نيرا بمغمزه :ندي تخنتي وبقيتي عسوووله
ندي بتكشيره :كنت وحشه انا قبل الفرح ولا ايه دا حتي عاصي بخيل
حبيبه بردح :جري ايه يماااا اخويا انا اللي بخيل
ندي :وجلده كمان دا عطيني 100 جنية يا جودعاااان
حبيبه ونيرا ضحكو والباص وصل وكل بنات المدرسه ركبو وندي وحبيبه ونيرا ركبو مع غيرت البنات من صداقتهم واللي حقود من ندي علشان زوجة العاصي اللي يعتبر كان فتي احلامهم
ندي بهمس :خي العيال دول بيبصو ليا كدا ليه
حبيبه بهمس :علشان انتي مرات عاصي عندك نص الدفعه بتحبه
ندي بغيره :وبتقوليها في وشي عادي كدا
نيرا :عادي يا روحي عاصي ساب الكل وجالك انتي
وحده من البنات :انتي مرات عاصي صح
ندي :ايوا انا
وحده تانيه :عسوله مشاءالله تستهلي عاصي
ندي ببتسامه :ربنا يخليكي وقالت بهمس لحبيبه هما ميعرفوش بأسر
حبيبه :عرفين بس اللي بيجيب سيرته بدبحه علطول
ندي سلمت عليها :احلي مسا عليكي يا باشا لو معايا سجاير كنت اديتك وقلبنا الباص عرزه الثانيه دي
حبيبه :تربيتك يا كبير
ندي :صحيح حد جاب غش
حبيبه بستغراب :غش ليه
ندي بصت ليها :اومال هتحلو ازاي
حبيبه :ما احنا مذاكرين انتي جايبه ولا ايه
ندي بغرور :طبعا في الكوتش علشان التفتيش
نيرا بضحك :يلهوي عليكي وانت مش بتذاكري ليه
ندي بغمزه ضحك :مكنتش فاضيه بقا
…………………………..
في شقة نور وغسان
غسان قام علي رنة فونه وكان المنبه قام وفتح نت شويه وبعدها افتكر خناقه مع نور واضايق اووي قام ودخل الاوضة بص عليها وكانت نايمه بستغراق
غسان ببتسامه :يعني متخانقين ونايمه بالعمق دا اومال لو متصالحين بقا هتعملي ايه يا اكتر ست هبله في الدنيا وراح طلع لبس الشغل وجهز نفسه
نور اتحركت في السرير وفتحت عينها اول ما شافته كشرت وقامت راحت علي الحمام وغسان متقن البرود
بعد شويه نور طلعت لقت غسان بيتكلم في الفون
غسان ببتسامه :انتي حبيبت قلبي والله العظيم ربنا يخليكي ويبارك فيكي يارب
نور بصت لغسان والدموع متحجره في عيونها وحسه بخنقه رهيبه :مين دي يا غسان ؟
غسان بص ليها :امك بتسلم عليكي يا نور وقفل وكمل لبسه
نور بخنقه :لحقت تروح تشكي ليها مني ؟
غسان :لو مفكره ان علشان اخلي مراتي تسمع كلامي وتمشي تحت طوعي هروح اقول لحد تبقي غلطانه الراجل اللي يقول اسرار بيته لحد يبقي **** لامؤخده ومدام انتي دخلتي الشك بينا يبقي بنخرب علي نفسنا ودي البدايه
نور مسحت دموعها :تسمي الغيره شك ؟
غسان بص ليها :في فرق بين الغيره والشك الراجل بيحب مراته لما تغير عليه وبيحس انه فارق عند حد لكن لما الاقي مراتي جايا بتقولي بتخوني في وشي يبقي ردي ان اك\\سر عضمها يس حالف ممد ايدي عليكي تاني في يوم مهما كان السبب واااه انا لابس ورايح الشغل لتفكري رايح اخونك او حاجه في فلوس في الدرج لو احتاجتي حاجه واخد بعضة ومشي
نور بعياط :استغفر الله العظيم يارب انا عرفه ان غلطانه بس هو قاسي حتي في حنيته عنيف ومش واخد باله من كدا اصلا
………………….
