_انت اتجوزت عليا يا حسن اتجوزت عليا بعد السنين دي كلها والحب اللي حبتهولك دا لي عملت كدا لى…
كانت واقفه قدامه وفي أيدها قسيمة جواز أو صورة من القسيمه وواضح فيها أن جوزها اللي هي عايشه معاه ومخلفه منه طفلين والتالت في بطنها اتجوز عليها بعد لما شالت معاه كتير وكتير واستحملته واستحملت أهله وكل حاجه لكن هوا مقدرش دا واول لما ربنا أعطاه افترى واتجوز عليها
وهى دلوقتي مش مصدقه ازاى هوا كان بيحارب علشانها واتجوزها يصدر منو كدا وانو يتجوز عليها
_ايوا اتجوزت عليكي انتى مش شايفه نفسك وشكلك عامل ازاي مش شايفه نفسك مهمله ازاي انا راجل ومحتاج ست وانتى مجرده من الانوثه دي من اول طفل لينا اهملتيني واهملتي نفسك وكل حياتك شغل البيت وبس لكن انا مش موجود انا مش متجوزك لكدا وبس انتى فاهمه ..
دموعها نزلت على خدها حست نفسها وحشه اوووي هي فعلا فيها العيوب دي هي فعلا مهمله في نفسها وبيتها هي فعلا كدا هوا شايفها كدا …
_لو انت كنت شايفني كدا لى مقولتش لي موجهتنيش لي لي مقولتليش اعملى كذا وكذا انا كنت هتقبل اي حاجه منك غير انك تجرحني كدا وتتجوز عليا انا عملت اي ..كنت بحاول ابقى مثاليه..
_بصي يا فريده عوزا تفضلي على زمتى علشان العيال كان بها مش عوزا اتفضلي وانا مستعد اطلقك وهتكفل بكل حاجه والطفل اللي في بطنك ممكن تنزليه انا مش عاوز منك عيال تاني كفايه كدا …
_تمام يا حسن بس انا مش هنزله وهيفضل جوايا وانا هتطلق ومش هتشوف عيالي تاني والحمد لله ابويا الله يرحمه سايبلي شقه هعيش فيها مع عيالى وشكرا لخدماتك يا ابو عيالي ….هستني منك ورقه طلاقي
دخلت الأوضه جوا وانا قلبي مكسور نصين دخلت لقيت يحيي ونور دول اطفالي يحيي ٩سنين ونور ٦سنين واللي جوايا دا الله اعلم اي مصيره …
_ماما احنا مسافرين
_ايوا يا حبيبتي هنروح نعيش في شقه جدو في اسكندريه …
_الله يا ماما هنروح مصيف
_اه يحبيبتي يلا روحي البسي..
بصيت لقيت يحيي قاعد زعلان وشكله هيعيط
قربت منه ..
_مالك يا حبيبي
_هوا صحيح يا ماما انتى وبابا هتطلقوا علشان هوا اتجوز واحده تانيه
_اه يا حبيبي انت دلوقتي كبير يا يحيي وراجلي احنا يا حبيبي هنمشي من هنا وزى ما الدنيا تعمل فينا مش انت بتحبني
ايوا يا ماما
_وانا كمان بحبك يا روح ماما يلا يا حبيبي قوم البس علشان نمشي..
_حاضر…
يحيي قام وانا فضلت في مكاني وبفتكر ايام عدت وسنين ضيعتها في سبيل إرضاء واحد ميستهلش انى سبت حياتي وبلدى وجيت معاه هنا بحجة
شغله كنت معاه في كل حاجه عالحلوة والمره وهوا كان كويس بس للاسف المظاهر بتخدع …انا مصلحش اكون زوجه هوا شايفني كدا شايفني مهمله وشايفني وحشه هوا متجوزني صغيره مكنتش اعرف حاجه عن جوازا وخلفه وبيت وعيال خلفت يحيي وانا ١٩سنه يعني لسه اللي في سني بيشوفو الدنيا وانا اتجوزت وفي الاخر معرفش لي بيحصل كدا بس الحمد لله ..
قل لن يصيبنا الا ما كتب الله لنا
قررت انها مش هتدخل راجل في حياتها تاني وهتكتفي انها تربي اطفالها وبس وتدور على شغل وتستقل بحياتها وكفايه ايام وسنين وحياتها اللي ضيعتها مع واحد ميستاهلش في الاخر…
لمېت الحاجات بتاعتي وكل حاجه ويحيي ونور …
لقيت حسن داخل وفي أيده واحده وكانت صډمتى لما شوفتها…
_احلام!!!
_احلام انتى يا احلام اللي اللي حسن اتجوزك عليا انا كنت شايفه الاسم في القسيمه بس مكنتش أتوقع أن انتي المفروض انك كنتي صحبتي صح المفروض صح للدرجادي الدنيا بقاش ليها امان حتى صحبتك انتى لي عملتي كدا لى خربتي بيتي عيالى ذنبهم اي في كل دا …
احلام كانت واقفه ساكته وحسن رد عليها
_اعتقد يا فريده انتى اللي لازم تسالى نفسك الإسئله دي مش احنا اسالي مين عمل كدا مين أهمل بيته مين عمل كل دا انا واحلام حبينا بعض وانتى اللي قربتينا من بعض انتى اللي كنتي بتجبيها هنا وانا حبيتها متلومنيش ولا تلوميها لومي نفسك انتى السبب…
_انا انا السبب طيبتي بقت هى السبب حبي للناس بقى السبب ثقتي الزائده في اي حد وانى بصدق اي حد ويصعب عليا دا السبب لا متلومنيش انتو اللي خاينين مش انا اللي مهمله حسبي الله ونعم الوكيل انا احتسبت حقي عند ربنا وهوا هياخدلى حقى منك يا حسن انت واحلام وشكرا اه وحاجه كمان ورقتي توصلي على شقه بابا في اسكندريه انا بقاش ليا حياة ولا عيشه هنا …
خدت يحيي ونور ونزلت واستحقرته هوا حتى محاولش يتمسك بعياله ولا يقولى استني حتى ولا انو يوصلني انا للدرجادي مش مهمه ولا حتى عياله حاولت اتماسك قدامهم وصممت انى اكمل حياتى من غير حد وانى هربي عيالي وبس وأعلمهم الاخلاص في الحب وأنهم يختاروا
صح قبل اي حاجه …انا عرفت أن الط*عنه مش بتيجي الا من اقرب حد فلازم كل واحد فينا ياخد باله من الشخص اللي في حياته ويحاسب على تصرفاته…
فوقت بعد فتره على صوت السواق أننا وصلنا المحطه…
كنت مستغربه سكوت يحىى طول الطريق هوا حتى متخانقش مع نور زي مبيعمل دائما ساكت وبس انا خفت..
_يحيي.
