في شقة نور
نور بتقل/ع هدومها بتعب :غسان رجلي وجعاني اوووي
غسان قالع القميص وقاعد بالبنطلون بس ومركز في الاب :قولتلك متلبسيش كعب زعلتي مني
نور راحت قعدت جنبه :حبيبي البس علشان متاخدش برد في عضمك
غسان :دلوقتي هقوم اخد شور
نور بتفكير :غسان هو فعلا صندوق الاسره دا بجد يعني لازم يدفعو فلوس علشان يتجوزو
غسان :اممم هو انا بالصراحه مش متابع الحوارات دي بس علي ما اعتقد مدام طلع من قصر الرئيس يبقي حقيقي وبص ليها وشدها قعدها علي رجله ودفـ,ـن وشه في رقابتها وبعدين احنا مالنا احنا مش اتجوزنا عوزين ايه تاني بقا
نور حطت ايدها حولين رقابته : انا مش مرتاحه خالص يعني انا جعانه وقرفانه اكل ونفسي اكل سمك ومجرد ما اشم رحته ارجع اعمل ايه
غسان بص ليها وحط ايده علي بطنها :انت عارف يا عم ادم لو قرفتني زي ما عاصي عمل هتزعل مني جامد يعني
نور بغيظ :عيل غتت لسه مجاش الدنيا وبيعمل فيا اللي محدش عمله علي ما يجي الدنيا يكون خلص عليا
غسان خطف بو*سه من شفايفها :نور هي القمصان اللي كانت بتاعتك قبل ما تحملي في حبيبه فين ؟
نور بستغراب :في الدولاب اهم عاوز منهم ايه ؟
غسان قومها وراح فتح الدولاب وطلع قميص اسود بالمعه وقال بوقاحه :هو اسود ايوا بس جامد ايه رأيك تلبسي دا يا قمري
نور بشهقه :دا ايه يا غسان اعقل انا مش لبسه الكلام دا
غسان بمكر عمل نفسه زعلان :علي رحتك انا هدخل اخد شور وانام
نور قامت بسرعه مسكت ايده وقالت بتردد :يا حبيبي بس دا سافل اووي وانا بطني كبيره وهبقي وحشه
غسان حط ايده علي وسطها :مين اللي ينشك في قلبه اللي قال عنك وحشه دا انتي بطل وصاروخ البسي بس كدا
نور اخدت القميص بتردد ودخلت الحمام لبسته وطلعت كان غسان قاعد علي الكنبه وحاطت رجل علي رجل وبيشرب سيجاره اول ما شافها فضل يبص عليها من فوق لتحت
غسان بتصفير :ايه الحلاوة والجمال والقمر دا
نور بخجل :غسان انا مش عرفه اتكلم البتاع قصير اووي
غسان قام وراح ليها وحط ايده علي وسطها وباسها من خدها :رفقاً مولاتي بي
نور ببتسامه :من شدة حبه ليها كان هيتجنن
غسان ببتسامه : ولكن لا يريد العتق بل يريد الجنون والعش/ق اكثر وباسها بحب وحنان واشتياق ولهفه وقضو ليله من زماااان اووي متكررتش
…………………………..
اسر وحبيبه روحو مع بعض وجواهم فرحه كبيره ان اخيرا مبقاش حاجه ويكونو مع بعض وفي ح*ضن بعض اسر بيفكر في حجات وحبيبه بتفكر في حجات وهما مفكرين ان كل واحد بيفكر بطريقه مختلفه ولكن التفكير واحد
اسر واقف تحت البيت بالعربيه ومعاه حبيبه مسك ايدها وباسها : كدا الدور علينا احنا مبقاش قدمنا اي عواقد
حبيبه ببتسامه :انا نفسي اكون معاك النهارده قبل بكرا يا اسر
اسر قرب منها وباس خدها اليمين والشمال :بحبك وبم\وت فيكي يا حبيبة ايامي
حبيبه بحب :وانا كمان بم\وت فيك يا حبيبي
اسر قرب من شفايفهت وباسها بشتياق رهيب حبيبه بتمانع لكن اسر مش فايق اصلا
حبيبه بعتراض :اسر ابعد اسررر وبعدت
اسر فاق من اشتياقه : اسف اسف بجد مش عارف حصلي ايه
حبيبه مسحت شفايفه بخجل مهلك :مفيش حاجه يا حبيبي بس انا لازم انزل دلوقتي
اسر بضحك :انا بقول كدا برضو انزلي علشان الوضع ميطورش
حبيبه ضحكت :طيب يلا انزل انت كمان يلا
اسر :حاضر اطلعي وانا هركن العربيه وجي وراكي يا قلبي
حبيبه هزت راسها وطلعت علي البيت واسر غمض عينه بشـ,ـتياق :امتي يا حبيبه امتي بقا
………………………..
