غسان ج ٢٢

في قوضة نڤين زهره قعده علي سريرها وبتفتكر قد ايه كان بيبان في عيونه الحب لما بتكلمه
زهره بوجع : انا كنت بنيه حياتي معاك كنت بتقول عليا بنوتك ايه اللي حصل ليه توجعني كدا ليه الحل المووووت
الشيطان اتحكم في دماغ زهره وافتكرت كلام قاسم وانه مبقاش عاوز امها وكلمة امها وهي بتقولها بكرهك بتتردد في دماغ زهره راحت فتحت البلكونه وفتحتها ووقفت علي السور بتاعها وابوها وغسان وعمر ومحمد واسر وعاصي قعدين علي القهوه بصت ليهم بنظرة حب وراحت نطت من البلكونه في الشارع
امجد من العربيه : زهره !
لحظة وجع والم وفقد وكل حاجه توجع يشهد ليها الكل
نسمه والكل طلع علي الخبطه القويه اللي في الشارع وياريت ما طلعت : زهرررررررررررره
زهره عيونها مفتحه وشايفه امجد اللي واقف جنبها ودموعه نازله علي منظر زهرته وقعه مبتسمه وشايفه لهفة الكل عليها ندمت لو كانت استنت شويه كان حبيبها هيكون معاها بس ديما النزم بيكون في نهاية الغلط
امجد رفعها علي صدره والدموع مغرقها وشه : زهره حبيبتي اصحي فوقي فكري فيا وفي ابننا حبيبتي فوقي واتكلمي علشاني يا زهره
زهره حركت ايدها ببتسامه ولمست ايده وغمضت عينه في ح*ضن حبيبها !!.
الحلقه بإسم ( حب ممنوع من العرض في عيلة الالفي )

في المستشفي قاسم ماشي معاهم والصوره اللي شايفه صورة زهره وهي وقعه وغرقانه في دمها
نسمه وقفه بتصوت وميته من العياط الكل مش قادرين يركزو ولا حتي وخدين بالهم من امجد اللي واقف تايه وحاسس ان قلبه بيتقط/ع علي زهرته
امجد واقف قدام غرفة العمليات بدموع وبيقول في نفسه: قومي يا حبيبتي قومي يا زهرتي لو حصلك حاجه هحصلك مش هيكون ليا سبب ان اعيش يا زهره
عاصي واقف ومرجع راسه علي الحيطه وواخد باله من اللي واقف قدام غرفة زهره راح ليه بستغراب : لا مؤخذة يا باشا انت مين معلش مش واخد بالي ؟
امجد بص ليه بوجع : انا انااا كنت معدي ساعة الحا/دثة وجيت معاكم علي هنا الناس لبعضها برضو بيتكلم والدموع بتخنقه
عاصي ابتسم بوجع ليه : تسلم يا كبير مش عارف اقول ليك ايه متشوفهاش في احبابك يارب
امجد طبطب علي دراعه : مفيش حاجه اسمها شكر يا غالي تقوم بسلامه يارب واخد بعضة ومشي ومش قادر يمشي ولا قادر يتحرك
اسر سند علي غسان وحاسس بدوخه : ابا ؟
غسان مسك اسر وقعده علي الكرسي : اهدي اهدي الدوخه دي علشان مفطرتش اكيد اهدي
اسر برفض : مش عاوز حاجه مش عاوز حاجه خالص انا تايه ومش قادر اركز في اي شيئ خالص
غسان بتفهم : كلنا كدا بس لازم تاكل اي حاجه تسد جوع معدتك وبعدها يحلها الحلال انشالله
منير بصوت عالي : المكتوب هنشوفه ندعي ان ربنا بقومها بسلامته وبس
نسمه ب\ : ما هي كانت كويسه احنا اللي فضلنا نضغط عليها لحد ما عملت في نفسها كدا
قاسم بضعف : حد يسكتها علشان مقومش افرغ سلاحي في دماغها واسكت
محمد : اهدي اهدي يا حبيب قلبي كله هيعدي ويفوت والخير جي انشالله ودا قدر والله
قاسم بدموع : اروح ارمي نفسي في النا*ر واقول قدر يا محمد ؟ بنتي قدرت تكس\ر ابوها ؟ وبعد ما عملت عملتها وقولنا هنسكت علشان الفضايح رحت رمت نفسها من البلكونه
عاصي ب\ : انا قولت نهدي ونتكلم براحه علشان مكنتش عاوز نوصل لحد هنا
غسان : يا جماعه استهدو بالله دا مش وقت عتاب البت اللي جوا دي مش عوزه غير الدعاء ان ربنا يقومها بسلامه وبس تقوم هيا وانشالله خير
فون عاصي رن وكانت ندي بعد شويه وراح رد : الوو ايوا يا ندي
ندي بدموع : الوو ايوا يا عاصي زهره عملة ايه ؟
عاصي بتنهيده : لسه في العمليات يا ندي بإذن الاه هتكون كويسه بس اهدي انتي كدا وقوليلي مين اللي عندك
ندي مسحت دموعها : هنا انا وفرحه وحبيبه
عاصي : طيب بوابة البيت مقفوله ولا مفتوحه ؟
ندي بصت علي البوابه : لاء يا حبيبي مقفوله انتو هتيجو امتي ؟
عاصي : لاء مش عارف لسه المهم ممكن اتأخر ازخلي افطري انتي والبنات ومتخافيش انشالله خير
ندي : ماشي انت فطرت ولا لسه
عاصي بكذب : فطرت يا حبيبي فطرت يلا روحي افطري وقفل وحط ايده في جيبه وفضل يفكر هيعملو ايه في المصيبه دي
ساعه عدت اتنين تلاته اربعه خمسه خمس ساعات عدت كأنها قرون بتمر علي الكل الحاره كاها مبقاش علي لسانهم غير زهره بنت قاسم انت/حرت ونسوان الحاره كلهم بيطلعو حوارات واسباب
……………………….
في شقة نڤين
ندي : بنات انا حسه ان قلبي هيقف انا خايفه علي زهره بس في نفس الوقت مكنتش اتخيل منها كدا
فرحه بحزن : ولا انا زهره طول عمرها في نفسها ولا مشاغبه ولا حتي فيها اي حاجه مننا ولحد الان مش مصدقه الكلام دا كله وكل تفكيزي انها في درس وراجعه
حبيبه بعياط وهي في ح*ضن ندي : واسر زمانه هيم\وت من اللي حصل انا خايفه عليه اوووي
ندي بحزن : لاء متقوليش كدا يا حبيبتي هو هيبقي بخير وزهره كمان هتكون بخير وكل حاجه هتتصلح والله
………………………….
في المستشفي
بعد سبع سعات في العمليات طلع الدكتور الكل راح عنده
قاسم بتعب : بنتي عمله ايه يا دكتور ؟
الدكتور : بص يا استاذ حاليا انا مش هقدر اقولك كلمة وحده غير ان الجنين نزل وكان عمره شهر واربعين يوم وحاليا الخطر علي حياتها 90٪؜ وربنا يقومها بسلامه قعدتكم هنا ملهاش لازمه محتاج مرافق واحد معاها وبس ومشي
نسمه بعياط : انا هفضل مع بنتي
قاسم بص لاسر بوجع : خليك مع اختك يا اسر علشان انا مش هقدر افضل
اسر : اكيد هفضل انا متقلقش روحو انتو
الكل مشي وفضل اسر وعاصي
اسر : عاصي روح انت كمان انا هنا لحد ما نشوف اللي هيحصل