بصلي نظره عميقه حاسه انو بيلومني على حاجه مكنتش بايدي أو بيلومني انى
طيبه بزياده ومتسامحه مع اي حد بيأذيني انا عوزا اعيط انى مليش ضهر مليش اخ سند اخويا مسافر برا واختي في محافظه تانيه حاسه انى لوحدي انا طول عمري لوحدي اي الجديد…
_نعم يا ماما
_مالك يا حبيبي مش بتتكلم لي
_هوا فعلا يا ماما الشخص اللي قريب منك هوا اكتر شخص. بياذيك…
لقيت نفسي وقفت وسكت مش عارفه ارد عليه هوا شاف كل حاجه وسمع كل حاجه هبررله اي أو اصلح تفكيره ازاي لأن الفكره دي لو فضلت في دماغه هيفضل طول عمره ميثقش في حد ودا هيترتب عليه صعاب كبيره …
ابتسمت ووقفت قدامه ومسكت وشه..
ومسكت أيديه..
_شوف ايدك دي انت شايف ان صوابعك كلها متشابهه أو كلها شكل بعضها ..
_لا
_بس كدا مش كل الناس اللي بنقابلهم في حياتنا وحشين أو مؤذيين بس احنا لازم نتعلم من كل خبطه أو ۏجع ونقوى مش تضعف. فهمت يا حبيبي
_اه فهمت …بس في حاجه انا اه صوابع ايدي مش زي بعضها بس في منهم مهم ومش مهم وفي منهم منظر وكمان في اللي لو مش موجود متقدرش تعيش من غيره يعني هم زي الأشخاص كدا …
_صح بالظبط كدا يعني صابع الإبهام دا من غيره مش هتعرف تعمل حاجه وكلهم بيترتبوا عليه علشان كدا لازم اختيارتنا دائما تبقى صح صح وبس نختار بقلبنا ونستشير عقلنا علشان متخسرش في الاخر ..وفي الاول والاخر دا اسمه نصيب ولازم نؤمن بيه…
في الوقت دا جه القطر بتاع اسكندريه..طلعت فيه انا حسيت فعلا اني معايا راجل يحيي زكي جدا وبيحلل كل حاجه حواليه وبيفهم رغم صغر سنه حقيقي راجل ويعتمد عليه…
نور كانت طول الوقت فرحانه انها رايحه اسكندريه مش عارفه انها مش هترجع هنا تاني …
بعد فتره ..
كنت واقفه قدام الشقه …
ودخلت كانت ضلمه
فتحت الكهربا وظهرت معالم الشقه اللي باين عليها انها قديمه
_ياااه بقالى كتير مجتش هنا افتكرت اخر مره كنت فيها هنا وقت ۏفاة بابا الله يرحمه دموعي نزلت في صمت …
_ماما انتى كويسه
_ايوا يا حبيبي…
دخلت وكانت الشقه كلها فيها تراب كل الاثاث متغطى تراب …
_الشقه متتربه اووي احنا لازم ننضفها..
قمت دخلت جوا وجبت ميه وحاجات علشان انضفها ويحيي حاول يساعدني ونور كذالك وبعد فتره كبيره خلصنا ..
وبدأنا نجهز هدومنا …
انا كنت حاسه بۏجع شديد اوووي وخصوصا انى في أواخر التامن وممكن أولد في اي وقت ..ضحكت بسخريه أن حسن معرفش يستني شويه عقبال مخلف أو حتى يشوف ابنه اللي في بطني دا…
بدأت أتألم بجد وۏجع شديد جدا ويحيي قرب مني ..
_ماما
مالك فيكي اي
_تعبانه يا يحيي ..
وبدأت أعرق واتنهد بقوه وأصرخ بالم ويحيي بيعيط …
يحيي حاول انو يدور على اي حد يساعده علشان أمه خرج من باب الشقه وكان في شقه قصادهم..
خبط على الباب بكل قوته وبعد فتره خرج رجل كان في أول التلاتينات خرجله بابتسامه..
يحيي قبل ما هوا يتكلم
_انا اسف جدا بس ماما تعبانه وشكلها بتولد وانا واختى صغيرين ومش عارفين نعمل اي
_طيب أهدى يا حبيبي انا هتتصل بالاسعاف بس فين بابا
_بابا مش معانا مسافر ارجوك ساعدني
كان يحيي بيترعش ويعيط…
يحيي جري لما سمع صوت فريده وهي بتصرخ خلاص هي هتولد …
_يا ماما الإسعاف جايه اهدي علشان خاطري
كانت نور ټعيط وهوا يعيط وفريده بتصرخ …
الاسعاف جت والراجل خد فريده ومعاهم يحيي ونور اللي طبعا مينفعش يفضلووو لوحدهم ..
وصلت المستشفي ودخلت عالعمليات…
هوا وقف مستغرب نفسه هوا اول مره يساعد حد كدا اول مره قلبه يحن لحد هوا طول عمره مش بيهمه حد ولا بيساعد حد …
بص ليحيي اللي اول ما شافه حس أن فيه شبه كبير منو وانو كان نفس طبعه …ودا اللي خلاه يساعده حس أن يحيي زكى جدا ودا دليل انو عرف يتصرف …يا تري اي حكايتهم الناس دي…
قرب من يحيي ..وقعد جنبه..
_انت اسمك اي
_اسمي يحيي وانت
_انا اسمي يحيي برضو
_اي دا بجد ..
_اه بجد
_صدفه غريبه
_اها اسمك يحيي اي
_اسمي يحيي حسن الشربيني
_اي!
انت ابن حسن ..!
_اي دا انت تعرف بابا
_اه جدا المفروض انو كان صديق طفولتى بس الشغل وحاجات كتير اووي بعدتنا عن بعض بس كويس شوفت ابنه بس هوا فين..
يحيي بدأ يتوتر مش عاوز يطلع صورة ابوه قدام صاحبه وحشه مش عاوز يقوله انو خان أمه ورماهم ومتصلش بيهم حتى ولا سال مش عاوز يقوله أن صحبه بايعهم…
رد عليه بابا مسافر حاليا ..
قطع كلامهم صوت طفل صغير لسه
مولود وبيعلن قدومه عالحياه اللي هى انتهت قبل متبتدي رحلته فيها هتبقى صعبه مش هيحس باي حاجه حلوة هتكون بالنسبه ليه كأنها لعبه صعبه مش عارفه مداخلها ولا مخارجها …
يحيي ابتسم وعرف أن أمه ولدت خلاص وجابتله الاخ اللي كان مستنيه تسع اشهر بفارغ الصبر..
نور بفرحه وهي بتشوف الممرضه وهى خارجه بيهالله دا اخويا صح جميل اووي ..وقربت من يحيي ومسكت أيده بقى عندي اخين يا يحيي انت و….
اه صحيح احنا هنسميه اي..
يحيي ابتسم وقالاي رايك في فارس..
نور فرحت اووي بالاسم الله جميل اووي ..انا اسمي نور حسن الشربيني وهوا هيبقى فارس
حسن الشربيني..الله تحفه حبيته اووي..
يحيي الكبير ابتسم على الأطفال دي وفرح
—
اكتر أن صاحبه خلف طفل زي يحيي اللي باين عليه أنه قوي وراجل رغم صغر سنه وحس برضو أن في حاجه غلط في الموضوع وقرر انو يعرفها بعدين أو يبقى يسأل امهم …!
افتكر لما حسن قطع علاقته بيه مره واحده .
.حسن طول عمره فيه الداء ده انو يسيب اللي ساعده ويخلى بأى حد وقف جنبه..