عند مصطفي وفرحه
مصطفي سايق وفرحه جنبه :مالك البوز مترين ليه
فرحه بغيظ :الضحكه ممنوعه الحركة الزياده ممنوعه الرقص ممنوع الصوت العالي ممنوع شعرك يبان ممنوه صورتك علي الفيس تتشال واتشالت المح طيفك برا هتزعلي كلام مع اي راجل ممنوع ولا حتي ولاد عمك ومبحبش كلمة زي اخويا كل دووول انا حفظاهم لكن الزعل لسه متمنعش
مصطفي :جدعه كلامي خليه في بالك علطول علشان لما حاجه منهم تحصل تبقي عرفه بتتعاقبي علي ايه يا فروحه
فرحه بصت ليه :مصطفي يا حبيبي انا مش واخد بالك انك مزودها عليا اووي انت حتي مبترضاش تخليني انزل اروح عند ماما نڤين
مصطفي :تقولي راجل مش متحضر تقولي جاهل تقولي اللي تقوليه انا ميهمنيش انا يهمني انك من يوم ما لبستي دبلتي وبقيتي بتاعتي اتصرف فيكي زي ما انا عاوز وانتي كمان انا حقك اللي انتي عوزاه اطلبيه وان معملتوش ليك تتكلمي
فرحه :يا حبيبي عرفه انك بتحبني بس مش لدرجة انك تحبسني
مصطفي :انا مش بحبسك انا بعرفك اصول الحياه الوحده اللي تمشي في الشارع تضحك انتي متعرفيش احنا بنقول عليها ايه الصوت العالي دا وحش الانثي معروفه انها بتكون رقيقه بطبعها وصوتها الهادي
فرحه بصت ليه وضحكت :ايوا الصوت الشتوي
مصطفي بستغراب :صوت ايه يا قلبي
فرحه بضحك :ياسمين عز قالت لازم تخلي صوتك اخنف وهادي دا الصوت الشتوي اللي المفروض نستعمله
مصطفي :وانتي صوتك ايه
فرحه بضحك :خريفي
مصطفي ضحك وهي ضحكت وبعديها روحها وفضلت تتحايل عليه ينزل بس رفض وفرحه طلعت علي بيتهم وهو مشي علي البلد فرحه دخلت شقتهم كان ابوها وامها نامو دخلت علي قوضتها
فرحه :كويس ان بابا نايم لو كان صاحي وشايفني رجعه دلوقتي كان دفـ,ـني حيه
……………………………..
في شقة عاصي
عاصي قاعد علي السرير وندي نايمه علي كتفه بتعب
ندي :عاصي بطني وجعاني
عاصي :طيب اعمل ايه من بدري بقولك تعالي نروح عند الدكتوره وانتي كل اللي علي لسانك هبقي كويسه
ندي : طيب عندك حبوب بنادول الزرقا
عاصي قام وفتح الدرج لقي بنادول احمر: حبيبي مفيش غير احمر بس هيريح بطنك انشالله بس هدي كبسوله علي ما اعملك كوباية ينسون وراح علي المطبخ
ندي بتعب :ايه الحياه الزوجيه الهم دي من يوم ما دخلت عش الزوجيه وانا تعبانه بس انا عرفت هي عين الدبه وام حاجب محسوده
عاصي من المطبخ :ندي انتي حطه الينسون فيين
ندي قامت وراحت ليه وفتحت درج المطبخ وجابته :اهو يا حبي الدرج التاني كله مشروبات خليك مفتح كدا
عاصي :حقك عليا بقا المهم روح ارتاحي علي ما اعمل الينسون هتشربيه من هنا هتبقي زي الفل علطول
ندي :عاصي تخيل كدا لو اديتني عشين جنيه ؟
عاصي بضحك :علي اساس ان بحرمك من حاجه سواء فلوس او حاجه تانيه
ندي حطت ايدها في جيب البنطلون ملقتش المحفظه :طيب فين المحفظه اخد منها عشين جنيه علشان هنجيب حلاوة انا وحبيبه بكرا
عاصي بص ليها :ايواااا طيب هجيب ليكي وفتح فونه لقي ندي منزله استوري واتس صورتها وكان فعلا قمر
عاصي بص ليها ب\ :انتي حطه صورتك علي الواتس ليه يا ندي
ندي :عادي يا عاصي علشان كنا في فرح وكدا
