وطلعت من شنطتها بوكس وقدمته ليونس
فتحه يونس واتفاجأ باللى جوا مج عليه صورة يونس وصورة تانيه تجميع لكل رواياته ونوت بوك عليها كل رواياته وحاجات كتيره اوى واخيرا قلم شكله مميز جدا باسم يونس المحمدى
يونس بانبهار انا مكنتش اتخيل انى فيه حد بيحب كتاباتى للدرجادى حقيقى شكرا
حبيبة المهم ان الهديه عجبتك
يونس اوووى انا خلاص هستخدم القلم ده فى كل حفلات توقيعى وكمان المج ده مش هشرب غير فيه والاجندة دى هكتب فيها الروايه اللى جاية
حبيبة فرحت جدا واليوم انتهى بأسعد لحظات حياتها
روحوا البيت وحبيبة دخلت اوضتها وفردت كل الروايات اللى كان لسه ريحة برفان يونس عليهم وفضلت تتأمل توقيعه على كل روايه منهم
فتحت نت ولقيت يونس ناشر بو\ست بهديتها وكاتب
يونس انا حقيقى مهما اوصف مدى اعجابى الهديه دى مش هقدر اوصف الهديه معموله بحب بطريقة تحسسك انك فعلا مهم عند الشخص ده انا بشكر المطر والجو وكل اللى حصل انهارده انهم خلونى اقابل البنوته صحبة الهديه دى واتمنى اقابلها تانى فى يوم من الايام
وشكرا لكل واحد شرفنى انهارده فى المعرض
قفلت حبيبة البو\ست من غير م اتعلق او تقول اى حاجه زى عادتها ونامت وهى فرحانة
عدا كذا شهر وحبيبة كالعاده متابعه يونس بكل حاجة بينزلها ويونس هيتجنن ويعرفلها طريق او حتى يعرف اسمها
كل يوم يكتب بو\ست عنوانه إلى مجهولتى الخاصة
فى يوم كان قاعد يونس مع صاحبه فى نفس الكافيه وبيتمنى الصدفة تجمعهم ويتقابلوا تانى
على م تفك يا يونس مالك
يونس مش عارف يا على اول مرة بنت تعمل فيا كده عجبتنى اوى لدرجه انى مش قادر انساها فات تمن شهور على اخر مره شوفتها فيها انا حتى اسمها معرفوش كأنها سراب واختفى
على طيب م تحاول توصل لصحبتها
يونس ومين قال انى محاولتش هما الاتنين ملهمش اثر
على جاتلى فكرة
يونس اتحفنى
على نزل روايتك الجديده برة المعرض وقول انك عامل حفلة التوقيع هنا
يونس وبعدين
على هتيجى لانك قولت ان بيتها قريب من هنا صح
يونس اه اخر مره صاحبتها
قالتلها ناخدها مشى البيت مش بعيد
على حلو اوى اعمل كدة وصدقنى هتيجى
يونس واعمل ايه وقتها
على دى لعبتك انت بقى
وقد كان نفذ يونس خطة على وكلم الدار اللى رحبت جدا بالفكره وخصوصا ان مش الكل بيعملها ونزل يونس بو\ست على النت
ممكن تكون الفكرة مچنونة بس انا قررت انى مش هنزل السنادى المعرض بروايه جديده كالعاده ولكن انا هنزل روايتى يوم الخميس الجاى وحفلة التوقيع هتكون فى كافيه الساعه أتمنى كل عشاق يونس ييجوا فى الوقت ده بحبكم
قرأت حبيبة البو\ست واستغربت انه حتى مقالش اسم الروايه فكرت تعلقله مرضيتش وفى الآخر فضولها انتصر وكتبت
—
كومنت
حبيبة الروايه اسمها ايه
رد يونس فى نفس الدقيقه فيه بو\ست هينزل باسمها
استنت طول الليل واخيرا نزل بو\ست باسم الروايه اللى كان اسمها ملاكى المجهول وغلاف الروايه كان بنت لابسة اسود وخمار كافيه وحواليها فراشات نفس لون الخاتم اللى كانت لبساه لما قابلته
حبيبة پصدمة
معقول
يقصدنى انا!