في الجامعه عند مصطفي وفرحه
مصطفي واقف بيشرح الماده ومركز مع فرحه اللي كل شويه تغمز ليه وتعمل قلوب بإيدها وتب\\وسه في الهوا وهو متحكم في ضحكته بالعافيه
مصطفي :كدا تمام يا حضرات نقدر نقول اننا قفلنا الماده وبإذن الله اتمني اكون كنت ضيف خفيف علي قلوبكم واشوف وشكم علي خير
وحده من المدرج بدلع :دكتور مصطفي هو حضرتك مش هتيجي لينا تاني
مصطفي ببتسامه :لاء انا كدا اكون خلصت المهمه اللي جيت ليها هنا وشرف ليا ان كنت بدرس ليكم والله العظيم ولقي رساله وصلتله من فرحه ( ابتسم حلو يا مصطفي ابتسم علي فكرة معايا روج عليا اطلعه واخلي احمد زميلي يحطلي عادي خالص مصطفي رفع عينه ليها بنظره قاتله
مصطفي وهو عينه عليها :اتفضلو يا شباب كدا المحاضره الاولي خلصت وانسه فرحه ياريت تحصليني علي المكتب و حالا وراح علي المكتب
فرحه قامت وراحت وراه :استر يارب وخبطت ودخلت حبيبي طلبتني
مصطفي بص ليها بغضب :احمد زميلك بقا اللي هيحطلك الروج يا قلبي ايوا ايوا
فرحه بحذر :والله بنكشك وبهزر معاك انت عارف اني بهزر صح
مصطفي قرب منها :حتي الهزار لو ذكرتي اسم راجل هتزعلي وانا زعلي وحش يا فروحه
فرحه بخجل :وعلي ايه يا حبي احنا منرضاش زعلك ابدا يلا تعالي فطرني بقااا
مصطفي برفع حاجب :بتهزري الأعفي خلاص خلصت وعادي نخرج
فرحه مسكت دراعه وبتشده لبرا :مفيش مانع اننا نهرب من ورا اهلنا يعني ولا ايه يلا يلا الدنيا بتتعاش مره واحده
مصطفي ضحك ومسك ايدها وراح علي عربيته :خروجة علي مزاجي بقا وهوريكي هخرجك فين بقا
فرحه :معاك يا مدرسي العزيز وركبت العربيه ومصطفي مشي……
بعد مرور شهر علي الاحداث ندي والبنات نجحو في الثانويه بتقدير كويس وندي اللي النزيف بدء يروح من عندها وحبيبه واسر اتخطبو خطوبة علي الضيق كدا للأهل بس وكدالك مصطفي وفرحه واخيرااااا النهارده الحنه بتاعت كريم ونيرا
يوم مستنينو بقالنا كتيررر اووي ويوم مهم بنسبه لينا كلنا
( في الشركة عند عاصي )
عاصي قاعد علي مكتبه وبيراجع الاوراق والعقود لقي الباب بيخبط وندي بتدخل
عاصي بص ليها بلامباله :اكيد مش جايا نتكلم في نفس الحوار تاني
ندي بدلع :لاء يا قلبي مش جايا اتكلم فيه انا جايا اعد مع جوزي شويه
عاصي رجع ضهره لورا وربع ايده :امممم طب ما انا كنت معاكي في البيت ض\\ربتي ام الليله امبارح علشان عوزه تباتي عند صحبتك زي حبيبه وفرحه وض\\ربتي مزاجي علي الصبح علشان نفس الكلام
ندي قربت منه وقعدت علي رجله وحوطت رقبته :طيب قولي انت رافض ليه يعني اديني سبب واحد يخليك ترفض ؟
عاصي اتعدل وحط ايده علي وسطها :مفيش ست متجوزه تسيب جوزها ينام لوحده وتروح تنام عند حد يا ندوش يعني يرضيكي بدل ما اح\ضنك اح\ضن المخده