عاصي ب\ :طيب روحي امسحيها يا ندي وعلي الله اشوفلك صوره علي النت سواء فيس او واتس
ندي بصت بستغراب : عاصي انا حطه صوره عاديه علي الواتس وانا معنديش غير اهلنا بس
عاصي بزعيق :وانا مش عاوز حد يشوفك اهلنا مش اهلنا ميشغلنيش
ندي بصت لعاصي بخوف :طيب ممكن توطي صوتك انت بتزعق ليه
عاصي مسح وشه واتكلم ب\ : ندي انا مبحبش حورات البنات وحطه استوري وحطه بتاع امسحي ام الصور ومش عاوز كلام كتير وطلع من المطبخ
ندي وقفه في المطبخ ومسكه دموعها بالعافيه : هو هيحصل ايه لما يكلمني براحه وبهدوء ومسكت بطنها بوجع ياربي هون وجع بطني وطفت علي المايه ودخلت الاوضه لقت عاصي واقف في البلكونه بيتكلم في الفون اخدت بجامه ودخلت الحمام
عاصي : انا عاوز جميع اوراق الصفقه الجديده تتحول ليا علي الايميل الخاص بتاعي بكرا يا اشرف
اشرف :تمام يا فندم ولكن في حوار لازم حضرتك تعرف بيه ضروري
عاصي بستغراب :حوار ايه اتكلم ؟
اشرف بتردد : فرع الجيزه اتسر*ق منهم تصميم لحذاء وجه اعلامي لشركة ودي هتسبب خساره لينا كبيره
عاصي غمض عينه ب\ :ازاي شركة كبيره عريضه يتسر*ق منهم تصميم مهم زي دا المهم اهم حاجه التصميم اللي هنعرضه في السنه الجديده وانا هشوف حوار السر*قه دا بعدين
اشرف قفل معاه :طب اقول ليه ازاي ان التصميم اللي اتسر*ق هو التصميم اللي هنعرضه في السنه احنا النهارده الخميس مش هنكد عليه ويوم السبت يحلها ربنا
عاصي قفل البلكونه ودخل لقي ندي نايمه علي السرير ولكن باين اوي علي وشها التعب بص ليها وطلع علي برا ودموع ندي نزلت اكتر
بعد شويه عاصي جاب صنيه عليها كوبايه لبن وسندوتش جبنه بيضه وراح ليها
عاصي :احم ندي …. ندووش انتي لسه صاحيه قومي كدا
ندي بصت ليه بلوم ودموعها علي خدها ورجعت نامت تاني
عاصي راح ليها وشالها مع اعتراض ندي
عاصي ثبتها بقوه : زعلانه ان غيران عليكي من امي نفسها طب اعمل ايه لما تكون مراتي حلوه ومزه مش لازم اغير عليها ولا انا غلطان ؟
ندي بشقهات :انت زعقت فيا وانا بخاف من الصوت العالي وقولتلك اكتر من مره تعالي فهمني غلطي براحه مش تزعق ليا كدا وتقولي حورات بنات
عاصي باس عيونها بحب : حقك علي قلبي يا حبيبي اسف ليكي والله شوفي اللي يرضيكي ايه وانا هعمله ليكي الثانيه دي
ندي مسحت دموعها : بطني وجعاني اووي ومش عرفه السبب ومش مستحمله الوجع
عاصي بقلق :ندي دي رابع مره تشتكي من بطنك وانا قلقت الكبسوله معملتش مفعول
ندي هزت راسها :معملتش حاجه انا مش عوزاك تقلق انا بس جعان وانت نازل بو*س في عيني والاكل هيبرد
عاصي ضحك وجاب الصنيه ليها وقعد يقط/ع ليها السندوتش وهيا تاكل وتشرب من اللبن
ندي :عارف وانا في البلد كنت لازم افطر كدا وانا راحه المدرسه وفي الشتي المكان هناك كان دافي رجلي ديما كانت بردانه كنت اروح ليها واحط رجلي تحت رجلها علشان ادفي كانت تفضل تقولي البسي شراب بس انا مش بحبه ومش بعرف انام وحشني كل حاجه ووحشني ح*ضن ماما اووي
عاصي بص ليها واتفهم وضعها وقال في عقله انت عارف انك متجوزها صغيره واكيد اهلها هيوحشوها بس انا ليه غيران عليها حتي من انها اهلها وحشوها