم : والله يبا لسه محددتش بس بنسبه كبيره هنعمل خيمة لطباخ في الشارع هنا والفرح في قاعه علشان كتب الكتاب هيتكتب في قلب القاعه سالم : خلاص ماشي ربنا يسهل وطرقه وهتعدي بكرا هخلي امك ونوال يطلعو يكنسو الشقه ويمسحوها علشان العزال تيجي تطلع علي نضافه ادهم : طيب جهز نفسك بقا بكرا بليل نروح نمضي القايمه هتعرف عمي رجب ولا لاء ؟ سالم بتنهيده قويه : والله انا من الواجب هعرفه وهعرف الشيخ عطيه واللي يجي يجي واللي ميجيش ميجيش ادهم : خلاص ماشي المهم عرف عمي وتبقي عملت اللي عليك سالم : هعمل كدا الصبح يلا تصبح علي خير انت بقا لأن دماغي تقلت وعايز اخدلي تعسيله لصبح كدا ادهم ضحك بخفه : طيب ادخل خدلك تعسيله لصبح يا حاج سالم اصحيك في صلاة الفجر ؟ سالم وهو بيتاوب : ايوا صحيني ننزل نصلي في الجامع ” سالم دخل ينام بدري كالعاده وادهم فضل واقف في البرنده شويه لحد ما حس بالبرد دخل علي اوضته ، حط فونه علي الشاحن ولسه هينام علي السرير الفون بعت رساله ” الرساله كانت من نهال : انا لسه داخله البيت حالا ادهم بص علي الرساله وكتب : مش راجعه متأخر شويه ؟ نهال بعتت : كنت بحجز الفستان والميكب وكنت بجيب باقي جهازي ولما خلصنا ادهم بص علي الرساله ورن عليها ردت برقه : الوو ادهم نام علي السرير وحط الفون علي ودنه : حمدالله علي السلامه نهال وهي بتسرح شعرها والسماعه في ودنها : الله يسلمك ادهم بستفسار : اشرحي الفستان اللي حجزتيه كدا نهال سكتت شويه بعدين اتكلمت : هو عادي مفيش في تفاصيل كتيره منفوش شويه وديله طويل من ورا بس ادهم حاول يتخيل صورة الفستان بس معرفش : عاجبك يعني ومبسوطه بيه ؟ نهال : اه حلو .. انا سمعت ان بعد ما نمضي القايمه العفش بتاعي هيجي عندك ادهم بستغراب : طيب ما دا الطبيعي العفش هيجي علشان يتفرش في الشقه ولسه عايزين ننزل ندور علي قاعه بس الكلام دا بعد بكرا لما نحدد معاد الفرح نهال بتتاوب : خلاص ماشي اتفقنا ” ونامت علي السرير واتغطت كويس ” الجو برد اووي ادهم : دي حقيقي الجو برد في مصر في الوقت دا في السعوديه بنام بلبس صيفي الجو هناك مش برد كدا خالص نهال بنوم : وكمان تعبت من المشي النهارده مشينا كتير اوي ادهم حس بصوتها انها عايزه تنام : طيب لو عايزه تنامي نامي بكرا اليوم هيبقي اطول عليكي ” ادهم بيتكلم ونهال اصلا مش سامعه هو بيقول ايه من شدة تعبها وارهاقها محستش بنفسها غير وهي غرقانه في النوم ، ادهم عارف انه بيتكلم وهي بتنام بس فضل يتكلم بحيث انها تنام خالص ولما حس انها نامت قفل وهو مبتسم ” ادهم بتفكير : مصيبه لو كانت من النوع اللي بينام من المغرب بس لاء اكيد لاء يمكن نامت من التعب والارهاق ” غمض عينه وراح في النوم هو كمان من غير ما يحس “ ” صباح يوم جديد ادهم صحي من النوم بدري جدا بص علي الشباك كان النهار طلع ” ادهم بضيق : نايم بعد المغرب علشان صلاة الفجر متفوتنيش وبرضو فاتتني ” وسمع خبط علي الباب ” غزل وهي بتخبط جامد : يا عمو افتح الاوكره طويله مش عارفه اطولها ادهم ضحك وقام فتح الباب وشالها : دا ايه الصباح العسل دا غزل ضحكت : بابا مش راضي يديني فلوس بيقولي مش معايا وجدو نايم مش راضي يرد عليا ادهم بصلها بحب : طيب وغزالتي عايزه كام ؟ غزل بتفكير : انت معاك كام ادهم باس خدها وهو فرحان انها ناصحه : طيب ايه رأيك اخدك الدكان وتختاري اللي انتي عيزاه غزل سقفت : ماشي موافقه يلا هروح اقول لماما انا جايا معاك واجي ” ونزلت جري علي المطبخ تعرف امها ” ادهم لسه مبتسم من كلام غزل سمع صوت زمارة عربيه وحد بيرن الجرس : اكيد الراجل بتاع المعرض بعت عربية العفش بس ابن النصابه كان بيقول العصر ” وبص في فونه ” باعتهم الساعه ٨ الصبح سلوي لقت باب اوضة ادهم مفتوح دخلت : ادهم عربية العزال وصلت تحت ادهم اخد محفظته وفونه وباس دماع امه : طالعلهم اهو يغاليه بس معلش هتعبك اعملي دور شاي ” وطلع من البيت ووراه سالم وصلاح ” نوال طلعت وهي شايله غزل : في ايه يا ماما مين الناس اللي برا دي سلوي : دا عربيه جايبه عزال ادهم من دمياط ادخلي اعملي دور شاي وتعالي ومتحطيش سكر هاتي برطمان السكر والمعلقه هما يحطو براحتهم ” وسابتها وطلعت تبص علي العزال من البرنده ” نوال بصت عليه وهي رافعه حاجبها وقالت بهمس : رضينا بالهم والهم مش راضي بينا لا جوز بيريح ويقول كلمه حلوه وحما محسساني ان الخدامه اللي شغاله عند اهلها ” ودخلت علي المطبخ تعمل الشاي وهي حاسه انها هتتفجر ” ادهم سلم علي الرجاله : طيب العزال دي هتدخل منين صلاح بصله : هطلع افتح البوابه اللي بتطلع علي الشقق فوق وافتح شقتك علي ما الرجاله تطلع العزال ” ادهم هز راسه وصلاح طلع فتح البوابه والشقه والرجاله طلعو العزال علي الشقه برفقة ادهم اللي معاهم خطوه خطوه ، وسلوي اللي بتزغرط بفرحه ، والجيران كلهم طلعو يتفرجو وهما مستغربين امتي ادهم خطب علشان يجيب العزال ” سالم جاب عصير وشاي ووزع علي الكل : عقبال عندكم جميعا ” نوال وقفت في البرنده وجنبها جميله وبيزغرطو بفرحه ” جميله : انتي شوفتي العروسه ولا لسه يا نوال ؟ نوال بصتلها : لاء لسه بس امي سلوي بتقول العروسه زي فلقة القمر وبعدين بكرا نشوفها ” جميله بصت قدامها وفضلت ساكته وهي كلها حماس تشوف مرات ادهم شكلها ايه ، تقريبا كل البلد عندها نفس الحماس يشوفو مرات ادهم ” …………………………………. ” الساعه اصبحت ٥ المغرب نهال قاعده في اوضتها قدام المرايا بتفكر هل دي خطوه صح في حياتها ولا هي استعجلت ، هي شايفه ادهم كويس ومتفهم بس هل بعد الجواز هيبقي كدا ولا هيتغير ، قطع تفكيرها دخول تغريد وضحي اللي بيزغرطتو ” تغريد ببتسامه : هشووفك عروسه اخيرا يا نوووله ” نهال بصتلها وهي مش فاهمه حاجه مش المفروض تكون زعلانه انها هتتجوز عريسها لكن هي العكس دي مبسوطه وداخله بتزغرط ” نهال بصتلها بشك : تغريد انتي كويسه ؟ تغريد ببتسامه : كويسه اوي كمان انتي مالك حساكي مش مبسوطه كدا ليه نهال اتنهدت وبصت للمرايا تاني : انا كويسه بس علشان صاحيه بدري حسه بدوخه شويه ضحي فتحت دولاب نهال وقالت بحماس : هتلبسي ايه النهارده ؟ نهال : مش عارفه في اكتر من حاجه في بالي بسه محددتش بفكر البس البدله السودا والهيلز الوردي والطرحه الوردي تغريد بتفكير : هي حلوه بس اسود ليه ؟ نهال بلا مبالاه : النهارده مش كتب الكتاب يا تغريد علشان البس ابيض النهارده مجرد هيتفقو لسه علي القايمه يعني عادي بعدين مش عايزه البس الوان زينب دخلت عليهم الاوضه وفي ايدها صنيه عليها كوباية ينسون كبيره : خدي اشربي الينسون هيريح بطنك امك فين يا تغريد تغريد : جايا ورانا قولنا نسبقها نسقف شويه لنهال بس الظاهر انها معدومه العافيه مالها كدا ؟ زينب : عندها مغص وتعبانه من الصبح بتعيط من وجع بطنها تغريد : اوبس طيب خدت مسكن يريحها شويه زينب : هي تشرب الينسون وهترتاح علطول هطلع انا اخلص اللي ورايا الوقت بيجري مني ” وطلعت برا الاوضه ” تغريد بصت لنهال بشك : تغريد انتي تعبانه من المغص ولا في حاجه شغله تفكيرك ؟ نهال بصتلها وهي بتشرب الينسون : مش واخده بالك ان في حاجه غلط المفروض انتي اللي تكوني العروسه مش انا ازاي بقيت مكانك وازاي انتي مش زعلانه اصلا ؟ تغريد ببتسامه : ببساطه انا مكنتش موافقه عليه من الاول لكن انتي عارفه امي وتحكما.تها انا مش جاهزه نفسيا لخطوة الجواز يا نهال ممكن محدش منهم يفهمني بس افهميني انتي انا حسه ان مش جاهزه بمعني الكلمه نهال بصتلها بتركيز : ماشي انا فهماكي بس انتي مش جاهزه ليه قوليلي يمكن الخوف اللي عندك هو نفسه اللي عندي تغريد اخدت نفس عميق : بصي يا ستي اولا انا معرفش اروح اعيش في عزبه ثانيا مش عايزه اتجوز في بيت عيله عايزه بيت بعيد عن حما.تي اكون مستقله بنفسي بالعربي محدش يتحكم عليا ثالثا مش عايزه جوزي يكون بيسافر لو لقيت كل الحجات دي في حد انا هوافق لكن كل اللي جم مفيش منهم حاجه من اللي انا عيزاها فهمتي نهال بصتلها كتير وشربت من الينسون : مخاوفك نفس مخاوفي بس ادهم عنده شقه لوحده يعني مش هعيش في بيت العيله لو عايزه اتقسم واقعد في شقتي منزلش براحتي يعني محلوله ” تغريد لسه هترد عليها دخلت عليهم زينب ” زينب : نهال جدك لسه قافل معايا الجماعه كلها نص ساعه ويكونو عندنا قومي اجهزي يلا نهال شربت اخر شويه في كوباية الينسون : حاضر هقوم البس اهو بس هاتيلي الطرحه الوردي من علي المنشر بالله زينب : طيب يلا ” وبصت لتغريد ” تغريد رني علي امك تجيلي ” وطلعت من الاوضه ونهال بدأت تلبس وتفكيرها كله مشتت ، وتغريد كلمت امها تيجي ” ……………………………… ” سالم وسلوي وصلاح ونوال واقفين تحت في الشارع قدام العربيه ” سالم بضيق : الساعه داخله علي ٨ بليل والحاج راشد رن عليا فوق ال ٦ مرات اتأخرنا ليه ؟ ” ادهم نزل وهو في كامل اناقته لابس بنطالون بدله اسود وقميص ابيض وحزام جلد اسود وجرمه سودا شكله جنتل وشيك اوي ” ادهم نزل وفي ايده محفظته وفونه : ايه يجدعان يعني الواحد يجي بعرقه مش لابس اخد دش بعد الهده اللي اتهدته في نصب العزال انتو خلصتو امتي اصلا ولحقتو ازاي سلوي ببتسامه : يحميك لشبابك يا زينة الشباب كلها اركب يلا ادهم باس دماغ امه وباس دماغ ابوه : ربنا ميحرمني منكم يارب ” وراح ركب العربيه ركب جنبه سالم وسلوي وونوال وصلاح ورا وغزل علي رجلهم ” نوال بهمس لصلاح : ابعد شويه الدنيا زنقه مش عارفه اقعد صلاح بص لامه : معلش يما ادخلي شويه كدا نوال مش عارفه تقعد سلوي بصتله برفع حاجب : يعني انت شايف ان فيه مكان وانا مبعدتش ؟ ” ادهم غمز لابوه انه يفض الخناقه اللي علي وشك الدخول ” سالم نزل : تعالي يا سلوي اقعدي جنب ادهم وانا هقعد ورا مع صلاح ” سلوي فتحت الباب ونزلت وهي متنرفزه بدون سبب ودا طبعها اصلا صعبيه جدا ركبت جنب ادهم وسابم ركب ورا الموضوع اتحل وادهم دور العربيه ومشي ” …………………………….. ” في اوضة نهال ، نهال لبست البدله السودا البنطالون مجسم والجاكت مظبوط وشكلها شيك اوي عليها ، بصت علي نفسها بتركيز في المرايا وفي ايدها صباع روج ” زينب دخلت الاوضه عليها ببتسامه : بسم الله مشاء الله زي القمر نهال ضحكت بسخريه وقفلت درج المكياج : لبست البدله كتير وقمرك ما قولتيلي كدا اشمعنا دلوقتي بقا زينب ضحكت بفرحه : المره دي انتي لابساها وانتي عروسه ف مختلفه المهم يلا ادهم في الصالون والعيله كلها موجوده المره دي نهال بستغراب : عيلة مين اللي موجوده المره دي ؟ زينب : اخوه ومرات اخوه وبنت اخوه بس يلا اطلعي اقعدي معاهم علشان امه سألت عليكي نهال : تغريد وضحي فين ؟ زينب : قاعدين برا في الصالون معاهم ونجوي كمان برا ” نهال رشت برفان وخرجت مع امها دخلت علي الصالون سلمت عليهم كلهم وقعدت جنب ام ادهم ” سلوي بغمزه : يعني تسلمي علينا كلنا وادهم لاء ؟ ” نهال وشها احمر اوي ومعرفتش ترد وادهم ابتسم اوي علي شكلها بنسباله نهال ليها طله خجوله بس حلوه ” نجوي بضحك : يا ام ادهم متحرجهاش بكرا يكتبو الكتاب ويسلم وياخد راحته ياستي ” كلام الستات مبيخلصش قالها راشد في عقل باله ” راشد : طيب بما اننا اتجمعنا للمره التانيه وادهم ونهال في بينهم و.فاق وادهم جاهز ونهال جاهزه يبقي مفيش داعي اننا نأجل الفرح اعرفكم بشيخ محمد هو اللي هيكتب القايمه بإذن الله الشيخ محمد ايتسم ليهم جميعا : ربنا يتمم الجوازه علي خير ان شالله ويجعل منها المال والعيال نقول بسم الله ” وبدء يكتب القايمه ” ” وبعد وقت كبير عدي علي ادهم بالتوتر لتحصل مشكله او اختلاف علي سعر القايمه لكن عدت علي خير وادهم مضي وانتهت مهمة القايمه ” سلوي زغرطت وحض.نت نهال : الف مبروك ربنا يتمم عليكم بخير يارب نهال بيتسامه رقيقه : الله يبارك فيكي يارب سالم بعد ما بارك للكل وهو حاسس بفرحه كبيره : طيب بما ان القايمه اتمضت عايزين نحدد معاد لكتب الكتاب والفرح بقا راشد ببتسامه : والله انا كدا بدأت مهمتي تخلص دي بداية مهمة ادهم يشوف المعاد اللي يناسبه هو ونهال ويعرفونا وبكرا ان شاء الله هنجيب العزال ونيجي عندكم ادهم ابتسم :تشرفونا بإذن الله ” وبص المره دي لنهال ” والله انا شايف انكم تسبونا نتفاهم ونتناقش انا ونهال في معاد الفرح دا لو ١٠ دقايق ” نهال ابتسمت وبدء التوتر يروح لأنها فكرت انه من الشخصيات اللي ممكن تقرر عندها وتلغي شخصيتها ” راشد لما شاف ابتسامة نهال قلبه ارتاح وقال : طيب نهال خدي ادهم علي البلكونه اتكلمو شويه مع بعض نهال وقفت وقال بصوت هادي رقيق : اتفضل يا ادهم ” ادهم ابتسم ومشي قدامها عرفته مكان البلكونه راحو وقفو قدام السور ” ادهم بصلها ببتسامه خفيفه : اظن التوتر بدء يخف عن المره اللي فاتت نهال بخجل : يعني ادهم بص قدامه وهو مبتسم : واحده واحده كل حاجه هتبقي تمام المهم انتي شايفه انك جاهزه ولا اي ؟ نهال بصتله وبدء الخوف يحتل قلبها : جاهزه لإيه للفرح ؟ ادهم بتنهيده : بصي احنا دلوقتي بنقرر حاجه مع بعض لو قولتي مش جاهزه مفيش حاجه هتحصل يبقي ليه الخوف اللي انا شايفه دا نهال بصت في الارض وبدأت تفرك اديها في بعض : مش خوف ممكن بس قلق علشان هتنقل حياه جديده معرفش عنها حاجه مع ناس تانيه الله اعلم هعرف اتعامل معاهم ولا لاء يمكن دا قلقي بس ادهم ببتسامه حنونه : وانا فين من كل دا الحياه الجديده دي زي ما هي جديده عليكي هي برضو جديده عليا هبقي معاكي خطوه خطوه لو قلقانه هطمنك خلي عندك فيا ثقه ومتقلقيش من حاجه طول ما انا موجود ” كلامه ونظرة عيونه طمنوها بشكل مفيش حد في الدنيا قدر يطمنها كدا الخوف اللي كان مالي قلبها اتشال واتبدل مكانه راحه وسكي.نه ” ادهم لاقي منها صمت ف اتكلم : هاا ياست البنات اقول يوم الخميس الجايا وعلي بركة ربنا نهال بصتله بدهشه : الخميس الجاي اللي زي النهارده ؟ ادهم : احنا قولنا ايه متقلقيش طول ما انا معاكي اديثني الثقه وانا اوعدك مش هخذلك ابدا قولتي اي ؟ نهال بقلة حيله : قولت خير اللي انت شايفه صح اعمله ادهم ابتسم اوي : يبقي علي بركة الله بكرا بإذن الله عزالك هتيجي وهتتلهي في الفرش هحاول اخطفك ساعتين منهم ننزل نشوف قاعه مطابقه للمعاد نهال ببتسامه : خلاص اتفقنا ” ادهم ونهال اتفقو علي معاد فرحهم اللي لسه عليه بالضبط اسبوع ، ادهم خرج وطلع قعد معاهم في الصالون ” ادهم : بإذن الله الفرح يوم الخميس الجاي ” سلوي وزينب ونجوي زغرطو في صوت واحد ، والكل سلمى علي ادهم ونهال ” ادهم ببتسامه : بس اسمحولي اخد نهال وننزل نشوف قاعه مطابقه للمعاد لان مفيش عندنا وقت خالص راشد هز راسه بموافق : مش هوصيك متتأخرش ادهم : ساعتين زمن ومش هتأخر والله راشد بمرح : ابوك وامك هنخليهم هنا علي ما تيجي ادهم برفع حاجب : واحده بواحده يعني صلاح بضحك : او يمكن علشان يجيبك بدري ادهم ضحك بعدين اتكلم بجديه : لاء والله مش هنتأخر هي قاعه واحده بس اللي هنشوفها ويارب يبقي المعاد متاح ونخلص ” ادهم اخد نهال ونزلو ركبو العربيه وهي متوتره اوي وبدون اي سبب ، ادهم حاسس بتوترها ومش فاهم سببه ايه ” ادهم بصلها وهو سايق : انتي متوتره اوي كدا ليه ؟ نهال بتوتر واضح : لاء ابدا مفيش انا مش متوتره يمكن بس بطني وجعتني لان شربت بيبسي كتير ادهم ببتسامه جذابه : شكلك من البنات اللي بتحب اكل برا والكلام دا نهال ابتسم وبدء التوتر يخف : بحب كل الاكل من برا وومكن اكل اي حاجه من برا مع ان مش بحبها وهي في البيت ومستحيل احطها في بوقي بس لو هي برا اكل منها عادي ادهم : طيب بتحبي اي من برا مثلا اكلتك المفضله اي ؟ نهال بتلقائيه : البقلويظ دا عش.ق ملووش نهايه بنسبالي ادهم ضحك : بتحبي الفسفور بمعني اصح يعني بقلويظ جمبري اي اسماك مثلا نهال : مبحبش الجمبري شكله بيقرفني ف مش من مفضلاتي ممكن الكابويا بحبها بس مش اوي برضو وانت اكلتك المفضله ايه ؟ ادهم بتفكير : بحب الكوارع وبحب لحمة الخروف تقريبا دول اللي ممكن افضل اكل منهم مشبعش غير كدا بنسبالي عادي المهم طلعينا من فقره الاكل اللي دخلنا فيها دي وقوليلي حابه القاعه مقفوله ولا مكشوفه نهال ببتسامه : لو مكشوفه تبقي كويسه لكن لو مش متاح مكشوفه المقفوله حلوه برضو ” ادهم ابتسم ووقف قدام القاعه اللي هي عجباه ونزل وهي نزلت ، ومد ايده علشان يمسك ايدها في البدايه هي اتوترت وكانت هترفض لكن لقت نفسها بتمسك ايده ، ادهم ابتسم و صغط علي اديها ودخل بيها لجوا ” مدير القاعه قابلهم : نورتونا يا فندم حابب تتفرج علي القاعه ؟ ادهم ابتسمله : بص انا معنديش وقت اضيعه ف حابب اشوف يوم الخميس الجاي القاعه فاضيه ولا مش فاضيه لو فاضيه نتفرج ونحجز لو مش فاضيه نمشي من غير ما نعلق نفسنا بيها المدير بتقدير : تحت امرك يا فندم هشوفلك حالا ان كانت القاعه فاصيه ولا لاء ” ومشي يشوف المعاد فاضي ولا لاء ” نهال بفرحه من جمال القاعه : يارب المعاد يبقي فاضي القاعه شبه القصر ادهم : ايوا القاعه فعلا جميله بإذن الله المعاد يكون فاضي نهال فتحت فونها واترددت تقوله ولا لاء : لو ممكن بس معلش ممكن تصورني هنا ؟ ادهم ابتسم واخد منها الفون وقال بمرح : دا شرف ليا يافندم روحي اقفي ” نهال وقفت وابتسمت ابتسامه خطفت قلب ادهم وصورها صوره جميله ” المدير جيه عليهم وقال : مدير القاعه ببتسامه : والله ان حظكم كويس اليوم فاضي يا فندم اتفضلو اتفرجو عليها ” ادهم ابتسم لنهال ودخلو جوا القاعه ، منظر المسرح والكوشه والقاعه كلها علي بعصها قصر بمعني الكلمه ” نهال ببتسامه : القاعه خيال جميله اووي حاجه ملوكي كدا ادهم : مبسوط انها عجبتك والله ” وبص للمدير ” بكام بقا يا كبير ؟ المدير ببتسامه : الليله فيها ب ٣٠ الف مقدم بتدفع ٥ تلاف يا فندم ادهم بص علي القاعه مره تانيه : خلاص تمام علي معادنا يوم الخميس ” ودفع المقدم وخرج هو ونهال برا القاعه ” نهال بفرحه : كنت متوقع اننا هنلاقي قاعه بس قول بصراحه ادهم بضحكه خفيفه : كنت متوقع ان هلاقي بس مكنتش متوقع ان هلاقي في القاعه دي اركبي يلا هجيبلك قهوه ولا شاي نهال ركبت بخجل لانها عمر ما حد جابلها حاجه علي حسابه غير اهلها : متكلفش نفسك انا مش عايزه حاجه والله ادهم ضحك : مكلفش نفسي ايه بس دا انتي كلها اسبوع وتبقي ملزومه مني من ساسك لراسك هاا قهوه ولا شاي ؟ نهال بخجل بتحاول تداريه : مدام مصر كدا يبقي مانجا وخلاص ادهم : ايوا كدا يشيخه اطلبي اللي نفسك فيه متتكسفيش دا انا حتي هبقي جوزك فلوسي فلوسك يعني ” نهال ابتسمت وهي بتفرك في اديها وادهم وصل لحد الكافيه نزل واحد مانجا وواحد قهوه ورجعلها بسرعه ” ادهم وهو بيناولها المانجا : احلي كوباية مانجا نهال اخدتها منه : شكرا ” وبدأت تشرب من المانجا ” هنروح امتي ادهم بصلها بمرح : لحقتي تزهقي مني بسرعه دي ؟ نهال بإحراج : والله ابدا الموضوع مش كدا بس علشان في البيت ميقولوش اتأخرو كدا ليه ” ادهم ابتسم بتفهم ودور العربيه ومشي بيها علي البيت ، اول ما وصلو علي البيت لاقي العيله كلها واقفه في الشارع ” ادهم نزل من العربيه وقال بقلق : خير يجماعه واقفين تحت ليه كدا ؟ سالم ببتسامه : متقلقش مفيش حاجه انت اتأخرت كان عمك رامي هيوصلنا ادهم : اتأخرت ايه دا احنا كمان ملفناش اول قاعه روحنا فيها المعاد كان مطابق للخميس الجاي حجزنا وجينا علطول راشد ببتسامه : طيب الحمدالله انكم لقيتو قاعه كنت فاقد الامل بصراحه المهم القاعه حلوه نهال بفرحه : القاعه قصر تخفه فنيه هتشوفوها يوم الفرح زينب ببتسامه : ربنا يتممها بخير ويفرحكم يارب ادهم ببتسامه : اللهم امين نستأذن احنا بقا الوقت اتأخر والجو برد مع الف سلامه راشد : الله يسلمك يغالي بإذن الله بكرا قبل ما نوصل العزبه بالعزال هكلمك ادهم ببتسامه : بإذن الله يلا مع السلامه ” وبص لنهال ” مش عايزه حاجه نهال برقه : عايزه سلامتك ” ادهم ابتسم وركب عربيته وعيلته ركبت ومشي بيها ، وزينب ونهال دخلو علي بيتهم وراشد علي بيته ” ‘ في بيت زينب ‘ ” دخلت نهال البيت قعدت علي الكنبه وقلعت الهيلز بوجع ” نهال بوجع : مش حاسه برجلي بسبب الهيلز ” وقلعت الطرحه وقعدت علي الكنبه ” زينب قعدت جنبها : هاا عملتو ايه ؟ نهال بعدم فهم : عملنا ايه في ايه زينب : لما مشيتو من البيت روحتو علي فين يعني نهال بستغراب : هنروح علي فين يعني طلعنا علي القاعه اول ما دخلنا الراجل قالنا هتتفرجو ادهم قاله يشوف لو المعاد متاح الاول وشافه وكان متاح بعدين اتفرجنا علي القاعه وادهم دفع ٥ تلاف جنيه مقدم وحجزنا وراح جابلي عصير مانجا وجينا ودا كل اللي حصل زينب بستفسار : يعني انتي دلوقتي حاسه بإيه من نحية ادهم ؟ نهال بتنهيده : معرفش حسه انه شخصيه كويسه مش وحش بياخد رأيي في كل حاجه والاهم انه مش فارض نفسه عليا بالعكس بحسه جنتل في نفسه كدا يعني هو كويس زينب بستفسار اكتر : يعني مش حاسه انك اتسرعتي في الخطوه دي ؟ نهال اتنفست بقوه وقالت بسخريه : وانتي جايا تسأليني حسه ان اتسرعت او لاء قبل الفرح بأسبوع ” وقامت وقفت انا داخله استحمي وانام علشان هبطانه اوي النهارده يلا تصبحي علي خير زينب بصتلها شويه وبعدين ردت : وانتي من اهل الخير ” نهال دخلت اوضتها وقفلت الباب وغمضت عيونها تراجع احداث اليوم فضلت واقفه علي وضعها كدا شويه بعدين اتحركت وجابت بجامه ليها وفتحت باب اوضتها ودخلت الحمام تاخد شور ” ……………………………………. ” في شقة صلاح ” ” صلاح قاعد قدام التلفزيون ومراته قاعده جنبه عماله تتكلم ” نوال : ايدي من كتر غسيل المواعين والله العظيم باشت ومفيش حد بيرحم بنتك مصحياني طول الليل ولما اجي انام واطول في النوم لساعه ١٠ وانزل امك تفرج عليا الدنيا اعمل ايه في الوضع دا بقا صلاح بهدوء : معلش يحبيبتي استحملي انتي اكتر واحده عارفه امي استحمليها يا نوال نوال بعصبيه : وانااا مين يستحملني انا تعبت مقدرش استحمل كل دا لوحدي بكرا مرات ادهم هتيجي وهخدمها معاهم وما هو مرات ادهم اللي في الكليه مينفعش تغسل صحون في المطبخ ولا تعلف حيوان علي السطح ولا تصحي بدري تعمل فطار ادهم مش هيقبل كدا لكن انت عادي مش فارقه معاك صلاح بصلها بغضب : مش فارقه معايا ازاي يعني قوليلي اعمل ايه ما هو دا الجواز وهي دي الحياه واللي انتي بتعمليه هنا كنتي بتعمليه في بيت اهلك مش حاجه جديده نوال بعصبيه : كنت بعمل بس كان في كلمه حلوه بتتقال كلمه تطيب الخاطر كنت بعمل بحب مش اجبار صلاح وقف وقال بغضب : والله لو مش عجبك بيت اهلك مش بعيد روحي واعملي بالحب داهيه تاخد النيوان اللي في الدنيا كلها ” ودخل اوضة النوم ورزع الباب ” ” ونوال دموعها نزلت بزعل علي حالها كانت متخيله لما تتجوز هتعيش عيشه مرتاحه مع جوزها اللي هي اختارته بمزاجها بس الحقيقه غير اصبحت مسؤله عن زوج وعن طفله وعن عيله كامله وهي لسه مكملتش ٢٢ سنه ” ……………………………….. ” صباح نهار جديد ” ” ادهم صحي بدري صلي الصبح وطلع علي شقته فتح الباب كانت عزاله كلها منصوبه دخل الشقه فتح الشبابيك كلها وفونه رن ” ادهم ببتسامه : لاء اقلق عليكي ايه اللي مصحيكي بدري كدا نهال ضحكت بخفه : بنجهز الحجات اللي هتيجي عندكم وخشب المطبخ لسه واصل من شويه كانو بينزلوه ادهم : يووم شاق من اوله عندك انا يدوب صليت وطلعت افتح شبابيك الشقه ونازل تاني علشان افطر انتي هتيجي تفرشي معاهم ولا لاء ؟ نهال : لاء ماما وطنط نجوي مرات عمي هما اللي هيجو بس هيفرشو الشقه بس عندي طلب ادهم : اطلبي نهال بإحراج : ممكن لما الشقه كلها تتفرش وتخلص تخلي معاك مفتاح اوضة النوم محدش يدخلها اللي عايز يتفرج يتفرج بس محدش يدخل اوضة النوم ادهم بستغراب : ولا حد داخل اوضة النوم ولا حد طالع الشقه مين اللي هيطلع يتفرج ويتفرج علي ايه اصلا ؟ نهال : انا فكرت عندكم الناس بتطلع تتفرج علي الشقه مكنتش ممانعه عادي لو اهلك عايزين يتفرجو وكدا بس محدش يدخل اوضة النوم دا طلبي ادهم ابتسم : اااه انتي تقصدي امي ومرات اخويا وكدا يعني نهال بسرعه : متفهمنيش غلط والله هما علي دماغي وراسي بس اوضة نومنا بلاش حد يدخلها مش حابه كدا فاهمني ادهم : فاهمك فاهمك متقلقيش محدش طالع خليكي معايا ثواني كدا ” وطلع البلكونه ونادي بصوت عالي” صلااااح صلاح بصله من الشارع : ايييه يا ادهم ادهم : اقفل محبس الخزان يلااا الدنياا هتغرق مايه ” صلاح شاورله بموافق ” نهال سمعاني نهال : سمعاك هي العزبه عندكم عامله ازاي اشرحها ؟ ادهم بتلقائيه: متتشرحش هي بتتشاف وتتحس بس لكن الشرح مش موجود ليها بكرا تشوفيها وتعبري وتشرحي براحتك نهال ضحكت من كلامه : كلامك كله يطمن عندي امل كبير ان هنزل اجري في الاراضي لما الدنيا تشتي المنظر في بالي ادهم ضحك علي تخيلها وهو بيربط اوكرة الباب اللي لسه متركبتش : خيالك ميسرحش اوي كدا اراضي ايه اللي تجري فيها انتي فاكره نفسك مرزعه دا عزبه يا نهال بهايم ودبان وتراب عندنا هنا اللي تمشي وماسكه ايد جوزها تبقي مسيطره عليه عليكي تفهمي الباقي بقا ” نهال حست انها مش داخله علي عيله جديده وبس دي كمان داخله دنيا جديده وعالم جداد ” ادهم فونه رن وهو بيكلمها بص فيه وكان الراجل بتاع الستاير : نهال هقفل ارد علي بتاع الستاير علشان شكله تحت البيت طالع يركبهم وهكلمك تاني نهال : خلاص ماشي مع السلامه ” وقفلت معاه ” زينب دخلت عليها الاوضه بلهفه : نهال ناقص بطنيه متعرفيش هي فين ؟ نهال سابت فونها بصت فوق الدولاب : ما اهي يوم ما جبتيها قولتلك نزليها المخزن مع باقي الحجات انتي اللي كسلتي حطتها فوق الدولاب زينب ابتسمت براحه : طيب الحمدالله انها مضاعتش هبعت احمد ابن عمك ينزلها نهال بتردد : ماشي بس كنت عايزه منك فلوس زينب بستغراب : عايزه فلوس ليه في حاجه ناقصه ولا ايه ؟ نهال بدأت تفرك اديها في بعضها بتوتر : مش هلف وادور عايزه اجيب مجموعة الحمام المغربي وسألت عليها قالو الاصليه ب ٧٥٠ جنيه ادهم مديني فلوس بس برضو مش عارفه اسحب منهم محروجه زينب ضحكت علي بنتها : لاء متسحبيش حاجه من فلوس ادهم خليهم معاكي وهديكي انا فلوس تجيبي اللي نقصك بس مين اللي هيعملو ليكي نهال : انا هعمله لنفسي في بيتنا هنا شنطة المكياج والعطور فين ؟ زينب : طلعتها علشان هتروح في العربيه الشقه نهال قامت وقفت وبصت لأمها بتوتر : بصي اكيد انتي هتروحي مع العزال وهي راحه شنط هدومي وكل حاجه خاصه بيا اعرفيها ودخليها اوضة النوم ومحدش يفتحها غيرك زينب بدهشه : في ايييه يا نهال انتي محبكه الموضوع كدا ليه ؟ نهال بزهق : يا ماما اعملي زي ما بقولك وخلاص انتي خسرانه ايه يعني انا مش عايزه حد يشوف حاجتي زينب : طيب خلاص متقلقيش علي ضمانتي الموضوع دا يلا روقي كدا وشوفي وراكي ايه علي ما انزل اشوف الناقص انا ونجوي ” وسابتها ونزلت علي تحت ” ” نهال طلعت البلكونه وسندت علي الصور وفضلت تبص علي الشارع وتفكر هي لو كانت قابلت ادهم في وقت غير اللي هي فيه دا كانت ممكن تحبه ، وليه لاء هي متنكرش ان شخصيته عجباها وطريقة تفكيره عجباها قطع تفكيرها الجرس اللي بيرن قامت فتحت ” احمد بغلاسه : امك بعتاني اخد البطنيه من فوق الدولاب يا عروسه انتي اتجوزي وورطي اهلي في بدله بشيئ وشويات نهال بصتله بقرف : ادخل يلااا مش ريقالك البطنيه فوق الدولاب اللي في اوضتي خدها احمد بلوية بوز : مش رايقه ليه يمااا مصيبه ليكون العريس مزعلك مع ان اشك والله العظيم نهال لسه هترد ادهم اتصل ف ردت عليه : الوو احمد من الاوضه بضحك : يخربيت ام الرقه المزيفه ادهم سمع صوت احمد فقال بستفسار : انتي فين ؟ نهال : انا في بيتنا بس احمد طلع ياخد البطانيه من فوق الدولاب ينزلها لماما ادهم بستغراب : ااه يعني افهم من كلامك ان انتي واحمد في بيتكم لوحدكم وماما تحت نهال بتلقائيه : اه بالضبط كدا ادهم بنرفزه : هو ايييه اللي بضبط كدا انتي قاصده تنرفزيني احمد ايه اللي مطلعه فووق وانتي لوحدك نهال : يا ادهم ما انا قولتلك طلع ياخد البطانيه من فوق الدولاب ادهم بنرفزه اكبر : برضو بتقولي بطانيه يحر.