عاصي : انا معاك اهو مش ماشي انا هدفع فلوس وهبات معاك الليله
اسر : ياعم روح علشان مراتك انا هنا متقلقش
عاصي : يا عم ما هي في البيت معاهم هو ايه اللي هيحصل ليها انا معاك اهو قوم بس نجيب حاجه ناملها علشان نقدر نسهر علي الاقل
اسر مشي معاه بقلة حيله راحو جابو اكل وامجد شافهم مشو راح واقف قدام قوضة زهره وشافها من الزجاج وهي بين الاجهزه والمحاليل ودموعه نزلت
امجد بكس\ره : كنتي استني 10 دقايق بس يا زهره كنت جي اتقدم والله العظيم ليه يا روحي تعملي كدا ليه
……………………………
الساعه بقت 10 بليل والعيله كلهم تحت في بيت نڤين قعدين في صمت رهيب كل واحد جواه وجع بس المختلف المره دي ان الوجع واحد عند الكل ونسمه اللي مش فايقه لأي حاجه ولا لأي كلام
منير : يلا القعده ملهاش لازمة يلا كل واحد يطلع ينام واللي يستحمي والصبح خير انشالله
غسان : ابويا معاه حق قاسم خد مراتك واطلع شقتك والصباح رباح وعاصي واسر هناك اي جديد هيعرفونا انشالله
قاسم بص لنسمه بكس\ره ولوم وطلع علي شقته من غير ولا كلمه
غسان بص لنسمه :معلش يا ام زهره انتي عرفه الظروف اللي احنا فيها معلش متخديش علي كلامه
نسمه مسحت دموعها : انا عرفه ان مش حاسس بأي كلمة بيقولها وطلعت علي شقتها بوجع في قلبها مفيش حاجه في الحياه تقدر تطفيه
عمر : نورهان يلا قومي نروح احنا كمان
نورهان هزت راسها ب ماشي وبصت لنور : نور هروح والصبح بدري هكون هنا علشان نشوف هنعمل ايه ونكون مع نسمه
نور : ماشي يا حبيبتي روحي
نورهان اخدت فرحه في ايدها وعمر وراحو علي بيتهم
يمني : محمد تعالي شيل سيف من علي ايدي علشان نروح
محمد راح اشتال سيف اللي نايم علي رجله : تصبحو علي خير يا جماعه
منير وغسان : وانت بخير يا حبيبي ومشي علي بيته
غسان بص لندي : ندي حبيبه هتنام معاكي النهارده بدل ما تنامي لوحدك
ندي : ماشي يا ابيه انا اصلا متفقه انا وحبيبه علي كدا
غسان : طب يلا اطلعو يلا انتو
ندي اخدت حبيبه وطلعو علي فوق
وفي الاخر خااالص غسان اخد نور وطلعو بيتهم
……………………….
في شقة غسان
غسان : نور لو قدره تعملي اكل هم\وت من الجوع مألكتش اي لقمه من الصبح
نور : حاضر يا حبيبي هعملك اكل اهو ثواني ويكون جاهز
غسان باس دماغها : انتي عملة ايه بطنك كويسه مش وجعاكي ولا حاجه
نور ببتسامه : لاء يا حبيبي انا الحمدالله كويسه ادخل انت غير علي ما اعمل اكل
غسان فعلا دخل واخد شور ونور بدأت تجهيز في الاكل
غسان راح عندها : حاسس ان كلي تعب وهبوط وصدمه وكل حاجه
نور بصت ليه : احنا مشفناش بسيط النهارده دا احنا تعبنا اووي بس انشالله خير
غسان : مصدوم من اللي بيحصل وخوفت النهارده اووي وانا شايف منظر زهره علي الارض
نور غمضت عينها وهي بتفتكر منظرها : اسم الله عليها حبيبت قلبي وقعت نفسها في فخ وحش ومش ليها ولا شكلها خد يلا الأكل
غسان اشتال الصينيه وراح علي الصاله وقعدو علشان يكلو
……………………………