ندي بضيق :ايوا يرضيني ومينفعش ليه جوزها ينام لوحده هيتخطف يعني عاصي بالله لو مخليتني انام عند نيرا زي حبيبه وفرحه لانزل انام مع ماما نڤين
عاصي بعصبيه :ندييييي اقفلي علي ام الحوار علشان وديني ما اناي طالعه من البيت ولا انتي خرجه بايته عند حد انا مش راجل ** علشان اسيب مراتي تنام عند حد
ندي بصت ليه :ولما باتت معايا ايام فرحي وكانت معايا في كل حاجه امها مرفضتش ليه يا عاصي
عاصي :علشان مش متجوزه خليها لما تتجوز تقوله هبات عند اختك حتي كدا او اقولك علي رحتك يا حبيبتي روحي باتي عندها ونزلها من علي رجله وكمل شغله
ندي بغيظ :خلاص يا عاصي مش راحه عند حد هقعد معاك وراحت قعدت علي الكنبه تلعب بفونها وعاصي ابتسم عليها والباب خبط
السكرتيره :مدام ناني يا عاصي بيه
عاصي :تمام دخليها
ناني دخلت ولبسه جيبه جلد قصيره وضيقه وكعب ميكب وجاكت ابيض وتحته شميز مفتوح مبين جزء من صدرها
عاصي وقف ببتسامه :صباح الخير يا مدام ناني اتفضلي
ناني:ايه دا مش قولت ليك قبل كدا ناني بس ولا ايه
عاصي ببتسامه : عارف المهم اتفضلي علشان نمضي العقود
ناني :عاصي ممكن كوباية قهوه لان حسه بصداع بجد رهيب
عاصي : اكيد وطلب ليها قهوه طيب نمضي العقود بقا
ناني راحت وقفت وراحت جنب عاصي ووقفت : تمام نمضي العقود
عاصي :تمام هنمضي العقود بس لو سمحتي يا مدام ناني اتفضلي ارتاحي مكانك لان احنا في مكان شغل
ناني بهمس :ممكن تيجي شقتي عادي
عاصي وقف بحزم :مدام ناني هتتفضلي مكانك ولا الغي الصفقه كلها
ناني راحت مكانها بغيظ ومضو القعود ومدت ايدها لعاصي تسلم عليه
عاصي هز راسه وممدش ايده :اتفضلي يا مدام ناني مبروك الصفقه
ناني اخدت شنطتها بغيظ ومشيت علي برا وعاصي رجع راسه لورا وغمض عيونه لقي ايد ندي بتتحرك علي جبينه بتعمل مساج ابتسم ليها
ندي ببتسامه :انا بحبك علي فكره يعني انا كنت هقوم اجيبها من شعرها لما لقيتها بتتكلم معاك بس حبيت اشوف ردة فعلك يعني متأثرتش بجسمها ولا بشكلها
عاصي شدها عندها وقعدها علي رجله ومد ايده قدامها :انا من يوم ما لبست البدله دي وانا اتحرم عليا اي بني ادمه في الدنيا علشان انا مكتفي بيكي يا ندوش
ندي ح\ضنته :طيب انا مش هبات عند نيرا هرجع معاك بليل بعد الحنه بس خليني معاها النهارده بس ممكن
عاصي باس راسها :حاضر خليكي معاها ونرجع بليل سوا وبعدين هقولك ليه مينفعش تنامي مع حد او برا البيت
ندي باس خده ب\\وسه كبيره وقامت :ماشي انا همشي انا بقا
عاصي رن علي السواق بتاع الشركة :مدام ندي هتنزل توصلها المكان اللي هي عوزاه وتطمن انها كويسه وترجع وقفل
ندي بعتت ب\\وسه في الهوا :بااااي يا حبيبي ومشيت
………………………………….