ق ابو البطانيه ياستي نهال بضيق : انت متنرفز ليه ما انا قولتلك اللي حصل اعمل ايه تاااني ادهم بعصبيه : ياستي ولا تعملي ولا اعمل ابعتيلي صورة البطاقه بتاعتك علي الواتس وخلاص مع السلامه ” وقفل ” نهال نزلت الفون من علي ودنها بدهشه : دا قفل في وشي ايه اللي هو بيعمله دا ” ورنت عليه تاني كنسل اتغاظت اوي منه ” احمد اخد البطانيه : نهال انا اخدت البطانيه و نازل عايزه حاجه نهال : لاء شكرا اقفل باب البيت وراك والنبي علشان القطط متدخلش …………………………………… ” ادهم قاعد في اوضتة هيتجنن ” ادهم بعصبيه : دا اللي يعصبك اكتر انها بتتكلم بكل برود ومش فاهمه فين المشكله ” بعدين ادرك انه بيكلم نفسه ومش حاسس ” معقول اكون وصلت لدرجة ان اكلم نفسي ؟ صلاح خبط خبطه علي الباب ودخل : ايه يا عريس حابس نفسك في الاوضه ليه لسه بدري علي الحبسه دي ادهم بصله بغيظ : كملت بيك يا عم صلاح رقم واحد متدنيش اي نصايح تحت مسمي انك مجرب الجواز انت كدا كدا مش نافع اصلا رقم اتنين خدلك جنب مني اليومين دول علشان روحي في مناخيري صلاح دخل وقفل الباب وراه : اوب اوب هي العروسه بدأت جولة النكد بدري اوي كدا ليه بس اسمع مع اول مشكله بتحصل بينكم هي بتاخد بتفهم وضعك هيبقي ازاي لو من انت هديت وقولت مشكله وتعدي هي خلاص يمعلم فهمت انك تتساب وقت ما تهدي واكيد هترجع تكلمها ف بعد كدا هتسيبك انت اللي تصالح وتدادي رغم ان هيا اللي غلطانه لكن لو بقيت حمش ومش من النوع اللي يتصالح بسهوله ومرمطها والله هتبقي خاتم في صباعك ادهم بنرفزه : يابني انا هخليها خاتم في صباعي ليه انا عايزها تفهم ان الحاجه دي مينفعش تعملها بعد كدا علشان خلاص هتبقي ست متجوزه وفي حياتك راجل مبيقبلش بالغلط بص سيبك من القصص اللي ملهاش لازمه دي كلها ابوك فين صلاح : ابوك دخل ينام ساعه قبل ما العزال تيجي ادهم اخد فونه في جيبه ومحفظته ومفتاح العربيه : طيب انا رايح مشوار ١٠ دقايق عشان لو حد سأل عليا صلاح بستغراب : رايح فين كدا ؟ ادهم بصله : هروح اجيب صندوقين كاكولا يتوزعو علي الناس اللي هتيجي دي واجي يلا سلام ” وسابه ونزل ركب عربيته ومشي ” ” في المطبخ ” ” نوال واقفه بتجهز غدا وبتغسل المواعين ، وغزل قاعده جنبها علي رخامه المطبخ بتعيط من غير سبب ” نوال : خلاص يا غزوله بطلي عياط يقلبي وانا هجيبلك كل اللي انتي عيزاه سلوي دخلت المطبخ بصت لنوال : نوال اعمليلي كوباية شاي حاسه ان الصداع هيفرتك دماغي نوال : حاضر هخلص بس غسيل الرز وهعملك كوباية شاي سلوي : طب ما تولعي علي البراد جنبك علي الشاي وانتي بتغسلي الرز يكون غلي ايه اللي هيحصل يعني نوال غمضت عينها بغضب وهي عينها للحوض : حاااضر دلوقتي هولعلك عليه واجيبلك كوباية الشاي لحد عندك متتعبيش نفسك انتي انا هعمل الشاي وهسكت غزل وهعمل الغدا وهنضف البيت وفي الاخر مبعملش حاجه برضو سلوي بعصبيه : انتي عايزه ايه يعني شيفانا فرحانين قولتي انكد عليهم شويه صلااااح صلااااح صلاح جيه علي صوت امه : في ايه يمااا بتزعقي ليه سلوي بعصبيه : والله شوف مراتك اللي فرغت عينها من الكل ومحدش عاد قادر يكلمها بقولها اعمليلي كوباية شاي مش الصداع هيكس.ر دماغي ومش قادره اقف اعمل اديتني موال كأنها اللي شايله البيت يا اخي ربنا ميحوجني لحد ” وسابت المطلخ وطلعت ” صلاح بص لمراته بغضب : يعني حتي كوباية الشاي مش طايقه تعمليها الوليه بتقولك تعبانه ومش قادره تقف اعتبريها امك ياستي والنبي هقولك ايه بعد كل اللي بقوله ” سابها وطلع من المطبخ ” نوال غمضت عينها ودموعها نزلت قالت بهمس : في ايه بتعيطي ليه انتي مفكره انه هيجي ينصفك المفروض تكوني اتعودتي ” وبصت لابنتها اللي بتعيط وعماله تزن شالتها وطلعت علي شقتها سابت الكل ” ………………………….. ” في حدود الساعه ٤ العصر ” ” اكتر من عربيه شايله عفش نهال ووصلو البلد والعربيات بتزمر علي اساس بيزفو العزال في عربيه ملاكي راكب راشد ورامي واحمد وفي توكتوك وراهم نجوي وزينب ” ” قدام البيت واقف سالم والشيخ عطيه وصلاح وادهم وفي برندة البيت وقفه لمياء وجمليه وسلوي بيزغرطو وفي الدور التاني واقفه نوال في البلكونه هي وبنتها واهل العزبه كلهم بيتفرجو علي العفش اللي جاي ” راشد نزل من العربيه : يلا يرجاله علي اقل من مهلكم وطلعو العزال بنظام علشان مفيش حاجه تتكس.ر ” وفعلا العزال الرجاله بدأت تطلعهم وادهم معاهم وايده في كل حاجه ” في البرنده ” زينب طلعت وسلمت علي ام ادهم : العوافي عليكم سلوي حض.نتها بحب : نورتي العزبه كلها يا ام نهال والله العظيم ” وبصت للمياء ” دي ام نهال ” وبصت لزينب ” ودي لمياء اختي زينب حض.نتها : اتشرفت بيكي يحبيبة قلبي كنا عايزين نطلع علي الشقه علطول اتحرجنا من الرجاله سلوي جابت كراسي : اقعدو بس الاول كدا علي ما نجيب الحاجه الساقعه نشربها وبعدين اطلعو الشقه شوفو هتعملو فيها ايه براحتكم لمياء : انتو هتفرشو النهارده ولا ايه ؟ زينب : الفرح الخميس الجاي ومفيش وقت ربنا يدينا الصحه انا ونجوي ونفرشها النهارده علشان بكرا هوصي علي كحك وبسكوت الصباحيه ومش هبقي فاضيه سلوي ببتسامه : ربنا يعينكم يارب ويديكم الصحه واحنا معاكم اهو برضو لو احتاجتو حاجه هنيجي نساعدكم زينب ابتسم بمجامله : متحرمش منك ابدا يحبيبتي ” وفضلو قاعدين لحد ما العزال كلها طلعت الشقه ، ادهم راحلهم البرنده ” ادهم : ام نهال العزال كلها طلعت الشقه لو عايزه تطلعي اطلعي زينب ابتسمت وقامت وقفت : طيب هنطلع احنا علشان نشوف هنعمل ايه ” وطلعو علي الشقه ” سلوي : ادهم هي جايبه شاشتين ولا شاشه واحده ؟ ادهم لسه هيرد علي امه فونه وكانت نهال بص لامه : ثواني يما جايلك ” وبعد شويه وفتح عليها ” الوو نهال بضيق : مبتردش علي الواتس ليه وكل ما ارن تكنسل عليا ليه ؟ ادهم بنرفزه من عدم تقديرها : مبردش عليكي علشان مش فاضي بطلع العزال وبحاسب العربيات وبتأكد حاجه اتكس.رت ولا لاء وميت حوار بعمل فيه لوحدي نهال حست فعلا انه مضغوط ف اتكلمت بهدوء : هاخد من وقتك دقيقه وبعدين هسيبك تكمل اللي وراك اولا احمد ابن عمي اكبر مني بسنه اتربينا سوا انا بعتبره اخويا علشان معنديش اخوات وهو كذابك بيعتبرني زي تغريد وضحي اخواته ممكن تمون فهمتني غلط انه هو هنا وماما مش موجوده بس دا مش اول مره يعملها من قبل ما تدخل حباتي وهو بيعمل كدا ف عادي بنسبالي مكنتش اعرف انك هتضايق ادهم اتبسط لما اعترفت بغلطها بس اتكلم بنبرة عاديه : شوفي انتي قولتي ايه من قبل ما ادخل حياتك يعني انتي دلوقتي تراعي شكلي وتراعي احساسي ك راجل لو هو مين ملوش الحق يفضل معاكي في الشقه لوحدكم يعني ايه اكلم مراتي تقولي انا مع احمد بياخد البطانيه والنبي دا كلام ؟ نهال اتنهدت وردت : انا اسفه وحقك عليا اتمني متزعلش مني ادهم ببتسامه : مش زعلان يا قمر المهم مضطر اقفل علشان سايب الدنيا تضر.ب تقلب ورايا وجيت اكلمك نهال ابتسمت : يلا مع السلامه ” وقفلت معاه وهي مبتسمه بس مبتسمه ليه متعرفش السبب بس كل اللي مسيطر عليها كلمة مراتي قد ايه كلمه غريبه بنسبالها بس ليها متعه خاصه في نفس الوقت ” …………………………….. ” في شقة نوال ” ” جرس الباب رن راحت فتحت وكانت جميله ” نوال : تعالي يجميله ادخلي جميله دخلت بعد ما قلعت الشبشب : مشوقتيش العزال ولا ايه ؟ نوال ببتسامه: شوفتهم من البلكونه عندي بسم الله مشاء الله حاجتها كلها روعه جميله : علي فكره حاجتها مش الواو بالله في مطبخ اسود وجايبه التلاجه فريش يعني حاجتها فيه الاحسن منها برضو نوال بتنهيده : ياستي جابو علي قد مقدرتهم ايه اللي حصل يعني بعدين الجوازه جت في ثانيه في ثانيه يعني ملحقوش برضو كتر خيرهم جميله : اصلا امها كانت تحت مرتحتلهاش كدا ” لما ملقتش رد من نوال غيرت الموضوع ” طيب هسألك سؤال بنسبالك جوار عن حب ولا جواز صالونات نوال اخدت نفس كبير وطلعته : في مثل بيقولك خدي اللي يحبك ومتخديش اللي تحبيه طبقي المثل دا علشان اكتر حاجه صدقتها هو المثل دا واقعي بشكل مرعب ” زينب ونجوي فضلو من الساعه ٥ المغرب لحد الساعه ١٠ بليل وهما بيفرشو في الشقه ، قعدو علي الصالون في شقة ادهم بتعب وارهاق ” نجوي بتعب : قومي هاتي ازازة المايه اللي علي البار مش قادره اقوم روحي طلعت زينب بصت علي ازازة المايه اللي علي البار بتعب : انا حاسه ان الازازه دي في اخر العالم لو قادره اقوم اشرب هقوم نجوي قامت بوجع : ضهري اتقطم يولاااد ” وجابت ازازة المايه شربت وناولتها لزينب ” كدا اوضة الاطفال واوضة النوم خلصو الباقي كله سهل بقا زينب بصت علي باقي الشقه المكركبه بتعب : احنا نروح وبكرا نروح عند الراجل بتاع الكحك ونرجع نكمل باقي الشقه ” وفونها رن ” الوو ايه ينهال نهال : ايه يا ماما انتي اتأخرتي كدا ليه معقول كدا دا مخلصتوش ؟ زينب : نخلص ايه دا احنا عملنا اوضة النوم واوضة الاطفال وقفلناهم وادهم جاب الكهربائي ركب التكييف والنجف كله ولسه الصالون والصاله والمطبخ معملناش فيهم حاجه نهال بدهشه : لييه هي الشقه كبيره اوي كدا ؟ زينب : اه كبيره عكس ما توقعت خالص اوضة النوم فيها حمام خاص والمطبخ كبير اوي الراجل قعد ٣ ساعات يركب فيه كنا خلصنا فرش اوضة النوم نهال : طيب وهدومي اترتبو في الدولاب ؟ زينب بتنهيده : اه كله خلص اللي عايز يطبق طبقناه واللي عايز يتعلق علقناه وقفلنا الاوضه وادهم خد المفتاح بتاعها معاه نهال بدهشه : وادهم اخد المفتاااح لييه كنتي تخديه معاكي انتي زينب بعصبيه : يوووه انا هاخد مفتاح اوضة نومك انتي جوزك ليييه متخلي عندك عقل يابت انتي في اييه نهال بضيق : ما هو ممكن يفتحها ويشوف حجااتي زينب بزعيق : ما يشوف يا متخلفه انتي عبيطه ولا ايه دااا هيبقي جوزك يعني الهدوم اللي انتي خايفه يشوفها وهي في الدولاب دي هيشوفها عليكي يلاا سلام مش فاضيه انا شويه وجايه ” وقفلت في وشها ” نجوي : في ايه بتزعقي للبت كدا ليه ؟ زينب بتنهيده : البت دي مش نافعه في الجواز وهتغلب ادهم البت خايفه لادهم يدخل يفتح الدولاب يشوف هدومها عيزاني اخد مفتاح الاوضه وانا مروحه وزعلانه انه اخد المفتاح والنبي دا كلام يرضي حد نجوي بضحك : يحزن الحزن عليك يا ادهم وعلي اللي هتشوفه علي ايد نهال هتوريه النجوم في عز الضهر يلا يلا خلينا نشوف هنعمل ايه خلينا نخلص علشان نمشي ” قامت زينب ونجوي كملو ترتيب في الشقه وهما مش حاسين ولا بالوقت ولا بتعبهم ” ” ادهم رن جرس الشقه وفي ايده صنية كبيره عليها اكل ، فتحت زينب الباب ” زينب ببتسامه : يعني انت مكلف نفسك ليه يا ادهم ادهم ببتسامه : مكلف نفسي ايه انا عملت حاجه ولا في حاجه من مقامكم ” وحط الاكل علي طربيزة السفره ” يلا هسيبكم انتو تكملو شغلكم ولو احتاجتو حاجه نادي عليا ” زينب ابتسمت : حبيبي ربنا يجعل الخير دايم عندكم والله يا ادهم انت طيب صعبان عليا انك واقع حظك مع نهال ادهم ضحك : ياستي انا طيب مع الطيب بس نهال والله قلبها طيب هي بس بتدعي القوه زينب : ربنا يخليكم لبعض ويهنيكم يحبيبي يارب ادهم ببتسامه : اللهم امين يارب يلا اسيبكم انا ” وقفل الباب ونزل علي تحت ” سلوي قابلت ادهم علي السلم : هاا خلصو ولا لسه ؟ ادهم : الشقه فوق بعضها لسه يدوب خلصو اوضة النوم والاطفال وقفلوهم سلوي بدهشه : يووه من العصر لحد دلوقتي وهما في اوضتين طب اعمل ايه اطلع ابص عليهم ولا مطلعش ادهم باس راسها : متتعبيش نفسك يا ست الكُل بكرا الشقه تخلص كلها هاخدك تتفرجي براحتك ودلوقتي عايز كوباية شاي من ايدك الحلوه دي سلوي ببتسامه : عنياا ليك يا روح قلبي ” ونزلت من علي السلم دخلت علي المطبخ تعمل شاي ” ……………………………. ” في بيت زينب في دكرنس ” ” تغريد وضحي واقفين قدام باب الحمام ماسكي.ن فوط وعلبة كريما.ت كبيره ، ونهال في الحمام بتعمل الحمام المغربي ” تغريد خبطت علي باب الحمام : هااا خلصتي ولا لسه نهال بضيق : انا جسمي احمر الليفه دي عقاااب سلخت جسمي تغريد بضحك : ياستي كل دا طبيعي علشان الليفه لتقشير الجسم المهم خلصتي نهال فتحت الباب وهي لافه جسمها بفوطه وقالت بضيق : جسمي كله بيحر.قني ياريتني ما عملته في برطمان ازرق ريحته حلوه اوب دا لإيه تغريد : دا بيخلي ريحة الجسم حلوه مهما بتحطي مايه برضو الريحه بتفضل ثابته علي الجسم عملتي منه نهال بصتلها وهي حاسه ان جسمها بترعش من البرد : عملت بس ادهنيلي ضهري وكدا اكون خلصت وانجزي علشان جسمي متلج من البرد ضحي طلعت من البلكونه وفي ايدها فون نهال : فونك رن ٣ مرات بس انا مردتش نهال بستغراب : مين اللي بيرن عليا ؟ ضحي فتحت الفون : علي الاغلب ادهم علشان الرقم متسجل بِ اموجي الدبله دا نهال اخدت منها الفون ورنت علي ادهم اللي رد بعد شويه : الوو ادهم بنرفزه : ميتين ام فووونك فين بقالي نص ساعه برن عليكي فييينك ؟ نهال استغربت نرفزته فردت بهدوء : كنت مشغوله ومسمعتش الفون في ايه اللي حصل ادهم بصوت عالي : ايوااا مشغوله في ايه الساعه ١٢ بليل وانتي لوحدك في البيت فكرت حصلك حاجه نهال ابتسمت علي قلقه عليها : انا مش لوحدي معايا تغريد وضحي ومتقلقش انا كويسه ماما خلصت ولا لسه ؟ ادهم سكت شويه ومسح وشه بإيده ورد بهدوء : لسه باقي المطبخ الشقه كلها خلصت الحمدالله نهال بستنكار : انت لسه متنرفز ؟ ادهم بهدوء : لاء مش متنرفز انا مضغوط مش اكتر ولما اتصلت عليكي وملقتش رد قلقت عليكي نهال بصت للبنات وعملت كتم : بنات دقايق وجايا ” ودخلت علي اوضتها وقفلت الباب ” مضغوط من ايه ؟ ادهم اتنهد بقوه : في مشاكل في المصنع في السعوديه وبحاول احلها بالفون بس شكل الموضوع مش نافع نهال : يعني ناوي علي ايه ؟ ادهم : ربنا يسهل انا كلمت ناس صحابي هناك وفهمتهم الوضع يمكن يحلو الدنيا والموضوع يتقفل لما نشوف المهم انتي كنتي بتعملي ايه ؟ نهال معرفتش تقول ايه فَ ردت بتوتر : مكنتش بعمل حاجه ادهم بستغراب : قولتي كنت مشغوله فَ كنتي مشغوله في ايه ؟ ” نهال كحت في الفون بتوتر وخجل ومعرفتش ترد ففضلت ساكته ” ادهم بدهشه : سر في الدوله وخايفه تقولي ولا ايه ؟ نهال وشها احمر من الإحراج : اصل مش حاجه مهمه يعني حاجه عاديه ادهم بدء يحس انه امر خاص ف حب يضايقها : اوك ايه هي الحاجه العاديه دي حابب اعرفها ولا مش من حقي ؟ نهال اتنفست بصوت مسموع من شدة التوتر : لاء من حقك محدش قال حاجه بس يعني هي ” وكحت ” حاجة بنات ملكش فيها ادهم ضحك لانه متخيل شكلها : كنت حاسس والله المشكله ان انا متخيل شكل وشك عامل ايه دلوقتي نهال بضيق : والله انك انسان مستفز ولو سمحت اقفل لان ورايا حجات كتير ادهم بضحك : متزقيش طاااايب محدش يعرف يهزر معاكي ولا اي نهال ضحكت علي كلامه وقالت ببتسامه : فعلا لازم اقفل لان ورايا حجات مستعجله هخلص وهكلمك ادهم ابتسم بتفهم : خلاص تمام مع السلامه ” وقفل وهو مبتسم اوي ، مستغرب نفسه ازاي غارق في تفاصيلها بشكل دا وهو مكنش مهتم بأي ست ربنا خلقها اصلا ” نهال قفلت الفون وهي بتترعش من البرد فتحت الدولاب طلعت هدوم ليها ولبستها : يخريب التلج اللي في الدنيا همووت من البرد يعالم ……………………………. ” الساعه اصبحت ١ بعد منتصف الليل ، نزلت زينب ووراها نجوي من علي السلالم بعجوبه من شدة التعب والارهاق ، ادهم وامه وابوه كانو صاحيين في الصاله اول ما شافوهم وقفو ” سلوي : انا عارفه ان روحكم طلعت في الشقه كتر الف خيركم زينب ابتسمت بتعب : يلا ربنا يتمم عليهم بخير سلوي مسكت ايد زينب ونجوي تقعدهم : طب تعالو يلا ارتاحو شويه انا عارفه السلالم بتاعتنا صعبه زينب برفض : حبيبتي يا ام ادهم والله بس احمد واقف تحت مستنينا بالعربيه علشان نروح ادهم بصلهم بلوم : يعني تتصلو ب احمد علشان يروحكم وانا موجود يعني دا ينفع زينب ببتسامه : انت اتهديت النهارده والعزال بتطلع كتير خيرك والله نزلنا براحه لتكونو نمتو ” وفونها رن وكان احمد كنسلت ” يلا هننزل احنا مش عايزين حاجه سلوي مشيت معاهم هي وادهم لحد الشارع تحت : طب يعني تمشو كدا من غير ما تتعشو ولا تشربو حاجه زينب ببتسامه : خيركم سابق يحبيبتي والله ادهم راح سلم علي احمد : ابو حميد … يعني لما انت هنا مطلعتش علي فوق ليه ؟ احمد ببتسامه : انا لسه واصل والله علشان اخدهم هنيجي بقا يوم الفرح ادهم : بإذن الله يغالي ” زينب ونجوي ركبو العربيه مع احمد اللي اخدهم ومشي ، وادهم وامه طلعو علي البيت ” ادهم بتعب : انا مقتوول من التعب وميت نوووم سلوي طبطبت علي ضهره : عارفه انك اتعدمت العافيه النهارده ادخل اسخنلك صدر الدكر بحبة شوربه تاكل بقا ؟ ادهم برفض : لالا صدر دكر ايه الساعه واحده بليل معرفش انام سلوي : انت متغدتش يا ادهم وداخل علي جواز يابني ادهم غمز بضحك : وصدر الدكر ماله ومال الجواز يوليه سلوي بضحك : ازاي بقا دا ماله ونص دا الجواز بيهد ولا انت ناوي تقصر رقبتنا يا باشااا ادهم ضحك بقوه : لاء متقلقيش هشرفكم وهشرف البلاد المجاوره كمان ” واتكلم بتعب ” لالا لازم انام دماغي بدأت تصدع ” سلوي بحنان : طيب ادخل نام يبا افرد ضهرك علي السرير ريحه ” ادهم فعلا دخل غير هدومه ونام علي السرير مسك فونه علشان يرن علي نهال لكن لاقي نفسه من شده التعب نام من غير ما يحس ” ………………………………….. ” اول ما زينب دخلت البيت استقبلتها نهال بلهفه ، لكن زينب مكنتش حاسه بجسمها راحت اترمت علي الكنبه اللي في الصاله ” نهال بدهشه : مامااا حصلك ايه زينب بتعب : علقه … انا لو كنت اخدت علقه مكنتش هتعب كدا ضهري رجلي ايدي جسمي مش حاسه بأي حاجه من شدة الوجع مش قادره احدده فين نهال بلوم : قولتلك متخلصيش الشقه في يوم واحد انتي اللي اصريتي زينب قلعت الطرحه وهي لسه مرميه علي الكنبه : امال افضل راحه جايا من دكرنس للعزبه كل يوم المهم الحمدالله انها خلصت بس في حاجه استغربتها وانا هناك مشوفتش البت سلفتك خالص نهال بستغراب : ليه يعني امال هتكون راحت فين ما يمكن تكون طلعت شقتها زينب : ممكن برضو .. هناك بت تانيه قصيره شويه كدا مرتحتلهاش ابدا نهال بتفكير : مين التانيه القصيره دي زينب افتكرتها وقالت بدهشه : كانت واقفه جنب حما.تك واختها البت يختي شيفاني واقفه عيني في عينها كدهو ولا تيجي تسلم عليا ولاا كأني واقفه نهال : مين دي تكون جميله بنت خالة ادهم ؟ زينب : انا عارفه بقا ” وقالت ببتسامه ” العزبه كلها بيتوتها وحشه اوي بس بست ادهم جميل يمكن احسن بيت شوفته هناك والشقه خرافه بعد ما اتفرشت بقت تحفه نهال بلهفه : مصورتهاش ؟ زينب ببتسامه : لاء قولت تبقي مفاجأه كدا نهال : طيب والحاره هناك حلوه ولا وحشه ؟ زينب بستغراب : حارة ايه دا العزبه كلها علي بعضها متجيش ٢٠ بيت عزبه صغيره اوي تفتحي البلكونه بتاعتك الصبح كدا تصطبحي علي زريبة بهايم تفتح النفس نهال بقرف : الله يطمنك والله العظيم زينب بصتلها بتركيز : انا عامله ايه في وشك فيكي حاجه غريبه كدا نهال ببتسامه : من ساعة ما مشيتي وانا وتغريد فاتحين البيت كوافير عملت تنضيف بشره وعملت الحمام المغربي وعملت فرد لشعري استني شمي كدا ” قربت رقابتها من وش امها ” زينب شمت ريحتها : الله ايه الريحه الحلوه دي بس انتي عملتي الحجات دي من دلوقتي ليه مش كنتي تستني قبل الفرح بيوم حتي نهال : ما تنا كنت مفكره زيك كدا بس لما سألت قالو اعملي الحمام النغربي قبل الفرح بفتره علشان تشوفي جسمك هيستقبل الخلطات دي ولا لاء ولازم كل يوم تحطي من البرطمان اللي ريحته حلوه دا علشان كل ما بتحطي الريحه بتثبت في الجسم اكتر فهمتي زينب : انا مش فاهمه حاجه في الكلام دا كله المهم انتي عارفه بتعملي ايه لما ادخل انام علشان حسه نفسي هيغمي عليا من التعب ” وسابتها ودخلت اوضتها تنام ” ” نهال فكت شعرها اللي اتفرد وبقا ناعم عكس طبيعته تماماا وبصت لنفسها في المرايا بتاعت البار الصغير اللي في صالتهم ” نهال جابت شعرها علي جنب وهي فرحانه ان شعرها ناعم : يسلاام لو الواحد شعره ناعم كدا طبيعي عليا النعمه كنت ابقي احلي من جورجينا بس هو كدا الحلو ميكملش ” وقالت بتفكير ” طب احنا دلوقتي فردنا الشعر والراجل اللي هيتجوزني دا هيشوفو ناعم بعد كدا هعمل ايه لما يرجع علي طبيعته ” ضحكت وقالت بثقه ” نفرد امه من تاني ودخلت علي اوضتها وهي بتغني : جميع البشر يتساوو ولا تشوف عيوني زيك ” ونامت علي السرير واتغطت كويس ودخلت في ثبات عميق مع النوم ” …………………………. ” الايام عماله تمر مفيش اي جديد بيحصل الشقه مفروشه وشكلها تحفه والشاشه مفتوحه علي القرآن ديما ، ادهم مشغول جدا بالمشكله اللي في شغله وتقريبا طول اليوم شغال علي اللاب بيكلمهم في السعوديه الكلام قل جدا بينه هو ونهال ، كل يوم نجوي تاخد عيالها وتروح عند زينب يفصلو يرقصو لخد ما يهبطو ويروحو ، نهال كل ما معاد الفرح بيقرب كل ما الخوف والتوتر بيتملكو منها اكتر ، لحد ما مر الاسبوع كله ” ” صباح يوم الفرح “ ” نهال كانت نايمه في سريرها بكل راحه لكن مفتحه عيونها ومركزه علي سقف الاوضه وبس ، هتسيب اوضتها بلدها عيلتها كل حاجه تخصها في المكان دا علشان تروح بيتها الاساسي هتعيش مع ناس تانيه مع راجل مسؤله عنه هتقوم بكل واجبات امها دلوقتي فهمت ليه بيقولو البنت ضيفه في بيت اهلها قطع تفكيرها زغروطة امها لما دخلت الاوضه وشايله فستان فرحها المتغلف ” زينب ببتسامه : صباح الخير يا عروسة الفستان جيه اهو ويلا قومي افطري علشان احمد هيوديكي انتي وتغريد الكوافير نهال بصت لأمها اللي علقت الفستان علي اول الدولاب وقامت حض.نتها بقوه : عارفه هتوحشيني اوي زينب حض.نتها بحب قلبها واجعها ان بنتها وحيدتها هتسيبها بس دي سُنة الحياه وشيئ مفروغ منه ف قالت بمرح : ايه الحب اللي نزل عليكي فجأه دا بقااا نهال بصتلها ببتسامه وعيونها فيها دموع : انا عارفه ان كنت بغلبك كتير وعارفه برضو ان مكنتش بساعدك في شغل البيت بس انا بحبك اوي يا ماما كان نفسي افضل عايشه معاكي طول الحياه متجوزش زينب مسكتها من ايدها وقعدتها علي السرير وقعدت جنبها : تقعدي جنبي طول العمر ومفرحش بيكي ولا تتجوزي جوازه حلوه وتبقي في عصمة راجل مسؤل ويعرف يحافظ عليكي يا نهال ؟ نهال ميحت دموعها وقالت بخوف : بس انا خايفه من الحياه الجديده خايفه من المسؤليه اللي معرفش عنها حاجه ماما لو ادهم قالي عايز أكل من ايدك هقوله مبعرفش اطبخ معرفش وقتها ردة هيكون ايه زينب ابتسمت : هيصبر عليكي لحد ما تتعلمي كل حاجه انا كنت متجوزه مبعرفش اطبخ بس بعدين اتعلمت انتي كنتي معتمده عليا بس لما تلاقي نفسك لوحدك هتعتمدي علي نفسك وتعملي نهال انتي رايحه بيت عيله عارفه يعني ايه ال ١٩ سنه اللي عشتيهم معايا دول وانا ربيتك فيهم هتطلعيهم هناك نهال بعدم فهم : يعني ايه مش فاهمه ؟ زينب : يعني جوزك دا الكبير في عيلته يعني ليه احترامه متعليش صوتك عليه اللي يعصبه ابعدي عنه احترمي كلمته واوعي تقلي منه قدام اهله اللي يقولك عليه اسمعيه حما.تك تعتبريها انا تحترميها وتشليها علي راسك العيله كلها ليها احترامها علشان يدعو ليا انا وابوكي يقولو عرفو يربو فاهمه كلامي نهال هزت راسها : فاهمه كلامك … هتجيلي هناك صح ؟ زينب حض.نتها : هجيلك وانتي كمان هتجيلي المهم مش عيزاكي تخافي يقلبي ادهم حنين وعمره ما هيزعلك قدمي ليه احسن ما عندك هو لما يلاقيكي كدا مستحيل يرفضلك طلب وهيشيلك في عينه متعنديش معاه واللي يقولك عليه قوليلو حاضر خليكي لينه معاه متعصيهوش و هو ابن حلال هيتقي ربنا فيكي انا متأكده نهال ضمت امها بقوه : حاضر يا ماما زينب بعدتها بحب : يلا قومي اغسلي وشك والبسي وتعالي برا اكون جهزت الفطار تفطري علشان تروح الكوافير ” وطلعت برا الاوضه راحت علي المطبخ ” ” نهال غمضت عيونها واتنفست بقوه وقامت فتحت دولابها طلعت سوت ابيض واسع ومريح وطرحه بيج وسليبر بيج رقيق واخدت فوطه وطلعت برا الاوضه راحه للحمام ” تغريد كانت قاعده في الصاله بتحط منكير : صباح الفل يا عروسه نهال ببتسامه : صباح النور قومي بقاا اتلحلحي كدا هتلاقي شنطة سفر في الدولاب حطي فيها البرفان والهيلز والإكسسورات وكل اللي هناخده الكوافير علي ما اخد شور تغريد : طيب ماشي اخدتي العلبه اللي ريحتها حلوه دي علشان تدهني جسمك نهال غمضت عينها بتذكار : والله نسيت ” ودخلت جابتها وطلعت ” اخر حته فيها قومي كدا تعالي تغريد قامت بعدم فهم : في ايه ؟ نهال : قربي مني كدا كأنك هتحض.نيني شوفي هتشمي ايه تغريد اول ما قربت منها شمت ريحه جميله اوي : واو شمه ريحه حلوه اووي زي ما تكوني حطه مخمرية العود كدا نهال ببتسامه : بقالي اسبوع بستخدم العلبه اللي مع مجموعه الحمام المغربي لحد ما عملتلي ريحه تحفههه كدا المهم لما ادخل استحمي علشان منتأخرش ” ودخلت بسرعه علي الحمام وهي بتغني ” جميع البشر يتساوو ولا تشووف عيوني زيك حتت اغنيه عليا النعمه رايقه ” تغريد دخلت اوضة نهال جابت الشنطة من الدولاب فتحتها وحطت فيها كل الحجات اللي هيستخدموها عند الكوافير ” ……………………… ” قدام بيت الحاج سالم خيمة كبيره وكراسي وتقريبا العزبه كلها موجوده في الطباخ ، الكراسي اللي في الشارع مليانه ناس البرنده فيها ناس البيت من جوا في ناس ” ادهم واقف يشوف السفره الاولي ناقصها ايه يجيبه صفر لمحمود اللي مساعد الطباخ : محمووود هاات وجبه هناا وزود الرز شوويه محمود : عنيااا يا عريس حاضر ” ودخل عند المكان اللي الطباخين بيطبخو فيه يجيب الوجبات الناقصه ورجعله ” احلي وجبه يا باشا ادهم ابتسم وادخد منه الوحبه حطها علي الطربيزه : تسلم يا طه بقولك اييه العيال الصغيره كلها تاكل براحتها اوعي اسمع ان حد مشي عيل ولا كس.ر بخاطره محمود ببتسامه : عيوني يا باشا حاضر هروح انادي السفره الاولي تدخل ” ومشي نادي الرجاله بتاعة السفره الاولي ” ” الكل دخل وباركو لأدهم اللي ابتسم ليهم كلهم وطلع برا الخيمه ” بتاع المكرفون اول ما شاف ادهم : واحلي مسااا علي عريس الليله احنا بنحييه وبنمسي عليه ادهم ابتسم وطلع عشرين جنيه وادهاله : حبيب قلبي عقبال حبايبك صلاح جيه عليه : اييه يا زعيم صاحي انت من الفجر لحد دلوقتي هتيجي بليل تنام قتيل تعرنااا كلناا ادهم حط ايده علي كتفه بغمزه : من نحية هنام فَ انا هنام بس قاتل وافهمها انت يا ريس صلاح ضحك اوي : معلم عليا الطلااق معلم ومحدش قدك ادهم ضحك وبص علي ابوه اللي بيشاورله : هروح اشوف ابوك بيشاور ليه وانت تابع كدا السفره لو حد ناقصه حاجه ” وراح علي ابوه ” هاا يا حاج كنت بتشاور ليا في حاجه ولا ايه سالم بص لأمجد صاحبه وبعدين بص لادهم ببتسامه : سلم علي عمك امجد صاحب عمري من عزبه العبيد ادهم ببتسامه : شرفتني يا عم امجد الفرح نور بيك والله يغالي امجد ابتسم بحب : الف الف مبروك ربنا يتمم بخير ” ادهم فضل واقف مع ابوه يستقبل اللي بيجي ويودع اللي بيمشي ” ” في البرنده ” سكي.نه جيران سلوي : الا يا سلوي ربنا يحميه لبشابه ادهم مياخدش منصور معاه في المصنع الولا في السعوديه واخدها كعب داير مش لاقي شغل سلوي : هقوله يما حاضر من عنياا منصور زي ادهم برضو سكي.نه ببتسامه : انشالله يخليه ويسعده ويشوف الفرح كله ادهم ابن سلوي وسالم لمياء : والنبي خاسس ومتغير قلب خالته سلوي : اكلته خفيفه اووي وعايز طول النهار يا شاي يا قهوه يا شاي يا قهوه حريقه في الاتنين المهم هقوم اشوف المايل حالها نوال فين مش عارفه قالبه وشها بقالها فتره ليه لمياء بستغراب : ليكون صلاح مزعلها يابت ؟ سلوي : هو صلاح بيزعل حد دا حزين ولا ليه في الطور ولا في الطحين معرفش ديك النور بتقوله انا عايزه فستان وعايزه اروح لوحده اعمل مكياج يوم الفرح لمياء بلوية بوز : ليه هي العروسه ولا ايه اهو كهن بنات ما جميله بنتي عامله الافلام دي كلها النهارده برضو واشي ضوافر واشي رموش ومواضيع فارغه سلوي : اهي دي النسوان وراحت جابت فستان ليها ولبنتها وتصدقي بالله لمياء : لا اله الا الله سلوي بهمس : قسما بالله ادهم مديني انا ابوه ٢٠ الف جنيه وجايبلي جلابيه وهو جاي تقولي بتاعت عروسه بترتر من كل حتي رغم ان العزال من فلوسه مدفعناش جنيه الفرح كله من فلوسه من مجاميعه من فلوس ادهم غير القاعه اللي حاجزها غير فستان مراته والكوافير لمياء : وهو حاجز قاعه ليه معملش فرح في الشارع ليه وهيصو شويه واخدها وطلع شقته سلوي : البت واخده كليه وشايفه نفسها وادهم عايز يفرحها حجزلها قاعه والله العظيم ب ٣٠ الف جنيه لمياء : والله هلكة فلوس وشوشره علي الفاضي ربنا يعديها علي خير يارب سلوي : يارب ” وقامت تشوف نوال فين ، كانت نوال قاعده مع امها واختها وجيرانهم بتضحك ومبسوطه وعلي رجلها بنتها ” ………………………… ” في الكوافير ” ” دخلت نهال برفقة تغريد اللي شايله الشنطه ونهال الفستان وحسه انها هتمو.ت من تقله ، راحت علي البنت اللي قاعده علي الحساب ” نهال ببتسامه : صباح الخير في حجز هنا بإسم نهال احمد راشد البنت بصت في اللاب واتأكدت : ايوا يفندم موجود اتفضلي اطلعي الدور التاني هتلاقيهم كلهم في انتظارك ” نهال شكرتها وطلعت علي الدور التاني كان اكتر من بنت منتظرين نهال ” احلام المساعده اخدت منها الفستان ببتسامه : الف مبروك يا عروسه ادخلي اقلعي والبسي الطقم الداخلي والروب واتفضلي علي الكرسي نهال مسكت ايد تغريد : هاتي الشنطه وتعالي ” وراحت علي الحمام ووراها تغريد وبنت كمان اسمها كريمه ” كريمة ببتسامه : لو عايزه تخدي شور اتفضلي نهال : لاء انا واخده شور هلبس بس الطقم واجيلك ” ودخلت الحمام وتغريد نولتها الطقم والروب لبسته وطلعت ” ” كريمة اخدت ازازة برفان وجايه ترش علي جسم نهال ” نهال بعدت : لااء مش عايزه برفان علي جسمي شكرا كين هيعملي الميكب ؟ كريمه ابتسمت : تعالي اقعدي علي الكس.ر نشوي هي اللي هتعملك الميكب جت نشوي عليها وابتسمت : الف الف مبروك نهال ببتسامه : الله يبارك فيكي تسلميلي نشوي ببتسامه : انتي هتعملي حجات دي عرفاها بس هل ليكي طلبات معينه في الميكب ؟ نهال : بصي انا مش عايز لينسز ومش عايزه رموش عايزه عيني طبيعيه وعايزه فاونديشن خفيف مش طبقات والميكب كله نود المهم ان انا مش عايز اڤوره بمعني اوضح نشوي بتركيز : عيوني يجميل حاضر رجعي راسك علي الكرسي بقا وسبيلي نفسك خالص ” نشوي بدأت تعملها الميكب وكريمه قعدت قدامها تركبلها ضوافر من اختيار نهال ، وتغريد بدأت واحده كمان تعملها ميكب لكن الفون اللي علي رجلها رن ” تغريد بصت لنهال : نهال دا ادهم نهال فتحت عيونها واخدت الفون منها وردت : الوو ادهم ببتسامه : يعني صحيتي ومهانش عليكي ترني علياا نهال بإحراج علشان الكل بيبص عليها ف قالت بهمس : انا صحيت متأخر فطرت ولبست وروحت انا وتغريد للكوافير ادهم بستغراب : رايحين بدري اوي دا لسه الساعه اتنين نهال ضحكت بخفه : هتشطب وشي وبعدين هخلص علي المغرب تكون جيت اخدتني وروحنا علي السيشن ادهم ببتسامه : خلاص تمام اول ما تخلصي اتصلي عليا هقفل انا علشان معطلكيش ” وقفل ونهال قفلت فونها ورجعت راسها علي الكرسي ونشوي بدأت تكملها الميكب ” نشوي ببتسامه : متجوزه عن حب ولا صالونات ؟ نهال وهي مغمضه عيونها : صالونات ” نشوي سكتت ومتكلمتش وكملت الميكب ليها ” ………………………………. ” الساعه اصبحت ٦ المغرب ، ادهم واقف قدام المرايا في اوضته بيبص علي شكله بعد ما حدد دقنه وحلق ولبس البدله شكله شبه نجم طالع ياخد جايزه قيمه لبس ساعته وخرج من الاوضه امه اول ما شافته زغرطت هي وخالته ” سلوي واقفه وهي لابسه العبايه الجديده والطرحه : يحميك من العين يحبيب قلبي سالم بصله بفرحه : مش مصدق عيني ان شايفك عريس قدامي ادهم ضحك بخفه : شكلي عريس يعني ولا اي كلام سالم ضحك : عريس بس مش اووي يعني المهم يلااا انت روح شوف وراك ايه واحنا هنستني لخد ما الناس تتجمع في الاتوبيسات وهنمشي ” ” ادهم هز راسه ونزل من بيتهم ركب عربيته ببتسامه ومشي علي الكوافير ” ” في الكوافير ” ” نهال واقفه تبص علي نفسها في المرايا فستان كأنه متفصل ليها مخصوص ديله طويل ، حجاب بسيط ميكب سيمبل ” تغريد واقفه جنبها ببتسامه : شكلك رقيق اووووي اللهم بارك نهال بصتلها لابسه فستان ستان اسود بحزام فضي وطرحه فضي : وانتي شكلك قموووور اووي تغريد : لحد دلوقتي مش مصدقه انك بتتجوزي وان لما اجي بيتكم مش هتكوني فيه نهال حض.نتها بحب : هتوحشيني اووي تغريد خلي بالك من ماما وديما روحي اقعدي معاها سليها انتي عارفه انها مبتحبش الوحده تغريد ببتسامه : هقرفها متقلقيش ناويه اخد هدومي واروح عندكم اصلا قطع كلامهم نشوي اللي دخلت عليهم ببتسامه : العريس وصل يا عروسه لفي يلا ” نهال اديتهم ضهرها ودخل ادهم وهو ماسك بوكيه ورد ابيض سمبل ” ادهم بستغراب : مدياني ضهرك ليه طيب ؟ تغريد ببتسامه : علشان تروح تقف قدامها وتتفاجئ بيها ” ادهم ابتسم وراح وقف قدامها وفعلا اتفاجئ بيها ، ازاي قادره انها تخطفه بدون مجهود كدا شاف عرايس كتير لكن اول مره يشوف عروسه بالرقه دي كلها ” ادهم تلقائي مسك اديها وباسها تحت توتر نهال الشديد : انتي اللي محليه كل حاجه ” ومد ايده ببوكيه الورد ” نهال اخدته ببتسامه : شكرا البوكيه جميل زوقك حلو ” ادهم ابتسم ومسك ايدها وطلع من الكوافير وتغريد شايله ديل الفستان من ورا وبتزغرط ، ادهم ركبها جنبه ودخل الفستان بعجوبه جوا العربيه وتغريد ركبت ورا ” ادهم وهو سايق : انتي ازاي قادره تشيلي الفستان دا ؟ نهال بضيق حقيقي من الفستان : مش حاسس بيا انا حاسه ان حد خانقني الفستان تقيل اووي ادهم بصلها : مجبتيش فستان خفيف ليه طيب نهال فركت اديها ببعض : يوميها دا كان اجمل واخد شوفته هو الفستان مش عاجبك ؟ ادهم ببتسامه : الفستان جميل جدا وانتي اجمل كمان ” نهال ابتسمت بخجل وبدأت تخطف النظرات ليه ، بدله شيك ساعه اشيك ريحة برفان تجنن ، دقنه متحدده صح شعره مظبوط كل حاجه فيه ملفته وجميله قطع تفكيرها فونه اللي رن ” ادهم : ايه يا صلاح مشيتو ولا لسه ؟ صلاح : احنا في القاعه اهو يدوب لسه واصلين واهل العروسه وصلو برضو انت فين ؟ ادهم : انا طلعت من الكوافير بس لسه قدامي شويه صلاح : تمام لو فيه حاجه عرفني ” وقفل معاه ” ” نوال واقفه جنبه بفستانها الزيتي الستان وطرحه زيتي وشايله بنتها اللي لابسه فستان ابيض منفوش ” صلاح بصلها : غريبه يعني ينوال واقفه جنبي جديده دي ؟ نوال بلا مبالاه : ولا غريبه ولا حاجه امك مبتتكلمش معايا هروح اقف مع مين لو مضيقاك ممكن امشي صلاح بصلها بتركيز حقيقي شكلها جميل ابتسم وقال : شكلك حلو النهارده ” ولسه هيكمل كلام جيه حد سلم عليه ” ” نوال ابتسمت بفرحه اول مره يعجب بحاجه هي عملتها ، اول مره يقولها ان شكلها حلو اصلا ، فرحت اوووي من كلمته البسيطه دي ” ……………………… ” في قاعه كبيره خاصه بالسيشن في اكتر من عريس وعروسه جوا القاعه لكن ادهم ونهال خاطفين الكل ، وقف ادهم ونهال قدام ” المصور ببتسامه : عريس ايدك علي وسط العروسه وبصلها يلا عايز الصوره تطلع يتقال عليها اشعار ” ادهم حط ايده علي وسط نهال اللي من شدة التوتر والخجل هيغمي عليها اول مره حد يقرب القرب دا منها ” المصور : عروسه ارفعي وشك للعريس وبصيله يلا وابتسمي ” نهال رفعت وشها لأدهم المبتسم وهي كلها خجل ، ادهم ركز في ملامحها لأول مره عن قرب اكتشف انها مش حاطه ميكب كتير ودا مخليها حلوه حجابها رقيق عيونها واسعه والكحل محليها كل حاجه فيها حلوه وملفته ” المصور لقط الصوره وكانت خيال هما الاتنين بيبصو لبعض بيكتشفو ملامح بعض عن قرب لاول مره : الصوره خيااال بإذن الله الجاي احلي ” ادهم فهم المصور انهم لسه مكتبوش الكتاب علشان يمنع الصور الجريئه واتصورو شوية صور حلوين وادهم اخدها ومشي علي القاعه كانت الساعه ٩ بليل ” ………………………. ” زينب واقفه قدام باب القاعه هي وراشد بيستقبلو المعازيم ، وسلوي وسالم واقفين قصادهم بيتسقلبو معازمهم ” راشد بقلق : اتأخرو كدا ليه الساعه داخله علي ١٠ اهي زينب : كلمت تغريد من شويه بتقولي في السيشن وجايين خير ان شاء الله متقلقش نفسك ” القاعه ليها داخله خاصه بالعرسان بعيد عن باب القاعه بتاع المعازيم ادهم نزل هو ونهال عندها وتغريد راحت عند زينب ” زينب بلهفه اول ما شافتها : جيتووو اخيرا الحمدالله فين نهال وادهم وايه التأخير دا تغريد سلمت علي جدها الاول بعدين ردت : الطريق زحمه وعلي ما خلصنا ادهم ونهال هينزلو من علي السلم اللي جوا القاعه يلا علشان نستقبلهم هناك ” في باب كبير قدام السلم خافي ادهم ونهال عن المعازيم ، اول ما اغنية طلي بالابيض اشتغلت الباب اتفتح ” نهال ضغطت علي ايد ادهم بتوتر اول ما شافت الناس الكتير : ايه كل الناس دي ؟ ادهم قرب من ودنها وهمس : بصي انا مش سامع بتقولي ايه لان الصوت عالي اوي بس متقلقيش من حاجه انا معاكي ” ومسك فستانها بإيد و الايد التانيه ماسك ايدها ونزل بيها من علي السلم بشكل اسطوري ، اهل العزبه في اللي انهبرو بجمال العروسه ورقتها وفي اللي انتقضها وقال انها مكياج ” الديجي شاف منظر الناس الكتير قدام السلم فقال : ياريت كل المعازيم اللي قدام السلم يتقضلو يستريحو مش وقت سلام خالص ادهمم انت تركز معايا النهارده كويس هات مراتك الاول وتعالي علشان كتب الكتاب ” ادهم اخد نهال وقعدو علي طربيزة مخصصه لكتب الكتاب وكان قاعد سالم وصلاح وراشد ورامي ، وبعد وقت اخيرا اتكتب الكتاب مع زغاريط الكل ” الديجي : الف الف مبروك نبدء بقا حفلتنا ادهم ايدك في ايد مراتك بقا هنا في نص المسرح ونبدء ليلتنا ب اول رقصه سلو ” ادهم مسك ايد نهال وراح بيها في نص المسرح حط ايده علي وسطها وقرب منها جامد وهي حطت ايدها علي كتفه بتوتر وخجل وربكه كبيره ، ورقصو علي اغنية في عيونك ” ادهم بهمس : مبسوطه ؟ نهال بدون ما تبص ليه : ايوا مبسوطه انت مبسوط ادهم نزل بوشه عند ودنها وهمس : وهبسطك اكتر لما نروح ” وبعد وعلي صوته شويه ” وانا مبسوط جدا بس حاسك متوتره ومش مظبوطه كدا في حاجه ولا ايه ؟ نهال ابتسمت بخجل وقلق : لاء ابدا انا كويسه جدا بس خلي بالك انت بتدوس علي الفستان وهو تقيل خلقه هقع منك علي الارض ” ادهم ابتسم وبعد رجله عن الفستان والاتنين اندمجو في الاغنيه ” الديجي بمرح : هااا هتشيل ولاا اييه يا عريس ؟ ادهم ضحك وبصله وقال بصوت عالي وايده لسه علي وسط نهال : لما اروح هشيل براحتي ” الكل ضحك علي كلمته ونهال اتكسفت جدا ووشها احمر ” الديجي : ايدك بقا في ايد عروستك و نقووول عذابي في البعاد والقرب ” نهال ابتسمت اوي ومسكت ايد ادهم ورقصت معاه علي الاغنية اللي هي بتحبها ، ادهم مش عارف ولا اغنيه بس بيسقف وبيحاول يبسط نهال علي قد ما يقدر ، شويه والكل انضم ليهم ، نهال اتبسطت اوي ورقصت مع الكُل وهي فرحانه ” ” اخر الفرح ادهم ونهال واقفين في الكوشه بيسلمو علي الكُل ببتسامه ” صلاح قاعد علي طربيزة هو وابوه : اباااا انا مأخدتش كاكولا خد بالك ومش مسامح سالم بصله بغيظ : يجدع عيب اختشي دا بينتك سنتين وهتتجوز اكبر بقا صلاح ضحك علشان كان عايز يسمع الكلمتين دول من ابوه قام وقف وشد ايده : يلااا تعالي نرقص انا وانت وادهم ” واخده علي المسرح اول ما ادهم شاف ابتسم ونزله سلم علي ابوه ورقصو التلاته سوا ” ” اليوم خرافي ادهم مبسوط اوي ونهال مبسوط اكتر منه اتصوترو كتير ورقصو اكتر الفرح فضل شغال لحد الساعه ١ بليل لحد ما ادهم شاور لديجي انه ينهي وفعلا نهي والمعازيم بدأت ترجع مكانها في الاتوبيسات ” نهال مسكت ايد امها وقالت بهمس : ماما تعالي معايا هناك زينب بصتلها : اجي معاكي اعمل ايه يحبيبتي مينفعش بكرا الصبح هجيلك من بدري والله ” وقالت بهمس ” بس زي ما انا قولتلك يا نهال اللي جوزك يقولك عليه تقولي حاضر خليه راضي عنك يحبيبتي ادهم جيه عليهم ببتسامه : في اي مشكله ؟ زينب ببتسامه : لاء يحبيبي ربنا ميجيب مشاكل يلا انت خد نهال وروحو ومش هوصيك يا ادهم خليها في عينك ادهم ببتسامه وهو ماسك ايد نهال : مش محتاح توصيه في عنياا يا غاليه متقلقش ” واخدها وركب العربيه ومشي علي العزبه ” ” نهال قاعده جنب ادهم متلجه في بعضها من البرد ومن الخوف حاسه انها عايزه تعيط ، ادهم حاسس بيها وبكل اللي بتفكر فيه ف سكت لحد ما يوصلو ويعرف يتكلم معاها “ ادهم بصلها وركز في تقاصيل وشها القلقانه والمرعوبه ، اديها بتفركهم في بعض بتوتر واضح عليها ” ادهم قرب منها وفك طرحتها تحت خجلها وقال بهدوء : مالك وبصراحه ؟ نهال رفعت وشه ليه وقالت بتوتر : مش عيزاك تحرجني بكلام قدام حد انا بتكسف اوي ادهم بستغراب : انا احرجتك بكلام امتي ؟ نهال بتلقائيه : لما قولت تحت انك وراك مهام اهم من القعده انا اتكسفت ادهم بستنكار وهو بيفرد شعرها : طيب واتكسفتي ليه وليه اخدتي كلامي بمعني غلط ؟ نهال بغيظ : علشان انا متأكده انك تقصد حاجه قليلة الادب واحد لسه متجوز امبارح وراه مهام ايه ولو نفترض ان وراك مهام واخدني معاك ليه هيفكرو فينا ازاي تحت ادهم ضحك : هما لسه هيفكرو ما هما مفكرين من امبارح يا نهال مالك في ايه ؟ نهال اتكسفت وحاولت تداري : علي فكره انا مقولتش لماما اننا .. يعني .. مقربناش انا قولتلها كله تمام اتمني انت كمان متكنش قولت حاجه غير كدا ادهم بستغراب : وانا هتكلم في موضوع خاص بيني انا ومراتي لمين يا نهال ؟ نهال وهي بتفرك في صوابعها : يعني ممكن مامتك تسألك عادي زي ما مامتي سألتني ادهم ضحك وقال بهدوء : انتي مامتك سألتك علشان انتي ست وواجب عليها تطمن لكن انا امي هتسألني ليه ؟ نهال : انا معرفش بقا يا ادهم انا قولتلك اللي في بالي وخلاص انت كمان قولي ايه في بالك ادهم بغمزه : علي الدوغري اللي في بالي مش هيجيبك بس مضطر اقوله نهال بعدم فهم : ايه اللي في بالك ومش هيعجبني دا ؟ ادهم قرب منها اكتر وحط ايده علي وسطها تحت توتر نهال : مش يلاا ولا ايه ؟ نهال برقت عينها وقالت : يلااا اييه ما تحترم نفسك شويه يا ادهم ادهم ضحك جامد عليها لدرجة انه سند راسه علي كتفها من شدة الضحك رفع راسه وبصلها: انتي ليه دماغك وحشه كدا وليه ديما فهماني غلط ؟ نهال هربت بعيونه منه وحاولت تبعده من شدة كسوفها : اناا دماغي مش وحشه بس انت اللي طريقتك بتوحي لكدا ادهم بغمزه : طب بما انها بتوحي لكدا وعمالين نتكلم نظري ما تيجي نجرب العملي يمكن يعجبك نهال بصتله بتوتر وقالت بتردد : مينفعش نأجل كمان ادهم مسك ايدها وقال بحنان : لإمتي يعني قولي مثلا هنأجل النهارده وبكرا وبعده كدا كدا هيحصل صح ولا لاء ؟ ” نهال ادركت انه معاه حق هي اللي خايفه زياده ومتوتره من لا شيئ ، اتفاجأت ب أدهم شايلها وهو مبتسم ” نهال بخوف : شايلني ليه ؟ ادهم ببتسامه : ممكن تبطلي الخوف دا وتثقي فياا ” نهال بصتله وهزت راسها وهو اخدها اوضة النوم وقفل الباب ” ……………………………….. ” في البيت من تحت ” ” نوال واقفه في المطبخ بتغسل الفرخه علشان تطبخها ، دخلت عليها سلوي تشوفها بتعمل ايه ” سلوي : شايفه الصباحيه اللي اهل سلفتك جابوها ليها صباحيه عدله نوال فاهمه دماغه كويس اوي فقالت بهدوء : ايام جوازي ابويا سالم قال هاتو المراتب وبلاش صباحيه يما بس ابويا الله يرحمه كان مالي التلاجه عندي من خيرات ربنا سلوي : انتي بتقولي الكلام دي ليه انا غلطانه ياستي ان جايه افضفض معاكي بكلمتين هتقولي الوليه بتقولي مجبتيش صباحيه ليه نوال غمضت عينها وسابت الفرخه في الحوض وسندت علي الحوض بإيدها : لاء يماا فضفضي براحتك انا ولا بقول ولا بعيد انتي عرفاني ضاربه الدنيا طناش سلوي : اهو ضاربه الدنيا طناش يعني كلام ولا هيقدم ولا هيأخر نوال اتنفست بقوه وقالت بغضب : فييييي اييه كلامك مش هيقدم ولا يأخر فيييي ايييه سلوي بصوت عالي : لااااء حاسبي صوووتك ميعلاش علياا صلاااااااح صلاح جيه من البرنده علي صوت امه وبصلهم بملل بعد ما ادرك الموضوع : في ايييه يما مل ما تشوفو وشوش بعض تشبطو في بعض في ايه يا نوال نوال بخنقه : مفيش حاجه انا اللي غلطانه حقك عليا يما جزمتك علي راسي ” ودارت وشها للحوض وكملت غسيل الفرخه بخنقه رهيبه ” سلوي : انا معنديش بنات وبعتبرك بنتي وجايا افضفض معاكي بكلمتين تهبي فيا كدا صلاح باس دماغ : حقك عليا انا يما نوال متقصدش تزعلك والله ” امه بصتله وخرجت من المطبخ ” نوال اتكلمت قبل ما صلاح يتكلم : وحياة بنتك ما تقول حاجه انا اللي فيا مكفيني وطافح كمان بلاش تزودها عليا ” صلاح بصلها شويه وطلع من المطبخ قعد مع ابوه في البرنده علي حصيره علي الارض يشربو جوزه ” نوال دموعها نزلت : مستنيه ايه يعني يخدك في حض.نه يقولك حقك عليا ولا عمره في حياته هيعملها انسان خالي من المشاعر مبحسش غزل راحت عند امها وبصتلها : ماما انتي بتعيطي ليه مين زعلك ؟ نوال بصت علي بنتها اللي واقفه علي الارض وقالت بدموع وشهقات : والله العظيم يا غزل لولاكي لكنت سايبه الدنيا كلها وماشيه غزل وهي متأثره بدموع امها : تروحي فين ؟ نوال ابتسمت علي براءة بنتها وقالت : مش هروح في مكان انا قاعده معاكي اهو هستحمل كل حاجه علشان خاطرك معنديش استعداد اضحي بيكي قصاد سعادتي ” في البرنده ” سالم نفخ دخان الجوزه من بوقه وهو بيكح اوي : ايه دا يا اخي المعسل دا وحش اووي جايبه منين ياض يصلاح صلاح : من مكرم لمعه اللي علي الكوبري سالم وهو بيكح : داهيه فيه راجل جايف دا حجر يجيب ذبحه صدريه سلوي طلعت من الصاله ليهم البرنده وهي بتربط راسها بإيشارب : وانت ايه اللي جبرك علي الجوزه والهم دا سالم : يا مره لازم كل فتره كدا اشد حجر معسل ايش فهمك انتي في الحجات دي اسكتي سلوي بصلتهم : مش المفروض مرات ادهم كانت تقعد تحت معانا للغدا وبعد الغدا تبقي تطلع شقتها ولا هنخدمها هي كمان ؟ سالم بصلها وقال بتبويخ : جري ايه يوليه دا البت صباحيتها كانت النهارده لسه عروسه وابنك جاي اجازه ٣ شهور يلحق يشبع منها قبل ما يسافر سلوي بلوية بوز : ما انا يوم صباحيتي قومت غسلت الهدوم علي ايدي ونزلت لحما.تي وعملت الشغل كله انما انا عارفه يا اخويا الجيل دا ماله مايل حاله كدا ليه صلاح بضحك : امي بتضر.ب بنفسها المثل يباا واخد بالك سالم بسخريه : الوليه متجوزه من ٤٠ سنه وبتقولك يوم صباحيتي دا انتي ذاكرتك حلوه اوي يا اختي ” سالم وصلاح فضلو يتريقو عليها وهي قاعده متغاظه منهم ، نوال ولعت علي اكل الغدا واخدت بنتها وطلعت علي شقتها ترتاح شويه ” ………………………………….. ” في شقة ادهم ” ” ادهم نايم وايده ورا رقابته وغمض عينه ، نهال صاحيه نايمه وبصه لأدهم بتركيز ” نهال مدت ايدها وهزت ادهم براحه : ادهم انت نمت ؟ ادهم رد وهو لسه مغمض عينه : لاء صاحي ” وفتح عيونها وبصلها بقلق ” في حاجه مضيقاكي ولا ايه نهال هزت راسها برفض وهي حسه بكسوف رهيب : لاء انا كويسه بس كنت بشوفك صاحي ولا نايم اصل لقيتك ساكت كدا ادهم لف ليها وبقا باصصلها وابتسم : عايز اسألك سؤال بس تردي بكل صراحه مبسوطه يا نهال ؟ نهال ابتسمت وقالت : اه مبسوطه وفي نفس الوقت مستغربه مكنتش متخيله ان هكون مرتاحه هنا لكن بالعكس انا مرتاحه اوي ودفيانه كمان ادهم شدها من ايدها وقال بهمس : تعالي نامي علي كتفي عايز احس بقربك مني ” نهال قربت منه ونامت علي كتفه وهو ضمها اوي ، هي مبسوطه بالقرب دا حسه بالدفي وحنان ، ادهم مشي ايده علي ضهرها بحنان وهو مغمض عينه ” ادهم بصوت مبحوح : قوليلي نفسك في ايه ؟ نهال بكسوف : عايزه افضل نايمه علي كتفك كدل كتير مده مثلا متنتهيش ” وقالت بستغراب ” تعرف انا مستغرباك اوي اول مره اقابل حد حنين بشكل دا ادهم باس راسها بحب : انا حناني واحترامي وتقديري كله ليكي يا نهال المهم ايه رأيك ” وغمز ” نهال بعدت شويه بتوتر : علي فكره انا بتكسف بطل تتكلم في الحجات دي كفايه اللي حصل ادهم ضحك : كفايه اللي حصل ازاي بس دا اللي حصل دا هنقرره بدل المره الف بس صحتك معايا انتي بس نهال ضر.بته في كتفه من شدة خجلها : والله عيب كل كلامك بقا في قلة الادب وبس ادهم ببتسامه مرحه : ما هو دا الجوار يا نهال انا جبت حاجه من عندي يعني بعدين انتي فرفوره وبتفرهدي بسرعه والكلام دا مش واكل معايا بقاا نهال بصتله بدهشه : والله يعني انا فرفوره وبفرهد بسرعه ماااشي ابعدد بقاا متلزقش فيا كدا ” وبتحاول تبعد عنه لكن ادهم كتفها وضحك اوي ” ادهم كتف ايدها عكس بعض وهو بيحاول يثبتها : اثبتي بقا نهال وهي بتقاوم وبتحاول تقوم : سيبني بس اقوملك وانا هوريك هعمل فيك ايه ادهم سابها وبصلها بتحدي : ورينب هتعمل ايه يوحش انا حابب انبهر بقدراتك ” نهال رجعت شعرها لورا وبصت لجسمه ولجسمها هي بنسباله نمله ومش هتقدر تتعارك معاه ” نهال نزلت من علي السرير بتوتر : سماح المرادي علشان انت جوزي بس “وحاولت تتوه الموضوع ” ادهم انا جعانه اوي ادهم ابتسم وحط ايده علي كتفها : طيب يلا بينا علي المطبخ نشوف ايه اللي موجود نهال وقفت وبصتله : هدخل اخد شور واطلع نجهز الفطار اتفقنا ادهم رجع شعرها ورا ودنها بحنان : تاني شور كدا هتخدي برد استني بليل خدي شور ونامي علشان ممكن ننزل تحت بعد الفطار فَ متستهويش نهال بتفكير : معاك حق برضو ” ومشيت معاه علي المطبخ ” تعالي لما نشوف هناكل ايه بقولك تيجي نعمل بيض بالطماطم هيعجبك اوي ادهم راح مسك كاتل الشاي وحط فيه مايه وشغله : حلوو البيض بالطماطم بحبها ونعمل ايه تاني ؟ نهال قعدت علي الكرسي اللي في المطبخ وقالت بجوع : ونقلي بطاطس ونطلع اللانشون من التلاحه والجبنه هاا ايه رأيك بص هاات الاول صنيه وطلع الحجات من التلاجه ادهم حط ايده في وسطه وبصلها بحاجب مرفوع : يعني انتي هتقعدي علي الكرسي وانا هعمل الفطار ؟ نهال نزلت من علي الكرسي بإحراج : لما كنت عند ماما كنت اروح اقعد علي الرخامه وافضل ارغي مع ماما لحد ما تجهز الفطار اكل وبعدين ما تشوفش وشي تاني ادهم ضحك وهو بيطلع اللانشون والجبنه من التلاجهه : مصلحجيه انتي اووي يا نهال ” نهال ضحكت وعملو فطار هي وادهم وفطرو في جو هادي ” ادهم خلص اكل وقال : نهال ادخلي البسي كدا واجهزي خلينا ننزل نقعد تحت شويه نهال وهي بتشرب الشاي : مفيش حد تحت عير مامتك وباباك ونوال عادي انزل ببجامه ؟ ادهم بدون تفكير :وصلاح دا شفاف ولا ايه البسي قميص بيتي زي اللي كنتي بيه الصبح وطرحه لكن متنزليش عمرك ببجامه ولا حاجه خارجه تحت نهال بتردد : طيب ادهم هو بعد كدا انا هنزل لمامتك اساعدهم في شغل البيت ؟ ادهم بتذكار : المتوقع ان شغل البيت هيتقسم بينك وبين نوال يعني انتي يوم وهي يوم نهال بقلق : طيب وانا هعمل ايه في يومي؟ ادهم بستغراب : هتكنسي البيت وتنضفيه وتجهزي الغدا شغل البيت يا نهال اللي اي ست بتعمله في بيتها نهال بتوتر : طيب ادهم لو مامتك عرفت ان مبعرفش اطبخ هتعمل ايه ؟ ادهم مسك ايدها وباسها بكل رقه : مش عايزك تقلقي من حاجه الحياه بيسطه يا نهال متصعبهاش انتي مش داخله تحدي ولازم تقدمي احسن ما عندك قولتلك قبل كدا اغلطي مره واتنين وتلاته المره الرابعه هتتعلمي نهال بصتله وهي حسه براحه من كلامه وقالت بتردد : طيب هو مينفعش نتقسم ونفضل في شقتنا مننزلش تحت ؟ ادهم ضحك وقال بهدوء : اولا انتي لسه مش بتعرفي تطبخي وانا مش احسن حاجه في الطبخ هناكل ازاي بقا ثانيا انا جاي اجازه ٣ شهور فات منهم ٣ اسابيع وانا حابب اقضيهم مع اهلي ومراتي تكون معايا برضو مينفعش اقولهم انا عايز اتقسم ولا ايه نهال ادركت كلامه وعرفت ان معاه حق بس قالت بخوف : ادهم انت لما تسافر انا هعمل ايه ؟ ادهم اتنهد بصوت عالي وقال بصبر : هتقعدي في البيت هنا وهتروحي كليتك وهبعتلك مصاريفك لحد ما ارجع اجازه تاني يا نهال نهال اتوترت وقالت : طيب هتعامل ازاي وانت مش موجود معايا ؟ ادهم : انا مش هبقي معاكي في البيت اه لكن هبقي معاكي في الفون وهكلمك علطول وهنسهر مع بعض عادي ” ومسك ايدها وقال بحنان ” نهال سواء انا موجود او مش موجود انا مش حابك انك تقلقي انا صابر معاكي لابعد حدود والله العظيم فَ ساعديني وحاولي تتقبلي كل حاجه بسرعه يا قمر نهال هزت راسها وقامت وقفت وقالت ببتسامه : طيب هقوم البس علشان ننزل نقعد معاهم شويه ادهم بتحذير : تلبسي حاجه واسعه محترمه وطرحه علشان لو لقيت غير كدا هزعلك يا مزتي ” نهال ضحكت وراحت علي الاوضه تشوف هتلبس وبتدعي من قلبها ان تعرف تتعامل مع الكُل وتتعلم كل حاجه بسرعه “ نزل ادهم ووراه مراته ، اول ما سلوي شافتهم ابتسمت اووي ” سلوي ببتسامه : ريحتك ترد الروح يا قلب امك تعالي تعالي ادهم باس دماغ امه بحب : حبيبتي يغاليه امال ابويا وصلاح فين ؟ سلوي : قاعدين في البرنده يشربو المخروبه اللي اسمها جوزه دي ” وقالت بلهفه ” اطلع يا ادهم والنبي شيلها من ايد ابوك الراجل صدره تعبان والبتاعه دي هتجيب اجله ومش راضي يسمعلي كلمه ادهم ابتسم وبص لنهال اللي وافقه وراه مش عارفه تعمل اي : ايه ياست الكُل مالك نهال بكسوف : مفيش انا كويسه سلوي مسكت ايدها وقالت بمغزي : شدي حيلك كدا يا نهال عايزين نفرح بخبر حملك قبل ما ادهم يسافر نهال ابتسمت : لاء هنأجل موضوع الخلفه دا لبعد ما اخلص كليه مقدرش للمذاكره والحمل مع بعض سلوي بلوية بوز : يختي كلية ايه وهم ايه مش اتجوزتي خلاص فوقي لبيتك وجوزك هما يعني اللي اتعلمو اخدو ايه ادهم ضم نهال من كتفها بحنان : نهال هتكمل الكليه بتاعتها يما ومفيش وسيله لمنع الحمل هتاخدها هنسيبها بظروفها حملت خير محملتش خير برضو سلوي كلام ادهم معجبهاش ف قالت : يابني ازاي بس انت النهارده عندك ٣٥ سنه يا ادهم هتخلف امتي يابني ادهم بدهشه : في ايه يماا هو انا بإيدي حاجه الموضوع كله بتاع ربنا يحبيبتي واللي ربنا كاتبه هو اللي هيحصل سلوي : مرات فتحي ما هو معاك في السعوديه لما جيه اتجوز امه خدت مراته وراحت لدكتور اداها علاج قبل ما يسافر كانت مراته حامل في تؤام تعالي ناخد مراتك لدكتور ونشوف ادهم حاول يسيطر علي غضبه علي قد ما يقدر فقال بهدوء معاكس حالته : يعني انتي عيزاني اخد مراتي اللي لسه متمم دخلتي عليها من ساعات لدكتور يديها منشطات علشان تحمل طب والنبي دا كلام يرضي حد سلوي بإستغراب : انت زعلان ليه دلوقتي ولا هو عيب ولا حرام احمت عايزين نفرحك بعيالك ايه مشكلتك بقا ادهم بنرفزه : مشكلتي في ان مراتي مش هتروح لدكاتره يمااا وما.ت الكلام علي كدا ” نوال كانت واقفه في المطبخ سامعه الحوار اللي داير شافت منظر نهال اللي واقفه مرعوبه فشاورت ليها ونهال راحت علي المطبخ ” نوال بهمس : مالك وشك مخطوف ليه كدا اهدي دا لسه البدايه نهال بصتلها وبلعت ريقها بخوف : تفتكري ممكن ادهم يوافق علي كلامها بعد ما تصر عليه ويوديني لدكتور عشان اخد منشطات واحمل نوال ببتسامه : لاء ادهم شخصية وكلمته هنا هتمشي علي الكُل متخافيش بعدين انتي مش شايفه وقف في وش امه ازاي ادهم عُمره ما هيبقي زي صلاح فَ متخافيش نهال بستغراب : اشمعنا صلاح ماله ؟ نوال جابتلها كوباية مانجا : اشربي بس الاول ” وقالت بهمس ” بعد فرحي بإسبوع حما.تي اخدتني وراحت بيا عند دكتور نساا علشان احمل بسرعه ف الموضوع دا بنسبالها عادي وحاجه طبيعيه نهال بدهشه : وانتي كنتي موافقه علي كدا ؟ نوال بسخريه : مكنتش عايزه اتجوز وحياتك بس قولت اهي جوازه والسلام واول عن اخر هتجوز صلاح في الخطوبه كان مولع صوابعه العشره شمع ليا بعد الجواز اتغير ١٨٠ درجه خوفت اخلف منه بس الموضوع خرج عن ارادتي ومعرفتش ارفض اصل جوزي موافق وراضي هقول ايه انا ” نهال كلام نوال رعبها اكتر وفكرت ممكن ادهم يتغير معاها زي ما صلاح اتغير مع مراته ممكن كل اللي هي فيه حلاوة بدايات او شهر عسل فاقت علي صوت نوال ” نوال ببتسامه : بس ادهم غير صلاح ادهم حنين وطيب لو احتاجتي منه حاجه والله لو هو محتاجها هيدهالك ف انتي كسبتي بجوازتك منه حفظي عليه ادهم ابن حلال والله نهال ابتسمت وجواها بدء يرتاح وقالت بتردد : نوال انا مبعرفش اطبخ ولا بعرف اعمل حاجه ممكن اغسل مواعين اكنسل البيت الحجات دي سهله لكن مبعرفش اعمل اي حاجه في المطبخ نوال ببتسامه : السهل ليكي والصعب عليا ينهال دا انا مصدقت ادهم اتجوز علشان تيجي وتبقي اختي وصحبتي والله نهال بحب : وانا والله من ساعة ما شوفتك وانا اعتبرتك اختي خصوصا ان معنديش اخوات عيزاكي تعلميني كُل الحجات اللي انتي بتعرفي تعمليها وانا مع الوقت هتعلم سلوي دخلت عليهم المطبخ كانو واقفين مبتسمين : مالكم واقفين كدا ليه يلا يا نوال اقسمي الشغل بينك وبين سلفتك واحده تنضف الدار وراحده في المطبخ و انتي يا نهال اعملي كوباية قهوه لجوزك وهاتيها البرنده ” وطلعت علي برا ” نهال بصت لنوال وقالت بأحراج : نوال انا تعبانه حقيقي رجلي وجعاني ومش قادره امشي نوال فهمتها علطول وقالت : طب بصي انتي اقعدي علي الكرسي هنا وانا هعملك القهوه طلعيها بس والمطبخ متشطب والاكل جاهز هقولها انك اخدتي المطبخ وخلصتيه وانا هطلع انضف الدار انا ” وقالت بهمس ” ولو حسه بتعب املي البانيو مايه دافيه وخليكي فيه شويه جسمك كله هيفك ” نهال ابتسمتلها بحب : والله العظيم انا ما عارفه اقولك ايه متحرمش منك ابدا ” وراحت قعدت علي الكرسي ونوال عملت القهوه وهما بيتكلمو مع بعض ” نوال وهي بتتاولها فنجان القهوه : لو مش قادره خليكي وانا اطلعها انا نهال اخدت الفنجان منها وهي مبتسمه : لاء هطلعها انا بدل ما الوليه تدخل تمسك فينا شكلها ما بتصدق تلاقي حاجه ” وطلعت ونوال ضحكت اوي علي كلامها ” ” ادهم اخد منها الفنجان وهو مضايق جدا مبصلهاش ولا قالها تسلم ايدك ولا اتكلم نص كلمه معاها ، نهال زعلت انه مرفعش عينه فيها حتي وقعدت جنبه في صمت ” سلوي وهي قاعده علي الحصيره جنب صلاح اللي نايم علي رجلها وعلي بطنه نايمه غزل بتتفرج علي فونه : خلصتي اللي وراكي يا نهال ؟ ادهم بستغراب : ونهال وراها ايه يما علشان تعمله دا لسه عروسه سلوي بصتله : انا عيزاها تاخد علي البيت وتروح وتيجي متحسش نفسها غريبه نهال ردت بهدوء وهي بتهش الدبان عن وشها بقرف : انا مش حسه نفسي غريبه والله بالعكس انا مرتاحه هنا سالم ببتسامه : دا بيت جوزك يا نهال يعني بيتك يا عسل نهال ابتسمت بحب ولسه هترد فونها رن فقالت : دي ماما هرد عليها واجي ” وقامت دخلت اوضة ادهم اللي تحت ” الوو زينب : صباح النور علي البنور صحيتي يا بطه نهال : صاحيه من ساعه كدا ونزلنا وقاعدين تحت اهو مع العيله زينب : اه وادهم والعيله عندك عامله معاكي ليه ؟ نهال بتنهيده : ادهم كويس معايا بيحاول يسعدني علي قد ما بيقدر وعمو سالم ونوال برضو طيبين اوي ومحتارين يعملولي ايه زينب بستفسار : والباقي حما.تك وسلفك ؟ نهال بصت علي الباب وقالت بهمس : صلاح دا متكلمتش معاه ولا مره لكن حما.تي عملت موقف معايا النهارده ضايقني كدا وكانت هي وادهم هيتخانقو زينب بقلق : استر ياارب عملت ايه ، نهال بهمس : بتقول لادهم هناخد مراتك نوديها عند دكتور نساا علشان تحمل قبل ما تسافر ادهم بقا قالها لاء مش هتروح لدكاتره وسابها وطلع البرنده زينب بدهشه : يووه دكتور ايه اللي تروحيله الوقتي دا يدوب لسه متجوزه امبارح نهال :معرفش بقا وكمان قالتلي مدام اتجوزتي بلا كليه بلا بتاع فوقي لجوزك وبيتك ادهم قالها لاء هتروح كليتها عادي زينب ببتسامه :ينصرك علي من يعاديك يا ادهم يابن سالم حلو ان جوزك واقف ليها اوعي تزعليه يا نهال حطيه في عينك وانتي مش محتاجه حاجه نهال : لاء عندي كل حاجه وادهم مش مخلي نفسي في حاجه المهم انتي عامله ايه واللي عندك عاملين اي زينب : انا الحمدالله كويسه لسه قب.ضه معاش ابوكي النهارده روحت سديت اقساط الاجهزه الكهربائيه وتغريد وضحي نايمين لسه نهال : وجدي عامل ايه ؟ زينب ببتسامه : بيسلم عليكي كنا بنتكلم النهارده بقوله لما ادهم يسافر نهال تيجي تقعد معانا هنا لما يجي هب في وشي نهال برفض : وانا برضو لما ادهم يسافر مش هاجي اقعد عندك خالص هجيلك يوم الخميس وابات معاكي واروح الجمعه بليل لكن هفضل هنا زينب بغمزه : يبقا الجو عجبك يجميل نهال ضحكت ضحكة خفيفه : مش قصه عاجبني بس ادهم قالي هتفضلي هنا في البيت لحد ما ارجع اجازه ف هفضل قاعده هنا واجيلك زيارات نوال خبطت علي الباب ودخلت ببتسامه : نووله يلاا تعالي علشان الغدا اتحط نهال ابتسمتلها : ماما هقوم اتغدي وهرجع اكلمك تاني ” وقفلت وخرجت مع نوال ” ” العيله كلها قاعدين علي الارض حوالين طبليه كبيره عليها اكل ” ادهم بصلها : تعالي يا نهال جنبي ” وشاور علي مكان جنبه نهال راحت قعدت جنبه وكان الغدا لحمه وشوربه و.فاصوليا ” نهال بصت للأكل بضيق وهمست لأدهم : ادهم انا مبحبش اللحمه ادهم غمز وقال بهمس : ايووووا انا عرفت سبب فرهدتك علشان مبتاكليش لحمه ” نهال بصتله وهي مكسوفه وادهم مسك حتت لحمه فصصها وحطها قدام بوق نهال ” افتحي بوقك لو معجبتكيش متكليش منها تاني يلااا نهال فتحت بوقها بتردد واكلتها من ايده ومدغتها شويه : حلوه مش وحشه نوال بضحك : الرك علي تسوية اللحمه في لحمه مبتتبلعش سلوي بسخريه : وبعدين في حد يفرق من اللحمه جيل مسموم والله العظيم ” نهال سمعت كلمتها اتغاظت بس سكتت ، ادهم فهم ان نهال مستحيل هتعرف تتأقلم مع امه خصوصا ان امه متحكمه وطبعها شديد شويه ” سلوي بصت لأدهم اللي بيفصص اللحمه قدام نهال المبتسمه : انت هتقعد تفصصلها اللحمه ومش هتاكل ولا ايه كُل يبا ونهال هتفصص لنفسها ادهم ابتسم لنهال وغمز : اسكتي يما سبيني اغذيها كويس في الاول والاخر كله ليا نهال قرصته في رجله وقالت بهمس : احترم نفسك الناس قاعده ” ادهم سكت وهو مبتسم وبدء ياكل ويأكل نهال اللي بتاكل اصلا ” …………………………….. ” في دكرنس ” ” زينب قاعده في الصاله سرحانه قدام التلفزيون وفي ايدها كوباية شاي والدفايه شغاله وجنبها تغريد اللي نايمه علي رجلها ” تغريد بصتلها بستغراب : زوبه مالك مش مرتاحه ليكي كدا في حاجه حصلت ولا اي ؟ زينب بصتلها بنتباه : مش عارفه والله يا تغريد حسه ان نهال مش هتعرف تتعامل مع الوليه حما.تها دي تغريد بستغراب : ليه بس ايه اللي حصل خلاكي تقولي كدا يوم الصباحيه فضلتي تقولي عليها كريمه وطيبه ومعرفش اي زينب : ما هي كريمه وطيبه مع الغُرب انما مع اهل البيت شكلها شديده معاهم النهارده صباحية البت وعايزه تاخدها لدكتور يكتبلها منشطات علشان تحمل تفريد بدهشه : يحزني هما مستعجلين علي الحمل ليه كدا ؟ زينب بتشتت : ادهم وقفلها وقالها لاء طيب اهو ادهم هنا وهيشيل كتير عن نهال امال لما يسافر الحزينه دي هتعمل ايه تغريد : تجبيها تقعد معانا لحد ما جوزها يبقي يرجع تروح بيتها تاني زينب : مش راضيه بتقولي هجيلك زيارات واروح تاني تغريد بتفكير : يمكن ادهم متفق معاها علي كدا زينب اتنهدت بقوه : والنبي ما انا عارفه المهم قومي شوفي الرز اتردد ولا لسه ان كان كدا وطي عليه تغريد قامت وقفت وراحت علي المطبخ : يخربيت التلج الشتاا السنادي صعب كدا ليييه زينب بضحك : تلج الشتااا ولا دقيقه حر في الصييف اسكتي ………………………………….. ” في شقة ادهم ” ” اول ما المغرب اذن ادهم اخد مراته وطلع شقته ، نهال دخلت غيرت هدومها ولبست بجامه قطيفه حمرا وعملت شعرها ديل حصان وطلعت لادهم اللي قاعد قدام التلفزيون وفي ايده فنجان قهوه ” نهال قعدت جنبه : علي فكره انت بتشرب قهوه كتير اوي ودا غلط ادهم ابتسم وشرب اخر حبه في الفنجان : متعود عليها ادمان بنسبالي زي النسكافيه بنسبالك كدا نهال ضحكت وقالت : بس انا مبشربش نسكافيه كتير زي ما انت بتشهرب قهوه دا انت تحت كل شويه تطلب قهوه فوق برضو قهوه ايه داا جدد كدا ادهم شدها قربها منه وباس راسها ببتسامه : حاضر يا ست الكُل هجدد من بكرا اوعدك ” نهال ابتسمت وحطت راسها علي كتفه وبصت لتلفزيون ” نهال : عارف اكتر حاجه بتعجبني فيك ان اي حاجه بتيجي في بالك بتقولها ادهم ابتسم وحط ايده علي شعرها بحنان : طيب وانتي ليه مش زيي ؟ نهال بسخريه : انا علشان اقول حاجه في دماغي بفضل افكر فيها لحد ما بنسي الحاجه اللي انا عايزه اقولها ادهم وهو بيحرك صوابعه في شعرها : طيب ليه دا خوف مثلا ؟ نهال مسكت ايده وضغطت عليها وغمضت عيونها وقالت : معرفش بس لما بابا بيوحشني مبحبش اقول انه واحشني علشان محدش يشفق عليا مبحبش نظرة الشفقه دي فَ بسكت كمان انا معنديش صُحاب ومحاولتش اعمل صُحاب اول سنه في الجامعه كنت بروح لوحدي وبرجع لوحدي حتي كنت بقعد في الستراحه لوحدي بس الغريب ان كنت مبسوطه بالوحده دي ادهم باس راسها وغمض عينه وفضل مطول في الب.وسه وهو بيشم شعرها بعدين قال : ليه مبسوطه بالوحده ؟ نهال ببتسامه وهي مغمضه عيونها : يمكن علشان عُمري ما كان عندي صحاب ف معرفش شعور لمة الصحاب فَ حبيت الوحده علشان هي اللي جربتها انت مثلا ليه مفيش عندك صُحاب ادهم سكت شويه بعدين قال بحب : كان عندي واحد وما.ت وحلفت ان مصاحبش بعده نهال بحزن : ما.ت ازاي ؟ ادهم اتنهد بقوه وقال ببتسامه : معرفش المفروض كُنت امو.ت بداله بس الظاهر انه حب يسيبني اكافح لوحدي ويرتاح هو نهال ضغطت علي ايده : تمو.ت بداله ازاي ؟ ادهم : الحاد.ثه دي كان عندي وقتها ٢٢ سنه محمود صديق الطفوله والمدرسه ورفيق الروح المهم كان في ما.تش في بلد جنبنا وروحنا علشان نحضره ركبنا المو.تسكيل بتاعه هو ساق وانا ركبت وراه وفجأه محسناش بحاجه غير اننا كل واحد مرمي في مكان دخلنا في عربيه مكروباص ازاي منعرفش نهال بحزن : وقت القدر يعمي البصر بعدين حصل ايه ؟ ادهم اتنفس نفس عميق وقال : محمود مكنش فيه خدش واحد انا اللي اتخرشمت في وشي كله ورجلي اتكس.رت الاسعاف اخدنا وروحنا المستشفي كان محمود عايش انا سامعه وهو بيتوجع لكن انا مش فايق ومش قادر اقوم اشوفه دخلنا اوضه كدا وكل واحد فينا نايم علي سرير سمعته بيقولي ” وصوته اتغير لنبره باكيه ” متسبنيش يا صاحبي صحيت بعدها بيومين اسأل عليه قالو اد.فن نهال بصتله شافت الدموع في عينه قعدت قدامه وحض.نته بحب : انا اسفه ان فكرتك حقك عليا خلاص متكملش ادهم ضمها من وسطها وقال ببتسامه : لو كنت اعرف ان لما ادمع هتحض.نيني كنت دمعت من اول دقيقه شوفتك فيها نهال ضميته اكتر وضحكت وبعدين بعدت وادهم قال : من وقتها وانا محاولتش ان اصاحب حد المشكله ان لحد وقتنا هذا وانا فاكر يوم الحاد.ثه كأنه امبارح و.فاكر كلامه كنا بنتخاق مع بعض كتير جداا بس كنت لما احتاجه كنت الاقيه علطول نهال بتأثير : ربنا يرحمه يارب ” وقالت ببتسامه ” عارف قبل ما اقابلك كنت مفتقده حاجه بس معرفش هي ايه لما قابلتك عرفتها ادهم بستغراب : ايه هي ؟ نهال بحب : حنيتك .. انت احن مني علي نفسي لقيت معاك حجات انا كنت تايهه من غيرها ادهم ابتسم وقرب من شفايفها واتكلم : هصدقيني لو قولتلك انك اول بنت في حياتي كلها ولا عرفت قبلك ولا هعرف بعدك انتي وبس اللي في الدايره يا نهال ” نهال ابتسمت بتوتر من قربه اللي كل شويه بيزيد وعينها راحت علي شفايفه اللي بتقرب منها ونفسه اللي قريب جدا منها رجعت راسها لورا شويه لكن ادهم قربها من تاني ” ادهم بهمس وعينه علي شفايفها : متبعديش عايزك تقربي اكتر ” وباسها برقه وسط توتر وخجل نهال وبعدين بعد وبصلها وقال بضحك ” انتي مغمضه عينك ليه ؟ نهال وهي لسه مغمضه : مستنياك تخلص علشان اسألك هو انا رغايه ؟ ادهم ضحك اوي ومسك ايدها باسها وقال : اجمل رغايه في الدنيا كلها نهال ابتسمت : لاء بجد هو انا برغي كتير ؟ ادهم : اممم يعني بس حتي لو رغايه انا عندي استعداد افضل اسمعك لتاني يوم ومَمِلش نهال ابتسمت بكسوف وقالت : برغي بس مع الناس اللي بطمنلها زيك كدا ادهم بغمزه : طيب بما انك مطمنه ليا وكدا ما تيجي نتكلم كلمتين مهمين في اوضتنا نهال بعدت عنه بتوتر : اجي فين انا كل يوم هاجي ولا ايه ؟ ادهم اندهش في البدايه بس بعدين ضحك اوي : كل يوم ؟ دا انا صابر عليكي صبر والله العظيم لو قريبتي ما هعمل معاكي الكرم دا كله نهال اتكسفت وقالت وهي بتحاول تهرب : كمل كرمك وتعالي نسمع مسلسل رعب والله العظيم هيعجبك عارف انت ما وراء الطبيعه تيجي نسمعه ادهم وقف وشالها غصب عنها : تعالي بس وانا هوريكي اللي قدام الطبيعه واللي وراها والطبيعه نفسها لو عايزه نهال حاولت تنزل وقالت بتهديد : يا ادهم عيب كدا نزلني والله اصوت ادهم وهو شايلها لأوضة النوم : يا باشا الشقه شقتنا خدي راحتك علي الاخر ” وقفل باب اوضة النوم برجله “ صباح يوم جديد الساعه ٩ صباحا ، ادهم نايم هو ومراته لأول مره في حض.ن بعض ، الجرس في شقة ادهم مش مبطل رن لحد ما ادهم ونهال فاقو علي صوت الجرس ” ادهم بص في الساعه : مين اللي بيرن الجرس من ٩ الصبح دا ” وبص لنهال ببتسامه ” خليكي انتي هشوف مين واجي ” وقام من الاوضه طلع فتح باب الشقه اتفاجئ ب امه ” صباح الخير يما سلوي ببتسامه : صباح النور يقلب امك كنت بعلف الحيوان علي السطح قولت اصحيكم وانا نازله علشان تنزلو تفطرو ادهم جواه مضايق جدا من الوضع بس مش عارف يتكلم قال ببتسامه : الساعه ٩ الصبح يماا فطار ايه اللي هننزل نفطره الواحد جعان نوم متعملوش حسابكم في فطار لينا خالص احنا هننزل علي الغدا سلوي جواها الوضع برضو مش عاجبها : مراتك تنزل تجهز مع سلفتها الغدا يا ادهم ما هي مش احسن منها برضو ادهم اتنهد وقال بهدوء : يما افهمي نهال هتعمل مع نوال كل حاجه بس نهال لسه عروسه ودا تالت يوم ليها وانا بحاول احببها في الجواز والعزبه بالوضع دا هتكرهه كله سبيها علي راحتها لحد ما تتعود بس ولو علي نوال اهي نوال من العزبه و.