استرجع حاجات كتيره اووي وأنتهت انو لسه جاي الشقه دي من سنه لما مراته ماټت محبش يعيش في الشقه القديمه فنقل جديد ..
يحيي الصغيرانا بجد يا اونكل مش عارف اشكرك ازاي شكرا جدا انك ساعدتني
_متقولش كدا يا يحيي مش احنا صحاب
_اه طبعا صحاب انا حبيتك اووي انت عملت اللي مكنش حد هيقدر يعمله حتى اقرب حد شكرا جدا…
_انت ما شاء الله يا يحيي كبير رغم صغر سنك عقلك كبير وقد المسئوليه شكلك راجل وجدع وانا متأكد أن هيكون ليك مستقبل ربنا معاك يا بطل…
_شكرا ليك انا نفسي اكون رجل اعمال كبير ويبقى عندي مستشفى بتاعتي وكمان يكون عندي شركات كتير واقتحم العالم واكون مشهور اووي عاوز ماما تبقى فخوره بيا .
_وبابا
_اه طبعا وبابا ..
عن اذنك…
يحيي استأذن ودخل لامه اللي كان باين عليها إرهاق الولاده والتعب وغير كدا حالتها النفسية اللي متدمره حرفيا حاول يبتسم
_حمد الله على السلامه يا امى فارس حلو اووي بقينا اربعه ومعاكى اتنين رجاله انا بحبك اوووي يا ماما وهعوضك عن كل اللي فات ….
_ربنا يخليك ليا يا حبيبي ويديمك يا عمري انا مليش غيرك رغم صغر سنك الا انى بحسك راجلى وعكازي والسند اوعى يا يحيي تتغير خليك كدا يا حبيبي انا عارفه أننا هنمر بصعاب كتير بس هنعديها سوا صح
_طبعا يا ماما انا هفضل جنبك دايما وهحققلك احلامك فيا وفي اخواتي نور وفارس قومي بالسلامه بقى علشان نعيش سوا
_حاضر يا حبيبي بس انا جيت هنا ازاي
_عمو اللي برا اللي جابنا وكمان طلع صاحب بابا من زمان واسمه كمان على اسمي گويس جدا ومحترم انا حبيته اووي يا ماما..
_صاحب ابوك ازاي
_مش عارف اناديله ممكن تعرفيه بس حطي الطرحه على راسك الاول
ابتسمت اووي لما شافت. يحيي وغيرته ورجولته حقيقي الاختلاف باين بينه
وبين أبوه أو اللي كان جوزها اتنهدت بابتسامه ولبست الطرحه…
يحيي خرج وجاب يحيي برضو الكبير …
_اتفضل يا عمو
يحيي دخل واټصدم صډمه كبيره لما شافها…
دي البنت اللي كان بيشوفها دائما اللي كان معجب بيها من بعيد لبعيد وبيحبها من بعيد لبعيد ياااه معقول تطلع مرات صحبه اللي هوا كان اول واحد عارف بحبه دا واعجابه دا !!
لي يا حسن عملت كدا!…
_شكرا لحضرتك على مساعدتك ووقفتك جنبنا مش عارفه اقولك اي
_احم لا شكر على واجب انا معملتش حاجه وكمان اللي يكون عنده يحيي مش هيحتاج مساعده من حد ما شاء الله ابنك قد المسئوليه ..
_دوام الحال من المحال الحمد لله ربنا يديمه لينا يعتبر هوا راجلنا دلوقتي..
_أزاي وفين حسن
_حسن اه حسن مسافر يلا الحمد لله
يحيي استأذن وخرج…
ومر يومين من غير احداث …
وفريده خرجت من المستشفى ووصلت البيت وحست انها خلاص الحړب معاها بدأت وان بقى في تلات اطفال ملزمين منها ومحتاجه فلوس دا غير أن فارس لسه طفل وحتى مش هتعرف تدور على شغل!
يحيي كان قاعد مع نور في الأوضه وسمع أمه بټعيط وبتقول أن مفيش معاها فلوس حتى تجيب لبن لفارس ..حس أن الدنيا بتلف بيه وأنه لازم يتصرف…لقى رجليه رايحه عند شقه يحيي ..
خبط الباب ويحيي فتحله…
_ازيك يا يحيي عامل اي وماما ونور
_كويسين بس انا كنت عاوز حضرتك في حاجه
_قول يا يحيي
_انا كنت عاوز اشتغل….
يحيي كان قاعد مع نور في الأوضه وسمع أمه بټعيط وبتقول أن مفيش معاها فلوس حتى تجيب لبن لفارس ..حس أن الدنيا بتلف بيه وأنه لازم يتصرف…لقى رجليه رايحه عند شقه يحيي ..
خبط الباب ويحيي فتحله…
_ازيك يا يحيي عامل اي وماما ونور
_كويسين بس انا كنت عاوز حضرتك في حاجه
_قول يا يحيي
_انا كنت عاوز اشتغل….
_لي كدا عاوز تشتغل لي انت لسه صغير
_معلش يا عمو ممكن تشوفلي شغل انا عاوز اعتمد على نفسي
_وحسن هيوافق
يحيي ارتبك والدموع اتراكمت في
عينيه عاوز يقولو أن لو زعله يفرق معاه أو أنهم يفرقوا معاه اصلا مكنش سابهم كدا ولا كان خلاه واقف الوقفه دي وانو يبقى لسه طفل عشر سنين وعاوز يشتغل علشان أمه وأخواته ..
_يحيي مالك يا حبيبي
كان صوت يحيي الكبير وهوا قاعده على ركبته قدامه وبيسأله اي اللي مخليه بيعيط كدا
_انا انا مش عاوز اقولك أن صاحبك دا السبب انى واقف قدامك وعاوز شغل انت شايف اني لسه صغير بس ماما ماما تعبانه اووي ومش هتعرف تسيب يحيي ولا نور وانا يعتبر
ضهرها وسندها بعد بعد ما ابويا اتجوز عليها وسابنا وجينا هنا وانا معرفش غيرك وعاوزك تساعدني ولو مش هتعرف انا هنزل لوحدي اشوف شغل علشان ماما محتاجانى وانا. لو كلمت بابا مش هيعبرنا وكمان انا مبقتش احبه…
يحيي خده في وطبطب عليه معقول يكون في اب كدا ويخلف طفل كدا يعني فرق شاسع بين حسن ويحيي وهوا مش مستبعد اي حاجه من حسن اللي عمله زمان اثبتله دلوقتي أنه كان عاوز اي حاجه هوا بيحبها وخلاص حتى فريده معرفش يحافظ عليها وعياله اللي هم من لحمه ودمه رماهم ولا سأل فيهم
وسيأتي اليوم الذي يندم فيه على ما اقترفه في حق هؤلاء المساكين أولاده كالملائكه لكنه أقل ما يقال عنه بلا رحمه ولا شفقه…
_طيب بص يا يحيي انا هساعدك بس بجانب دا انت قولتلي انك عاوز تبقى رجل اعمال وتعمل مستشفي باسمك صح
_اه
_انت دلوقتي طبعا علشان توصل لازم يكون معاك شهاده ومتعلم وهشغلك هتعرف توفق بين الشغل والدراسه
يحيي بحماس ورد عليه
_طبعا اقدر انا قوي واقدر وربنا معايا أنا مؤمن أن ربنا مش هيخذلني ماما دائما بتقولي خلي ايمانك وثقتك بربنا كبير دي اللي هتخليك تكمل حياتك وتحقق اللي بتتمناه.