وبعدين رجعت وقالت بطلى وهم يا حبيبة يونس مجرد كاتب
ورجعت تانى لعزلتها اللى كانت فيها وفتحت نوت الفون
وكتبتانا حبيته معرفش ازاى وامتى وليه بس حبيته حبيت الشخصية اللى بتكتب كل ده حبيت طابع الرومانسى والدينى اللى كان بيملى بيه رواياته سنين كتير وانا مفيش قدامى غير يونس راجل بالنسبالى يعنى يونس جايز لو عرفت شخصيته اللى ورا شخصيات الروايه اغير رأيي فيه بس حبى ليه مش هيتغير يونس احتل مكانة فى قلبى صعب اى حد يوصلها ربنا قادر يجمعنى بيه وقادر انه يحول كل دعايا بيونس لحقيقه انا راضية يا رب بقضائك وحكمك ايا كان هو ايه
وقفلت النوت ونامت تستعد ليوم جديد
تانى يوم يونس جهز كل حاجه فى الكافيه وعدد كبير جدا جه ويونس شال روايه مخصوص ليها لأنه واثق انها هتيجى
الوقت عدى وكل النسخ خلصت ويونس فقد الأمل انها تيجى وكان هيمشى لحد م لمح طيفها داخله عليه وهى لابسه نفس الدريس والخمار اللى كانت بيهم
قرب يونس عليها بفرحة وقال
يونس اتأخرتى ليه
حبيبة بتوتر النسخ خلصت
يونس بمكر للأسف آه
حبيبة بصت عليه وعيونها
دمعت طيب هتنزل تانى امتى
يونس لا مش هتنزل غير فى معرض الكتاب
حبيبة يعنى انا لسه هستنى اربع شهور تانى
يونس مقدرش اخلى التوب فان بتاعتى تستنى
وطلع نسخه من روايته وعليها توقيعه واداهالها
حبيبة مسكتها منه بفرحة شديدة ومريم كانت مستنياها
مريم ابسط يا عم اتحجزلك نسخة من الكاتب شخصيا
حبيبة الحمد لله
مريم طيب ايه مش يلا
حبيبه يلا
يونس أنا معرفتش اسمك
حبيبة اسمى حبيبة
يونس اتشرفت بيكى يا حبيبة
حبيبة انا اكتر
وسابته ومشيت وهى مبسوطه
تانى يوم كانت راجعه من عند مريم لقيت يونس فى الصالون مع والدها
اتفاجأت بيه وبصتله
يونسانا قولت اختصر المسافات وبدل ماكتب روايات جديده تبقى انتى روايتى اللى مش هتخلص
حبيبة الرواية ليا
يونس مكنتش تنفع لحد غيرك
حبيبة ابتسمت وبصت على باباها
والدها يونس جه وطلب ايدك ايه رأيك
يونس معتقدش اننا هنحتاج نستنى الرد المأذون يا عمى
ضحكت حبيبة على يونس وجنانه وفرحت اوى
وف لمح البصر كان كتب كتابهم مكتوب وقتها يونس شالها ولف بيها وقال دوختينى يا بنت اللذين
حبيبة استاهل يا يونوسى
يونس باستغراب يونوسى
حبيبة حب امتلاك بقى
وغمزتله ويونس ضمھا لقلبه وقال اخيرا بقيتى فى حض\نى وليا
حبيبة واخيرا دعايا استجاب
وفجأة اشتغلت اغنيه أمير عيد وهو بيقول اتقابلنا مرة واحدة وكل مرة بستنى صدفة حلوة تجمعنا يمكن تطييييير الوحدة مواضيع كتير حضرتها وسين\اريوهات من غير عدد ازاى أقرب منها وتشوفنى يووووم ضهر وسند أكون لها طبعا أمير راجل خطېر فى الجدعنة
اسكريبت يونوسى
بقلم عهد عامر
تمت