فاهمه الدنيا سلوي بصتله وقالت : متعودهاش عليك يا ادهم اسمع كلامي لازم نفسك يبقي اعلي من نفسها علشان تعرف تمشيها متخليش طيبتك توديك في داهيه اسمع من امك ادهم بضيق : حاضر يما هقوم الصبح اجيبها من شعرها واجرجرها علي السلالم علشان نفسي يبقي اعلي من نفسها ومعودهاش عليا سلوي : وانا مبقولكش جرحرها من شعرها انا بقولك مش كل حاجه هي عيزاها تبقي حاضر وطيب خليك حمش معاها كدا متعودهاش متنزلش تحت لاء المفررض انت اللي كل يوم تصحيها تبعتها علي تحت امال هي متجوزه ليه ادهم بستنكار : متجوزه ليه ؟! تمام هردك عليكي واقولك متجوزه علشاني انا يما زوجة ليا تلبي طلباتي انا مش طلبات حد غيري يعني لما الراجل مراته تخاف منه يبقي تأمن لمين وتتكلم مع مين لو مش الحض.ن والملجأ ليها هيبقي لمين لو هو مش حنين عليها مين هيبقي حنين عليها امااا اعذريني في كلامي بس حياتي انا ومراتي انا اللي احددها وانا اللي احدد ايه اللي يتعمل وايه اللي ميتعملش محدش يدخل فيها خالص سلوي حست ان ابنها اضايق ف حاولت تصلح الدنيا وقالت بستعطاف : حقك عليا يا ادهم مدام كلامي تقيل عليك كدا انا مش هكلم تاني وانت حر انت ومراتك يابني هو انا هعوز ايه غير سعادتك ” ونزلت علي تحت بسرعه وادهم قفل الباب واتنهد بقوه ، ونهال واقفه في الاوضه سامعه كل الحوار اللي دار ” نهال طلعت الصاله لأدهم وقالت بتردد : ادهم انا معنديش مشكله ان انزل اساعد مامتك ونوال تحت ادهم بصلها وابتسم وفتح دراعاته : تعالي ” نهال قربت منه وحض.نته وغمضت عيونها وادهم مشي ايده علي راسها بحنان ” انا طول ما انا موجود مش عايزك تقلقي من حاجه ولا تشيلي هم عايزك تفضيلي وبس اتفقنا ؟ نهال اتكلمت وهي لسه في حض.نه : انا فهمت ليه البنات بتخاف تتجوز في بيت عيله علشان اللي احنا فيه دلوقتي اكيد ادهم رفع وشها ليه وباس راسها : كل مكان فيه الحلو والوحش يا نهال طب ما انتي ممكن تتجوزي واحد مش عايش مع اهله بس تتعبي معاه ومتعرفيش تتعاملي معاه ودا هيبقي وقتها الوضع صعب لكن لما المشاكل تيجي من العيله وانتي وجوزك تمام خلاص الباقي سهل نهال بصتله : ادهم طيب قولي اعمل ايه مع مامتك وانا مستعده اعمل اللي هتقوليه عليه كله ادهم ببتسامه : كل اللي عايزه منك مهما امي تقول او تعمل مترديش عليها نهائي تعالي عرفيني اللي حصل وانا وقتها هتصرف لكن اوعي يا نهال في مره امي تقولك حاجه وتردي وتبجحي فيها وقتها هشيلها منك جامد نهال بهدوء : يا ادهم اللي انت بتقوله دا انا هعمله من غير ما توصيني انا مستحيل ارد علي مامتك مهما تقول وتعمل مهما كان دي حما.تي وليها احترامها برضو ادهم باس خدها وقال بغمزه : شوفي الهده اللي اتهديتها معاكي بليل وصاحي مكس.ر تهوون علشان خاطر الكلمتين الحلوين دول والله العظيم نهال بصتله بكسوف شديد : والله عيب اللي انت بتقوله دا والله عيب ” وحطت ايدها علي وشها وجريت علي اوضة النوم ” ادهم ضحك عليها : خدي يابت هقولك حاجه مهمه هنا في الصاله هو التجديد في القهوه بس ولا ايه ” ودخل وراها الاوضه ” نهال وقفت ورا السرير وقالت بتهديد : بالله لو قربت مني هروح ارمي نفسي من البلكونه انا تعبانه ورجلي وجعاني ادهم وهو بيقرب منها : بتجري ليه طيب والله انا قصدي شريف وكنت هقولك تعالي ننام والله انتي اللي ديما فهماني غلط نهال بصتله بشك : احلف الاول انك كنت عايزني علشان ننام ؟ ادهم بضحك : والله العظيم كنت عايزك علشان ننام لكن نوم من نوع اخر نهال اتكسفت وقالت : يا ادهم والله عيب بطل كلامك دا بعدين حرام عليك يعني انا معرفتش انام بليل كويس ومامتك مصحياني من ٩ الصبح والله حرام عليكم اللي بتعملوه فيا دا ادهم ربع ايده وبصلها : من تالت يوم جوااز بقاا في هروب وتبريرات وكلام كتير مش واكل معايا بس كل اللي عايز افهمه انتي واقفه ورا السرير ليه ؟ نهال بتفكير : انت عارف انا هقوم دلوقتي البس وانزل اساعدك نوال تحت بدل ما افضل معاك هنا هده وتحت هده برضو ادهم برفع حاجب : ومين بقاا اللي هيسمحلك تنزلي تحت يا ست الكُل نهال لسه هترد فونها رن وكانت امها اتنهدت براحه وردت علطول : الووو ايوا يا ماما زينب بستغراب : مالك بتتكلمي بلهفه كدا ليه وايه اللي مصحيكي بدري كدا ” ادهم قرب منها بخب.ث وحض.نها من ضهرها ود.فن وشه في رقابتها يب.وسها ” نهال بعدت الفون عن ودنها وحاولت تبعد وهي بتضحك وقالت بهمس : دقنك بتخربش يا ادهم ابعد والله ماما هتفهمنا غلط ” ادهم بعد وبصلها وشد الفون منها وقفله وخاوط وسطها وعينه علي شفايفها ” ادهم حط جبينه علي جبينها وغمض عينه وقال بتنهيده : كل حاجه فيكي عجباني ريحتك تجنن ضحكتك حلوه شعرك حلو مكنتش اتخيل ان احب في يوم ان اسمع رغي حد واستمتع زي ما بسمع رغيك كل حاجه فيكي مظبوطه وبالمقياس جننتيني يا نهال ” نهال غرقانه في كلامه اللي اصبحت بتحب بتسمعه جدا محستش بنفسها غير وهي بتقرب من شفايفه تب.وسه بكل شغف وادهم بادلها الب.وسه بحب ” …………………………………. ” في شقة صلاح ” ” نوال عملت فطار لأول مره في شقتها واخدت الصنيه اللي عليها الاكل وراحت علي الاوضه اللي نايم فيها صلاح ” نوال ببتسامه : صلاح اصحي انا عملتك فطار انماا ايه من كل اللي قلبك يحبه صلاح قام من علي السرير وهو منعوس لسه : انتي عملتي فطار لينا هنا ليه مش هنفطر تحت ولا ايه نوال ابتسمت وقعدت جنبه علي السرير : يعم مره من نفسنا نفطر في شقتنا وبعدين انا كنت عايزه اغير علي حلق غزل ناخدها انا وانت مع نفسنا كدا ونروح دكرنس نغير عليه ونيجي ايه رأيك صلاح فتح علبة السجاير واخد سجاره وولعها : طيب هشوف اني كدا هتقولي ايه ونروح نغير علي حلقها نوال بصتله كتير وقالت بتنهيده : هو انا متجوازك ولا متجوزه امك يا صلاح كل ما اطلب حاجه تقولي لما اعرف امي فين شخصيتك انت ؟ صلاح اتنرفز من كلامها : بقوولك ايه الواحد صاحي مش فايق علي الصبح وانا ولا طايق كلامك ولا عايز دوشه ووجع دماغ علي الصبح انتي ناقصك حاجه يابنت الناس نوال الدموع اتجمعت في عيونها : ااه ناقصني كل حاجه هي الحياه بنسبالك باكل وبشرب وبنام هو دا الكمال بنسبالك ؟ صلاح بزعيق : احمدي ربنا علي اللي عندك غيرك مش لاقي اللي عندك نوال بزعيق : وانا مالي بغيري انا محتاجه منك الرحمه محتاجه كلمه حلوه تطيب خاطري بيها نفسي مره تيجي تب.وس راسي وتقولي معلش انا حقيقي كارهه حياتي اهلي ناس غلابه ابويا هيصرف علي اخواتي البنات التلاته ولا عليا انا وبنتي انا لو ليا ملجأ واحد ارتاح فيه والله العظيم ما كنت هقعد معاك دقيقه واحده صلاح خبط الدولاب بإيده بنرفزه : انتي مبتزهقيش كلااام انا اعمل ايه بعافر علي اخر جهدي في الدنيا علشان اعرف اجيبلك قرش تصرفي منه انتي وبنتك وانتي مفيش احساس خالص نوال عيطت وقالت : مش عايزه فلوس انا محتاجه حتيه وطيبة خاطر بس للأسف دول مش موجودين عندك لا انت ولا امك صلاح مسكها من شعرها وقال بغضب : لو ملمتيش نفسك عليا الطلاق بتلاته اد.فنك حيه اتكلمي بأدب احسنلك لحد الان بحاول ممدش ايدي عليكي ” وساب شعرها وطلع برا الاوضه بعد ما رزع الباب ” ” نوال قعدت علي السرير ودموعها نازله بصت علي الفطار اللي عملته ودموعها بتزيد ، فونها رن وكانت سوسن اختها الكبيره فتحت عليها وردت ” نوال بدموع : سوسن انا حسه ان همو.ت صدقيني ” وقالت بشهقات ” عُمري كل يوم بيقصر في البيت سوسن بحزن علي اختها : استحملي يا نوال استحملي يا حبيبتي البيوت يماا فيها نوال مسحت دموعها وقالت بحسره : هستحمل حاضر المهم ” ولسه هتتكلم سمعت صوت حما.تها بتنادي عليها ” هقفل كدا وهرجع اكلمك تاني سلوي بصت لإبنها اللي قاعد بيشرب سجاير : شايف بعينك يا صلاح بنادي من كبدي وهي تبقي سمعه ومتردش نوال فتحت باب شقتها ونزلت سمعت كلامها معلقتش وقالت بهدوء : نعم يماا معلش كنت بكلم سوسن سلوي بلوية بوز : طب يلا يماا ادخلي اغسلي الكوبايتين اللي في الحوض وننزل ندبح الفراخ بدل ما تمو.ت من السقعه ونضفها ونحطها في الفريزر نبقي نطلع منها لما نشوف الهانم التانيه هتنزل امتي هي كمان اصلها هتفضل عروسه طول السنه ” نوال دخلت المطبخ تشوف الكوبايتين اللي هيتغسلو ، كان تقريبا المطبخ كله يضر.ب يقلب فوق بعضه اتنهدت بتعب وشمرت اكمام قميصها وبدأت تغسل ” غزل جت من البرنده جري : تيتاااا عايزه اروح الحمام بسرعهه سلوي : ادخلي خلي امك تدخلك اجري اجري صلاح بهدوء :اماا انا عايز اروح اغير علي حلق غزل سلوي : ليه يعني ما حلقها اللي في ودنها حلوو لما تكبر شويه حتي تكون جمدت نوال سمعت كلامها وابتسمت بسخريه : حبيب قلب امه اللي مش هيكس.رلها كلمه ربنا يقويكي علي اللي هتشوفيه ينهال ………………………………… ” في شقة ادهم ” ” نهال واقفه قدام المرايا اللي في الحمام بتبص علي شكلها متعرفش انها هتبقي مبسوطه كدا لما تتجوز ادهم ، ادهم دخل عليها الحمام وقلع التيشيرت بتاعه ” نهال بصتله بصدمه : انت مش شايفني جوا الحمام ازاي تدخل كدا ؟ ادهم بعدم فهم : وفين المشكله لما ادخل عليكي الحمام ” ولسه هيقلع باقي هدومه نهال صوتت ” نهال بدهشه : استني استني انت بتعمل ايه ادهم : يابنتي مالك داخل استحمي بتصوتي في الحمام ليييه هتتلمسي يا حماره نهال بدهشه اكبر : هتستحمي وانا هناااا هو انا شفافه لدرجادي اصبر هغسل وشي واعمل اللي انت عيزاه ” وغسلت وشها بتوتر كبير وطلعت جري من الحمام وادهم ضحك عليها جدا ” ” نهال طلعت بجامه تقيله لبستها تدفيها من شدة البرد وطلعت علي الصاله رتبت الكنب مكان قعدتهم وفتحت الشاشه وقعدت شويه ” نهال بتفكير : ينهاااار دا فيه غسيل عايز يتغسل وانا نسيته خااالص ” ودخلت علي الحمام اللي في برا اخدت سلة الهدوم وفضلت تفرق الابيض لوحده والالوان لوحدها وشغلت الغساله وحطت المسحوق ” يا تري انا بعمل صح ولا هنيل الدنيا ادهم طلع بصلها بستغراب : بتعملي ايه ؟ نهال بصتله وهي بتحط الدور الاول في الغساله : بغسل الهدوم دي المفروض كنت غسلتها امبارح بس نسيت خالص ادهم بص للهدوم اللي علي الارض وشاف بنطالون بيج مع اللون الاسود : الاسود دا بيتغسل لوحده مينفعش يتحط معاه لون تاني نهال بصت علي الهدوم وقالت بتفكير : الابيض لوحده والالوان لوحدها محدش قالي الاسود كمان لوحده ادهم ببتسامه : في بيرسيل چيل بيتغسل بيه الاسود بيحافظ علي سمار الهدوم السمره يبقي كدا الابيض لوحده والاسود لوحده والالوان لوحدها فهمتي نهال ببتسامه : مين اللي علمك الحجات دي ؟ ادهم سند ضهره علي باب الحمام وربع ايده وقال : في السعوديه انا اللي بغسل هدومي لنفسي وفي الاول برضو خلط الهدوم والالوان في بعض بس بعدين اتعلمت نهال : طيب الغسيل انت بتغسله مين اللي بيطلخ ليك ؟ ادهم ببتسامه : انا في سكن لوحدي ممكن يوم امشيها اي اكل ويوم اشتري اكل واهي ماشيه الواحد طول اليوم بيتهد في المصنع بيجي بليل كل اللي محتاجه انه ينام لدرجة ان مبغسلش هدومي غير لما هدومي كلهااا تخلص ومفيش حاجه البسها نهال قالت بملل : ايه الحياه دي طيب مفيش عندك مثلا يوم اجازه ادهم : الجمعه اجازه بقضي الاجازه كلها نوم بكون مهدود طول الاسبوع وما بصدق ان يوم الجمعه يجي علشان انام الغساله وقفت ونهال طلعت الدور من النشاف : عطلع انشره في البلكونه واجي ادهم : حطي طرحه علي دماغك وانتي طالعه وانا هعمل قهوه تشربي معايا نهال ببتسامه : هشرب نسكافيه اعملي معاك وحط سكر كتير ” ودخلت اوضة النوم جابت طرحه لبستها وفتحت البلكونه وهي مبتسمه اول ما بصت في الشارع اتصدمت ، واحده في الزريبه اللي جنبهم بتنضف تحت البقره وبتشيل بإديها ” الله يفرقك يبعيده روحي ” وبصت قدامها تقريبا العزبه كلها اراضي زراعيه وترعه كبيره وكام بيت في العزبه هما اللي كبار ، والنسوان قاعدين في الشارع عادي جدا ، ومسكت الهدوم وبدأت تنشر الهدوم ” واحده من اللي قاعدين في الشارع لمحتهاا قالت بهمس : بصوو علي شقه ادهم كدا العروسه نشرت الملايااا اهي ” كلهم بصو عليها وهي اخدت بالها فَ اتكسفت جدا ورجعت لورا ” نهال بكسوف : لا اله الا الله الوليه بتبصلي وتغمز الله يكسفك يبعيده روحي ” ادهم طلعلها وفي ايده كوباية نسكافيه وفنجان قهوه ” ادهم بستغراب : مكملتيش نشير ليه ؟ نهال بصتله : في ناس قاعده تحت بيبصو عليا ومكسوفه اكمل ” ادهم بص علي النسوان اللي في الشارع وبصلها وضحك ” ادهم ببتسامه : متشغليش بالك بحد خالص القاعده في الشارع هنا عادي جدا بعدين انتي نشرتي الملاياا يعني لازم يتكلمو ” وغمز ” نهال بعدم فهم : اشمعناا يعني الملايا مالها ومال كلامهم ؟ ادهم قرب عليها شويه وغمز : معني انك نشرتي الملايا يعني بتأكدي ليهم ان دخلتنا تمت نهال من الصدمه معرفتش ترد وفضلت ساكته وقالت بكسوف رهيب : قول انك بتهزر معايا واكيد ميقصدوش كدا ادهم بستغراب : انا مستغرب كسوفك دا اقسم بالله ينهال دي حاجه طبيعيه جدااا بين اي راجل ومراته نهال هربت بعيونها منه : بس برضو يا ادهم الموضوع يكسف بصراحه هي حاجه طبيبعه ماشي بس هي بيني وبينك محدش يعرف بيها ادهم : الموضوع معروف بس علشان عرسان لكن بعد كدا خلاص مفيش حاجه يلا كملي نشير وملكيش دعوه بحد ” نهال فعلا بدأت تنشر الهدوم لحد ما خلصت بصت لأدهم اللي اخدها ودخل علي جوا ” ادهم : نهال انا نزل تحت وهروح مشوار دكرنس في السريع كدا واجي نهال طلعت من الحمام وبصتله بستغراب : رايح دكرنس ليه ؟ ادهم وهو بيلبس الكوتش : في مصنع رخام في دكرنس رايح اسأل عن نوع معين كدا عنده وراجع خلصي غسيل وانزلي تحت ” وقام وقف وباس راسها ” مش عايزه حاجه اجيبهالك وانا راجع نهال : بما انك في دكرنس عدي علي مطعم الزعيم هاتلي طبق كشري مصري ادهم ببتسامه : عيوني يا باشا ” وفتح باب الشقه ونزل علي تحت ونهال كملت غسيل شويه وسمعت الجرس بيرن راحت فتحت واتصدمت “