_تمام يا بطل بكرا جهز نفسك علشان اخدك معايا الشغل وخد دول اجر مقدم عقبال متشتغل اديهم لماما
_بس انا لسه مشتغلتش
_متقلقش هبقى اخصمهم من مرتبك
_شكرا جدا يا عمو انت بجد احسن من بابا بكتير انا بحبك اووي
_وانا كمان بحبك اووي كان نفسي يبقى عندي طفل زيك كدا وربنا حققلي امنيتي وشوفتك وربنا اللي عالم بحبي ليك
_تسلم يا عمو انا بقى هدخل اقول لماما
_ماشي…
يحيي دخل وهوا فرحان اوووي. انو جاب فلوس وانو هيشتغل ودخل لامه كانت في المطبخ..
_ماما
_اي يا يحيي
مد أيده بالفلوس يديهالها وهوا فرحان جدا والحماس مالى عينيه
_اي دول يا يحيي
_فلوس يا امي
أمه ضړبته بالقلم
_انت يا يحيي تعمل كدا تسرق انا مكنتش أتصور كدا احنا نجوع ولا أننا نمد ايدنا لحد أو ناخد حاجه مش بتاعتنا روح رجع الفلوس مكانها يلا
يحيي اټصدم انها حكمت عليه من غير متسمعه ولا تفهمه ضړبته وخلاص ..
يحيي بدموع_على فكره انا مش سارقهم ولا شاحتهم انا هشتغل مع عمو يحيي واداني الفلوس دي علشان هشتغل معاه من بكره
_ومين قالك انك هتشتغل أو حتى هتفكر انا اللي يشتغل وانت هتتعلم وبس انت فاهم انت لازم تكون حاجه كويسه
_انا هشتغل وهدرس وكمان انتى محتاجه راحه وكمان فارس محتاج رعايه ونور معلش يا امى مش انتى دائما
بتقولى عليا ضهرك وسندك وراجل البيت فين بقى كل دا وض*ربتني من غير سبب انا اسف يا ماما بس انا عاوز اساعدك انا سمعتك وانتى بټعيطي وانا مش بحب اشوف دموعك ..
فريده عيطت جامد هى فرحانه وزعلانه هى خلفت سلاله بعيدا عن ابوهم وهى شخصيا هى م كدا يحيي مختلف عنهم تماما هى فعلا حسته السند وعرفت في الوقت دا انها عمرها مهتحني ضهرها أو. هتطلب حاجه من حد أو تمد أيدها …
يحيي قرب منها ..
_متعيطيش انا اسف مش بحب اشوفك زعلانه انا بحبك انتى ونور وفارس وعاوز اشتغل علشانكوا
_ماشي يا حبيبي بس اوعدنى انو ميأثرش مع دراستك
رد عليها بحماس
_طبعا انتى مخلفه راجل
_بجد لو لقيت في تأثير هخليك تقعد من الشغل.
_حاضر والله بس أن شاء الله انا قدها انا واثق في ربنا
_ماشي يا حبيبي …
نروح عند حسن في شغله….
حسن كان مسك مدير حسابات المصنع اللي شغال فيه كان الاول موظف عادي وعامل عادي بس اترقي وبقى مدير حسابات ….
كان قاعد على مكتبه ولقي المدير داخل ومعاه واحد تاني.
_حسن صفي شغلك وسلمه لسمير ..
_مش فاهم
_امممم يعني المصنع استغني عن خدماتك لأننا وصلنا انك بتاخد رشوه وبتزور في الحسابات فاحنا اكتفينا أننا نرفدك بس .اتفضل…
_اي…!
إن الله لا يخفى عليه شئ في الارض ولا في السماء .هوا الذي يصوركم في الارحام كيف يشاء لا اله الا هو العزيز الحكيم
_حسن صفي شغلك وسلمه لسمير ..
_مش فاهم
_امممم يعني المصنع استغني عن خدماتك لأننا وصلنا انك بتاخد رشوه وبتزور في الحسابات فاحنا اكتفينا أننا نرفدك بس .اتفضل…
_اي…!
ازاي الكلام دا انا معملتش حاجه
_انت بتقاوح وحرامي اتفضل الاوراق اللي تثبت انك حرامي انت بقالك فتره عالحال دا بس احنا تقديرا ليك
وللعشره مرضناش نسجنك
حسن أن من اللحظه دي حياته هتدمر ازاي يحصل كدا بعد لما كبر في شغله وعمل لنفسه اسم يحصل فيه كل دا …
افتكر فريده واولاده اللي سابهم أو بمعني اصح باعهم…
واتجاهل الفكره لما افتكر احلام وحبه ليها !أو بمعنى أصح هي شبهه فطبيعي هيحبها….
مشي من المصنع هوا ساحب خيبته وراه مش عارف هيشتغل اي وازاي ويا تري دي حاجه هتبقى وصمه في حياته وشغله ولا لا…
دخل البيت وكانت احلام كالعاده قاعده قدام التليفزيون والشقه مش نضيفه وكل حاجه فوق بعضها اللي هوا عكس فريده خالص كان بيجي يلاقي اكله وهدومه وكل حاجه جاهزه ونضيفه مش متعود على كدا فريده كانت مخليه البيت جنه!!
_انت رجعت بدري لي
قعد جنبها وسند رأسه
لورا …
_اصلي اترفدت
_اي ازاي امال هنعيش منين واللي في بطني دا اعمل فيه اي هنصرف ازاي والحاجات اللي عوزاها هجيبها منين
_دا اللي همك يعني
_لا طبعا يا حبيبي بس انت عارف الدنيا بقت صعبه هنصرف منين
_هبيع البيت دا…
_اي!
نروح عند فريده ..
كانت قاعده مع فارس بعد لما جابتله اللبن اللي محتاجه وجابت شويه حاجات في البيت …
وكانت بتتكلم مع نفسها
يا تري يا فارس لما تكبر وتلاقي نفسك من غير اب او بمعني اصح ابوك مسألش عنك هتعمل اي اي موقفك لما تعرف كل اللي حصلنا دا هتعمل اي يا تري هتشوف اخوك وتفتخر بوجوده ولا هتعمل
—
اي …
وبدأت تفكر كتير وتدعى ربنا انها يسهلها الأمور ويديم ولادها ويفضلوا سندها ويحيي يوفقه راجلها وسندها وعوض ربنا ليها..
نور دخلت ليها ..
_ماما عوزا اكل
_ماشي يا حبيبتي خليكي جنب فارس وهقوم اعملك احسن سندوتش
_بجد يا ماما
_بجد
_بحبك اووي …
خرجت تعمل السندوتش
وكان يحيي قاعد بيعمل حاجه..