في شقة نور
غسان واقف في المطبخ بيعمل عصير برتقان وجابه لنور اللي بترتب هدوم البيبي الجديده اللي اشتريتها مع غسان في الدولاب
غسان ناولها الكوبايه :حبيبي سيبي الهدوم دي كدا واشربي الكوباية دي
نور بفرحه :غسان بص الشراب قد ايه ياربي بجد هم\\وت من حلاوتهم صغيرين اوووي
غسان ببتسامه :ايوا شكلهم حلو بس سيبك من الحجات دي كدا واشربي الكوباية دي كدا الاول
نور اخدت الكوبايه وبدأت تشرب :معملتش لنفسك ليه
غسان :لاء مش عاوز برتقان اشربي انتي يا روحي واحهزي النهارده علي 7 بليل نروح الحنه بتاعت نيرا
نور :عمله حسابي متقلقش حبيبه اصلا راحت من الصبح عندها
غسان بضحك :واسر سابها تروح عادي كدا
نور بضحك:ما دا اللي مجنني ونسمه بتشتكي من زهره البت حبسه نفسها في الاوضة حاي بعد الامتحانات ولا بتطلع ولا بتروح ولا نسمه عرفه تقول لابوها ولا اي حاجه
غسان :في الاساس قاسم واخد باله بس ايه السبب انها تفضل حبسه نفسها الحبسه دي يعني
نور :ولا نعرف بقا المهم انا عوزه اتكلم معاك في موضوع
غسان قعد علي الكرسي وحط رجل علي رجل وطلع سجاره ولعها :اتكلمي يا حبيبي
نور :بصراحه انا عوزه لما اولد اروح عند ماما
غسان بص ليها وطلع نفس من بوقه :اشمعنا ؟
نور :يعني عادي هروح اعد عندها شويه
غسان :لاء هتولدي وهتيجي علي البيت هنا اولا انا مبعرفش اعد من غيرك ثانيا حبيبه مش هترضي تعد هنا من غيرك ثالثا عاصي ايوا متجوز بس عوزك رابعا بقا بالله مفي طلوع من البيت
نور بضحك :غسان اهدي عليا يا حبيبي كدا انا هروح اعد اسبوع واحد
غسان طفي السجاره بتاعته في الطفايه وراح عندها باسها بقوة :ولا دقيقه انتي هتفضلي معايا مش هتخرجي ولا انتي ولا ابننا
نور بصت في عيونه :يبقي عليك تستحمل زنه بقاا
غسان بضحك :انا لو فكرت اخلف تاني ادبحيني
نور بردح :نعم يا اخويا انت بتتعب في ايه قولي دا اللي عليك بتخلصه في دقايق ولتكون مبسوط كمان لكن انا بقا حمل 9 شهور وبعدين رضاعه وزن طول الليل قولي انت بتتعب في ايه بقا
غسان برفع حاجب :بخلصه في دقايق ؟؟ هو ايوا بكون مبسوط بس باخد نكد وهرمونات الحمل دي كلها لوحدي
نور بغيظ :تقصد ان انا بنكد عليك يا غسان
غسان :فشررر مين اللي بيقول كدا قطع لسانه البعيد دا انتي ست الستات دا انتي الحته الشمال واليمين كمان دا انتي مفيش حد مفرفش فرفشتك
نور بضحك :ايوا كدا
غسان بتطبيل :اوماااال احنا هنهزر ولا ايه دا انتي سبب ضحكتي يا قلبي
نور بتأثير :انا اصلا بحبك يا حبيبي
غسان :ام عيالي الغاليه المهم بقولك ايه متقومي تعمليلنا دور شاي كدا ولا اروح اشربه علي القهوه وخلاص
نور :لاء مش قادره اقوم روح انت اشربه علي القهوه وتعالي
غسان باس دماغها :انا بقول كدا برضو يلا هروح ومش هتأخر ونزل علي تحت بسرعه
نور بحب :اعمل ايه بحبه بقا
………………………………..