_بتعمل اي يا يحيي
_برسم بيتنا في المستقبل
_يبت اي دا
_اللي هعمله يا ماما لما اشتغل
فريده عينيها دمعت
_يا حبيبي ربنا يرزقك من وسعه ويقدرك وتعمله واحسن من كدا كمان…
_عارفه يا ماما انا نفسي يكون عندي مستشفي وبيت كبير ومصنع كبير وشركه عاوز ابقى مهم علشان اخدلك حقك من الدنيا ماما انا بحبك اوووي وهعمل اي حاجه علشان اسعدك .
_يا حبيب قلب ماما انا بمۏت فيك انت سندي وضهري وحياتي كلها وعوضي في الدنيا ياريت گل الأمهات يبقى عندهم ابن زيك انا يدعى لكل ام تشوف ابن زيك انت أعظم ابن في الدنيا .
_بقى يست ماما انا قولتلك جعانه تروحي ليحيي وسايبني لوحدي مع فارس اللي مش بيتكلم دا..
فريده ابتسمت على طفوله بنتها
_تعالى يا قلب ماما ثوانى والأكل هيكون جاهز
_طيب عوزا الاول زي يحيي
فريده ابتسمت ويحيي كمان وقالها
_وانتى من امتى وانتى بتغيري مني كدا
نور قربت منه
_انا عمري مغير منك يا يحيي بس انا بحب ماما وانت كمان .
_اي الكلام الكبير دا
_عجبك
_اه جبتيه منين
_من التليفزيون..
_يشيخه وانتى اتفرجتي عليه فين
_اتفرجت عند آليا
_آليا مين دي
_دي بنت الجيران اللي تحت كانت بتلعب ولعبت معاها ومامتها حبيتها اووي ولعبت معاها هي واخوها واتفرجت معاهم على التليفزيون
_وانتى مقولتليش لي وبتخرجي لي من غير متقولي وازاي تعرفي ناس غريبه كدا
دا كانت فريده اللي خرجت وهى بتقول الكلام دا
ليحيي …
نور اتوترت وقالتلها
_آليا جميله اووي يا ماما وحبيتها وهي طيبه اوووي وشوفتها بتلعب لعبت معاها بس والله
كانت نور هتعيط يحيي طبطب عليها وخدها في وقالها
_ماما خاېفه عليكي متعمليش كدا تاني
_حاضر..
_نور انا بحبك وبخاف عليكي يا قلبي متعرفيش حد احنا مش عارفينه ماشي
_حاضر يا ماما ..
_تسلمي يا عيون ماما..
نروح في شقة يحيي الكبير …
كان قاعد بيفكر في اللي حصل والأحداث اللي هتحصل هوا حاسس أنه في قصه طويله وغريبه احداثها غامضه مش لاقي مخارج لاي حاجه كل اللي بيدور في باله لي!
لي حصل كدا ولي بيحصل كدا لي حسن عمل معاه كل دا لي گل الأحداث لفت ودارت ورسيت على اذيته هوا هوا عمل اي معاه لكل دا…
واستغرب اكتر من يحيي وتربيته والفرق الشاسع بينهم وبيفكر يا تري هيجي في يوم ويكون عنده ابن زيه!
تاني يوم كان يحيي بيستعد بحماس بالغ علشان دا اول يوم ليه في الشغل شئ مجهول عنه تماما …
راح بحماس عند شقه يحيي وخبط الباب ..
يحيي خرجله وهوا مبتسم
_جاهز يا بطل
_اه انا مبسوط اووي انى هشتغل
_انا اللي مبسوط بيك اوووي ربنا يحميك
وراحوا الشغل
ومر حوالى اسبوع ويحيي شغال وكل يوم بيجي ومعاه فلوس لشغل يومه وجايب شوكلت لنور اللي بتحبها كان مبسوط بشغله مع يحيي في المصنع بتاعه اللي باين عليه لسه في أوله …
ويحيي بدأ يرسم شكل مصنعه وحياته وكل رسمه يحطها عالحيطه في الأوضه بتاعته وكان مبسوط ومتحمس جدا بشغله دا.
في البيت عند حسن…
_ها جاهز تبيع البيت
_اه خلاص هبيعه
احلامبس بشرط
_اي
_جزء من فلوسه تتحط باسمي في البنك…
في البيت عند حسن…
_ها جاهز تبيع
البيت
_اه خلاص هبيعه
احلامبس بشرط
_اي
_جزء من فلوسه تتحط باسمي في البنك…
_اي اللي انتي بتقوليه دا لا طبعا مش هيحصل
_لو معملتش كدا طلقني احسن مش هبقى عايشه معاك وخلاص من غير اي فائده انا ليا حق زيي زيك يا حبيبي
_اطلقك اي يا احلام انتى ناسيه انك حامل وكمان انا بحبك متجيش عليا انا مش عاوز اخسرك انتى عارفه اني هعمل مشروع بالفلوس دي
_وانا لازم أأمن نفسي واللي في بطني ولا تروح تضيع فلوسك وانا اقعد اشحت
_طيب هعملك كل اللي انتى عوزاه بس متسبنيش!
حسن مضى على عقد البيع وفعلا حطلها جزء من الفلوس باسمها وبعدها اتنقلوا وقعدوا في شقه ايجار بعد مكان عايش في بيت ملكه وحياته مستقره عاش في شقه ايجار عجبا لك يا زمن
بجد !
كان بيدور على حد يشاركوا في مشروع بس لازم يكون موثوق فيه امال اي طبعا…
احلام جاتله وهي فرحانه وبتقوله
_عندي ليك خبر بمليون جنيه
حسن بلهفهاي قولى
_انا اتعرفت على جارتنا وعندها جوزها فاتح ورشه كبيره اووي ومحتاج حد يشاركوا فعرضت عليها انك تشاركوا اي رايك
_بس انا معرفوش
_مانت هتتعرف عليه ولو معجبكش انت ممكن تفضي الشړاكه في اي وقت اي رايك
_هشوف الاول …
حسن كان متوتر خاېف يخسر فلوسه فى اي حاجه دي الحاجه الوحيده اللي هتكون طوق نجاه ليه عاوز ميستعجلش الفلوس كتير مش عاوز يضيعها بس للاسف احلام قصرت عليه جامد هوا نفسه مستغرب اي اللي هي عملاهوله انو يقولها على كل حاجه اه اه وبس!
_هتشوف اي دا لقطه بتقول الورشه بتكسب كتير وهوا اي مسيغها واي مقدرش اقولك والصراحة يا حبيبي انا عوزا ابقى زيها ….
_ماشي يحبيبتي اللي تشوفيه…
نروح في اسكندريه وجمالها وحلاوتها في شقه فريده…
_اصحى يا يحيي علشان الشغل هتتاخر..
صحي يحيي اللي كان بقاله شهر شغال مع يحيي ودا بالنسبه ليه إنجاز اتعلم حاجات كتير وحس أنه عظيم والنهارده يوم مميز بالنسبه ليه لان النهارده عيد ميلاده ومش عارف هيفتكره اليوم دا ولا لا…
_صباح الخير يا امي..
قام …دي حاجه يحيي دائما بيقوله عليها أنه لازم كل يوم الصبح اول لما يصحى أيدها علشان ربنا يباركله في شغله
_صباح الخير يا نن عيني هجهزلك الفطار
_لا يا ماما انا هروح الشغل على طول علشان هتلاقي عمو يحيي مستنيني عوزا حاجه..!
_مع الف سلامه يا عيونى ربنا يباركلك ويرزقك من رزقه الواسع ويفتح في وشك كل البيبان وييسرلك حياتك يارب ويراضيك زي ما مفرحني بيك كدا …
_تسلمي وخرج..
_يحيي
كان صوت نور اللي لابسه لبس المدرسه وكانت وقفه ومبتسمه ليه…
حس انها ممكن تكون افتكرت عيد ميلاده بس
_عوزا اي
_عوزا مصروف بس زودني النهارده
_لي
_علشان علشان اه انا وآليا هنجيب حاجات حلوة
_ماشي خدي…
وخرج وهوا مبسوط انو شايل المسئوليه دي النهارده بقى عنده ١٢سنه يوم مميز جدا …
قابل يحيي ونزلوا سوا..
_صباح الخير يا عمو
_صباح النور عامل اي
يحيي الصغير تتنهد كويس الحمد لله
_امممم مالك
_مفيش
_مش احنا متعودين انك تقولى كل حاجه
_اصل عيد ميلادي النهارده وماما مقالتليش كل سنه وانت طيب مع انها دائما كانت بتعملى عيد ميلاد
_طيب مهو ممكن تكون عملالك مفاجاه متسبقش وانا قولتلك مليون مره متحكمش على حد من غير دليل صح
_صح انا
اسف..
وصلو المصنع وبدأوا شغل ويحيي كان اتعلم حاجات كتير اوووي رغم سنه دا إلا أنه كان زكى اووي في الشغل ودا اللي خلاه عنده ثقه انو ممكن يبقى احسن ويعوض أمه عن كل اللي فات…
اليوم خلص ويحيي روح ..
وكالعادة جاب لنور الحاجه الحلوة اللي بتحبها..
دخل البيت وكان ضلمه
_ماما …
مفيش رد
يمكن برا ..
فتح النور
اتفاجئ أن البيت متزين وأمه واقفه ونور وأطفال العماره كلهم …
_دا ليا
ونور قربت منه وادته الهديه
_جبتيها منين دي
_مش انا كنت باخد منك مصروف كل يوم
_اه
_انا يسيدي مكنتش بشتري حاجه واليا هى كمان قالتلي مش هتشتري علشان تبقى زيي وانا مزعلش فحوشت وجبتها…
يحيي كان مبسوط اوووي أنهم افتكروه وكمان نور …
وآليا البنت الجميله الرقيقه اللي بيشوفها دائما بتلعب مع أخته …
_انا هنادي لعموا يحيي يحتفل معانا
راح ونده ليحيي
وجه معاه…
يحيي كان بقاله كتير مشافش فريده اللي هوا الشقه في وش الشقه ومشفهاش صدفه حتى..
بس كان مبسوط بعلاقة يحيي وفريده ودي الحاجه الوحيده اللي عملها حسن أنه خلف طفل زي يحيي…
عدى اليوم ويحيي كان مبسوط ولعبوا كتير …
وعدت ايام كتير لا تعد حوالي سنه ..
في بيت حسن…
كان قاعده والدنيا قدامه سوده..
فلوسه كلها ضاعت وحياته اټدمرت وخسر كل حاجه تعب جدا واحلام كانت دائما شمتانه فيه حتى الراجل اختفى وكل حاجه ضاعت وباظت حتى الايجار بتاع الشقه اتراكم عليه وحاول يطلب من احلام الفلوس وهى رفضت دا وسابته ومشيت…
وهوا قاعد الباب خبط..
_انت حسن الشربيني
_ايوا
_في قضيه طلاق مرفوعه عليك باسم السيده احلام عطاالله…
_اي…
انت حسن الشربيني
ايوا
في قضيه طلاق مرفوعه عليك باسم السيده احلام عطاالله
اي
حسن مكنش مصدق
أن احلام اللي هى باع ولاده ومراته علشانها تعمل كدا فيه حس أن الدنيا بتلف بيه وكأنه بيقول انا اي اللي عملته في نفسي دا غدرت بمراتي وبعدت عنهم سنه كامله ولا سالت ولا شوفتهم سبتهم يخبطوا في الدنيا لوحدهم بس جاي فين جاي بعد فوات الاوان يفتكرهم سنه كامله عاش فيها مع واحده خسرته كل حاجه ودلوقتي طالبه الطلاق
مضى على الورقه ودخل قعد مكانه مكنش مستوعب كل اللي بيحصل للدرجادي هوا طلع وحش اووي كدا
وقرر أنه يبدأ من الصفر وأنه مش هيرجع لولاده الا لما يجيب البيت تاني ويكون الاب اللي يستاهل الكلمه دي
في البيت عند فريده
كانت قاعده لوحدها بتسترجع الزكريات
بتفتكر اللي حصلها من سنه وحياتها اللي اتغيرت ١٨٠درجه بسبب جوزها وصحبتها عاشت مع ولادها ومع ابنها اللي كان بار بيها وفعلا دا احسن عوض ليها في الدنيا ربنا مخذلهاش بعد اللي حصلها
دلوقتي يحيي بيتعلم وبيشتغل وبيجيب أعلى درجات كمان وابتدى يبقى شاطر في شغله ومصنع يحيي بدأ يقف على رجله ويحيي معاه لحظه بلحظه
هى مبسوطه بقرب يحيي منه لأنه بيعلمه حاجات كتير اللي المفروض كان أبوه يعلمهاله !
صباح الخير يا امى اي مصحيكي بدري كدا
صباح الفل يا قلب امك مفيش بسيدي كالعاده فارس بيحب يصبح ويمسي
يحيي قرب من فارس اللي كبر وبقى عنده سنه وشهرين وبدا يتكلم بس اول لما بدا يتكلم قال يحيي وماما
مهو مفيش بابا علشان يشوفه ويحسه وكان دائما يشاور على يحيي ويقوله يا بابا
احساس جميل لما يكون الاخ اب كمان دا في حال لما يكون هوا قايم بواجبات الاب وزياده كمان
قرب من فارس
صباح الخير يا شقي افندي
فارس وهوا بيبصله بضحكه بريئه ملائكيه تاخدك وتروح بيك عالم تاني
رد عليه بكلام مش مفهوم وفي آخرها باباكأنه بيقوله صباح النور يا بابا
يحيي ضحك من قلبه وسابه
ودخل على اوضه نور اللي كانت نايمه في سابع نومه اه ما النهارده اجازه بقى والجميل حقه يتدلع
نور
نور نومها ثقيل جدا يعني لو الدنيا كلها اتهدت واتبنت مش هتصحي
يحيي ضحك بخبث وقال يعمل فيها مقلب
راح جاب فارس ومسك أيده وبقى يلعب في رجل نور وفارس كان بيضحك اوووي يحيي عارف أن الحركه دي بتضايقها بس عارف برضو أنها اللي هتصحيها
نور فضلت تتقلب وقامت صړخت وفارس ويحيي بيضحكوا جامد
تصدق انك رخم
—
يا يحيي
انتى اللي نومك تقيل والنهارده اچازه عاوزين نلحق اليوم من أوله عالبحر
اممممم ماشي بس شرط
طبعا هناخدها معانا
يحيي كان قصده على آليا اللي في كل خروجه ولا فسحه لازم نور تشرط انها تيجي معاهم هوا الصراحه بيحبها وبيحب براءتها اللي مش متناسبه خالص مع أخته!
ايوا لان نور شقيه جدا وډمها خفيف
راحوا عالبحر وقضوا اليوم وكانو فرحانين جدا ولعبوا كتير وكان معاهم آليا وأخوها امير اللي كان اصغر من يحيي بسنتين بس بس يحيي بيعتبره اخوه الصغير وبيحبه جدا
كان يحيي الكبير بيتمشى عالبحر وشاف فريده قاعده وبصه عالبحر كل لما يشوفها بالحزن دا پيلعن غباء حسن وبيقول ربنا يسامحه عاللي عمله فيها دا هوا لسه بيحبها بس ولادها مش هيتقبلوه ويحيي نفسه ممكن يخسره وهوا بيعتبره ابنه واكتر لكن بيفضل السكوت ويحتفظ بحبه دا لأنها ممكن متقبلهوش ويبقى خسرهم للابد
مرت الايام والسنين والشهور ويحيي في نجاح وتقدم والمصنع كبر وبقى شركه صغيره
خلى يحيي شريك معاه ودا لكفأته وكمان يحيي ساعده كتير وكمان بدخول يحيي الهندسه يستحق أنه يكون شريك معاه
وحسن السنين اللي فاتت دي كلها فضل يدور على شغل وحياته اټدمرت اكتر كل يوم كان بيأجل أنه يروح لولاده لحد ما فات الاوان
وفريده أحزانها اتداوت وهى كل يوم بتشوف نجاح ولادها وابنها اللي لسه متمش ٢٠سنه ماسك شركه وبيديرها وولادها بيكبروا قدام عينيها
فرحانه جدا انها قدرت لوحدها توصل وتوصل ولادها أو معني اصح ابنها اللي وصلها الاحساس دا بنجاحه وتفوقه
يحيي كبر وحقق حلمه ودا فضل وقوف يحيي جنبه ووصل وسعى وزاكر ودخل الكليه اللي بيحبك بيها واللي بيها هيحقق كل أحلامه وهيعمل المستشفى ويبقى رجل اعمال كبير
وفي يوم في الشركه
دخل يحيي الصغير على يحيي الكبير
عمو يحيي محتاج أمضه حضرتك عالمناقصه دي
مروحتش الكليه لي النهارده
مش مهم الشغل اهم
من امتى والشغل اهم من الدراسه بص يا يحيي السبب في وصولنا هنا دلوقتي هوا نجاحنا وتفوقنا والسبب في مكانتك دي هوا اصرارك على حلمك وتميزك واانا بساعدك بشتى الطرق فخليك دائما محافظ على نجاحك دا متأثرش فيه
حاضر والله مش هأثر ومتقلقش احم انا قدها
امال يا بطل انت يحيي باشا
مش اووي كدا بس قريب ناخد بس المناقصه دي والشركه دي هتتنقل مكان تاني خالص وممكن نفتح فرع في القاهره كمان
يا شيخ اي الاحلام دا
انت مش حضرتك قولت مفيش مستحيل سيبني احلم علشان الاقى حاجه اسعالها واحققها
اه صحيح روحت جبت نور من المدرسه
لا لسه هروح اهه
مش عارف اي غيتها انها تروح المدرسه البعيده دي
علشان آليا معاها يعني تبقى لوحدها
مش عارف انا اي آليا دي معاها في كل حاجه كلت عقلها
يحيي غمزله
كلت عقلها هي وبس
يحيي تتوتر
احم انا ماشي
مسيرك تقع بلسانك وساعتها انا مش هبقى مسئول
يحيي خرج من المكتب هوا للدرجه دي باين عليه بس هوا خاېف ليتكرر اللي حصل زمان تاني!
أو أبوه يظهر في اي وقت في حسابات كتير هتتفتح هوا دلوقتي كبر ومستعد لاي مواجهه بس مواجهه اي وهوا عشر سنين ومسألش عنهم حتى هه وشكله مش هيسأل خالص هتلاقيه دلوقتى مبسوط مع مراته!
على الناحيه التانيه
حسن شكله كبر خالص بقى اكبر من سنه بان عليه العجز والكبر الدنيا لفت ودارت بيه وهوا لسه على هذا الحال
كان شغال في ورشه صغيره عند ناس
انت يا زفت ياللي اسمك حسن
نعم يا بيه
انا مش قولت تكنس قدام المحل وترش ميه ولا انا كلامى مبيتسمعش
انا حاضر حاضر هعمل كدا
طيب غور من وشي كتك القرف
وزقه ووقع برا المحل عنيه جت قدامه وكانت واحده واقفه واټصدم لما شافها
معقول هي دي
اللي دمرته وډمرت حياته وخلته عاجز عن اي حاجه مفيش حتي عياله ومراته مش عارف يوريهم وشه
قام وقف قدامها وهي واقفه بكل برود طبعا كلنا عارفين مين دي
احلام اللي حسن باع مراته علشانها اللي ساب كل حاجه وراحلها اللي خدت فلوسه ومشيت ومعاها بنته اللي الله اعلم شكلها عامل ازاي دلوقتي
انتى
ايوا انا يا يا حسن يااااه عالزمن بقى انت تبقى هنا
محدش بيتعلم من الدنيا ببلاش وللاسف اكبر قلم خدته كان من الشخص اللي امنتله
طيب متبقاش تآمن لحد تاني ههههههههيييي سي متولي
ودخلت المحل وراحت ناحيه الراجل اللي مشغله واللي كانت صډمه بالنسبه ليه انها اتچوزت الراجل دا اللي هوا مشغله أو بمعني اصح بيذله
وقف وهوا مش مستوعب اي حاجه
ومتولى اتكلمانت ياض هتفضل متنح كدا متغور تكنس المكان
في الوقت دا حسن ساب كل حاجه من أيده ومشي هوا مش هيسمح أن كرامته اتهام اكتر من كدا هوا خمسين سنه ومش عاوز يضيع عمره تاني لازم يروح لأولاده لازم يعتذر ليهم هوا عمره بيضيع زي ما حياته ضاعت وندمان على كل دا
ومر اسبوع مرور الكرام بدون أي أحداث تذكر
صباح الخير يا ست الحبايب
صباح الفل يا نور عيني
الله الله عيني عينك كدا
عوزا اي يا بت
يحيي حبيب قلبي عامل اي يا راجل وحشتني بقالك فتره مختفي
يشيخه امال مين اللي جايبه امبارح من المدرسه ومين اللي لففني علشان نشاطات المدرسه بتاعته دي وسهرتيني معاكى
الا انت عاوز تدخل هندسه ببلاش وبعدين يا برنس دا مش ليا لوحدي
يشيخه
نور بغمزهاه المزه معايا
مزه اي
المزه اللي انت عينك منها ومش راضي تقول على فكره انت مكشوف اوووي وعينك ڤضحاك
يشيخه
ها ها دانا بهزر يا برنس دانت مش بتحبها ولا معجب بيها ولا عينك بتطلع قلوب خالص لما تشوفها مفيش الكلام دا عيب عليك
انتي عارفه يا نور لو اتكلمتي تاني في الموضوع دا هعمل فيكي اي
اي
هشويكي بدل اللحمه انتي فاهمه
حاضر حاضر
يلا ادخلى البسي ولمي شعرك تحت الطرحه كويس علشان مزعلكيش
انا مالى هوا اللي بيتزحلق
لا يحبيبتي لميه كدا عدل اشمعنا آليا شعرها مش بيزحلق
هوا حقيقي الكلام اللي نور بتقوله دا
لا يا امي مفيش الكلام دا دي نور مجنونه انتى عارفه تفاهتها
بس اكيد في حاجه
ها انا هنزل يا امى عوزا حاجه
اتهرب اتهرب
يحيي ابتسملها وخرج من الشقه ونزل
كان منتظر الاسانسير
ومسك الفون يلعب فيه شويه وحس أنه هيستني كتير
وبعدين قام الاسانسير فتح وشافها وهي واقفه
مش انسان عادي دا ملاك بحجابها وبالزي الرسمي بتاع المدرسه وعيونها العسلي الفاتح ووجهها الملائكى يحيي يصلها
هي بصتله وابتسمت كعادتها
ازيك يا ابيه يحيي
دائما متعوده تقوله أبيه دي
ازيك يا آليا عامله اي
يحيي في
الوقت دا كان قلبه بيدق فرحه وسعاده فرحان أنه شافها هوا اه بيشوفها كل يوم بس كل يوم كأنه اول مره يشوفها
الحمد لله هى نور جوا
اه يستي ادخليلها وانا هنزل استناكوا تحت متتاخروش
حاضر
يحيي ابتسملها ونزل
آليا خبطت وفريده فتحتلها
اتفضلي يا بنتي
آليا دخلت
طبعا نور لسه بتلبس
ودخلت الأوضه عندها لقتها بتلف الطرحه اللي مش عارفه تداري شعرها ازاي وفي نفس الوقت خاېفه من يحيي ليشويها
مالك مش عارفه تلفي الطرحه كدا
اصل يستي ابيه يحيي قالي لو شعرايه طلعت مني هيشويني
ههههههههه احسن والله ابيه يحيي دا جدع
نور بصتلها من المرايه بخبث
جدع بس
امممم وقمر وعسل وسكر وكل حاجه حلوه متقدريش تتخيلي يا نور انا بحبه قد اي من وانا صغيره كبرت على صورته في خيالي
يبت يا چامده على الله هوا بس يحس بكل دا اصل هوا اخويا وانا عارفاه
لا هيحس انا عارفه ربنا مش هيخذلني ابدا انا دائما يدعى ربنا في كل صلاه أنه يكون ليا
ان شاء الله يختي يلا بقى علشان واقفلنا تحت
سلام يا ماما
سلام يا طنط
سلام يا ولاد حلو
بالكواا من نفسكوا
حاضر
ونزلوا وركبوا مع يحيي ومشيوا ولا يخلو الطريق من افهات نور على حبه تلميحات منها وډمها الخفيف اللي بيعطى بهجه للمكان
فريده كانت قاعده بتسمع ام كلثوم وبتشرب قهوه وبتمارس هوايتها المفضله التريكوه
وفي الوقت دا الجرس رن
يا تري مين العيال كلهم مشيوا حتى فارس راح المدرسه
يارب سترك وعفوك
فتحت الباب واتفاجئت
فريده كانت قاعده بتسمع ام كلثوم وبتشرب قهوه وبتمارس هوايتها المفضله التريكوه
وفي الوقت دا الجرس رن
يا تري مين العيال كلهم مشيوا حتى فارس راح المدرسه
يارب سترك وعفوك
فتحت الباب واتفاجئت لما شافت
حسن!
ازيك يا فريده عامله اي
اي اللي جابك جيت لي يا حسن بعد السنين دي كلها
جاى ندمان وعاوز ارجع زي مانتى شايفه اتعاقبت على كل حاجه عملتها فيكي زمان
مش هينفع يا حسن انا هنت عليك وولادك هانوا عليك يحيي اللي كان عشر سنين اشتغل علشان يصرف عليا وعلى اخواته اللي المفروض اللي في سنه بيكونوا بيلعبوا وعايشين طفولتهم لكن انت حكمت عليه أنه ميعشش زي باقي الناس وأنه يشتغل علشان انانيتك وجشعك
متحكميش عليا يا فريده انا راجع ندمان بجد انا اسف على كل حاجه حصلت فريده انا تعبت جدا في حياتى اټدمرت واتعاقبت خسړت كل حاجه كل اللي بنيته اتهد وحاولت ارجع كل حاجه بس مفيش حاجه رجعت وجتلك على امل انى ارجع جزء من اللي ضاع
جزء!!
جزء اي يا حسن انت شايف نفسك بقيت عامل ازاي انا معرفتكش بس عارف انا فرحانه انك حصل فيك كدا علشان انت رمتني وانا حامل في الشهر الأخير كان اى ذنب فارس أنه يتربى وهوا مش عارف هوا ليه اب ولا لا بس عارف انت عملت حاجه حلوة جدا ودي اللي ممكن اشكرك عليها انك جبت من ضلعك يحيي اللي هوا اكبر مكافأه ليا فعلا احسن حاجه انت عملتها بجد شكرا وكمان شكرا على انك عرفتني حاجه مهمه جدا أن المفروض الواحد ميضحيش باي جزء من حياته أو كرامته علشان اي حد حتى لو كان بيحبه ولو سمحت انا مش عوزا اشوفك تاني واتفضل ارجع مطرح ما جيت
روح لاحلام اللي انا متأكده انها اول واحده اتخلت عنك اتفضل من غير مطرود
حسن حس أن خلاص مفيش اي امل مش معقول دي فريده زي مبيقولوا الزمن قواها هوا بقاله عشر سنين بعيد وعاوز يرجع تاني ازاي فات الاوان ايوا فات الاوان بس اكيد في امل انو يرجعها ويرجع لعياله ويحيي ويشوف فارس اللي مشافهوش خالص ونور ولاده عاوز يشوفهم يااااه اول مره يحس بمراره الدنيا كدا حقيقي هوا اتعلم وكتير اووي بس بعد فوات الاوان
حسن بدموعفريده متبقيش قاسيه متقسيش عليا متبقيش زيي خليكي انتى الاحسن
حسن انا مش هقدر اعمل اللي انت عاوزوا دا مش هقدر ارجع كفايه اللي انت عملته زمان انا اتعلمت كتير بسببك وعانيت كتير برضو بسببك مش هقدر أضحي تاني للاسف انت متستاهلش
وقفلت الباب في وشه
هوا بقى واقف مصډوم من كل اللي حصله وبيحصله دا مكنش متخيل أن فريده تبقى بالقسۏة دي بس عندها حق هوا السبب هوا اللي عمل كل دا هوا اللي
—